റോസ് ടെയ്‌ലറിനു പുറമേ ടോം ലഥാം(71), കെയിന്‍ വില്യംസണ്‍(45) എന്നിവരും മികച്ച പ്രകടനം പുറത്തെടുത്തു. രണ്ട് റണ്‍സിന് രണ്ട് വിക്കറ്റ് എന്ന നിലയില്‍ നിന്നാണ് കിവികള്‍ ഗംഭീര തിരിച്ചുവരവ് നടത്തിയത്. 147 പന്തില്‍ നിന്ന് 181 റണ്‍സ് നേടിയ ടെയ്‌ലര്‍ തന്റെ ഇന്നിംഗ്‌സില്‍ 17 ബൗണ്ടറിയും ആറ് പടുകൂറ്റന്‍ സിക്‌സുമാണ് നേടിയത്. ഹെന്റി നിക്കോളസ് 13 റണ്‍സ് നേടി പുറത്താകാതെ നിന്നു.

നേരത്തെ ആദ്യം ബാറ്റ് ചെയ്ത ഇംഗ്ലണ്ട് ജോണി ബെയര്‍ സ്‌റ്റോ(138) ജോ റൂട്ട്(102) എന്നിവരുടെ സെഞ്ച്വറി മികവില്‍ 9 വിക്കറ്റിന് 335 റണ്‍സ് അടിച്ചു കൂട്ടിയിരുന്നു. ജേസണ്‍ റോയ് 42 റണ്‍സ് നേടി. കിവീസിനായി ഇഷ് സോധി നാലും, ട്രെന്റ് ബൗള്‍ട്ട്, കോളിന്‍ മണ്‍റോ എന്നിവര്‍ രണ്ട് വീതം വിക്കറ്റും നേടി.

ന്യൂസിലാന്റ് ഉയര്‍ത്തിയ വിജയലക്ഷ്യം പിന്തുടര്‍ന്ന ഇംഗ്ലണ്ടിന് തുടക്കത്തിലെ തിരിച്ചടി നേരിട്ടു. രണ്ടാം ഓവറിലെ രണ്ടാം പന്തില്‍ ടിം സൗത്തി ജെയ്‌സണ്‍ റോയിയെ ട്രന്റ് ബോള്‍ട്ടിന്റെ കൈക്കളിലെത്തിച്ച് മടക്കി. എട്ടു റണ്‍സായിരുന്നു റോയിയുടെ സമ്പാദ്യം. എന്നാല്‍ 24 പന്തില്‍ 47 റണ്‍സെടുത്ത അലക്‌സ് ഹെയില്‍സും, 40 പന്തില്‍ 59 റണ്‍സെടുത്ത ദാവീദ് മലാനും ഇംഗ്ലണ്ടിന് വിജയ പ്രതീക്ഷ നല്‍കിയെങ്കിലും കൃത്യമായ ഇടവേളകളില്‍ വിക്കറ്റ് വീഴ്ത്തി കിവീ ബൗളര്‍മാര്‍ മികവ് കാട്ടിയപ്പോള്‍ ഇംഗ്ലണ്ട് പരാജയം സമ്മതിക്കുകയായിരുന്നു. ന്യൂസിലാന്റിനായി സാന്റ്‌നര്‍, ബോള്‍ട്ട്, സോദി എന്നിവര്‍ രണ്ടു വീതം വിക്കറ്റുകള്‍ വീഴ്ത്തി.

ആദ്യം ബാറ്റ് ചെയ്ത ന്യൂസിലാന്റിന് വേണ്ടി 46 പന്തില്‍ നാലു ഫോറിന്റേയും നാലു സിക്‌സിന്റേയും സഹായത്തോടെ 72 റണ്‍സാണ് നായകന്‍ വില്ല്യംസണ്‍ അടിച്ചുകൂട്ടിയത്.  ആറു ഫോറും മൂന്നു സിക്‌സിന്റെയും അകമ്പടിയോടെ 40 പന്തില്‍ 65 റണ്‍സ് ഗപ്റ്റിലും നേടിയതോടെ ന്യൂസിലാന്റ് മാന്യമായ സ്‌കോറില്‍ എത്തുകയായിരുന്നു. വില്ല്യംസണാണ് കളിയിലെ താരം.

ത്രിരാഷ്ട പരമ്പരയില്‍ ഇംഗ്ലണ്ടിനും ന്യൂസിലാന്റിനും പുറമേ ഓസ്‌ട്രേലിയയാണ് പങ്കെടുക്കുന്ന മൂന്നാമത്തെ ടീം. പരമ്പരയില്‍ കളിച്ച മൂന്ന് മത്സരങ്ങളും വിജയിച്ച ഓസ്‌ട്രേലിയയാണ് നിലവില്‍ പോയിന്റ് പട്ടികയില്‍ ഒന്നാമത്. ഇന്നത്തെ ജയത്തോടെ രണ്ടു കളികളില്‍ നിന്നായി ഒരു ജയവും ഒരു തോല്‍വിയുമുള്ള ന്യൂസിലാന്റ് രണ്ടാമതും, കളിച്ച മൂന്നു കളിയിലും തോല്‍വി പിണഞ്ഞ ഇംഗ്ലണ്ട് അവസാന സ്ഥാനത്തുമാണ്.