സംസ്ഥാനത്ത് ഓണചന്തകള്‍ക്കുള്ള തയ്യാറെടുപ്പുകളും ആരംഭിച്ചു. സെപ്റ്റംബര്‍ 4നകം ഓണചന്തകള്‍ തുടങ്ങുമെന്നാണ് സപ്ലൈകോ അറിയിച്ചിരിക്കുന്നത്. എല്ലാ ജില്ലകളിലും ചന്തകളുണ്ടാകും. 13 ഇന അവശ്യ സാധനങ്ങള്‍ ഓണചന്തകളില്‍ ഉറപ്പാക്കും. ഇതിനായി ധനവകുപ്പ് 225 കോടി രൂപ അനുവദിച്ചു.

എന്നാല്‍ വിപുലമായ ഓണചന്തയ്ക്ക് 600 കോടി രൂപയെങ്കിലും ആവശ്യമാണ്. കൂടുതല്‍ തുക ധനവകുപ്പ് നല്‍കുമെന്ന പ്രതീക്ഷയിലാണ് സപ്ലൈകോ. എന്നാലും പലയിടങ്ങളില്‍ സപ്ലൈകോയില്‍ സാധനങ്ങള്‍ കാലിയാണ്.

ജനപ്രതിനിധികളെ കിറ്റ് വിതരണത്തിലോ അനുബന്ധ പ്രവര്‍ത്തനത്തിലോ പങ്കെടുപ്പിക്കരുത്. വിതരണം ചെയ്യുന്ന കിറ്റിലോ അനുബന്ധ സാമഗ്രികളിലോ രാഷ്ട്രീയ പാര്‍ട്ടികളുടെ ചിഹ്നമോ പേരോ മറ്റു സൂചനകളോ പാടില്ലെന്നും തിരഞ്ഞെടുപ്പ് കമ്മിഷന്‍ നിര്‍ദ്ദേശിച്ചു.

തിരഞ്ഞെടുപ്പ് കമ്മഷിന്റെ നിര്‍ദേശമില്ലാത്തതിനാല്‍ പുതുപ്പള്ളി മണ്ഡലത്തില്‍ ഇതുവരെ കിറ്റ് വിതരണം നടന്നിരുന്നില്ല. ഏകദേശം 3500ലധികം കുടുംബങ്ങള്‍ക്കാണ് പുതുപ്പള്ളി മണ്ഡലത്തില്‍ കിറ്റ് ലഭിക്കുക.

കടുത്ത സാമ്പത്തിക പ്രതിസന്ധി കാരണം മഞ്ഞ റേഷന്‍ കാര്‍ഡ് ഉടമകള്‍ക്കു മാത്രമാണ് ഇത്തവണ ഓണക്കിറ്റ് നല്‍കുന്നത്. അതുതന്നെ പൂര്‍ണതോതില്‍ നല്‍കാന്‍ കഴിഞ്ഞിട്ടുമില്ല. സാധാരണക്കാര്‍ക്കും പാവങ്ങള്‍ക്കും നല്‍കാത്ത സൗജന്യ കിറ്റ് യു.ഡി.എഫ് ജനപ്രതിനിധികളും സ്വീകരിക്കില്ല. ഇക്കാര്യം സപ്ലൈകോയെ അറിയിച്ചു.

സാമ്പത്തിക പ്രതിസന്ധിയുള്ളതിനാല്‍ ഓണക്കിറ്റ് എല്ലാവര്‍ക്കും ഉണ്ടാകില്ല. കൊവിഡ് സാഹചര്യം ആയതിനാല്‍ ആണ് കഴിഞ്ഞ വര്‍ഷം എല്ലാവര്‍ക്കും കിറ്റ് കൊടുത്തതെന്നാണ് സര്‍ക്കാര്‍ വാദം.

കഴിഞ്ഞതവണ ഓണക്കിറ്റ് വിതരണം ചെയ്ത വകയില്‍ സര്‍ക്കാരിനുള്ള ചെലവ് 425 കോടിയാണ്. 500 രൂപ ചെലവ് വരുന്ന 13 ഇനങ്ങള്‍ അടങ്ങിയ കിറ്റാണ് എല്ലാ കാര്‍ഡ് ഉടമകള്‍ക്കും നല്‍കിയത്. അന്ന് 90 ലക്ഷം കാര്‍ഡ് ഉടമകളാണുണ്ടായിരുന്നത് ഇന്ന് 93.76 ലക്ഷം കാര്‍ഡ് ഉടമകളുണ്ട്. കഴിഞ്ഞ തവണ കിറ്റ് വിതരണം ചെയ്ത വകയില്‍ റേഷന്‍ വ്യാപാരികള്‍ക്ക് കമ്മിഷന്‍ ഇനത്തില്‍ 45 കോടി രൂപ നല്‍കാനുണ്ട്. ഇത് നല്‍കാന്‍ സുപ്രീംകോടതി ഉത്തരവിട്ടതോടെ ഇതിനുള്ള തുകയും കണ്ടെത്തേണ്ട സാഹചര്യത്തിലാണ് ഭക്ഷ്യവകുപ്പ്.

ഇതോടെ ഭക്ഷണമായി ഉപയോഗിക്കാനാകാത്ത പപ്പടം തിരികെയെടുക്കാന്‍ അധികൃതര്‍ നടപടി തുടങ്ങിയിട്ടുണ്ട്. ഗുണനിലവാരം ഉറപ്പിക്കുന്നതിനുളള വിഭാഗത്തിലെ അഡീഷണല്‍ ജനറല്‍ മാനേജര്‍ ഇതിനായി നിര്‍ദ്ദേശം നല്‍കി കഴിഞ്ഞു. വില്‍പന നടത്തിയതിന്റെയും വാങ്ങിയവയുടെയും കണക്കും നല്‍കാന്‍ നിര്‍ദ്ദേശമുണ്ട്.

പപ്പടം നല്‍കിയ തമിഴ്‌നാട്ടിലെ കമ്പനികള്‍ക്കെതിരെ നടപടിയെടുത്തേക്കും. മുമ്പ് കിറ്റിലെ പപ്പടം തമിഴ്‌നാട്ടില്‍ നിന്നുളളതാണെന്ന പേരില്‍ വിവാദമുണ്ടായിരുന്നു. ലോക്ഡൗണ്‍ സൃഷ്ടിച്ച പ്രതിസന്ധിയില്‍ ഉഴലുന്ന കേരളത്തിലെ കമ്പനികള്‍ക്ക് നല്‍കാതെ തമിഴ്‌നാട്ടിലെ കമ്പനികള്‍ക്ക് നല്‍കിയതാണ് വിവാദമുണ്ടായത്.

ആദ്യം വിജിലന്‍സ് നടത്തിയ മിന്നല്‍ പരിശോധനയില്‍ കിറ്റിലെ വിഭവങ്ങളുടെ ഗുണനിലവാരവും തൂക്കവും തമ്മില്‍ വ്യത്യാസമുണ്ടായിരുന്നതായി കണ്ടെത്തി. നിര്‍മ്മാണ തീയതിയും പാക്കിംഗ് തീയതിയും മറ്റും വ്യക്തമായിരുന്നില്ല. കിറ്റിലെ ശര്‍ക്കരയിലും വേണ്ടത്ര ഗുണനിലവാരമില്ലെന്ന് കണ്ടെത്തിയിരുന്നു. പിന്നീട് ശര്‍ക്കര മാറ്റി പഞ്ചസാര കിറ്റില്‍ ഉള്‍പ്പെടുത്തി.

സൗജന്യ ഓണക്കിറ്റിലേക്കായി സപ്ലൈകോ വാങ്ങിയ ശര്‍ക്കരയില്‍ തൂക്ക വെട്ടിപ്പ്. ഈറോഡ് ആസ്ഥാനമായ എ.വി.എന്‍ ട്രേഡേഴ്‌സ് നല്‍കിയ ശര്‍ക്കരയിലാണ് ക്രമക്കേട് കണ്ടെത്തിയത്. സപ്ലൈകോയ്ക്ക് 77 ലക്ഷം നഷ്ടമുണ്ടായതായാണ് പ്രാഥമിക കണക്ക്.
കിറ്റില്‍ നല്‍കിയ ഒരുകിലോ ശര്‍ക്കര പായ്ക്കറ്റാണിത്. തൂക്കി നോക്കിയാല്‍ 950 ഗ്രാം. ബാക്കി അന്‍പത് ഗ്രാം എവിടെപ്പോയെന്ന് അറിയാന്‍ പെരുമ്പാവൂരിലെ ഡിപ്പോ മാനേജര്‍ സപ്ലൈകോ വിജിലന്‍സ് ഓഫീസര്‍ക്ക് അയച്ച കത്ത് നോക്കിയാല്‍ മതി. പെരുമ്പാവൂരില്‍ വിതരണം ചെയ്ത 27920 കിലോ ശര്‍ക്കരയില്‍ ഓരോ കിറ്റിലും 50 ഗ്രാം വീതം കുറവ്. കമ്പനിയുടെ പേരോ, പായ്ക്കിങ് തീയതിയോ കാലാവധിയോ പായ്ക്കറ്റില്‍ രേഖപ്പെടുത്തിയിട്ടില്ലന്നും സപ്ലൈകോയുടെ സല്‍പേരിനിത് കളങ്കമുണ്ടാക്കുമെന്നും കത്തില്‍ പറയുന്നു.

തൃശൂരില്‍ നിന്നും റാന്നിയില്‍ നിന്നും സമാന പരാതി വന്നതോടെയാണ് സപ്ലൈകോയും അറിയുന്നത്. ഈറോഡ് ആസ്ഥാനമായ എം.വി.എന്‍ ട്രേഡ് വെന്‍ച്വേഴ്‌സ് എന്ന സ്ഥാപനമാണ് തൂക്കത്തില്‍ തട്ടിപ്പ് നടത്തിയതെന്ന് കണ്ടെത്തി. ഈ കമ്പനിക്ക് പതിനഞ്ച് ഡിപ്പോകളിലായി 25,77,000 കിലോ ശര്‍ക്കരയുടെ ഓര്‍ഡറാണ് നല്‍കിയത് . ഒരു കിലോയില്‍ 50 ഗ്രാം വച്ച് കുറഞ്ഞാല്‍ ആകെ 1,28,850 കിലോ. കിലോയ്ക്ക് 60 രൂപ വച്ച് നോക്കിയാല്‍പോലും 77, 31,000 രൂപ നഷ്ടം. കരാര്‍ കിട്ടിയ അഞ്ചു കമ്പനികളില്‍ ഏറ്റവും കൂടുതല്‍ ഓര്‍ഡര്‍ ഉദ്യോഗസ്ഥര്‍ക്ക് നല്‍കിയതും ഇതേ കമ്പനിക്ക് തന്നെ.

തല്‍ക്കാലം അന്‍പത് ഗ്രാം കൂടി ചേര്‍ത്ത് ഡിപ്പോയില്‍ പായ്ക്കറ്റ് പുനക്രമീകരിക്കാനാണ് എംഡിയുടെ നിര്‍ദേശിച്ചിരിക്കുന്നത്. സപ്ലൈകോ വിജിലന്‍സ് ഓഫീസറുടെ കീഴില്‍ ഓരോ മേഖലയിലും അഞ്ചുപേരടങ്ങുന്ന ഫ്‌ലയിങ് സ്‌ക്വാഡും, കിറ്റ് പായ്ക്കിങ്ങിന് മോണിട്ടറിങ് കമ്മിറ്റിയുമുള്ളപ്പോഴാണ് ഈ വെട്ടിപ്പ് നടന്നത്.

തമിഴ്‌നാട്ടില്‍ നിന്ന് എത്തിച്ച ശര്‍ക്കരയ്ക്ക് ഗുണനിലവാരമില്ലെന്ന ആക്ഷേപം ഉയരുന്നതിനിടെയാണ് തൂക്കത്തില്‍ വെട്ടിപ്പ് നടന്നിട്ടുണ്ടെന്ന കണ്ടെത്തല്‍. വിതരണക്കാര്‍ക്കെതിരെ മാത്രമല്ല, ഇതിന് കൂട്ടുനിന്ന ഉദ്യോഗസ്ഥര്‍ക്കെതിരെയും നടപടിയുണ്ടാകണം.