ഇക്കഴിഞ്ഞ ലോകകപ്പില്‍ 11 കളികളില്‍ നിന്നായി 535 റണ്‍സാണ് ഇടങ്കയ്യന്‍ ബാറ്ററായ വാര്‍ണര്‍ അടിച്ചുകൂട്ടിയത്. രണ്ട് സെഞ്ചറികളും ഒരര്‍ധ സെഞ്ചറിയും ഇതില്‍പ്പെടും. ഓസ്‌ട്രേലിയയുടെ കിരീടനേട്ടത്തില്‍ പങ്കാളിയാകാന്‍ സാധിച്ചതില്‍ സന്തോഷമുണ്ടെന്നും കുടുംബത്തിനൊപ്പം സമയം ചിലവഴിക്കാനാണ് താന്‍ ഇനി ആഗ്രഹിക്കുന്നതെന്നും വിരമിക്കല്‍ പ്രഖ്യാപിച്ച് സിഡ്‌നിയില്‍ നടത്തിയ വാര്‍ത്താ സമ്മേളനത്തില്‍ വാര്‍ണര്‍ പറഞ്ഞു. വാര്‍ണര്‍ക്കൊപ്പം തന്നെ സമൂഹമാധ്യമങ്ങളില്‍ പ്രശസ്തരാണ് ഭാര്യ കാന്‍ഡിസും പെണ്‍മക്കളായ ഐവിയും ഇസ്‌ലയും ഇന്‍ഡിയും.