ശബരിമല വിഷയം സംസ്ഥാന കേന്ദ്ര സര്‍ക്കാരുകള്‍ വഷളാക്കുന്നുവെന്ന് എഐസിസി ജനറല്‍ സെക്രട്ടറി ഉമ്മന്‍ചാണ്ടി. കേരള സര്‍ക്കാര്‍ ശബരിമല വിധിയില്‍ റിവ്യൂ നല്‍കണമായിരുന്നു. സര്‍ക്കാര്‍ അതിന് തയ്യാറാകാത്ത സാഹചര്യത്തില്‍ കേന്ദ്രം ഓര്‍ഡിനന്‍സ് കൊണ്ടുവരണമായിരുന്നുവെന്നും ഉമ്മന്‍ചാണ്ടി പറഞ്ഞു.അക്രമികളെ അറസ്റ്റ് ചെയ്യണമെന്നും വിശ്വാസികളെ അറസ്റ്റ് ചെയ്താല്‍ രംഗത്തെത്തുമെന്നും അദ്ദേഹം പ്രതികരിച്ചു.

ഓര്‍ഡിനന്‍സ് ഇറക്കുന്നതിനെ സംബന്ധിച്ച് അമിത് ഷാ പറയുമെന്നാണ് കരുതിയത്. എന്നാല്‍ എരിതീയില്‍ എണ്ണയൊഴിക്കുകയാണ് അമിത് ഷാ ചെയ്തത്. അമിത് ഷായുടെ സര്‍ക്കാരിനെ താഴെയിറക്കുമെന്ന പ്രസ്താവനയോട് യോജിപ്പില്ല. അക്രമം നടത്തിയവരെ അറസ്റ്റ് ചെയ്യണം. എന്നാല്‍ വിശ്വസികളെ അറസ്റ്റ് ചെയ്യാം എന്ന് കരുതിയാല്‍ കോണ്‍ഗ്രസ് രംഗത്തെത്തുമെന്നും ഉമ്മന്‍ചാണ്ടി കൂട്ടിച്ചേര്‍ത്തു.

തനിക്കെതിരായ സോളാര്‍ കേസിനെ രാഷ്ട്രീയമായല്ല നിയമപരമായാണ് നേരിടുകയെന്നും,കേസ് കഴമ്പില്ലാത്ത കാര്യമാണ് എന്ന് ജനങ്ങള്‍ക്ക് അറിയാമെന്നും ഉമ്മന്‍ചാണ്ടി വ്യക്തമാക്കി.

എടപ്പാളിലെ തിയേറ്ററില്‍ പത്ത് വയസുകാരി പീഡിപ്പിക്കപ്പെട്ട സംഭവത്തില്‍ കേസ് രജിസ്റ്റര്‍ ചെയ്യാതിരുന്ന പൊലീസിന്റെ നടപടിയേയും ഉമ്മന്‍ചാണ്ടി വിമര്‍ശിച്ചു. സംഭവത്തില്‍ പൊലീസിന്റെ ഭാഗത്ത് ജാഗ്രതക്കുറവുണ്ടായി. കുറ്റക്കാര്‍ക്കെതിരെ കര്‍ശന നടപടിയെടുക്കാന്‍ സര്‍ക്കാര്‍ തയ്യാറാവണമെന്നും ഉമ്മന്‍ചാണ്ടി പറഞ്ഞു.

മാഹിയില്‍ കൊല്ലപ്പെട്ട സി.പി.എം പ്രവര്‍ത്തകന്റെ വീട് സന്ദര്‍ശിച്ച പിണറായി സി.പി.എമ്മുകാര്‍ കൊലപ്പെടുത്തിയ ആര്‍.എസ്.എസ് പ്രവര്‍ത്തകനായ ഷമേജിന്റെ വീട് സന്ദര്‍ശിക്കാത്തതിനെതിരെ ബി.ജെ.പി നേതാക്കള്‍ രംഗത്ത് വന്നിരുന്നു. വരാപ്പുഴയില്‍ ശ്രീജിത്ത് കൊല്ലപ്പെട്ട് ഒരു മാസമായിട്ടും പിണറായി അദ്ദേഹത്തിന്റെ വീട് സന്ദര്‍ശിച്ചിരുന്നില്ല. ശ്രീജിത്തിന്റെ വീടിന് ഏതാനും കിലോ മീറ്റര്‍ മാത്രം അകലെ ലുലു മാള്‍ ഉദ്ഘാടനത്തിന് എത്തിയിട്ടും ശ്രീജിത്തിന്റെ വീട് സന്ദര്‍ശിക്കാതിരുന്ന പിണറായിയുടെ നടപടി വ്യാപക വിമര്‍ശനത്തിന് ഇടയാക്കിയിരുന്നു.

നിലവില്‍ രണ്ടു എം.എല്‍.എമാര്‍ മാത്രമാണു ബി.ജെ.പിക്കുണ്ടായിരുന്നത്. മേഘാലയില്‍ ബി.ജെ.പിക്ക് ഇതുവരെയും പ്രതിപക്ഷ സ്ഥാനം പോലും കിട്ടിയിട്ടില്ല. യു.ഡി.പിയാണു നിലവിലുളള പ്രതിപക്ഷ പാര്‍ട്ടി. ഇവര്‍ക്ക് 9 എം.എല്‍.എമാരാണുളളത്.എന്‍.സി.പി.ക്ക് രണ്ടു എം.എം.എല്‍.എ.മാരുണ്ട്. ഈ പാര്‍ട്ടികള്‍ക്ക് പുറമേ നോര്‍ത്ത് ഈസ്റ്റ് ഇന്ത്യ ഡവലപ്‌മെന്റ് പാര്‍ട്ടി ,ആംആദ്മി പാര്‍ട്ടി എന്നിവരും മത്സരരംഗത്തുണ്ട്.
അല്‍ഫോന്‍സ് കണ്ണന്താനം കേന്ദ്രമന്ത്രിയായി ചുമതലയേറ്റെടുത്ത ഉടന്‍ തന്നെ മേഘാലയിലെ ബി.ജെ.പിയുടെ ചുമതലയും നല്‍കിയിരുന്നു.