ഒരാള്‍ക്ക് ആവശ്യമുള്ള ഘട്ടത്തിലാണ് സുഹൃത്തുക്കള്‍ കൂടെ നില്‍ക്കേണ്ടത്. എന്നാല്‍ തന്റെ പ്രതിസന്ധി ഘട്ടത്തില്‍ മഞ്ജു 100 ശതമാനം തന്നെ കൈവിട്ടു. ഒരു ദിവസം പോലും ഓടിയ സിനിമകള്‍ക്കായി രംഗത്തിറങ്ങുന്ന മഞ്ജു വാര്യര്‍ ഒടിയനായി ഇതുവരെ ഒരു ഫേസ്ബുക്ക് പോസ്റ്റ് പോലും ഇട്ടിട്ടില്ലെന്നും ശ്രീകുമാര്‍ മേനോന്‍ പറഞ്ഞു. ആരെയാണ് മഞ്ജു പേടിക്കുന്നതെന്നും ശ്രീകുമാര്‍ ചോദിച്ചു.

താന്‍ ചാനലുകള്‍ വഴി വിമര്‍ശനം ഉന്നയിച്ചതിന് ശേഷമാണ് മഞ്ജു ഒടിയനെക്കുറിച്ച് പോസ്റ്റിട്ടതെന്ന് ശ്രീകുമാര്‍ ചൂണ്ടിക്കാട്ടി. പിന്തുണക്കുന്നവരെ കൈവിടുന്ന സ്വഭാവമാണ് മഞ്ജുവിന്. ഇത് തിരുത്തണമെന്നും മഞ്ജു കാണിക്കുന്നത് നന്ദികേടാണെന്നും ശ്രീകുമാര്‍ മേനോന്‍ പറഞ്ഞു.

വനിതാ മതിലില്‍ നിന്ന് പിന്‍മാറിയത് തന്റെ അറിവില്ലായ്മ കൊണ്ടാണെന്നാണ് മഞ്ജു പറയുന്നത്. ഇതെല്ലാം കേള്‍ക്കുമ്പോള്‍ ആളുകള്‍ പരിഹസിക്കില്ലേയെന്ന് ശ്രീകുമാര്‍ ചോദിച്ചു. അപ്പോള്‍ ഇത്രയും കാലം അവര്‍ എല്ലാം കാട്ടിക്കൂട്ടുകയായിരുന്നോ?. വിമന്‍ ഇന്‍ സിനിമ കളക്ടീവുമായി ആദ്യം സഹകരിച്ച മഞ്ജു വാര്യര്‍ പിന്നീട് അതില്‍ നിന്നും മാറി നില്‍ക്കുന്നു. ഇത്തരത്തിലുള്ള മഞ്ജുവിന്റെ നിലപാട് മാറ്റം അവരുടെ വില കളയും. അവര്‍ ആരാണെന്നും അവരുടെ വില എന്താണെന്നും സ്വയം തിരിച്ചറിയുകയാണ് വേണ്ടത്. സോഷ്യല്‍ സ്റ്റാറ്റസ് നഷ്ടപ്പെടുന്നതിന് മുമ്പ് മഞ്ജു നിലപാട് തിരുത്തണമെന്നും ശ്രീകുമാര്‍ മേനോന്‍ പറഞ്ഞു.

ഏറെ ആകാംക്ഷയോടെ കാത്തിരുന്ന ചിത്രം ഇന്നാണ് റിലീസ് ചെയ്തത്. അതിനിടയില്‍ അപ്രതീക്ഷിതമായി ഹര്‍ത്താല്‍ പ്രഖ്യാപിച്ചപ്പോഴും സിനിമയുടെ റിലീസിനെ ഹര്‍ത്താലില്‍ നിന്നൊഴിവാക്കുകയായിരുന്നു. റിലീസിന് ശേഷം സിനിമയെക്കുറിച്ച് സമ്മിശ്ര പ്രതികരണങ്ങളാണ് പുറത്തുവരുന്നതാണ്. അതേസമയം, പ്രതീക്ഷിച്ചത്ര നിലവാരം പുലര്‍ത്തുന്നില്ലെന്ന് ആരാധകരില്‍ നിന്നുതന്നെ വിമര്‍ശനം ഉയരുകയായിരുന്നു. സംവിധായകന്‍ ശ്രീകുമാര്‍ മേനോന്റെ പേജില്‍ പലരീതിയിലുള്ള കമന്റുകളാണ് പ്രത്യക്ഷപ്പെടുന്നത്.

പാലക്കാട്ടെ ഒരു ഗ്രാമത്തിലെ കഥയാണ് ചിത്രത്തില്‍ പറയുന്നത്. ഒടിയനായി മോഹന്‍ലാല്‍ വേഷമിടുന്നത് കരിയറിലെ വിസ്മയമാവുമെന്നായിരുന്നു സിനിമാലോകത്തിലെ ചര്‍ച്ച.

കമന്റ്ുകളില്‍ ചിലത്.

‘ഈ 2 മിനിറ്റ് ഉള്ള പരസ്യം എടുക്കുന്നത് പോലെ അല്ല 2 മണിക്കൂര്‍ ഉള്ള സിനിമ എടുക്കുന്നത്….അത് ഇപ്പോഴെങ്കിലും മനസ്സിലായല്ലോ’

‘മുടിഞ്ഞ ഒടിയനേക്കാള്‍ ഭേദം ഹര്‍ത്താലാണെന്ന് പറഞ്ഞ് കേള്‍ക്കുന്നു..’

‘അങ്ങനെ ലാലേട്ടന് ഒരു പൊസിറ്റവ് ഏനര്‍ജി കിട്ടി. ഒടിയന്‍ അങ്ങനെ ഒളിവില്‍ പോകേണ്ട ഗതിയിലെത്തി.
ഹര്‍ത്താല്‍ ആയിട്ട് റൂമില്‍ ബോറടിച്ച് പണ്ടാരമടങ്ങിയിരുന്ന എനിക്ക് എന്റെ ഫ്രണ്ട് Jinesh K Prabhakar ആണ് താങ്കളുടെ പേജ് സജ്ജെസ്‌റ് ചെയ്തത് …. ഇപ്പൊ ബോറടിക്ക് നല്ല മാറ്റമുണ്ട് …. തേങ്ക്‌സ് മേനോന്‍ ചേട്ടാ …’

‘മിസ്റ്റര്‍ ശ്രീകുമാര്‍ മേനോന്‍…
മലയാളം രാജമൗലി യെ…. താങ്കള്‍ക്ക് പ്രഭാത വന്ദനം
രണ്ടാമൂഴത്തില്‍ തൊട്ടാല്‍ കേരള ജനത കൈതല്ലി ഒടിക്കും ഷുവര്‍.
ലാലേട്ടന്‍ എന്നത്തേയും പോലെ ക്ലാസ്സ് പെര്‍ഫോമെന്‍സ്..
താങ്കള്‍ക്ക് ഒരു മയത്തിലൊക്കെ തള്ളാമായിരുന്നു.’

ബി.ജെ.പി സമരപ്പന്തലിന് മുന്നില്‍ ആത്മഹത്യ ചെയ്ത തിരുവനന്തപുരം മുട്ടട സ്വദേശി വേണുഗോപാലന്‍ നായരുടെ പേരില്‍ ബിജെപി ഹര്‍ത്താലിന് ആഹ്വാനം ചെയ്ത സാഹചര്യത്തില്‍ ഒടിയന്റെ റിലീസ് സംശയത്തിലായിരുന്നു. ഇതിനിടെയാണ് ലാന്‍ ഫാന്‍സിന് ആവേശമായി ‘ഒടിയന്‍’ റിലീസിങ് ഉറപ്പിച്ച് അണിയറക്കാര്‍ രംഗത്തെത്തിയത്.

അതേസമയം മോഹന്‍ലാലിന്റെ ബിഗ് ബജറ്റ് ചിത്രമായ ‘ഒടിയന്‍’ റിലീസ് ചെയ്യുന്ന ഡിസംബര്‍ 14ന് സംസ്ഥാന വ്യാപകമായി ബിജെപി ഹര്‍ത്താല്‍ ആചരിക്കാന്‍ ആഹ്വാനം ചെയ്തതിന് എതിരായാണ് ലാല്‍ ഫാന്‍സ് രംഗത്തെത്തിയിരുന്നു.
ബി.ജെ.പി അവരുടെ ഔദ്യോഗിക ഫെയ്സ്ബുക് പേജില്‍ പുറത്തിവിട്ട ഹര്‍ത്താല്‍ ആഹ്വാന പോസ്റ്റിനെതിരെ അതിരുവിട്ട ഭാഷയിലാണ് ഫാന്‍സ് പ്രതിഷേധം അറിയിക്കുന്നത്.