ശബരിമല സ്വർണക്കൊള്ള വിഷയം പാർലമെന്റിൽ സജീവമായി ഉന്നയിക്കാനുള്ള നീക്കത്തിലാണ് യുഡിഎഫ്. ഇതിന്റെ ഭാഗമായി യുഡിഎഫ് എംപിമാർ ഇന്ന് രാവിലെ 10.30ന് പാർലമെന്റ് കവാടത്തിന് മുന്നിൽ പ്രതിഷേധം സംഘടിപ്പിക്കും. ആന്റോ ആന്റണി എംപിയുടെ നേതൃത്വത്തിലായിരിക്കും പ്രതിഷേധം.

കോടതി മേൽനോട്ടത്തിൽ കേന്ദ്ര ഏജൻസിയുടെ അന്വേഷണം ആവശ്യപ്പെട്ടാണ് പ്രതിഷേധമെന്ന് ആന്റോ ആന്റണി എംപി വ്യക്തമാക്കി. അന്വേഷണത്തിൽ പലവിധ തടസ്സങ്ങൾ നേരിടുന്നുണ്ടെന്നും സമഗ്രമായ അന്വേഷണം അനിവാര്യമാണെന്നും അദ്ദേഹം പറഞ്ഞു. “ഇപ്പോൾ പുറത്തുവന്നത് മഞ്ഞുമലയുടെ ഒരറ്റം മാത്രമാണ്,” എന്നും ആന്റോ ആന്റണി കൂട്ടിച്ചേർത്തു.

കേസിൽ പ്രത്യേക അന്വേഷണ സംഘത്തിന് മുന്നിൽ മുൻ പ്രതിപക്ഷ നേതാവ് രമേശ് ചെന്നിത്തല ഇന്നലെ മൊഴി നൽകി. സ്വർണക്കൊള്ളയിൽ പുരാവസ്തു കള്ളക്കടത്ത് സംഘങ്ങൾക്ക് ബന്ധമുണ്ടെന്ന ആരോപണത്തെ തുടർന്നാണ് അദ്ദേഹം ഈഞ്ചക്കലിലെ ക്രൈംബ്രാഞ്ച് ഓഫീസിലെത്തി മൊഴി നൽകിയത്. തനിക്കറിയാവുന്ന വിവരങ്ങൾ അന്വേഷണ സംഘവുമായി പങ്കുവെച്ചതായും രമേശ് ചെന്നിത്തല പ്രതികരിച്ചു.

സ്വര്‍ണം പൊതിഞ്ഞ കട്ടിളപ്പാളിയെ രേഖകളില്‍ ചെമ്പാക്കിയത് അന്ന് ദേവസ്വം കമ്മിഷണറായിരുന്ന എന്‍.വാസുവാണെന്നു കണ്ടെത്തിയിട്ടും പാര്‍ട്ടിക്കും മുഖ്യമന്ത്രിക്കും വേണ്ടപ്പെട്ടയാള്‍ എന്ന ആനുകൂല്യമുള്ളതിനാല്‍ വാസുവിനെ തൊടാന്‍ അന്വേഷണ സംഘം ഭയന്നിരുന്നു. വാസു മനസു തുറന്നാല്‍ സി.പി.എമ്മും സര്‍ക്കാരും പ്രതിസന്ധിയിലാകുമെന്ന് ഉറപ്പാ ണ്. അതുകൊണ്ടുതന്നെ വാസുവിനെ സംരക്ഷിക്കാന്‍ പാര്‍ട്ടിയും സര്‍ക്കാരും കിണഞ്ഞു പരിശ്രമിച്ചു. എന്നാല്‍ കോടതി എല്ലാം നിരീക്ഷിക്കുന്നതും തിരഞ്ഞെടുപ്പിന് തൊട്ടുമുമ്പ് അറസ്റ്റ് അനിവാര്യമാകുകയും ചെയ്താല്‍ ഉണ്ടായേക്കാവുന്ന മാനഹാനിയും ഭയന്നാണ് അറസ്റ്റ് നേ രത്തെയാക്കിയത്.

പി.എം.ശ്രീയും വെന്റിലേറ്ററിലായ ആരോഗ്യമേഖലയും ഉള്‍പ്പെടെ സമകാലിക രാഷ്ട്രീയ സാ ഹചര്യങ്ങള്‍ ഒട്ടും അനുകൂലമല്ലാത്തതിനാലായിരുന്നു വാഗ്ദാന പെരുമഴയുമായി ഇടത് സര്‍ക്കാര്‍ തദ്ദേശ പോരിനിറങ്ങിയത്. എന്നാല്‍ മുഖ്യമന്ത്രി പിണറായി വിജയന്റെ വിശ്വസ്തനായ വാസു പിടിക്കപ്പെട്ടതോടെ, പടക്കളത്തിലേക്ക് ആയുധമില്ലാതെ അണികളെ ആട്ടിയിറക്കേണ്ട അവസ്ഥ യിലാണ് സി.പി.എം. സ്വര്‍ണക്കൊള്ളയില്‍ ജനങ്ങളെയും അണികളെയും ബോധ്യപ്പെടുത്താനുതകുന്ന ഒരു വിശദീകരണവും സി.പി.എം നേതൃത്വത്തിനില്ല.

2019ലെ സ്വര്‍ണ്ണം പൂശലുമായി ബന്ധപ്പെട്ട് രേഖകളില്‍ കൃത്രിമം നടത്തിയത് പോലെ 2025 ലെ ദ്വാരപാലക ശില്‍പ്പത്തില്‍ സ്വര്‍ണം പൂശാന്‍ കൊണ്ടുപോയതിലും ക്രിമിനല്‍ ഗൂഢാലോചന നടന്നിട്ടുണ്ട്. ഈ സാഹചര്യത്തില്‍ വാസുവില്‍ മാത്രം അറസ്റ്റ് ഒതുങ്ങില്ല. സര്‍ക്കാരിന്റെ അറിവോടെ നടന്ന തട്ടിപ്പിന്റെ നേട്ടം സര്‍ക്കാരിലെ പലര്‍ക്കും കിട്ടിയിട്ടുണ്ട്. അതായത് പാര്‍ട്ടിക്ക് വേണ്ടപ്പെട്ടവര്‍ ഇ നിയും കേസില്‍ കുടുങ്ങുമെന്ന് ഉറപ്പ.് അതുകൊണ്ടുതന്നെ ഭരണ നേട്ടങ്ങളെന്നും ഉയര്‍ത്തിക്കാട്ടാന്‍ ഒന്നുമില്ലാത്ത സര്‍ക്കാരിനും ഇടതുമുന്നണിക്കും തിരഞ്ഞെടുപ്പ് രംഗത്ത് പിടിച്ചു നില്‍ക്കാന്‍ നന്നേ വിയര്‍പ്പൊഴുക്കേണ്ടിവരും. തിരഞ്ഞെടുപ്പിന്റെ പ്രധാന ചര്‍ച്ച വിഷയമായി ശബരിമല മാറുന്നത് സി.പി.എമ്മിനെ വല്ലാതെ ഭയപ്പെടുത്തുന്നുണ്ട്. ആചാരലംഘനം നടത്തി യുവതി പ്രവേശനത്തിന് വഴിയൊരുക്കിയത് തുടര്‍ന്നുവന്ന തിരഞ്ഞെടുപ്പില്‍ ഇടതിന് തിരിച്ചടിയായിരുന്നു. അതിനെക്കാള്‍ ഗുരുതരമാണ് അയ്യപ്പന്റെ സ്വര്‍ണം കവര്‍ന്നത്.