ചൊവ്വാഴ്ച ഭൂട്ടാന്‍ പട്ടാളം ഉപേക്ഷിച്ച വണ്ടികള്‍ നികുതിവെട്ടിച്ച് രജിസ്റ്റര്‍ ചെയ്ത് ഉപയോഗിക്കുന്നവരെ കണ്ടെത്താനായിരുന്നു കസ്റ്റംസ് രാജ്യവ്യാപക റെയ്ഡ് നടത്തിയത്. നടന്‍മാരായ ദുല്‍ഖര്‍ സല്‍മാന്‍ , പൃഥ്വിരാജ് , അമിത് ചക്കാലക്കല്‍ എന്നിവരുടെ വീടുകളില്‍ പരിശോധന നടത്തിയികുന്നു ദുല്‍ഖറിന്റെ 2 വാഹനങ്ങളും, അമിതിന്റെ എട്ട് വാഹനങ്ങളും കസ്റ്റഡിയില്‍ എടുത്തിരുന്നു. ദുല്‍ഖറിന്റെ കൊച്ചി ഇളംകുളത്തെയും മമ്മൂട്ടിയുടെ പനമ്പിള്ളി നഗറിലെ ഗാരേജിലും കസ്റ്റംസ് പരിശോധന നടത്തി. ദുല്‍ഖര്‍ സല്‍മാന്റെ രണ്ടു വാഹനങ്ങളില്‍ ഒന്നിന് ഫിറ്റ്‌നസ് സര്‍ട്ടിഫിക്കറ്റ് ഇല്ലാത്തതിനാല്‍ കസ്റ്റം ഓഫീസിലേക്ക് എത്തിച്ചിട്ടില്ല.

പൃഥ്വിരാജിന്റെ തേവരയിലെ ഫ്‌ലാറ്റില്‍ പരിശോധന നടത്തിയെങ്കിലും വാഹനം കണ്ടെത്താനായില്ല. നടന്‍ അമിത് ചക്കാലക്കലിന്റെ വീട്ടില്‍ നടത്തിയ റെയ്ഡില്‍ എട്ട് വാഹനങ്ങള്‍ കസ്റ്റഡിയിലെടുത്തു. വീട്ടില്‍ നിന്നും രണ്ട് വാഹനങ്ങളും, വര്‍ക്ക്‌ഷോപ്പില്‍ നിന്ന് ആറു വാഹനങ്ങള്‍ ആണ് പിടിച്ചെടുത്തത്. ഇതില്‍ രണ്ടെണ്ണം കസ്റ്റംസ് ഓഫീസിലെത്തിച്ചു. അഞ്ചുവര്‍ഷമായി താന്‍ ഉപയോഗിക്കുന്ന വാഹനമാണെന്നും വീട്ടില്‍ നിന്നും പിടിച്ചെടുത്ത വാഹനമാണെന്നും അമിത് പറഞ്ഞു.

അമിത് ചക്കാലക്കല്‍ അന്വേഷണവുമായി സഹകരിക്കുന്നില്ലെന്ന് കസ്റ്റംസ് വൃത്തങ്ങള്‍ അറിയിച്ചു. സമന്‍സ് സ്വീകരിക്കാന്‍ വിസമ്മതിച്ചതിനെ തുടര്‍ന്ന് പൊലീസ് സഹായത്തോടെയാണ് പരിശോധന നടത്തിയത്. വാഹനങ്ങളുടെ രേഖകള്‍ പരിശോധിച്ച ശേഷം നിയമാനുസൃതമാണെന്ന് തെളിഞ്ഞാല്‍ തിരിച്ചുനല്‍കുമെന്നും അധികൃതര്‍ വ്യക്തമാക്കി.

ഇതിനോടകം നടന്‍മാരായ പൃഥ്വിരാജ്, ദുല്‍ഖര്‍ സല്‍മാന്‍, മമ്മൂട്ടി എന്നിവരുടെ വീടുകളിലും പരിശോധന നടന്നിട്ടുണ്ട്. ഭൂട്ടാന്‍ പട്ടാളം ഉപേക്ഷിച്ച വാഹനങ്ങള്‍ ഇറക്കുമതി തീരുവ ഒഴിവാക്കി കൈവശപ്പെടുത്തിയെന്ന പരാതിയെ തുടര്‍ന്നാണ് ‘ഓപ്പറേഷന്‍ നുംഖോര്‍’ നടപ്പിലാക്കുന്നത്.

കൊച്ചി, തിരുവനന്തപുരം എന്നീ സ്ഥലങ്ങളിലായി നടന്ന പരിശോധനയില്‍, മമ്മൂട്ടിയുടെ പനമ്പിള്ളി നഗരത്തിലെ വീടുകളും ഉള്‍പ്പെട്ടു. 2010 ലെ ലാന്‍ഡ് റോവര്‍ ഡിഫെന്‍ഡര്‍ ദുല്‍ഖര്‍ സ്വന്തമാക്കിയതായി കസ്റ്റംസ് കണ്ടെത്തിയിട്ടുണ്ട്. അദ്ദേഹത്തിന്റെ രണ്ട് വാഹനങ്ങള്‍ ഇതിനോടകം കസ്റ്റംസ് പിടിച്ചെടുത്തിട്ടുണ്ട്.