പ്രിയാവാര്യറും സംവിധായകന്‍ ഒമര്‍ലുലുവും നല്‍കിയ ഹര്‍ജിയിലാണ് സുപ്രീംകോടതി നടപടി. നേരത്തെ, പ്രിയാവാര്യര്‍ക്കെതിരെ നടപടിയെടുക്കരുതെന്നും സുപ്രീംകോടതി ഉത്തരവിട്ടിരുന്നു. ഹൈദരാബാദിലെ ഒരു സംഘം ആളുകളാണ് ഗാനം മതവികാരം വ്രണപ്പെടുത്തിയെന്ന് ആരോപിച്ച് പൊലീസില്‍ പരാതി നല്‍കിയിരുന്നത്.

സിനിമയില്‍ ആരെങ്കിലും പാട്ടുപാടുന്നതിനെതിരെ കേസെടുക്കാന്‍ നിങ്ങള്‍ക്ക് വേറെ പണിയൊന്നുമില്ലേയെന്ന് കോടതി ചോദിച്ചു. പാട്ടിനെക്കുറിച്ച് പരാതി ഉണ്ടെങ്കില്‍ പരിശോധിക്കേണ്ടത് സെന്‍സര്‍ ബോര്‍ഡാണ്. അല്ലാതെ പൊലീസല്ല. പ്രശസ്തമായ ഒരു ഗാനത്തില്‍ കണ്ണുചിമ്മുന്നത് ദൈവനിന്ദയായി കാണാന്‍ കഴിയില്ലെന്നും വ്യക്തമാക്കിയ കോടതി എഫ്.ഐ.ആര്‍ റദ്ദാക്കുകയായിരുന്നു.

ഇതേ സിനിമയുടെ ഒരു ഗാനരംഗത്തില്‍ അഡാറ് ലൗവിലെ കണ്ണിറുക്കല്‍ രംഗത്തിന് സമാനമായൊരു രംഗം സമൂഹമാധ്യമങ്ങളിലൂടെ പ്രചരിച്ചിരുന്നു. ഇതോടെ ഇത് അഡാറ് ലൗവില്‍ നിന്നും കോപ്പിയടിച്ചതാണെന്ന് വിമര്‍ശനം ഉയര്‍ന്നു. ഈ സാഹചര്യത്തിലാണ് സംഭവത്തിന്റെ വാസ്തവം വെളിപ്പെടുത്തി ‘കിടു’ സിനിമയുടെ നിര്‍മാതാവായ സാബു പി.കെ രംഗത്തെത്തിയത്.

”കിടു’ ആണ് കോപ്പിയടിച്ചത് എന്ന് പറയുന്നത് തെറ്റ് ‘ഈ രംഗം കണ്ടിട്ട് പലരും പറയുന്നുണ്ട്. ഇവര്‍ അഡാറ് ലൗവില്‍ നിന്നും കോപ്പിയടിച്ച് ചെയ്ത പാട്ട് ആണെന്ന്. ഒരിക്കലുമല്ല. അത് മനസ്സിലാക്കാന്‍ കാരണം ഞാന്‍ തന്നെ പറയാം. എന്റെ സിനിമയുടെ എ!ഡിറ്ററും അഡാറ് ലൗവിന്റെ എഡിറ്ററും ഒരാള് തന്നെയാണ്. നവംബര്‍ 25ന് പാക്ക്അപ് ചെയ്ത സിനിമയാണ് കിടു. ജനുവരിയില്‍ അതിന്റെ എഡിറ്റും കഴിഞ്ഞു. അതിന് ശേഷമാണ് അഡാറ് ലൗവില്‍ ഈ എഡിറ്റര്‍ ജോയിന്‍ ചെയ്യുന്നത്. അതിന് ശേഷമാണ് ഈ രംഗം ഷൂട്ട് ചെയ്യുന്നത്. ശരിക്കും ഞങ്ങളാണ് പറയേണ്ടത് അവര്‍ കോപ്പയടിച്ചെന്ന്. നമ്മള്‍ അങ്ങനെ പറയുന്നുമില്ല. ഇതിന്റെ പുറകെ വിവാദങ്ങളുമായി പോകാനും താല്‍പര്യമില്ല. അങ്ങനെയൊരു സിനിമയുടെ ചെറിയ ഭാഗത്തിനെ ചൊല്ലി വഴക്കുണ്ടാക്കുന്നത് എന്തിനാണ്. സിനിമയുടെ ചില ഭാഗങ്ങളില്‍ സ്വാഭിവകമായും സാമ്യമുണ്ടായേക്കാം, ജീവിതം തന്നെ അങ്ങനയെല്ലേ.’സാബു പറഞ്ഞു.

നവംബര്‍ 25 ന് സിനിമയുടെ പാക്കഅപ്പും ജനുവരി ആദ്യവാരത്തോടെ എഡിറ്റിങും കഴിഞ്ഞതാണെന്നും വിവാദത്തിന് താല്‍പ്പര്യമില്ലെന്നും കിടു വിലെ നായിക കൂടിയായ അനഘയും പറയുന്നു. അഡാര്‍ ലവ്വിലെ രംഗം ‘കിടു’വില്‍ ഉപയോഗിച്ചു എന്ന ആരോപണം വ്യാപകമായതോടെയാണ് സംഭവത്തിലെ യാതാര്‍ത്ഥ്യം തുറന്ന് പറഞ്ഞ് കൊണ്ട് അണിയറ പ്രവര്‍ത്തകര്‍ രംഗത്തെത്തിയത്.

മജീദ് അബു സംവിധാനം ചെയ്യുന്ന സിനിമയില്‍ പുതുമുഖങ്ങളായ അനഘയും റംസാനുമാണ് പ്രധാനകഥാപാത്രങ്ങളെ അവതരിപ്പിക്കുന്നത്. സിനിമയില്‍ ഗാനം ആലപിക്കുന്നത് വിനീത് ശ്രീനിവാസന്‍ തന്നെയാണ്.

സുഹൃത്തുക്കളായ നാല് പ്ലസ്ടു വിദ്യാര്‍ഥികളുടെയും കൂട്ടുകാരുടെയും കഥയാണ് കിടു പറയുന്നത്. ഒരദ്ധ്യാപികയുമായി കുട്ടികള്‍ക്കുണ്ടാകുന്ന അടുപ്പവും തുടര്‍ന്നുള്ള സംഭവവികാസങ്ങളും നര്‍മത്തിലൂടെ പറയുന്നു. മജീദ് അബുവാണ് സംവിധാനം.

അതേസമയം ഒരു അഡാര്‍ ലവ് സിനിമയിലെ ‘മാണിക്യമലരായ പൂവി’ ഗാനത്തിനെതിരെ കേസെടുക്കുന്നതിന് സുപ്രീം കോടതിയുടെ സ്‌റ്റേ. നിലവിലുളള കേസുകളിലെ തുടര്‍ നടപടികളും കോടതി സ്‌റ്റേ ചെയ്തു. കേസിലെ എതിര്‍ കക്ഷികള്‍ക്ക് കോടതി നോട്ടീസ് അയച്ചു.

‘മാണിക്യ മലരായ പൂവി’ എന്ന ഗാനം മതവികാരം വ്രണപ്പെടുത്തുന്നു എന്ന് ആരോപിച്ച് തെലങ്കാനയില്‍ കേസും മഹാരാഷ്ട്രയില്‍ പരാതിയും നിലനില്‍ക്കുന്നുണ്ട്. ഇവ അഭിപ്രായ സ്വതന്ത്രത്തിലേക്കുള്ള കടന്നുകയറ്റമാണെന്നും കേസുകള്‍ റദ്ദാക്കണമെന്നും ആവശ്യപ്പെട്ട് ചിത്രത്തിലെ നായിക പ്രിയ വാര്യരും സംവിധായകന്‍ ഉമര്‍ ലുലുവും നിര്‍മാതാവും ആണ് കോടതിയെ സമീപിച്ചത്. ഹരജി പരിഗണിച്ച കോടതി എല്ലാ കേസിനും സ്‌റ്റേ അനുവദിച്ചു. ഗാനത്തിനെതിരെ പുതിയ കേസുകള്‍ രജിസ്റ്റര്‍ ചെയ്യുന്നത് വിലക്കിയ കോടതി ഇക്കാര്യത്തില്‍ എല്ലാ സംസ്ഥാനങ്ങള്‍ക്കും നിര്‍ദേശം നല്‍കി.

‘മാണിക്യമലരായ പൂവി’ എന്നുതുടങ്ങുന്ന മാപ്പിളപ്പാട്ടു ഇസ്‌ലാമിനെ അധിക്ഷേപിക്കുന്നതാണെന്നായിരുന്നു ആരോപണം.
പാട്ട് ഇംഗ്ലിഷിലേക്കു പരിഭാഷപ്പെടുത്തുമ്പോള്‍ അര്‍ഥം മാറുന്നുവെന്നും പരാതിയുണ്ട്.

പി.എം.എ. ജബ്ബാറിന്റെ വരികള്‍ക്കു തലശ്ശേരി റഫീഖ് ഈണം നല്‍കി എരഞ്ഞോളി മൂസ ആലപിച്ച മാപ്പിളപ്പാട്ടാണിത്. ഷാന്‍ റഹ്മാന്റെ സംഗീതത്തില്‍ വിനീത് ശ്രീനിവാസന്‍ പുനരാവിഷ്‌കരിച്ച പാട്ടാണ് ഇപ്പോള്‍ വൈറലായത്.

ഏറെ ചരിത്രപ്രാധാന്യമുള്ള മാപ്പിളപാട്ട്, സിനിമയില്‍ ഉപയോഗിച്ചിട്ടും കേരളിയ മുസ്ലികളില്‍ നിന്ന് കാര്യമായ പ്രതിഷേധങ്ങളൊന്നും ഉണ്ടാവാതിരുന്നതോടെ അഡാര്‍ ലവ്വിന്റെ അണിയറ പ്രവര്‍ത്തകര്‍ ബറേല്‍വികളെ മുന്നില്‍ നിര്‍ത്തി കളിക്കുകയായിരുന്നോ എന്നും സംശയമുയരുന്നു.

സാമൂഹ്യ മാധ്യമങ്ങളില്‍ വൈറലായിക്കൊണ്ടിരിക്കുന്ന ‘മാണിക്യ മലരായ പൂവി’ എന്ന ഗാനത്തിലെ വരികള്‍ മത വികാരം വൃണപ്പെടുത്തുന്നുവെന്നാണ് പരാതിക്ക് കാരണമായി പറഞ്ഞത്. ഒരു കൂട്ടം യുവാക്കളാണ് പരാതി നല്‍കിയിരിക്കുന്നതെന്ന് ഹൈദരാബാദ് പോലീസ് അറിയിച്ചു. അതേ സമയം ഇവര്‍ ഗാനത്തിന്റെ വീഡിയോ ഹാജരാക്കിയിട്ടില്ലെന്നും, പരാതിയുട അടിസ്ഥാനത്തില്‍ എഫ്.ഐ.ആര്‍ രജിസ്റ്റര്‍ ചെയ്തിട്ടില്ലെന്നും പോലീസ് പറഞ്ഞിരുന്നു.

ഫേസ്ബുക്ക് പോസ്റ്റ്

മാണിക്യാ മലരായ പൂവി
ഇസ്ലാമോഫോബിയ വിറ്റ് കാശാക്കാനുള്ള ഒരു അശ്ലീല പ്ലോട്ടിന്റെ നേരിയ മണമടിച്ചതുകൊണ്ട് തൊട്ടുമുന്‍പിട്ട പോസ്റ്റ് പിന്‍വലിക്കുന്നു. അറിഞ്ഞത് ശരിയെങ്കില്‍ നമ്മുടെ ചെലവില്‍ക്കൂടി ആ വൃത്തികെട്ട കച്ചവടം വേണ്ടല്ലോ.

എഡിറ്റ്..
അടുത്ത സുഹൃത്ത് വഴി കിട്ടിയ ഒരു വിവരം. നേരിയ മണമല്ല. ഒക്കെ നാറിയ മാര്‍ക്കറ്റിംഗ് നാടകമാണെന്ന് ആ സിനിമയുടെ തന്നെ പേര് വെളിപ്പെടുത്താന്‍ ആഗ്രഹിക്കാത്ത ഒരു പിന്നണി പ്രവര്‍ത്തകന്‍ പറയുന്നു. സ്‌ക്രീന്‍ ഷോട്ട് ചോദിക്കരുത്, വിശ്വസിച്ച് പറഞ്ഞതാണ്. വിവരം ശരിയെങ്കില്‍ നാടിനെ നശിപ്പിക്കുന്ന തീക്കളിയാണിത്.

മലയാളത്തിലെ ഒരു പാട്ടിന് ഹൈദരാബാദില്‍ നിന്ന് കേസ് വരുമ്പോള്‍ മതശക്തികളുടെ അസഹിഷ്ണുതയുടെ വ്യാപ്തി കൂടുതല്‍ ‘ഭയത്തോടെയാണ് കാണേണ്ടത്. പാട്ട് പിന്‍വലിക്കുന്നില്ലെന്ന തീരുമാനം സന്തോഷകരമാണ്. ആ ധീരത കാണിക്കണമെന്നാണ് പുതിയ തലമുറയിലെ സംവിധായകരോട് പറയാനുള്ളത്. ഇതിനെ ഒരു പോരാട്ടമായി കണ്ടില്ലെങ്കില്‍ ഇനിയും വഴങ്ങേണ്ടിവരും.

ഒരു സിനിമ എടുക്കുന്നതോടെ കലാകാരന്‍മാര്‍ക്ക് സൈ്വരജീവിതം നഷ്ടപ്പെടുന്ന അവസ്ഥയുണ്ടാകരുത്. വര്‍ഷങ്ങളായി കേള്‍ക്കുന്ന പ്രസിദ്ധമായ പാട്ടാണിത്. മതപ്രഭാഷണം നടക്കുന്നതിന്റെ ചുറ്റും പലരും പലതരത്തിലുള്ള വിനോദങ്ങളില്‍ ഏര്‍പ്പെട്ടിട്ടുണ്ടാകും. അവരെല്ലാം മതവികാരത്തെ വ്രണപ്പെടുത്തുന്നുവെന്ന് പറയാനാകില്ല. അതുപോലെ തന്നെയാണ് വേദിയില്‍ പാട്ടുപാടുമ്പോള്‍ ഗാനവുമായി ബന്ധമില്ലാത്ത പരിസരത്തുള്ള രംഗം കൂടി പകര്‍ത്തുകയാണ് സിനിമയില്‍ ചെയ്തിരിക്കുന്നത്. ഇത്തരം എതിര്‍പ്പുകളെ ഒറ്റക്കെട്ടായി ചെറുക്കുക തന്നെ ചെയ്യും.

മാധവിയെക്കുട്ടിയെക്കുറിച്ചുള്ള സിനിമയെടുത്തപ്പോള്‍ താനും ഇത്തരം എതിര്‍പ്പിന്റെ ഇരയായതായി കമല്‍ പറഞ്ഞു. അവര്‍ ഉദ്ദേശിക്കുന്ന രീതിയില്‍ ഞാന്‍ മാധവിക്കുട്ടിയെ കാണണം എന്ന് ശഠിക്കുകയാണ് ഒരുപറ്റം ആസ്വാദകര്‍. മറ്റൊരു കാഴ്ചയും മറ്റൊരു മാധവിക്കുട്ടിയെയും അവര്‍ അംഗീകരിക്കില്ല എന്ന ധാര്‍ഷ്ഠ്യമാണ് കേരളത്തില്‍ നടക്കുന്നത്. അതാണ് പാട്ടുവിഷയത്തിലും നടക്കുന്നതെന്നും കമല്‍ പറഞ്ഞു.