മന്ത്രിയുടെ ഓഫീസ് വരെ എത്തിയതിനു ശേഷം കൂടിക്കാഴ്ച സാധ്യമാകാത്തതിനെത്തുടര്‍ന്ന് മടങ്ങുകയായിരുന്നു. അദ്ദേഹത്തിന് ഒപ്പമുണ്ടായിരുന്ന രാജ്യസഭാ എം.പി വി.മൈത്രേയനെ ചേംബറിലേക്ക് വിളിപ്പിച്ചെങ്കിലും പനീര്‍സെല്‍വത്തെ കാണാന്‍ മന്ത്രി തയാറായില്ല. മൈത്രേയനെ മാത്രമേ കണ്ടിട്ടുള്ളൂവെന്നും ഒ.പി.എസിനെ കണ്ടിട്ടില്ലെന്നും ട്വിറ്ററിലൂടെ വെളിപ്പെടുത്തുകയും ചെയ്തു.

ചികിത്സക്കായി മധുരയില്‍ നിന്ന് ചെന്നൈയിലേക്ക് തന്റെ സഹോദരനെ എത്തിക്കാന്‍ എയര്‍ ആംബുലന്‍സ് അനുവദിച്ചതില്‍ പ്രതിരോധമന്ത്രിയെ നേരില്‍ കണ്ട് നന്ദി അറിയിക്കാനായിരുന്നു ഒ.പി.എസ് ഡല്‍ഹിയിലെത്തിയത്. മുഖ്യമന്ത്രി എടപ്പാടി പളനി സ്വാമിയും പനീര്‍സെല്‍വവും ഇക്കാര്യം ഔദ്യോഗികമായി അറിയിച്ചിരുന്നു. പനീര്‍സെല്‍വവും മൈത്രേയനും മന്ത്രിയുടെ ചേംബറിനു മുന്നില്‍ കാത്തിരുന്നു.

അല്‍പസമയത്തിനു ശേഷം മൈത്രേയനെ മാത്രം ചേംബറിലേക്ക് വിളിപ്പിച്ചെങ്കിലും ഒ.പി.എസിനെ കാണാന്‍ അനുവദിച്ചില്ല. ഇതിനിടെ പനീര്‍സെല്‍വവും നിര്‍മല സീതാരാമനും തമ്മില്‍ കൂടിക്കാഴ്ച നടന്നുവെന്ന വാര്‍ത്ത പ്രചരിക്കാനും ആരംഭിച്ചു. ഇതോടെ കൂടിക്കാഴ്ച നടന്നിട്ടില്ലെന്ന് മന്ത്രി തന്നെ നേരിട്ട് പ്രതികരിക്കുകയായിരുന്നു.

പാര്‍ട്ടി ശക്തിപ്പെടുത്തുന്നതിന് ശശികലയെയും ദിനകരനെയും പുറത്താക്കി പനീര്‍ശെല്‍വത്തെ തിരിച്ചു കൊണ്ടുവരണമെന്ന പ്രവര്‍ത്തകരുടെ ആവശ്യം മുന്‍ നിര്‍ത്തിയാണ് പളനിസ്വാമി ലയനശ്രമങ്ങള്‍ക്ക് തുടക്കമിട്ടത്. ഒപിഎസ്-ഇപിഎസ് വിഭാഗം ഐഎന്‍എസ് ചെന്നൈ കപ്പലില്‍ ലയന ചര്‍ച്ച നടത്തുകയും ചെയ്തിരുന്നു. ശശികലയും മന്നാര്‍ഗുഡി സംഘവും പാര്‍ട്ടിയില്‍ ഉള്ള കാലത്തോളം തിരിച്ചുവരില്ലെന്ന് പനീര്‍ശെല്‍വം ഉറച്ച നിലപാടെടുത്തതോടെയാണ് പുതിയ നീക്കങ്ങളുണ്ടായത്. പാര്‍ട്ടി അടിയന്തര യോഗം ചേര്‍ന്ന് ശശികലയെയും ദിനകരനെയും പുറത്താക്കി. ഇതിനു പിന്നാലെയാണ് പാര്‍ട്ടിയിലെ സ്ഥാനമാനങ്ങള്‍ സംബന്ധിച്ച് ധാരണയായത്.

ശശികലയെയും ദിനകരനേയും പാര്‍ട്ടിയില്‍നിന്ന് പുറത്താക്കണം, ജയലളിതയുടെ മരണവുമായി ബന്ധപ്പെട്ട് ഉന്നതതല അന്വേഷണം പ്രഖ്യാപിക്കണം എന്നീ ഉപാധികളാണ് പന്നീര്‍ശെല്‍വം ക്യാമ്പ് മുന്നോട്ടു വച്ചിരുന്നത്. ഇരുവരേയും പാര്‍ട്ടിയില്‍നിന്ന് പുറത്താക്കിയതായി പളനിസ്വാമി ക്യാമ്പിലെ ചില നേതാക്കള്‍ പറയുന്നുണ്ടെങ്കിലും ഇതുസംബന്ധിച്ച് ഔദ്യോഗിക തീരുമാനമൊന്നും ഇതുവരെ എടുത്തിട്ടില്ലെന്നാണ് വിവരം. ആവശ്യങ്ങള്‍ അംഗീകരിക്കാതെ സമര്‍ദ്ദത്തിലാക്കി ലയന ചര്‍ച്ച ആരംഭിക്കാനാണ് പളനിസ്വാമി വിഭാഗം ശ്രമിക്കുന്നതെന്ന് ആരോപിച്ചാണ് ഒ.പി.എസ് ക്യാമ്പ് പിന്‍മാറല്‍ സൂചന നല്‍കിയത്. ഇതോടെ പളനി സ്വാമി വിഭാഗം വീട്ടുവീഴ്ചക്കു തയ്യാറാവുകയായിരുന്നു.
വ്യക്തിപരമായ താല്‍പര്യങ്ങള്‍ക്കപ്പുറം പാര്‍ട്ടി താല്‍പര്യം എല്ലാവരും ഉയര്‍ത്തിപ്പിടിക്കണമെന്ന് പളനി സ്വാമി ക്യാമ്പിലെ നേതാവായ സി.വി ഷണ്‍മുഖം പറഞ്ഞു. ഉപാധിരഹിത ചര്‍ച്ചക്ക് തയ്യാറാണെന്ന് ഇതേ ക്യാമ്പിലെ മറ്റൊരു നേതാവും രാജ്യസഭാംഗവുമായയ ആര്‍ വൈതിലിംഗവും പ്രതികരിച്ചു. എന്നാല്‍ ശശികല, ദിനകരന്‍ എന്നിവരെ പുറത്താക്കിയാലല്ലാതെ ചര്‍ച്ചക്കില്ലെന്ന നിലപാടില്‍ ഒ.പി.എസ് ക്യാമ്പ് ഉറച്ചു നില്‍ക്കുകയാണ്. മുഖ്യമന്ത്രി പദവും ജനറല്‍ സെക്രട്ടറി പദവും ഉള്‍പ്പെടെ പന്നീര്‍ശെല്‍വം ആവശ്യപ്പെട്ടുവെന്ന വാര്‍ത്തകള്‍ പ്രചരിക്കുന്നുണ്ടെന്നും ഇത് ശരിയല്ലെന്നും അദ്ദേഹത്തെ അനുകൂലിക്കുന്ന ക്യാമ്പ് പറഞ്ഞു.
ശശികലയെ ജനറല്‍ സെക്രട്ടറിയായും ദിനകരനെ ഡപ്യൂട്ടി ജനറല്‍ സെക്രട്ടറിയായും തെരഞ്ഞെടുത്തതായി കാണിച്ച് തെരഞ്ഞെടുപ്പ് കമ്മീഷന് സമര്‍പ്പിച്ച കത്ത് പിന്‍വലിക്കണമെന്നും ഒ.പി.എസ് ക്യാമ്പ് ആവശ്യപ്പെട്ടിട്ടുണ്ട്.
അതേസമയം ദിനകരനെ പാര്‍ട്ടിയില്‍നിന്ന് പുറത്താക്കണമെന്ന ആവശ്യം ഒ.പി.എസ് ക്യാമ്പ് ഉപേക്ഷിക്കണമെന്ന ആവശ്യവുമായി ആണ്ടിപ്പെട്ടി എം.എല്‍.എ തങ്കത്തമിള്‍ സെല്‍വന്‍ പറഞ്ഞു. ജയലളിതയുടെ മരണം സംബന്ധിച്ച് അന്വേഷണം വേണം. ഇക്കാര്യം തങ്ങളും ആവശ്യപ്പെടുന്നതാണ്. ജയലളിതയുടെ ആസ്പത്രി വാസവുമായി ബന്ധപ്പെട്ട കാര്യങ്ങളില്‍ പന്നീര്‍ശെല്‍വത്തിന്റെ പങ്ക് പുറത്തു വരേണ്ടതുണ്ട്- ദിനകരന്റെ അടുപ്പക്കാരന്‍ കൂടിയായ തങ്കത്തമിള്‍ സെല്‍വന്‍ പറഞ്ഞു.

അതിനിടെ, കാവല്‍ മുഖ്യമന്ത്രി ഒ. പനീര്‍ശെല്‍വവുമായി ജയലളിതയുടെ സഹോദരപുത്രി ദീപാ ജയകുമാര്‍ കൂടിക്കാഴ്ച നടത്തി. ഇരുവരും രാത്രി വൈകി മറീന ബീച്ചിലെ ജയാസ്മാരകത്തില്‍ സന്ദര്‍ശനം നടത്തി. എഐഎഡിഎംകെയുടെ നല്ല ഭാവിക്കായി ഒന്നിച്ച് പ്രവര്‍ത്തിക്കുമെന്ന് ഇരുവരും പറഞ്ഞു. തന്റെ രാഷ്ട്രീയ പ്രവേശനമാണിതെന്നും ദീപ വാര്‍ത്താലേഖകരോട് പറഞ്ഞു. അതേസമയം തമിഴ്‌നാട് നിയമസഭയില്‍ ഭൂരിപക്ഷം ആര്‍ക്കാണെന്നറിയാന്‍ അടിയന്തരമായി നിയമസഭാ സമ്മേളനം വിളിച്ചു ചേര്‍ക്കണമെന്ന് കോണ്‍ഗ്രസ് ആവശ്യപ്പെട്ടു. ബിജെപിയും മോദി സര്‍ക്കാറും അവസരം മുതലെടുക്കാനാണ് ശ്രമിക്കുന്നതെന്ന് പാര്‍ട്ടി വക്താവ് രണ്‍ദീപ് സുര്‍ജെവാല ന്യൂഡല്‍ഹിയില്‍ ആരോപിച്ചു.

അതിനിടെ, ശശികലയെ നാലു വര്‍ഷത്തേക്ക് ശിക്ഷിച്ചതോടെ പൊതുമരാമത്ത് മന്ത്രി എടപ്പാടി പളനിസ്വാമിയെ ചിന്നമ്മ ക്യാമ്പ് നിയമകക്ഷി നേതാവായി തെരഞ്ഞെടുത്തു. സര്‍ക്കാര്‍ രൂപീകരിക്കുന്നതിന് ഭൂരിപക്ഷം തെളിയിക്കാന്‍ അവസരം തേടി പളനിസ്വാമി ഗവര്‍ണറുമായി ഇന്നു വൈകിട്ട് അഞ്ചരക്ക് കൂടിക്കാഴ്ച നടത്തും. പനീല്‍ശെല്‍വം മന്ത്രിസഭയില്‍ ജലസേചനമന്ത്രിയായിരുന്നു പളനിസ്വാമി. റിസോര്‍ട്ടില്‍ കഴിയുന്ന എംഎല്‍എമാരെക്കൊണ്ട് പളനിസ്വാമിയെ പിന്തുണച്ച് ഒപ്പിടുവിച്ചതായും റിപ്പോര്‍ട്ടുകളുണ്ട്. അതേസമയം ശശികലയെ പൊലീസ് അറസ്റ്റു ചെയ്യില്ലെന്നും സ്വയം കീഴടങ്ങട്ടെയെന്നുമാണ് ബംഗളൂരു പൊലീസ് പറയുന്നത്.

ഇന്നലെ എംഎല്‍എമാരെ പാര്‍പ്പിച്ചിരിക്കുന്ന റിസോര്‍ട്ടിലെത്തി ശശികല അവരുമായി കൂടിക്കാഴ്ച നടത്തിയിരുന്നു. തുടര്‍ന്ന് ചില പാര്‍ട്ടി നേതാക്കളുമായി നടത്തിയ ചര്‍ച്ചക്കു ശേഷമാണ് പുതിയ സമരമാര്‍ഗത്തിലേക്ക് കടക്കാന്‍ ശ്രമം നടത്തുന്നത്.
അതേസമയം, ദിവസംതോറും കാവല്‍ മുഖ്യമന്ത്രി പനീര്‍ശെല്‍വം കരുത്താര്‍ജിക്കുന്ന അവസ്ഥയാണുള്ളത്. പിന്തുണ പ്രഖ്യാപിച്ച് ബിജെപിയും പനീര്‍ശെല്‍വത്തിനൊപ്പമുണ്ട്. വിശ്വാസ വോട്ടെടുപ്പിലൂടെ ഭൂരിപക്ഷം തെളിയിക്കാന്‍ പനീര്‍ശെല്‍വത്തിന് അവസരം നല്‍കണമെന്ന് ബിജെപി നേതൃത്വം ആവശ്യപ്പെട്ടു. ചിന്നമ്മ ക്യാമ്പില്‍ നിന്ന് ഇന്നു നാല് എംപിമാര്‍ കൂടി പനീര്‍ശെല്‍വത്തിനൊപ്പം ചേര്‍ന്നത് ശശികലയെ ആശങ്കപ്പെടുത്തുന്നുണ്ട്. ഏഴ് ലോകസഭാ എംപിമാരും ഒരു രാജ്യസഭാ എംപിയുടെ പനീര്‍ശെല്‍വത്തെ പിന്തുണ അറിയിച്ചതായും റിപ്പോര്‍ട്ടുകളുണ്ട്.

അതിനിടെ ശക്തിക്കാട്ടി ശശികലയെ വിറപ്പിക്കുന്നതിന് തന്നെ അനുകൂലിക്കുന്നവരോട് ചെന്നൈ മറീന ബീച്ചിലെത്താന്‍ സമൂഹമാധ്യമങ്ങളിലൂടെ പനീര്‍ശെല്‍വം ആഹ്വാനം ചെയ്തിട്ടുണ്ട്. ജയലളിതയുടെ മുന്‍ സെക്രട്ടറി വെങ്കിട്ടരാമന്റെ നേതൃത്വത്തില്‍ യുവാക്കളെ സംഘടിപ്പിക്കാനുള്ള ശ്രമത്തിന്റെ ഭാഗമാണിത്.