OLIVE – Chandrika Daily https://www.chandrikadaily.com Fri, 02 Dec 2022 13:53:02 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg OLIVE – Chandrika Daily https://www.chandrikadaily.com 32 32 ഗോമൂത്രത്തെയല്ല, മനുഷ്യരെ ബഹുമാനിക്കുന്ന സംസ്‌കാരത്തിന് വേണ്ടി നിലകൊള്ളണം -ശരണ്‍കുമാര്‍ ലിംബാളേ https://www.chandrikadaily.com/sharankumar-limbale-should-stand-for-a-culture-that-respects-human-beings-and-not-cow-urine.html https://www.chandrikadaily.com/sharankumar-limbale-should-stand-for-a-culture-that-respects-human-beings-and-not-cow-urine.html#respond Fri, 02 Dec 2022 13:53:02 +0000 https://www.chandrikadaily.com/?p=224844 ഗോമൂത്രത്തെ ബഹുമാനിക്കുന്ന സംസ്‌കാരത്തിന് വേണ്ടിയല്ല, മനുഷ്യരെ ബഹുമാനിക്കുന്ന സംസ്‌കാരത്തിന് വേണ്ടിയാണ് നമ്മള്‍ നിലകൊള്ളേണ്ടതെന്ന് പ്രശസ്ത മറാഠി സാഹിത്യകാരന്‍ ശരണ്‍കുമാര്‍ ലിംബാളേ. കോഴിക്കോട് കടപ്പുറത്ത് നടക്കുന്ന ‘കചടതപ’ സാഹിത്യോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മനുഷ്യന്‍ ചന്ദ്രനില്‍ പോയിട്ടും ഇന്ത്യയില്‍ ഇപ്പോഴും ചില മനുഷ്യര്‍ക്ക് ക്ഷേത്രങ്ങളില്‍ പോകാനാകുന്നില്ലെന്നും, അംബേദ്കര്‍ പറഞ്ഞത് പോലെ സവര്‍ണ്ണരുടേയും തൊട്ട്കൂടാത്തവരുടേയും രണ്ട് രാഷ്ട്രങ്ങളാണ് ഇവിടെയുള്ളതെന്നും അദ്ദേഹം കൂട്ടിച്ചേര്‍ത്തു. പൊള്ളുന്ന ദളിത് അനുഭവങ്ങളും പ്രതിരോധങ്ങളും പ്രമേയമാകുന്ന ശരണ്‍കുമാര്‍ ലിംബാളെയുടെ കൃതികള്‍ മലയാളമുള്‍പ്പെടെ നിരവധി ഇന്ത്യന്‍ഭാഷകളിലേക്ക് പരിഭാഷ ചെയ്യപ്പെട്ടിട്ടുണ്ട്. മുഖ്യധാരാ എഴുത്തുകാര്‍ രസിപ്പിക്കാനായി എഴുതുമ്പോള്‍ സാമൂഹ്യ വിഷയങ്ങള്‍ക്കായി നിലകൊള്ളുന്ന പുരോഗമനകാരികളും ആക്റ്റിവിസ്റ്റുകളുമാണ് മലയാളി എഴുത്തുകാരെന്നും ശരണ്‍കുമാര്‍ അഭിപ്രായപ്പെട്ടു.

എല്ലാ സാഹിത്യോത്സവങ്ങളും മുഖ്യധാരായിലേക്ക് ചുരുങ്ങുമ്പോള്‍ അരികുവല്‍ക്കരിക്കപ്പെട്ടവരുടെ അവകാശപ്രഖ്യാപനവും ശബ്ദവുമാകുന്നതിന് കചടതപ ലിറ്റ്‌ഫെസ്റ്റിനെ അദ്ദേഹം അഭിനന്ദിച്ചു. ഒലീവ് പബ്ലിക്കേഷന്‍ ചെയര്‍മാന്‍ ഡോ. എം.കെ. മുനീര്‍ എം.എല്‍.എ അധ്യക്ഷനായ ചടങ്ങില്‍ ട്രാന്‍സ്‌ജെന്‍ഡര്‍ ആക്റ്റീവിസ്റ്റും എഴുത്തുകാരിയുമായ വിജയരാജമല്ലിക മുഖ്യാതിഥിയായി. ക്വീര്‍ സമൂഹത്തിന്റെ അരികുവല്‍ക്കരിക്കപ്പെട്ട ജീവിതത്തിലേക്കും ഭാഷയിലെ സ്ഥാനത്തിലേക്കും ശ്രദ്ധ ക്ഷണിച്ച വിജയരാജമല്ലിക, നാല്‍പതോളം ക്വീര്‍ സാഹിത്യ പ്രതിഭകള്‍ കേരളത്തിലുണ്ടെന്നും അവരാണ് വരുംവര്‍ഷങ്ങളില്‍ വേദി അലങ്കരിക്കേണ്ടതെന്നും വ്യക്തമാക്കി.

സാഹിത്യകാരനായ പി കെ. പാറക്കടവ്, തോട്ടം തൊഴിലാളി സമരനായിക ഗോമതി, മാധ്യമപ്രവര്‍ത്തക ടി.പി. ഗായത്രി എന്നിവര്‍ വേദിയില്‍ സന്നിഹിതരായി. ഒലീവ് പബ്‌ളിക്കേഷന്‍സിന്റെ ആഭിമുഖ്യത്തില്‍ നടക്കുന്ന കചടതപ ലിറ്റ്‌ഫെസറ്റ് നവംബര്‍ 30 നാണ് ആരംഭിച്ചത്. മീഞ്ചന്ത ആര്‍ട്‌സ് ക്‌ളബ്ബ്, മര്‍ച്ചന്റ് നേവി ക്‌ളബ്ബ് എന്നിവിടങ്ങളില്‍ അക്കാദമിക് സെമിനാറും കോഴിക്കോട് കള്‍ച്ചറല്‍ ബീച്ചില്‍ സാഹിത്യ സെഷനുകളുമാണ് നടക്കുന്നത്. നാലിന് രാത്രി 8 മണിക്ക് സാഹിത്യോത്സവം സമാപിക്കും.

]]> https://www.chandrikadaily.com/sharankumar-limbale-should-stand-for-a-culture-that-respects-human-beings-and-not-cow-urine.html/feed 0 കോഴിക്കോടിന്റെ അരികുജീവിതം തിരികെപ്പിടിച്ചു ‘കചടതപ ‘യുടെ ആദ്യദിനം https://www.chandrikadaily.com/olive-litfest.html https://www.chandrikadaily.com/olive-litfest.html#respond Wed, 30 Nov 2022 17:24:12 +0000 https://www.chandrikadaily.com/?p=224485 കോഴിക്കോട് : ഒലിവ് പബ്ലിക്കേഷന്‍സിന്റെ ഇരുപത്തിയഞ്ചാം വാര്‍ഷികത്തോടനുബന്ധിച്ചു സംഘടിപ്പിക്കുന്ന ലിറ്റ് ഫെസ്റ്റ് – കചടതപയ്ക്ക് കോഴിക്കോട് ബീച്ചില്‍ തുടക്കമായി. സാഹിത്യ സാംസ്‌കാരിക മേഖലകളിലെ വൈവിധ്യങ്ങളെ പ്രതിനിധാനം ചെയ്യുന്ന സാഹിത്യോത്സവത്തിന് ആദ്യ ദിവസം തന്നെ നല്ല വരവേല്‍പ്പാണ് ലഭിച്ചത്.
സാഹിത്യോത്സവത്തിന്റെ ഭാഗമായി ആരംഭിച്ച പുസ്തകോത്സവത്തിന്റെ ഉദ്ഘാടനം തെരുവ്ഗായകന്‍ ബാബുഭായിയും കുടുംബവും മുതലക്കുളത്തെ അലക്ക് തൊഴിലാളികളുടെ പ്രതിനിധികളും ചേര്‍ന്ന് നിര്‍വ്വഹിച്ചു.
അപരിഷ്‌കൃതലോകത്തിലേക്ക് വീണ്ടും നയിക്കപ്പെടുന്ന അലക്കുതൊഴിലിന്റെ മഹത്വം ആവിഷ്‌കരിക്കുന്ന ആതിര എ കെ യുടെ വെള്ളാവിയുടെ പ്രകാശനം മുതലക്കുളത്തെ അലക്ക്സമൂഹ പ്രതിനിധികളായ വത്സല, ആശ എന്നിവര്‍ നിര്‍വഹിച്ചു. എന്‍ പി ഹാഫിസ് മുഹമ്മദ് മോഡറേറ്ററായ സെഷനില്‍ എം ബി മനോജ്, ആതിര എ കെ എന്നിവര്‍ പങ്കെടുത്തു.
ഭിന്നശേഷിക്കാരുടെ പ്രതിനിധാനമായി വേദിയില്‍ വീല്‍ ചെയര്‍ ഒപ്പന അരങ്ങേറി. കഴിഞ്ഞ 13 വര്‍ഷമായി ഭിന്നശേഷിക്കാരുടെ ക്ഷേമ സേവനങ്ങള്‍ക്കായി പ്രവര്‍ത്തിക്കുന്ന ABILITY FOUNDATION FOR THE DISABLE എന്ന സ്ഥാപനത്തിലെ PARA ARTS & SPORTS ACADEMY യിലെ ഒപ്പന ടീമാണ് വേദിയില്‍ പ്രതിനിധാനത്തിന്റെ ശബ്ദമായത്.
കോഴിക്കോടിന്റെ തെരുവ് ചരിത്രത്തെ തിരിച്ചു പിടിക്കാനുള്ള പ്രതിഷേധവുമായി കഴിയുന്ന തെരുവുഗായകന്‍ ബാബു ഭായി, അദ്ദേഹത്തിന്റെ കുടുംബം, ജീവ എന്നിവര്‍ ചേര്‍ന്ന് അവതരിപ്പിച്ച സംഗീത സദസ്സ് കചടതപയുടെ തുടക്കത്തിന് മാറ്റുകൂട്ടി.

കചടതപയില്‍ നാളെ കള്‍ച്ചറല്‍ സെഷന്‍

രാവിലെ 9.30 : Discussing Marginality
Academic Seminar on Subaltern Studies

വൈകുന്നേരം 3 മണി : ബേത്തിമാരന്‍ പുസ്തകപ്രകാശനം
4 മണി ദ്വീപാലങ്കാരം
5 മണി നഞ്ചിയമ്മയുടെ പാട്ടും വര്‍ത്തമാനവും
6.30 ലക്ഷദ്വീപ് ഗോലിപ്പാട്ട്

അക്കാദമിക് സെഷന്‍
ഗവ: ആര്‍ട്‌സ് കോളേജ് മീഞ്ചന്ത
———————-

 

]]> https://www.chandrikadaily.com/olive-litfest.html/feed 0