ദോഹ: ലോക ഫുട്‌ബോളിലെ വന്‍കിട താരങ്ങളായ ലയണല്‍ മെസ്സി, കിലിയന്‍ എംബാപ്പേ, നെയ്മര്‍, അഷ്‌റഫ് ഹക്കീമി ഉള്‍പ്പെടുന്ന പി.എസ്.ജി ടീം ദോഹയിലെത്തുന്നു. സഊദിഅറേബ്യയില്‍ നടക്കുന്ന സൗഹൃദ മത്സരത്തിന്റെ മുന്നോടിയായുള്ള പരിശീലനത്തിനാണ് ദോഹയിലെത്തുന്നതെന്ന് പാരിസ് സെന്റ് ജെര്‍മെയ്ന്‍ (പി.എസ്.ജി) അറിയിച്ചു. ഈ മാസം 18ന് ദോഹയില്‍ ഖലീഫ രാജ്യാന്തര സ്‌റ്റേഡിയത്തില്‍ പരിശീലനത്തിനിറങ്ങുന്ന ടീം ഖത്തറിലെ പ്രായോജകരുടെ പരിപാടികളിലും സാന്നിധ്യമറിയിക്കും.

ഖത്തര്‍ എയര്‍വേസ്, എക്കോര്‍ ലൈവ് ലിമിറ്റ്‌ലസ് (എ.എല്‍.എല്‍), ഖത്തര്‍ ടൂറിസം, ഖത്തര്‍ നാഷനല്‍ ബാങ്ക്, ഉരീദു, ആസ്‌പെറ്റാര്‍ തുടങ്ങിയവയാണ് ഖത്തറിലെ സ്‌പോണ്‍സര്‍മാര്‍. പിന്നീട് സഊദിഅറേബ്യയിലേക്ക് പറക്കുന്ന സംഘം 19ന് ടീം സൗദിയില്‍ അല്‍ ഹിലാല്‍ ക്ലബിലെയും അല്‍ നസ്ര് ക്ലബിലെയും താരങ്ങള്‍ അണിനിരക്കുന്ന ഓള്‍ സ്റ്റാര്‍ ഇലവനുമായി സൗഹൃദ മത്സരം കളിക്കും.

മെസ്സിയും നെയ്മറും എംബാപ്പെയുമുള്ള ടീമിനെതിരെ പോര്‍ച്ചുഗല്‍ സൂപ്പര്‍ സ്‌്രൈടക്കര്‍ ക്രിസ്റ്റ്യാനോ റൊണാള്‍ഡോ കളത്തിലിറങ്ങുന്ന മത്സരം കൂടിയാണിത്. ഇപ്പോള്‍ അല്‍നസ്ര്! ക്ലബ് താരമായ ക്രിസ്റ്റ്യാനോ റൊണാള്‍ഡോ മാഞ്ചസ്റ്റര്‍ യുനൈറ്റഡില്‍നിന്ന് പടിയിറങ്ങിയ ശേഷം ലോക റെക്കോര്‍ഡ് തുകക്കാണ് സൗദി ക്ലബിലെത്തിയത്. ഖത്തര്‍ ലോകകപ്പിന് ശേഷം ലോക താരങ്ങള്‍ അണിനിരക്കുന്ന ഈ മത്സരം ഇതിനകം ലോകശ്രദ്ധയാകര്‍ഷിച്ചിട്ടുണ്ട്.

ജനുവരി 19 വ്യാഴാഴ്ച വൈകീട്ട് റിയാദിലെ കിംഗ് ഫഹദ് സ്‌റ്റേഡിയത്തില്‍ നടക്കുന്ന സൗഹൃദ മത്സരത്തിന്റെ ടിക്കറ്റുകള്‍ ദിനങ്ങള്‍ മുമ്പു തന്നെ വിറ്റുതീര്‍ന്നു. 68,752 പേരെ ഉള്‍ക്കൊള്ളാനാവുന്ന സ്‌റ്റേഡിയമാണ് കിംഗ് ഫഹദ്. അതേസമയം ലോക ആരാധകര്‍ക്ക് കളി ലൈവായി ഓണ്‍ലൈനിലും ചാനലിലും കാണാനുള്ള സൗകര്യം സംഘാടകര്‍ ഒരുക്കിയിട്ടുണ്ട്. പി.എസ്.ജി ടിവി, പി.എസ്.ജി സോഷ്യല്‍ മീഡിയ, ബീന്‍ സ്‌പോര്‍ട്‌സ് നെറ്റ്‌വര്‍ക്ക് മുഖേനയും മത്സരം രാത്രി എട്ടിന് തത്സമയം സംപ്രേക്ഷണം ചെയ്യും. മത്സരത്തിനുപിന്നാലെ റിയാദില്‍നിന്ന് മെസ്സിയും സംഘവും പാരിസിലേക്ക് തിരിച്ചുപറക്കുമെന്ന് വാര്‍ത്താഏജന്‍സികള്‍ റിപ്പോര്‍ട്ട് ചെയ്തു.

https://www.instagram.com/p/BYGpmnUnY8z/

നെയ്മര്‍ തിരിച്ചുവന്നു എന്ന ക്യാപ്ഷനാണ് മെസി ഇന്‍സ്റ്റഗ്രാം പോസ്റ്റിന് നല്‍കിയത്. രസകരമായ ഒരു ഇമോജിയും താരം പങ്കുവെച്ചു. മെസിയെ കൂടാതെ നെയ്മറും സുവാരസും പിക്വെയും എല്ലാം നെയ്മര്‍ക്കും മറ്റൊരു പിഎസ്ജി താരം ഡാനി ആല്‍വസിനും ഒപ്പമുളള നിരവധി ചിത്രങ്ങള്‍ പങ്കുവെച്ചിട്ടുണ്ട്. നെയ്മര്‍ക്കെതിരെ ബാഴ്‌സ ബോര്‍ഡ് കടുത്ത നടപടി സ്വീകരിക്കും എന്ന് പ്രഖ്യാപിച്ചിരിക്കെ താരങ്ങള്‍ നെയ്മര്‍ക്കൊപ്പം സമയം ചെലവഴിച്ചതും അത് സോഷ്യല്‍ മീഡിയയിലൂടെ സ്വയം പരസ്യപ്പെടുത്തിയതും ബാഴ്‌സ മാനേജ്‌മെന്റിനെ പ്രകോപിപ്പിക്കുമെന്ന് തീര്‍ച്ചയാണ്. ആരാധകര്‍ക്കിടയില്‍ ലോകം മുഴുവന്‍ ബാഴ്‌സ മാനേജ്‌മെന്റിനെതിരെ പ്രതിഷേധം കനക്കുന്നതിനിടെയാണ് കളിക്കാരും ബാഴ്‌സ അധികൃതരെ കൈവിടുന്നതായ സൂചന പുറത്ത് വരുന്നത്.

അതെ സമയം കരാര്‍ ലംഘിച്ചതിന് നഷ്ടപരിഹാരം ആവശ്യപ്പെട്ട് നെയ്മറിനെതിരെ നിയമ നടപടിയുമായി മുന്നോട്ട് പോകും എന്ന ബാഴ്‌സയുടെ ഭീഷണിയെ പിഎസ്ജിയും തള്ളിപറഞ്ഞ് രംഗത്തെത്തി. ബാഴ്‌സയുടെ ഭീഷണി അത്ഭുതപ്പെടുത്തുന്നതായും നിയമങ്ങളും ചട്ടങ്ങളും എല്ലാം പാലിച്ച് കൊണ്ടാണ് പിഎസ്ജി നെയ്മറെ സ്വന്തമാക്കിയതെന്നും പിഎസ്ജി പുറത്തിറക്കിയ വാര്‍ത്ത കുറിപ്പില്‍ പറയുന്നു.

https://www.instagram.com/p/BYGuh6Pj4mc/

തന്റെ കൂടുമാറ്റത്തില്‍ പഴയ സഹപ്രവര്‍ത്തകര്‍ക്ക് അതിയായ ദുഖമുണ്ട്, ബാഴ്‌സയില്‍ നിരവധി സുഹൃത്തുക്കളുളളതിനാല്‍ തനിക്കും സങ്കടമുണ്ട്. ബാഴ്‌സ കരുത്ത് വീണ്ടെടുക്കുമെന്നാണ് പ്രതീക്ഷിക്കുന്നത്. താന്‍ ബാഴ്‌സയില്‍ നിന്ന് സന്തോഷകരമായ വിടവാങ്ങള്‍ പ്രതീക്ഷിച്ചിരുന്നുവെന്നും എന്നാല്‍ ബാഴ്‌സ ബോര്‍ഡിലെ ഒരാള്‍ പോലും തന്നോട് സംസാരിക്കാന്‍ വന്നില്ലെന്നും നെയ്മര്‍ പറയുന്നു. തനിക്ക് ചില കാര്യങ്ങള്‍ അവരുമായി പങ്കുവെക്കണെന്ന് ഉണ്ടായിരുന്നെന്നും നെയ്മര്‍ കൂട്ടിച്ചേര്‍ത്തു.
ബാഴ്‌സയില്‍ നിന്നും പിഎസ്ജിയിലേക്ക് മാറിയതിനു ശേഷം ആദ്യമായാണ് നെയ്മറുടെ പ്രതികരണം. നേരത്തെ നെയ്മറിനെതിരെ ബാഴ്‌സ പ്രസിഡന്റ് രംഗത്ത് വന്നിരുന്നു, ഒരാളും ബാഴ്‌സയേക്കാള്‍ വലുതല്ലെന്നും കൂറുള്ള കളിക്കാരെ മാത്രം ബാഴ്‌സയ്ക്ക് മതിയെന്നുമായിരുന്നു ബാഴ്‌സ പ്രസിഡന്റ് ജോസഫ് മരിയ ബാര്‍തമ്യൂ പ്രതികരിച്ചത്.

നെയ്മര്‍ പിഎസ്ജിയിലേക്ക് പോകുമെന്ന് അറിയാമായിരുന്നെന്നും അതിനാലാണ് കൈമാറ്റ തുകയ്ക്കായി വന്‍ തുക വെച്ചതെന്നും ബാഴ്‌സ പ്രസിഡന്റ് പറഞ്ഞിരുന്നു. 222 മില്യണ്‍ യൂറോയെന്ന റെക്കോര്‍ഡ് തുകയ്ക്കാണ് നെയ്മര്‍ ബാഴ്‌സലോണയില്‍ നിന്ന് പിഎസ്ജിയിലേക്ക് കൂറുമാറിയത്. ബാഴ്‌സ ആരാധകരുടെ കനത്ത പ്രതിഷേധം അവഗണിച്ചായിരുന്നു നെയ്മറുടെ വിടവാങ്ങല്‍.

അതേ സമയം കരാര്‍ ലംഘനമാരോപിച്ച് പി.എസ്.ജിയുടെ ബ്രസീലിയന്‍ താരം നെയ്മറിനെതിരെ ബാഴ്‌സലോണ 8.5 മില്യന്‍ യൂറോ നഷ്ടപരിഹാരമാരോപിച്ച് കേസ് നല്‍കാനൊരുങ്ങുന്നു. തങ്ങളുടെ താല്‍പര്യങ്ങള്‍ സംരക്ഷിക്കുന്നതിനായാണ് ബാഴ്‌സ ഇത്തരമൊരു തീരുമാനമെടുക്കുന്നതെന്നും 2021 വരെ നെയ്മര്‍ ക്ലബ്ബുമായി കരാറിലൊപ്പിട്ട് മാസങ്ങള്‍ക്കു ശേഷം അത് ലംഘിക്കുകയാണ് ചെയ്തതെന്നും ബാഴ്‌സലോണ പ്രസ്താവനയിലൂടെ അറിയിച്ചു.

ബാഴ്സ ആരാധരെ ഏറ്റവും കൂടുതല്‍ നിരാശരാക്കിയ സംഭവമായിരുന്നു നെയ്മറിന്റെ പി.എസ്.ജിയിലേക്കുള്ള കൂടുമാറ്റം. സങ്കടത്തോടെയാണ് ആ വാര്‍ത്ത ബാഴ്സ ആരാധകര്‍ ശ്രവിച്ചത്. ടീം മാറിയതിന്റെ സങ്കടം നെയ്മറിന്റെ മനസ്സിലുമുണ്ടായിരുന്നു. ബാഴ്സയിലെ ആരാധകരെ നെയ്മറിന് ഒരിക്കലും മറക്കാനാവില്ല. തനിക്ക് ബാഴ്സലോണയെന്ന നഗരത്തോട് എത്രത്തോളം സ്നേഹമുണ്ടെന്ന് ഫ്രഞ്ച് ലീഗില്‍ പി.എസ്.ജിക്ക് വേണ്ടി കളിത്തിലിറങ്ങിയപ്പോള്‍ നെയ്മര്‍ തെളിയിച്ചു.

മത്സരത്തില്‍ രണ്ട് ഗോള്‍ അടിക്കുകയും രണ്ട് ഗോളിന് വഴിയൊരുക്കുകയും ചെയ്തു നെയ്മര്‍. 222 മില്യണ്‍ യൂറോയെന്ന റെക്കോഡ് തുകയ്ക്ക് പി.എസ്.ജിയിലെത്തിയ നെയ്മര്‍ ഫ്രഞ്ച് ടീമിന്റെ പ്രതീക്ഷയ്ക്കൊത്ത പ്രകടനം തന്നെയാണ് പുറത്തെടുത്തത്.

പരിശീലനത്തിനിടെ നെയ്മറെ പിന്നില്‍ നിന്ന് നെല്‍സണ്‍ സെമദോ ടാക്ക്ള്‍ ചെയ്തതാണ് താരത്തെ ചൊടിപ്പിച്ചത്. ഇന്ന് മയാമിയില്‍ പ്രീസീസണ്‍ ടൂറിലുള്ള ബാഴ്‌സലോണ ടീമിന്റെ ട്രെയിനിങ്ങില്‍ ഉണ്ടായ കയ്യാംകളിയാണ് ഇപ്പോള്‍ ചര്‍ച്ചാ വിഷയമായിരിക്കുന്നത്.

The aftermath of Neymar's exchange with Nelson Semedo. Watch the full video here https://t.co/hBuMoGrmaX pic.twitter.com/bJK9itOSWd

— MailOnline Sport (@MailSport) July 28, 2017

നെയ്മര്‍ പ്രതികരിച്ചതോടെ ഇരുവരും തമ്മില്‍ കയ്യാങ്കളിയായി. സഹതാരങ്ങള്‍ ഇടപെട്ട് നെയ്മറെ മാറ്റുകയായിരുന്നു. മാറ്റിയിട്ടും സെമദോക്ക് നേരെ വീണ്ടും നെയ്മര്‍ തിരിയുന്നുണ്ട്. പിന്നാലെ അദ്ദേഹം കളം വിടുകയും ചെയ്തു. കളത്തില്‍ നിന്ന് പുറത്ത്‌പോകുമ്പോഴും താരത്തിന്റെ ചൂടന്‍ പെരുമാറ്റം കാണാമായിരുന്നു. റെക്കോര്‍ഡ് തുകയ്ക്കാണ് നെയ്മര്‍ പി.എസ്.ജിയിലേക്ക് പോവുന്നതെന്ന വാര്‍ത്തകള്‍ പ്രചരിക്കുന്നതിന് പിന്നാലെയാണ് പുതിയ താരവുമായുള്ള അടിപിടിയും പുറത്ത് വരുന്നത്.

ടീം മേറ്റ് നെല്‍സണ്‍ സെമേഡോയുമായി ഏറ്റുമുട്ടിയ നെയ്മറിനെ ടീം അംഗങ്ങള്‍ പിടിച്ചു മാറ്റുക ആയിരുന്നു. സോഷ്യല്‍ മീഡിയയില്‍ വൈറലായി മാറിയ വീഡിയോയില്‍ നെയ്മറും സെമേഡോയും ഏറ്റുമുട്ടുന്നതും സഹതാരങ്ങള്‍ ഇരുകളിക്കാരേയും പിടിച്ചുമാറ്റുന്നതും വ്യക്തമാകുന്നുണ്ട്. ഏറ്റുമുട്ടലിനു ശേഷം ട്രെയിങ് ക്യാമ്പ് വിട്ട നെയ്മര്‍ തന്റെ രോഷം ഗ്രൗണ്ട് വിട്ടു പോകുമ്പോള്‍ ഫുട്‌ബോള്‍ കിക്ക് ചെയ്ത് അകറ്റിയാണ് കാണിച്ചത്.