ശശികലക്കെതിരെ തിരിഞ്ഞ പനീര്‍സെല്‍വത്തിന് കരുത്തായി ഉണ്ടായിരുന്നത് ബി.ജെ.പിയുടേയും കേന്ദ്രസര്‍ക്കാരിന്റേയും പിന്തുണയായിരുന്നു. എന്നാല്‍ പളനിസ്വാമി അധികാരത്തിലേക്കെത്തിയതോടെ ഒ.പി.എസില്‍ നിന്നും അകലം പാലിക്കാനാണ് ബി.ജെ.പി ശ്രമിക്കുന്നത്. അതേസമയം, ഒ.പി.എസിനൊപ്പം ശശികല ക്യാമ്പില്‍ നിന്ന് പുറത്തുചാടിയ പാണ്ഡ്യരാജന്‍ തിരിച്ച് പോകുന്നതിനും സാധ്യകളേറെയാണ്. സാഹചര്യങ്ങള്‍ പ്രതികൂലമായിരിക്കുന്നതിനാല്‍ ഇപ്പോള്‍ കൂടുതല്‍ പ്രതിസന്ധിയിലേക്കെത്തിയിരിക്കുകയാണ് പനീര്‍സെല്‍വം. എന്നാല്‍ പനീര്‍സെല്‍വം ഒഴികെ മറ്റെല്ലാവര്‍ക്കും പാര്‍ട്ടിയിലേക്ക് തിരിച്ച് വരാമെന്നാണ് ശശികല പക്ഷത്തിന്റെ നിലപാട്. പളനിസ്വാമി സത്യപ്രതിജ്ഞ ചെയ്ത് അധികാരമേറ്റതോടെ പനീര്‍സെല്‍വത്തിന്റെ വീടിനുനേരെ ആക്രമണം നടന്നിരുന്നു. ഇതിനു പിന്നില്‍ ശശികലപക്ഷമാണെന്നാണ് സൂചന.
അതേസമയം, മുഖ്യമന്ത്രി എടപ്പാടി കെ പളനിസ്വാമി ഇന്ന് സെക്രട്ടറിയേറ്റിലെത്തി ചുമതലയേറ്റെടുത്തേക്കും.നാളെയാണ് നിയമസഭയില്‍ വിശ്വാസവോട്ടെടുപ്പ് നടക്കുന്നത്. നൂറ്റിപതിനെട്ട് എം.എല്‍.എമാരുടെ പിന്തുണയാണ് അണ്ണാ ഡി.എം.കെയ്ക്ക് ഭരണം നിലനിര്‍ത്താന്‍ ആവശ്യം.ശശികല പക്ഷത്തുള്ള എം.എല്‍.എമാരില്‍ ഭൂരിപക്ഷവും ഇപ്പോഴും കൂവത്തൂരിലെ റിസോര്‍ട്ടില്‍ തുടരുകയാണ്. വിശ്വാസവോട്ടെടുപ്പിന് ശേഷം പളനിസ്വാമിയും മന്ത്രിമാരും പരപ്പന അഗ്രഹാര ജയിലിലെത്തി ശശികലയെ കണ്ടേക്കുമെന്നും റിപ്പോര്‍ട്ടുകളുണ്ട്.

അതിനിടെ, കാവല്‍ മുഖ്യമന്ത്രി ഒ. പനീര്‍ശെല്‍വവുമായി ജയലളിതയുടെ സഹോദരപുത്രി ദീപാ ജയകുമാര്‍ കൂടിക്കാഴ്ച നടത്തി. ഇരുവരും രാത്രി വൈകി മറീന ബീച്ചിലെ ജയാസ്മാരകത്തില്‍ സന്ദര്‍ശനം നടത്തി. എഐഎഡിഎംകെയുടെ നല്ല ഭാവിക്കായി ഒന്നിച്ച് പ്രവര്‍ത്തിക്കുമെന്ന് ഇരുവരും പറഞ്ഞു. തന്റെ രാഷ്ട്രീയ പ്രവേശനമാണിതെന്നും ദീപ വാര്‍ത്താലേഖകരോട് പറഞ്ഞു. അതേസമയം തമിഴ്‌നാട് നിയമസഭയില്‍ ഭൂരിപക്ഷം ആര്‍ക്കാണെന്നറിയാന്‍ അടിയന്തരമായി നിയമസഭാ സമ്മേളനം വിളിച്ചു ചേര്‍ക്കണമെന്ന് കോണ്‍ഗ്രസ് ആവശ്യപ്പെട്ടു. ബിജെപിയും മോദി സര്‍ക്കാറും അവസരം മുതലെടുക്കാനാണ് ശ്രമിക്കുന്നതെന്ന് പാര്‍ട്ടി വക്താവ് രണ്‍ദീപ് സുര്‍ജെവാല ന്യൂഡല്‍ഹിയില്‍ ആരോപിച്ചു.

• ഉച്ച തിരിഞ്ഞ് നാലു മണിയോടെ ഗവര്‍ണര്‍ വിദ്യാസാഗര്‍ റാവു മുംബൈയില്‍ നിന്ന് ചെന്നൈയിലെത്തി. ഗവര്‍ണറെ സ്വീകരിക്കാനായി പന്നീര്‍ശെല്‍വം ചെന്നൈ വിമാനത്താവളത്തിലെത്തി.
• വൈകിട്ട് അഞ്ചിന് കാവല്‍ മുഖ്യമന്ത്രി ഒ.പന്നീര്‍ശെല്‍വത്തിനും ഏഴരയ്ക്ക് ശശികലയ്ക്കും രാജ്ഭവന്റെ സന്ദര്‍ശനാനുമതി. സംഘത്തില്‍ പത്തില്‍ കൂടുതല്‍ ആളുകള്‍ പാടില്ലെന്ന് നിര്‍ദേശം.
• ശശികലയെ പിന്തുണക്കുന്ന എം.എല്‍.എമാരെ പാര്‍പ്പിച്ചിരിക്കുന്നത് കല്‍പ്പാക്കത്തെ ആഡംബര റിസോര്‍ട്ടിലെന്ന റിപ്പോര്‍ട്ടുകളും ചിത്രങ്ങളും പുറത്ത്.
• ഒരു എം.എല്‍.എ കൂടി പന്നീര്‍ശെല്‍വം ക്യാമ്പിലേക്ക്. കൂടാരത്തിലെത്തിയത് പാര്‍ട്ടി പ്രസീഡിയം ചെയര്‍മാന്‍ ഇ. മധുസൂദനന്‍. പാര്‍ട്ടിയില്‍ ജനറല്‍ സെക്രട്ടറിക്ക് ശേഷം ഏറ്റവും കൂടുതല്‍ അധികാരമുള്ള നേതാവാണ് പ്രസീഡിയം ചെയര്‍മാന്‍. പാര്‍ട്ടിയില്‍ മികച്ച പ്രതിച്ഛായയുള്ള വെറ്ററനാണ് മധുസൂദനന്‍.
• തമിഴ്‌നാട്ടിലെ രാഷ്ട്രീയവിഷയങ്ങള്‍ അണ്ണാ ഡി.എം.കെയിലെ ആഭ്യന്തര വിഷയങ്ങളെന്ന് കേന്ദ്ര ആഭ്യന്തര മന്ത്രി രാജ്‌നാഥ് സിങിന്റെ പ്രതികരണം.
• ശശികലയെ മുഖ്യമന്ത്രിയായി നിര്‍ദേശിച്ച മധുസൂദനന്റെ കൂടുമാറ്റം ദൗര്‍ഭാഗ്യകരമെന്ന് വൈഗൈ സെല്‍വന്‍ എം.എല്‍.എ മാധ്യമങ്ങളോട്
• രാജി പിന്‍വലിക്കാനുള്ള പന്നീര്‍ശെല്‍വത്തിന്റെ നീക്കം എളുപ്പത്തില്‍ സാധ്യമല്ലെന്ന് ഭരണഘടനാ വിദഗ്ധര്‍
• ലോക്‌സഭ പിരിഞ്ഞ ശേഷം തമിഴ്‌നാട്ടിലെ രാഷ്ട്രീയ സംഭവവികാസങ്ങളെ കുറിച്ച് പ്രധാനമന്ത്രി നരേന്ദ്രമോദി ഡപ്യൂട്ടി സ്പീക്കര്‍ തമ്പി ദുരൈയില്‍ നിന്ന് വിവരങ്ങള്‍ ആരാഞ്ഞു.
• വൈകിട്ട് അഞ്ചിന് പന്നീര്‍ശെല്‍വം രാജ്ഭവനില്‍. 30 വരെ എം.എല്‍.എമാരുടെ പിന്തുണ അവകാശപ്പെട്ട് കാവല്‍ മുഖ്യമന്ത്രി. അതേസമയം, പരസ്യമായി ശെല്‍വത്തെ പിന്തുണക്കുന്നത് അഞ്ചു പേര്‍ മാത്രം.
• അഞ്ചരയ്ക്ക് ഗവര്‍ണറുമായുള്ള കൂടിക്കാഴ്ചക്കു ശേഷം പന്നീര്‍ശെല്‍വം മാധ്യമങ്ങളുമായി സംസാരിക്കുന്നു. തന്നെ രാജിവെക്കാന്‍ നിര്‍ബന്ധിച്ചെന്ന ആരോപണം ആവര്‍ത്തിച്ചു.
• യുവാക്കളുടെ പിന്തുണ തനിക്കാണെന്നും അവകാശവാദം. നല്ല കാര്യങ്ങളാണ് നടക്കുന്നതെന്നും ധര്‍മം ജയിക്കുമെന്നും പ്രതികരണം.
• അനധികൃത സ്വത്തു സമ്പാദനക്കേസില്‍ ശശികലയ്‌ക്കെതിരെയുള്ള പരാതിയില്‍ ഇന്ന് സുപ്രീംകോടതി വാദം കേള്‍ക്കില്ല. അടുത്തയാഴ്ച വിധി വന്നേക്കും
• വൈകിട്ട് ആറേ മുക്കാലിന് ആദരാഞ്ജലി അര്‍പ്പിക്കാനായി ശശികല മറീന ബീച്ചിലെ ജയയുടെ സ്മൃതി മണ്ഡപത്തില്‍. കൂടെ നേതാക്കളുടെ പട. ഏഴ് വനിതാ നേതാക്കളുടെ സാന്നിധ്യം ശ്രദ്ധേയം.
• ഏഴരയ്ക്ക് ശശികലയും നേതാക്കളും രാജ്ഭവനില്‍. ചിന്നമ്മ നീണാള്‍ വാഴട്ടെ എന്ന് പ്രവര്‍ത്തകരുടെ മുദ്രാവാക്യം വിളികള്‍.
• കൂടിക്കാഴ്ച അരമണിക്കൂര്‍ നീണ്ടു. എട്ട് മണിക്ക് ശശികല പുറത്തേക്ക്. സര്‍ക്കാര്‍ രൂപീകരിക്കാന്‍ പാര്‍ട്ടി ജനറല്‍ സെക്രട്ടറി അവകാശ വാദമുന്നയിച്ചു. 130 എം.എല്‍.എമാരുടെ പിന്തുണയുണ്ടെന്ന് അവകാശ വാദം. പേരുകള്‍ കൈമാറി. കൂടെയുണ്ടായിരുന്നത് പത്തു മന്ത്രിമാര്‍.

പനീര്‍സെല്‍വവുമായി ഗവര്‍ണര്‍ കൂടിക്കാഴ്ച്ച നടത്തും. വൈകുന്നേരം അഞ്ചിന് നടക്കുന്ന കൂടിക്കാഴ്ച്ചക്ക് ശേഷമായിരിക്കും ശശികലയുമായുള്ള ഗവര്‍ണറുടെ കൂടിക്കാഴ്ച്ച. രാത്രി ഏഴരയാണ് ശശികലക്ക് അനുവദിച്ചിരിക്കുന്ന സമയം. തന്നെ പിന്തുണക്കുന്ന എം.എല്‍.എമാരുമായിട്ടായിരിക്കും ശശികല ഗവര്‍ണറെ കാണാന്‍ വരികയെന്നാണ് റിപ്പോര്‍ട്ട്. നേരത്തെ അഞ്ചുമണിക്ക് ശശികലയുമായി കൂടിക്കാഴ്ച്ച നടത്താനാണ് തീരുമാനിച്ചിരുന്നത്. എന്നാല്‍ ഇത് മാറുകയായിരുന്നു. മുഖ്യമന്ത്രിയായി പനീര്‍സെല്‍വം എത്തുന്നതിനോടാണ് ഗവര്‍ണറുടെ പിന്തുണ. തനിക്കുള്ള ഭൂരിപക്ഷം തെളിയിക്കാന്‍ സമയം വേണമെന്നായിരിക്കും പനീര്‍സെല്‍വം ഉയര്‍ത്തുന്ന ആവശ്യം.

നേരത്തെ നടന്‍ കമല്‍ഹാസനും പനീര്‍സെല്‍വത്തെ പിന്തുണച്ച് രംഗത്തെത്തിയിരുന്നു. മുഖ്യമന്ത്രിയാവാന്‍ പനീര്‍സെല്‍വത്തിന് യോഗ്യതയുണ്ടെന്ന് കമല്‍ഹാസന്‍ പറഞ്ഞിരുന്നു. ജയലളിതക്കൊപ്പം ഉണ്ടായിരുന്നുവെന്നത് ഒരിക്കലും മുഖ്യമന്ത്രിയാകാനുള്ള യോഗ്യതയില്ലെന്നും അദ്ദേഹം പറഞ്ഞു. കൂടാതെ സോഷ്യല്‍മീഡിയയിലടക്കം പനീര്‍സെല്‍വത്തിന് പിന്തുണ ലഭിക്കുന്നുണ്ട്. എന്തായാലും ഗര്‍ണറുടെ തീരുമാനത്തിന് അടിസ്ഥാനത്തില്‍ തന്നെയായിരിക്കും തമിഴ്‌നാട്ടില്‍ ആര് ഭരിക്കണമെന്ന് നിശ്ചയിക്കുന്നത്.

അതേസമയം, എം.എല്‍.എമാരെ ഒളിപ്പിച്ചിട്ടില്ലെന്ന് തമിഴ്‌നാട് സര്‍ക്കാര്‍ ഹൈക്കോടതിയില്‍ അറിയിച്ചു. ശശികലയെ പിന്തുണക്കുന്ന എം.എല്‍.എമാരെ അജ്ഞാത കേന്ദ്രത്തിലേക്ക് മാറ്റിയിരിക്കുകയാണ്. യാതൊരു തരത്തിലുള്ള കളം ചാടലിനും സാധ്യതയില്ലാതാക്കുകയെന്നാണ് ശശികലയുടെ തീരുമാനം.

അത് അണ്ണാ ഡി.എം.കെയുടെ ആഭ്യന്തര കാര്യമാണ്. എം.എല്‍.എമാര്‍ക്കു സ്വതന്ത്രമായി തീരുമാനമെടുക്കാന്‍ സാഹചര്യമുണ്ടാകണമെന്നും കനിമൊഴി പറഞ്ഞു. ശശികലയെ പിന്തുണക്കുന്ന 131 എം.എല്‍.എമാരെ ശശികല അജ്ഞാത കേന്ദ്രത്തിലേക്ക് മാറ്റിയിരിക്കുകയാണ്.

അതേസമയം, രാഷ്ട്രീയ സാഹചര്യത്തില്‍ അനിശ്ചിതത്വം തുടരുകയാണ്. പണമിടപാട് നടത്തുന്ന അക്കൗണ്ടുകളില്‍ നിന്നും പണം പിന്‍വലിക്കുന്നത് തടയിട്ടും പോയസ് ഗാര്‍ഡനെ ജയലളിതയുടെ സ്മാരകമാക്കുമെന്ന് പ്രഖ്യാപിച്ചും പനീര്‍സെല്‍വം രംഗത്തെത്തിയിട്ടുണ്ട്.

കഴിഞ്ഞ ദിവസം അണ്ണാ ഡി.എം.കെയുടെ ട്രഷറര്‍ സ്ഥാനത്തുനിന്ന് ഒ പനീര്‍സെല്‍വത്തെ നീക്കിയതായി ശശികല പ്രഖ്യാപിച്ചിരുന്നു. എന്നാല്‍ ഈ തീരുമാനം അംഗീകരിക്കാതെയാണ് ഒ.പി.എസ് ബാങ്കുകള്‍ക്കു കത്തെഴുതിയിരിക്കുന്നത്. കത്തില്‍ താന്‍ തന്നെയാണ് ഇപ്പോഴും പാര്‍ട്ടി ട്രഷററെന്നും തന്റെ അനുവാദമില്ലാതെ ഒരു ഇടപാടും അനുവദിക്കരുതെന്നും നിര്‍ദ്ദേശം നല്‍കുന്നുണ്ട്. ജയലളിതയുടെ മരണവുമായി ബന്ധപ്പെട്ടും ശശികലക്കെതിരെ ആഞ്ഞടിച്ചും പനീര്‍സെല്‍വം എത്തിയിരുന്നു. അതിന് പിന്നാലെയായിരുന്നു പനീര്‍സെല്‍വത്തെ പാര്‍ട്ടിയുടെ ട്രഷറര്‍ സ്ഥാനത്തുനിന്നും ശശികല മാറ്റിയത്. പകരം വനം മന്ത്രി ഡിണ്ടുഗല്‍ സി ശ്രീനിവാസനെ ട്രഷററായി നിയമിക്കുകയും ചെയ്തിരുന്നു.

രാഷ്ട്രീയ പ്രതിസന്ധി നിലനില്‍ക്കുന്ന തമിഴ്‌നാട്ടില്‍ തനിക്കു പിന്തുണ നല്‍കുന്ന എം.എല്‍.എമാരെ ശശികല രാഷ്ട്രപതിക്കു മുന്നില്‍ ഹാജരാക്കാനാണ് ശശികലയുടെ നീക്കം. അതിന്റെ ഭാഗമായി പിന്തുണയ്ക്കുന്ന എം.എല്‍.എമാരെ അജ്ഞാത കേന്ദ്രങ്ങളിലേക്കു മാറ്റിയിരിക്കുകയാണ് ശശികല. 131 എം.എല്‍.എ മാരാണ് ശശികലയെ പിന്തുണക്കുന്നത്.

സാഹചര്യം അനുകൂലമാണെങ്കില്‍ താന്‍ രാജി പിന്‍വലിക്കുമെന്നും പനീര്‍ശെല്‍വം അറിയിച്ചു. പാര്‍ട്ടിയെ താന്‍ ഒരിക്കലും ഉപേക്ഷിച്ചിട്ടില്ല. തള്ളിപ്പറഞ്ഞിട്ടുമില്ല. എഐഎഡിഎംകെയുടെ യോജിപ്പിനു വേണ്ടിയാണ് എന്നും നിലകൊണ്ടത്. ശശികല മുഖ്യമന്ത്രിയാകുന്നതോ പാര്‍ട്ടിയുടെ അമരതെത്തുന്നതോ ‘അമ്മ’ ആഗ്രഹിച്ചിരുന്നില്ല. തന്റെ നീക്കങ്ങള്‍ക്കു പിന്നില്‍ ബിജെപിയോ ഡിഎംകെയോ ഇല്ലെന്നും അദ്ദേഹം കൂട്ടിച്ചേര്‍ത്തു.