കളിക്കാരുടെ താളവും മുറുക്കവും ഗായകരുടെ പാട്ടിനനുസരിച്ചാണ്. ഇത്തരത്തില്‍ പിണങ്ങോട് ടീമിന്റെ ഒപ്പന അവസാനത്തിലേക്ക് കടക്കുന്നതിനിടെയാണ് കുപ്പിവള പൊട്ടി മിന്‍ഹയുടെ കൈയില്‍ തുളച്ചു കയറിയത്. ചോര പൊടിഞ്ഞിട്ടും അടുത്ത് നിന്ന സഹഗായികമാര്‍ പോലും ഇക്കാരൃം അറിഞ്ഞില്ല. വേദന കടിച്ചമര്‍ത്തിയാണ് പാട്ടു പൂര്‍ത്തിയാക്കിയത്.

മത്സരം കഴിഞ്ഞ ശേഷം ആരോഗ്യ പ്രവര്‍ത്തകരെത്തിയാണ് കൈയില്‍ നിന്ന് കുപ്പിവള കഷണം നീക്കിയത്. മത്സരം തുടങ്ങി അല്‍പ സമയത്തിനിടെ ടീമംഗങ്ങളില്‍ ഒരാളുടെ കമ്മല്‍ പ്ലാറ്റ്‌ഫോമിലോക്ക് പൊട്ടി വീണിര?ുന്നു. ചുവടുവെക്കുന്നത് ഈ പൊട്ടിവീണ കമ്മലിലേക്കാണെങ്കില്‍ പരിക്ക് ഉറപ്പ്. ആശങ്കയോടെയാണ് സദസ് ആദ്യാവസാനം ഇത് കണ്ടിരുന്നത്.

കൊല്ലം: 62ാമത് സംസ്ഥാന സ്‌കൂള്‍ കലോത്സവത്തില്‍ തിക്കിലും തിരക്കിലുപ്പെട്ട് വീര്‍പ്പുമുട്ടി കാഴ്ചക്കാര്‍. മാപ്പിള കലയായ ഒപ്പന കാണാന്‍ വന്നവര്‍ ശരിക്കും വിയര്‍ത്തു. കേശവന്‍ മെമ്മോറിയല്‍ ടൗണ്‍ഹാളില്‍ നടന്ന ഒപ്പന മത്സരം കാണാന്‍ എത്തിയവര്‍ക്കാണ് ദുരനുഭവം ഉണ്ടായത്. ആവശ്യമായ രീതിയില്‍ വേദി സജ്ജീകരിക്കാത്തത് സംഘാടകരുടെ വീഴ്ചയാണെന്നാണ് കാണികളില്‍ നിന്നും വിമര്‍ശനം ഉയരുന്നത്. പലരും വലിയ ആഗ്രഹത്തില്‍ കാണാനെത്തിയ ഒപ്പന ഈ അവസ്ഥ കാരണം മടങ്ങിപോയി.

ഇത്രയും ജനപ്രീതി ഉള്ള ഇനം ചെറിയ വേദിയിലേക്ക് മാറ്റിയതാണ് ഈ സാഹചര്യത്തിന് കാരണമായത്. കുഞ്ഞുങ്ങളും അമ്മമാരും പരിപാടി കഴിഞ്ഞ് പുറത്തുപ്പോകാന്‍ പാടുപ്പെട്ടു. കലാപ്രതിഭകളും കൂടെ വന്ന രക്ഷിതാക്കളും വേദിയില്‍ നിന്നും പുറത്തിറങ്ങാന്‍ ശരിക്കും പാടുപ്പെട്ടു. വേദിയില്‍ പലയിടത്തും പൊലീസ് ഉണ്ടായിരുന്നിട്ടും സാഹചര്യം നിയന്ത്രണാധീതമായിരുന്നു.

അതേസമയം കാണികള്‍ക്ക് വേണ്ട സൗകര്യമൊരുക്കാതെ സംഘാടകര്‍. മറ്റ് പല വേദികളിലെയും അവസ്ഥ ഇതുതന്നെയാണ്. കൃത്യസമയങ്ങളില്‍ ഇനങ്ങള്‍ തുടങ്ങാത്തതും മത്സരാര്‍ത്ഥികളില്‍ ആശങ്ക ഉണര്‍ത്തുന്നു.

ഇന്നലെ ഒപ്പന വേദിയിൽ രാത്രി എട്ടോടെയായിരുന്നു കളിക്കിടയിൽ കുട്ടി കുഴഞ്ഞുവീണത്​. ആദ്യ കുട്ടി വീണ്​ കർട്ടനിട്ടതോ​ടെ അതേ ടീമിലെ മറ്റ്​ രണ്ട്​ പേർ കൂടി വീണു. ആലപ്പുഴ സെന്‍റ്​ ജോസഫ്​ ഗേൾസ്​ എച്ച്​.എസ്​.എസ്​ സംഘത്തിനാണ്​ കളിക്കാരി കുളഞ്ഞുവീണതിനെ തുടർന്ന്​ കളി പാതിയിൽനിർത്തേണ്ടി വന്നത്​.

ടീമിലെ എൻ. ആസ്യയാണ്​ ആദ്യം സ്​റ്റേജിൽ വീണത്​. പിന്നാലെ അൻസിയയും വീണു. കൂട്ടത്തിൽ മറ്റൊരാളും. ഇവർക്കെല്ലാം വേദിക്ക്​ പിന്നിൽ പ്രവർത്തിക്കുന്ന മെഡിക്കൽ സംഘം പ്രഥമ ശുശ്രൂഷ നൽകിയപ്പോഴേക്കും സ്ഥിതി സാധാരണ നിലയിലെത്തി.

കഥ ഇവി​ടെ തീരുന്നില്ല, ഈ സംഘം വീഴുന്നതിന്​ മുമ്പ്​ 45 പേരാണ്​ വിവിധ ഒപ്പന ടീമുകളിൽ നിന്നായി കുഴഞ്ഞു വീണും അസ്വസ്ഥത പ്രകടിപ്പിച്ചും മെഡിക്കൽ സഹായം തേടിയത്​. അവരെല്ലാം ഒപ്പന പൂർത്തിയായ ശേഷം വീണു എന്നത്​ മാത്രം വ്യത്യാസം.

ഇതിനു ശേഷവും ഇരുപതോളം കുട്ടികൾ കുഴഞ്ഞെത്തി. കൂട്ടത്തിൽ ഒരു മണവാട്ടിയും കുഴഞ്ഞുവീണു. മൊഞ്ചത്തിമാരെ മുഴുവൻ കുഴക്കുന്നതായി അങ്ങനെ ഒപ്പന. എന്നാൽ, ആരെയും ഇതിന്‍റെ പേരിൽ ആശുപത്രിയിലേക്ക്​ മാറ്റേണ്ടിവന്നില്ല.

കാലിന്​ ഉളുക്കുണ്ടായ കുട്ടിയെ മാത്രം എക്സ്​റേ എടുക്കാൻ ജില്ല ആശുപത്രിയിലേക്ക്​ മാറ്റി. ഒപ്പന ആടയാഭരണത്തിൽ ഉൾപ്പെ​ട്ട അരപ്പെട്ടയാണ്​ കുട്ടികൾക്ക്​ കൂടുതൽ പ്രശ്നമാക്കിയതെന്നാണ്​ ഡി.എം.ഒ ഡോ. വസന്തദാസ്​ പറഞ്ഞു.

ഇറുകി കെട്ടിയ അരപ്പട്ടയുമായി ആടിക്കളിച്ച കുട്ടികൾ ശ്വാസംകിട്ടാ​തെ കുഴയുകയായിരുന്നു. മെഡിക്കൽ സംഘം അരപ്പട്ട മുറിച്ചെടുത്താണ്​ കുട്ടികൾക്ക്​ ഉടൻ ആശ്വാസം നൽകിയത്​. വേഷവിധാനത്തിൽ ഏറെ നേരം കാത്തിരിക്കേണ്ടി വന്നതും കുട്ടികളെ കുഴച്ചിരുന്നു.

കാണികളെ ആകർഷിക്കുന്ന ദഫ് മുട്ടും കോൽക്കളിയും ഇന്നും വേദികളിൽ അരങ്ങേറുന്നുണ്ട്. മോഹിനിയാട്ടം, കഥകളി, കുച്ചിപ്പുടിയും വേദികളിൽ ആളെ നിറയ്ക്കും. വേദി രണ്ടിൽ ഹയർസെക്കൻഡറി വിഭാഗം ഹയർ സെക്കൻഡറി വിഭാഗം നാടകവും രാവിലെയോടെ ആരംഭിക്കും.

തലശ്ശേരി: ദുബൈയിയില്‍ ഒപ്പന അവതരിപ്പിക്കാന്‍ തലശ്ശേരിയിലെ കുട്ടികളും. സേക്രഡ് ഹാര്‍ട്ട് ഗേള്‍സ് ഹയര്‍ സെക്കന്ററി സ്‌കൂള്‍ വിദ്യാര്‍ത്ഥികളാണ് ഏപ്രില്‍ മൂന്നാം വാരം ടെലിച്ചറി ക്രിക്കറ്റേര്‍സ് ദുബൈയില്‍ സംഘടിപ്പിക്കുന്ന നാലാമത് തലശ്ശേരി ഫിയസ്റ്റയില്‍ ഒപ്പന അവതരിപ്പിക്കുന്നത്.
ദുബൈ കേന്ദ്രീകരിച്ച് പ്രവര്‍ത്തിക്കുന്ന തലശ്ശേരി മേഖലയിലുള്ളവരുടെ കൂട്ടായ്മയാണ് തലശ്ശേരി ക്രിക്കറ്റേര്‍സ്.
തലശ്ശേരിയുടെ കലകള്‍ പ്രവാസ ലോകത്തിന് പരിചയപ്പെടുത്തുക എന്ന ലക്ഷ്യത്തോടെയാണ് ഏപ്രില്‍ മാസത്തില്‍ ദുബൈയില്‍ നടക്കുന്ന നാലാമത് ഫിയസ്റ്റയില്‍ ഒപ്പന അവതരിപ്പിക്കാന്‍ സേക്രഡ് ഹാര്‍ട്ട് ഗേള്‍സ് ഹയര്‍ സെക്കന്ററി സ്‌കൂളിനെ ക്ഷണിച്ചത്. ഗള്‍ഫില്‍ പരിപാടി അവതരിപ്പിക്കാന്‍ അപ്രതീക്ഷിത ക്ഷണം ലഭിച്ചതിന്റെ ആഹ്ലാദത്തിലാണ് വിദ്യാര്‍ത്ഥിനികളും അധ്യാപകരും.
കഴിഞ്ഞ വര്‍ഷം തലശേരി മുബാറക്ക് ഹയര്‍ സെക്കന്ററി സ്‌കൂളിലെ കോല്‍ക്കളി ടീമിനാണ് അവസരം ലഭിച്ചത്. ഏപ്രില്‍ മാസത്തില്‍ മൂന്ന് ആഴ്ചകളിലായാണ് ഫിയസ്റ്റ നടക്കുന്നത്.

കണ്ണൂര്‍:ഒപ്പനപ്പാട്ടിന്റെ ഇശലിനൊത്ത് കൈകൊട്ടിയാടുമ്പോള്‍ സുകന്യ യുടെ നെഞ്ച് പൊട്ടുന്നുണ്ടായിരുന്നു. എങ്കിലും ചിതയുടെ കനലെരിഞ്ഞു തീരും മുമ്പ് അവള്‍ അച്ഛനു നല്‍കിയ വാക്കു പാലിച്ചു. പുഞ്ചിരിയഭിനയിച്ചതിന്റെ വേദനയാവും. വേദിക്ക് പിറകിലിരുന്ന് അവള്‍ കരഞ്ഞു തീര്‍ത്തു. സഹപാഠികള്‍ക്ക് പോലും ആശ്വസിപ്പിക്കാനാവാത്ത വല്ലാത്ത അവസ്ഥ. ”അച്ഛന് കൊടുത്ത വാക്ക് പാലിച്ചില്ലേ… അമ്മേടെ മോള്‍ ഇനി തിരികെ പോര്”- അധ്യാപകന്റെ ഫോണില്‍ വിളിച്ച് അമ്മ പുഷ്പ പറഞ്ഞപ്പോള്‍ അവള്‍ കരച്ചില്‍ നിര്‍ത്തി. കണ്ണീരു വീണ് പരന്ന കണ്‍മഷി ഒപ്പനതുണിയുടെ കോന്തല കൊണ്ട് തുടച്ച് വേദി വിട്ടു.

വേദി ഒന്നില്‍ നടന്ന ഹയര്‍സെക്കന്ററി വിഭാഗം ഒപ്പന മത്സരത്തിലാണ് ആലപ്പുഴ മാവേലിക്കര ബിഷപ് ഹോഡ്ജസ് എച്ച്.എസ്.എസിലെ പി.എസ് സുകന്യ കാഴ്ചക്കാരുടെ കണ്ണീരായത്. ഞായറാഴ്ചയാണ് സുകന്യയുടെ അച്ഛന്‍ മരിച്ചത്. തിങ്കളാഴ്ച ഉച്ചക്ക് രണ്ട് മണിക്കായിരുന്നു സംസ്‌കാരം. അച്ഛന്‍ മരിച്ചതിനെ തുടര്‍ന്ന് സുകന്യ നയിക്കുന്ന ആലപ്പുഴ ജില്ലയുടെ ഒപ്പന ടീം മത്സരത്തില്‍ പങ്കെടുക്കുന്നില്ലെന്ന് സ്‌കൂള്‍ അധികൃതര്‍ തീരുമാനിച്ചിരുന്നു. എന്നാല്‍ സുകന്യയാണ് പങ്കെടുക്കണമെന്ന് നിര്‍ബന്ധിച്ചത്. ”ഒപ്പന അച്ഛന്റെ ആഗ്രഹമായിരുന്നു. കളി മുടക്കുന്നത് അച്ഛന്റെ ആത്മാവിന് ഇഷ്ടപ്പെടില്ലെ”ന്നു പറഞ്ഞപ്പോള്‍ അമ്മ പുഷ്പയും പോകാന്‍ സമ്മതം നല്‍കി. ഇന്നലെ വൈകുന്നേരം ആറ് മണിക്കാണ് മാവേലിക്കരയില്‍ നിന്ന് സുകന്യയും സംഘവും ട്രെയിന്‍ കയറിയത്. പതിനൊന്ന് മണിയോടെ കണ്ണൂരിലെത്തി.

നാടന്‍പാട്ടില്‍ ജില്ലാ തലത്തില്‍ സമ്മാനങ്ങള്‍ നേടിയ സുകന്യ അച്ഛന്‍ സുബാഷിന്റെ താല്‍പര്യ പ്രകാരമാണ് ഒപ്പനയില്‍ പങ്കെടുത്തത്. ”നിറഞ്ഞ സന്തോഷത്തോടെയാണ് ഒപ്പനയില്‍ പങ്കെടുക്കാന്‍ അച്ഛന്‍ സമ്മതം നല്‍കിയത്. സുഖമില്ലാതെ ആസ്പത്രിയിലേക്ക് കൊണ്ടു പോകുമ്പോഴും മത്സരത്തില്‍ വിജയിച്ചു വരണമെന്ന് അച്ഛന്‍ പറഞ്ഞിരുന്നു. അച്ഛന്റെ പിന്തുണയാണ് സംസ്ഥാന തലം വരെ ടീം എത്താന്‍ കാരണം” – സുകന്യ പറഞ്ഞു. ടി.ബി രോഗ ബാധിതനായ സുബാഷ് മാവേലിക്കരയിലെ ചുമട്ട് തൊഴിലാളിയായിരുന്നു. സുബാഷിന്റെ രണ്ടാമത്തെ മകളാണ് സുകന്യ. ഞായറാഴ്ച രാവിലെയാണ് രക്തം ഛര്‍ദ്ദിച്ച് സുബാഷിനെ ആസ്പത്രിയില്‍ പ്രവേശിപ്പിച്ചത്. വൈകുന്നേരത്തോടെ മരിച്ചു. ഒപ്പനയില്‍ ലഭിച്ച എ ഗ്രേഡ് അച്ഛന് സമര്‍പ്പിച്ചാണ് കണ്ണൂരിന്റെ കണ്ണീരായി സുകന്യ മടങ്ങിയത്.
മത്സരശേഷം വേദിക്കു പിറകില്‍ വിതുമ്പുന്ന സുകന്യയെ
ടീമംഗങ്ങള്‍ ആശ്വസിപ്പിക്കുന്നു