രാഹുൽ മാങ്കൂട്ടം വിഷയത്തിൽ കോൺഗ്രസ് എടുത്ത നടപടി മാതൃകാപരം. മാധ്യമ വാർത്തയ്ക്ക് പിന്നാലെ നടപടി എടുത്തു. മറ്റ് പാർട്ടികൾക്ക് എവിടെയാണ് മാതൃകാപരമായ ഇടപെടൽ ആണ് നടന്നത്. ഈ വിഷയത്തിൽ കൃത്യമായ വിശദീകരണം പാർട്ടി നടത്തിയിട്ടുണ്ടെന്നും ജനീഷ് വ്യക്തമാക്കി.

ഒരാളും മുഖ്യമന്ത്രിയുടെ വാർത്താ സമ്മേളനം പോലെ സമയം കഴിഞ്ഞു എന്ന് പറഞ്ഞ് എഴുന്നേറ്റ് പോകുന്നില്ല. ഇന്നലെ KPCC പ്രസിഡൻ്റിന് ഒരു പരാതി ലഭിച്ചു. അത് DGP ക്ക് കൈമാറുകയാണ് ചെയ്തത്. പാർട്ടിയുടെ നിലപാടിനപ്പുറം യൂത്ത് കോൺഗ്രസിന് അഭിപ്രായം പറയാനില്ല. ഫെനിക്കെതിരെ ഇപ്പോഴുള്ളത് ആരോപണമാണ്. വോട്ടർമാരോടുള്ള വിശദീകരണം ഫെനി തന്നെ നൽകിയിട്ടുണ്ടെന്നും ജനീഷ് കൂട്ടിച്ചേർത്തു.

ഫ്രഷ് കട്ട് സമരത്തിൽ ഇതേ പൊലീസ് മേധാവി കടന്നു ചെന്നപ്പോഴാണ് ക്രൂരമായ അക്രമം നടന്നത്.. ഫ്രഷ് കട്ടിനെതിരെ നടക്കുന്നത് ന്യായമായ സമരം, യൂത്ത് കോൺഗ്രസ് സമരസമിതിക്കൊപ്പം. സ്ത്രീകൾക്കെതിരെ പോലും പൊലീസ് അതിക്രമം ഉണ്ടാകുന്നു. കുട്ടികളെ പോലും വഴിയിൽ തടഞ്ഞു നിർത്തുകയാണ് പൊലീസ്.

എസ്.പി.ബൈജുവിന് പരിക്ക് പറ്റിയത് സ്ട്രക്ച്ചർ മുഖത്ത് കൊണ്ട്. അല്ലാതെ ജനങ്ങൾ അക്രമം നടത്തിയിട്ടല്ലെന്നും ജെനീഷ് പറഞ്ഞു. യൂണിഫോം ധരിക്കുമ്പോൾ എതിരിൽ കാണുന്ന ജനങ്ങളെ റൂറൽ എസ്.പിക്ക് ശത്രുക്കളായി കാണുന്നു. കെ.ഇ.ബൈജു നിരന്തരമായി പ്രശ്നങ്ങളുണ്ടാക്കുന്നു. ഐ.ജിയും ജനങ്ങളെ വേട്ടയാടാൻ ഇടപെട്ടു.

ബോംബ് നിർമ്മാണത്തിനിടെ കൊല്ലപ്പെട്ട ഷെറിൻ ഡിവൈഎഫ്ഐക്ക് ഇപ്പോൾ രക്തസാക്ഷിയായി. ഷെറിനൊപ്പം ഉള്ള ഫോട്ടോ പുറത്ത് വന്നപ്പോൾ അതിനെ കെ.കെ.ശൈലജ ടീച്ചർ തള്ളിപ്പറഞ്ഞിരുന്നു. ഇപ്പോൾ അതിനെ കുറിച്ചുള്ള നിലപാട് എന്താണ് എന്നും ജെനീഷ് ചോദിച്ചു.

എംപിയെ തല്ലുന്ന സാഹചര്യം സംസ്ഥാനത്തുണ്ടായി. പൊലീസ് നടത്തുന്നത് പ്രതികാര നടപടി. എല്ലാകാലത്തും പിണറായി വിജയൻ മുഖ്യമന്ത്രിയായിരിക്കില്ല. ഇത് പൊലീസ് മനസ്സിലാക്കണം. പൊലീസ് ദാസ്യപ്പണി അവസാനിപ്പിക്കണമെന്നും ജനീഷ് ആവശ്യപ്പെട്ടു.

അബിൻ വർക്കി പറഞ്ഞത് സംസ്ഥാന ഘടകത്തിൽ പ്രവർത്തിക്കണമെന്ന് ആവശ്യം മാത്രമാണ്. യൂത്ത് കോൺഗ്രസ് പുനസംഘടനയിൽ പ്രശ്നങ്ങളില്ല. നേതാക്കൾക്ക് ഒരു തരത്തിലുള്ള അതൃപ്ത്തിയുമില്ല. പ്രശ്നങ്ങളുണ്ടെങ്കിൽ പാർട്ടി നേതൃത്വം ഇടപെട്ട് പരിശോധിക്കും.

സംഘടനക്കുള്ളിൽ ഒരു അഭിപ്രായ ഭിന്നതയുമില്ല. നേതാക്കൾ ഇടപെട്ട് കൂട്ടായ തീരുമാനത്തിലാണ് നിയമനം. അബിൻ പാർട്ടിവിരുദ്ധമായി ഒന്നും പറഞ്ഞിട്ടില്ല. അബിൻ പറഞ്ഞത് സംസ്ഥാന ഘടകത്തിൽ പ്രവർത്തിക്കണം എന്ന് ആവശ്യം മാത്രം. യൂത്ത് കോൺഗ്രസ് പുന സംഘടനയിൽ പ്രശ്നങ്ങൾ ഒന്നും ഇല്ലെന്നും ഒ ജെ ജനീഷ് വ്യക്തമാക്കി.