oldman – Chandrika Daily

സൗദിയില്‍ മര്‍ച്ചന്റ് നേവി ജോലി വാഗ്ദാനം; 27കാരന്‍ അറസ്റ്റില്‍

webdesk17 — Wed, 03 Dec 2025 09:36:54 +0000

ഷൊര്‍ണ്ണൂര്‍: സൗദിയില്‍ മര്‍ച്ചന്റ് നേവിയില്‍ ജോലി ലഭ്യമാക്കാമെന്ന് പറഞ്ഞ് വന്‍തുക തട്ടിയ കേസില്‍ 27കാരനായ ആദര്‍ശിനെ ഷൊര്‍ണ്ണൂര്‍ പൊലീസ് അറസ്റ്റ് ചെയ്തു. കൊല്ലം വടമണ്‍ തെക്കേക്കര സ്വദേശിയാണ് പ്രതി. മേയ്, സെപ്റ്റംബര്‍ മാസങ്ങളിലായി വടനക്കുറിശ്ശി സ്വദേശിയില്‍ നിന്നു 3,85,000 രൂപയാണ് തട്ടിയെടുത്തത്.

ജോലി ലഭിക്കാതെയും പണം തിരികെ നല്‍കാതെയും വന്നതിനെ തുടര്‍ന്ന് പരാതിക്കാരി പൊലീസിനെ സമീപിക്കുകയായിരുന്നു. ഇതേ സ്വഭാവത്തിലുള്ള മറ്റൊരു കേസില്‍ കണ്ണൂര്‍ ആറളം പൊലീസ് സ്റ്റേഷനിലും ആദര്‍ശിനെതിരെ കേസ് നിലവിലുണ്ട്. കൂടുതല്‍ പരാതികളും ലഭിച്ചുവരുന്നുവെന്ന് പൊലീസ് അറിയിച്ചു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

അട്ടപ്പാടിയില്‍ വൃദ്ധനെ കാട്ടാന ചവിട്ടുക്കൊന്നു

webdesk13 — Mon, 24 Apr 2023 05:52:46 +0000

പാലക്കാട് അട്ടപ്പാടി തേക്കുപ്പനയില്‍ വൃദ്ധനെ കാട്ടാന ചവിട്ടിക്കൊന്നു. തേക്കുപ്പന ഊരിലെ ബപ്പയ്യന്‍ എന്ന ശങ്കന്‍ (70) ആണ് മരിച്ചത്. ഞായാറാഴ്ച വൈകീട്ടാണ് സംഭവം.

പഞ്ചക്കാട്ടില്‍ ആടിനെ മേയ്ക്കാന്‍ പോയതായിരുന്നു രങ്കന്‍. തിരിച്ചെത്താത്തതിനെ തുടര്‍ന്ന് നടത്തിയ അന്വേഷണത്തിലാണ് ആന ചവിട്ടിക്കൊന്ന നിലയില്‍ ഇദ്ദേഹത്തെ കണ്ടെത്തിയത്. പൊലീസും വനംവകുപ്പും സ്ഥലത്തേക്ക് തിരിച്ചിട്ടുണ്ട്.

കൊച്ചിയില്‍ 70 കാരന്‍ മരിച്ചു, മരണം വിഷപ്പുക ശ്വസിച്ചെന്ന് കുടുംബം

webdesk14 — Mon, 13 Mar 2023 10:25:25 +0000

കൊച്ചി: വാഴക്കാലയില്‍ എഴുപതുകാരന്‍ മരിച്ചത് വിഷപ്പുക ശ്വസിച്ചെന്ന് കുടുംബം. വാഴക്കാല സ്വദേശി ലോറന്‍സ് ജോസഫാണ് മരിച്ചത്. ഇന്ന് രാവിലെയാണ് മരണം. ലോറന്‍സിന്റെ വീട് കെ.പി.സി.സി പ്രസിഡന്റ് കെ.സുധാകരന്‍ സന്ദര്‍ശിച്ചു. ശ്വാസകോശ സംബന്ധമായ പ്രശ്‌നങ്ങള്‍ ഉണ്ടായിരുന്ന ആളായിരുന്നു ലോറന്‍സ്. വിഷപ്പുക കാരണം ഫാന്‍ പോലും ഉപയോഗിക്കാന്‍ കഴിയാത്ത സാഹചര്യമായിരുന്നെന്ന് ലോറന്‍സിന്റെ ഭാര്യ പറഞ്ഞു .

വിഷപ്പുകയുടെ ആദ്യ രക്തസാക്ഷിയാണ് ലോറന്‍സ് എന്ന് കെ.സുധാകരന്‍ പറഞ്ഞു. സംഭവത്തെ ഗൌരവായി കാണണമെന്നും സര്‍ക്കാര്‍ ഇപ്പോഴും നിഷേധാത്മക നിലപാട് തുടരുകയാണെന്നും കെ.സുധാകരന്‍ പറഞ്ഞു. എറണാകുളം നഗരത്തില്‍ വിവിധ ഇടങ്ങളിലായി പ്രതിപക്ഷ പ്രതിഷേധം നടന്നുവരികയാണ്

40 വര്‍ഷമായി ലോട്ടറി എടുക്കുന്നു; ഭാഗ്യം തുണച്ചത് 88-ാം വയസ്സില്‍, അഞ്ചുകോടി സമ്മാനം

webdesk14 — Fri, 20 Jan 2023 08:29:43 +0000

ഭാഗ്യം ചിലപ്പോഴൊക്കെ അങ്ങനെയാണ് നമ്മള്‍ ഒട്ടും പ്രതീക്ഷിക്കാതിരിക്കുന്ന നേരത്താകും അത് വന്നെത്തുക. അതുപോലൊരു മഹാഭാഗ്യമാണ് 40 വര്‍ഷമായി ലോട്ടറിയെടുക്കുന്ന ഒരാളെ ഭാഗ്യം തേടിയെത്തിയത് 88-ാം വയസ്സിലാണ്. പഞ്ചാബ് ദെരബസ്സി, ത്രിവേദി ക്യാമ്പ് സ്വദേശിയായ മഹന്ത് ദ്വാരക ദാസിനാണ് ബുധനാഴ്ച 5 കോടി രൂപയുടെ ലോഹ്രി മകര്‍ സക്രാന്തി ബമ്പര്‍ ലോട്ടറി അടിച്ചത്. സിരാക്പൂരില്‍ ലോട്ടറി കച്ചവടം നടത്തുന്ന ലോകേഷ് എന്നയാളില്‍ നിന്നാണ് ദാസ് ടിക്കറ്റ് എടുത്തത്. നികുതി പണം കഴിച്ച് ഏകദേശം 3.5 കോടി രൂപ ദാസിന് ലഭിക്കുമെന്ന് ലോകേഷ് പറഞ്ഞു. ദ്വാരക ദാസിന് ലോട്ടറി അടിച്ചതിനു ശേഷം നാടുമുഴുവന്‍ ആഘോഷത്തിലാണ്. സമ്മാനമായി ലഭിക്കുന്ന തുക മുഴുവന്‍ രണ്ടുമക്കള്‍ക്കും തുല്യമായി വീതിച്ചു നല്‍കുമെന്നദ്ദേഹം പറഞ്ഞു.

കോട്ടയത്ത് മദ്യലഹരിയില്‍ മധ്യവയസ്‌കനെ മര്‍ദിച്ചു

webdesk14 — Thu, 29 Dec 2022 11:14:12 +0000

കോട്ടയത്ത് മധ്യവയസ്‌ക്കനു നേരെ ആക്രമണം. കാഞ്ഞിരപ്പള്ളി കൂവപ്പള്ളിയിലാണ് സ്വദേശി ജോബിയെയാണ് മദ്യപിച്ചെത്തിയ സംഗം മര്‍ദിച്ചത്. പരിക്കിനെ തുടര്‍ന്ന് കാഞ്ഞിരപ്പള്ളി താലൂക്ക് ആശുപത്രിയില്‍ ചികിത്സതേടി. മദ്യപിച്ചെത്തിയ അക്രമികള്‍ സ്ഥിരമായി ഈ പ്രദേശത്ത് ഉണ്ടാകാറുണ്ടെന്നാണ് അറിയാന്‍ സാധിച്ചത്.

ജോബിയുമായി ഇവര്‍ വാക്കുതര്‍ക്കത്തില്‍ ഏര്‍പ്പെടുകയും പിന്നീടത് കയ്യാക്കളിയിലെത്തുകയായിരുന്നു. സംഭവത്തെ തുടര്‍ന്ന് കേസെടുക്കാന്‍ ആദ്യം പൊലീസ് വിസമ്മതിച്ചെങ്കിലും പിന്നീട് കേസ് റജിസ്റ്റര്‍ ചെയ്ത് ജോബിയുടെ മൊഴി എടുത്തു. സംഭവത്തിന് ശേഷം പ്രതികള്‍ മര്‍ദിക്കുന്നതിന്റെ വീഡിയോ സോഷ്യല്‍ മീഡിയവഴി പ്രചരിപ്പിച്ചിരുന്നു. ഇതും കാണിച്ചാണ് ജോബി പരാതി നല്‍കിയത്.