അടുത്ത അറിയിപ്പുണ്ടാകുന്നതു വരെ ബീച്ചുകളിലേക്കുള്ള പ്രവേശനം നിരോധിച്ചു. നേരത്തെ, തുറന്നിരുന്ന ചില മേഖലകള്‍ അടച്ചിടാനും തീരുമാനമായി. ഇതിന്റെ വിശദ വിവരങ്ങള്‍ വൈകാതെ അറിയിക്കും.

കോവിഡിനെതിരെയുള്ള സുരക്ഷാ മാനദണ്ഡങ്ങള്‍ പാലിക്കാന്‍ സുപ്രിംകമ്മിറ്റി എല്ലാവരോടും ആഹ്വാനം ചെയ്തു. നിയമം ലംഘിക്കുന്നവര്‍ക്കെതിരെ മുഖംനോക്കാതെ നടപടിയെടുക്കുമെന്നും കമ്മിറ്റി വ്യക്തമാക്കി.

കോവിഡ് നിയന്ത്രണ വിധേയമായ സാഹചര്യത്തില്‍ ഈ മാസം ആശുപത്രികള്‍ തുറക്കാന്‍ സുപ്രിംകമ്മിറ്റി തീരുമാനിച്ചിട്ടുണ്ട്. ലോക്ക്ഡൗണ്‍ മൂലം അടച്ചിട്ട കാലത്തെ വാടക ഈടാക്കരുതെന്നും കമ്മിറ്റി ഉത്തരവിട്ടു. അറുപത് വയസ്സിന് മുകളിലുള്ളവര്‍ക്ക് ഷോപ്പിങ് മാളുകളിലും പൊതുസ്ഥലങ്ങളിലും ഉണ്ടായിരുന്ന വിലക്ക് സര്‍ക്കാര്‍ നീക്കി.

അതിനിടെ, 24 മണിക്കൂറില്‍ രാജ്യത്ത് റിപ്പോര്‍ട്ട് ചെയ്തത് 256 കോവിഡ് കേസുകളാണ്. ഇതുവരെ രാജ്യത്ത് 86380 പേര്‍ക്ക് കോവിഡ് ബാധിച്ചതായും അതില്‍ 81828 പേര്‍ രോഗമുക്തരായതായും ആരോഗ്യമന്ത്രാലയം അറിയിച്ചു. 16 പേര്‍ മരണത്തിന് കീഴടങ്ങി. 705 ആണ് രാജ്യത്തെ മൊത്തം മരണനിരക്ക്