കളിക്കാര്‍ കളിച്ചാല്‍ മാത്രം മതിയോ…? കളിയിലുടെ ലഭിക്കുന്ന കോടികളില്‍ മതിമറന്ന് സുഖലോലുപതയില്‍, ആരാധകര്‍ക്കിടയില്‍ മാത്രം ജീവിച്ചാല്‍ മതിയോ…? ഫെരാരി കാറുകളും റോളക്സ് വാച്ചുകളും നാല് ഭാഗത്തും സ്വിമ്മിംഗ് പൂളുകളുളള വസതികളും സ്വര്‍ണത്തിന്റെ ഐ ഫോണുകളുമായി നടന്നാല്‍ മതിയോ…? ഈ രണ്ട് ചോദ്യങ്ങളിലും പുതുമയില്ലാതിരിക്കാം. പക്ഷേ ലോക ഫുട്ബോളിലെ വന്‍കിടക്കാരെല്ലാം സ്വന്തം ജോലി കളിയാണെന്നും വെറുതെ ലോക കാര്യങ്ങളില്‍ സംവദിക്കേണ്ട എന്ന തീരുമാനമെടുത്തവരുമാണ്. ആരാധകര്‍ക്കിടയില്‍, കൈയ്യടികള്‍ക്കിടയില്‍ ജിവിച്ചാല്‍ മതിയെന്നത് ഭൂരിപക്ഷത്തിന്റെ തീരുമാനമാണ്. സാമുഹ്യ വിഷയങ്ങളില്‍ ഇത് വരെ മെസിയോ എംബാപ്പെയോ റൊണാള്‍ഡോയോ ബെന്‍സേമയോ ലെവന്‍ഡോവിസ്‌ക്കിയോ പ്രതികരിച്ച് കണ്ടിട്ടില്ല.

മെസുട്ട് ഓസില്‍ എന്ന ജര്‍മന്‍ ഇതിഹാസം വിത്യസ്തനാവുന്നത് ഇവിടെയാണ്. കളിക്കൊപ്പം സാമുഹ്യ വിഷയങ്ങളിലും അദ്ദേഹം ഇടപ്പെട്ടു. തുര്‍ക്കിയില്‍ പ്രസിഡണ്ട് റജബ് ത്വയ്യിബ് ഉര്‍ദ്ദുഖാനുമായി ചര്‍ച്ച നടത്തിയപ്പോള്‍ അദ്ദേഹം വലതുപക്ഷ തീവ്രവാദിയായി. ചൈനീസ് സര്‍ക്കാര്‍ ഉയിഗൂര്‍ മുസ്ലിങ്ങളെ വേട്ടയാടിയപ്പോള്‍ അതിനെ ചോദ്യം ചെയ്തതിന് അദ്ദേഹം ഇംഗ്ലണ്ടില്‍ വര്‍ഗീയ വാദിയായി. ഇപ്പോള്‍ ഗാരി ലിനേക്കര്‍ക്കെതിരെ നടക്കുന്ന വേട്ടയാടലിന് സമാനമായ സംഭവങ്ങള്‍. ബ്രീട്ടന്‍ ഭരിക്കുന്ന റിഷി സുനക് സര്‍ക്കാരിന്റെ കുടിയേറ്റ നയത്തിനെതിരെ ട്വിറ്ററിലൂടെ പ്രതികരിച്ചപ്പോള്‍ ബി.ബി.സിയാണ് ലിനേക്കര്‍ക്കെതിരെ നീങ്ങിയത്. ലോകം ആസ്വദിക്കാറുളള മാച്ച് ഓഫ് ദി ഡേ പ്രോഗ്രാം ഒരു ദിവസം മുടങ്ങിയത് ലോകം ഞെട്ടലോടെയാണ് കണ്ടത്. 1982 ലെ ഫാക്ലാന്‍ഡ് യുദ്ധ സമയത്ത് ബ്രിട്ടന്റെ മുങ്ങിക്കപ്പലുകള്‍ അര്‍ജന്റീനക്കാരെ ഇല്ലാതാക്കിയപ്പോള്‍ അന്നത്തെ ബ്രിട്ടിഷ് പ്രധാനമന്ത്രി മാര്‍ഗരറ്റ് താച്ചറിന്റെ യുദ്ധ നയത്തിനെതിരെ സംസാരിച്ചവരാണ് ബി.ബി.സി. അന്ന് ബി.ബി.സി നിലപാടിനെ താച്ചര്‍ ചോദ്യം ചെയ്തപ്പോള്‍ ഞങ്ങള്‍ സത്യത്തിനൊപ്പം നില്‍ക്കുന്നു എന്ന് വിളിച്ച് പറഞ്ഞിരുന്നു ബി.ബി.സി നേതൃത്വം. ലിനേക്കര്‍ സര്‍ക്കാര്‍ നടപടിയെ ചോദ്യം ചെയ്തപ്പോള്‍ അദ്ദേഹം വില്ലനായി മാറിയത് പോലെയാണ് കളിക്കളത്തില്‍ ഓസില്‍ ഒറ്റപ്പെട്ടത്. പ്രീമിയര്‍ ലീഗ് ടീമായ ആഴ്സനലിന് വേണ്ടി കളിക്കുമ്പോഴായിരുന്നു ഉയിഗൂര്‍ മുസ്ലിങ്ങള്‍ക്കായി അദ്ദേഹം സംസാരിച്ചത്. ഇതില്‍ രോഷാകുലരായ ചൈനീസ് ഭരണകൂടം പ്രതികരിച്ചു. ചൈനയുടെ ഔദ്യോഗിക ടെലിവിഷന്‍ സി.സി.ടി.വി 2019 ഡിസംബര്‍ 15 ന് പ്രീമിയര്‍ ലീഗില്‍ നടന്ന ആഴ്സനല്‍-മാഞ്ചസ്റ്റര്‍ സിറ്റി മല്‍സരം രാജ്യത്ത്് ടെലകാസ്റ്റ് ചെയ്തില്ല.

ഈ വിഷയത്തില്‍ ആഴ്സനല്‍ അതിവേഗം ചൈനയോട് മാപ്പ് ചോദിച്ചപ്പോള്‍ തന്റെ നിലപാട് ഓസില്‍ തിരുത്തിയില്ല. ഇതിന്റെ പേരിലാണ് അദ്ദേഹം ഇംഗ്ലണ്ടില്‍ വില്ലനായത്. 2014 ലെ ബ്രസീല്‍ ലോകകപ്പ് റിപ്പോര്‍ട്ട് ചെയ്ത വേളയില്‍ ഫൈനല്‍ ഉള്‍പ്പെടെ ഓസിലിന്റെ അഞ്ച് മല്‍സരങ്ങള്‍ നേരില്‍ കണ്ടിരുന്നു. ജോക്കിം ലോ എന്ന പരിശീലകന്റെ പ്രിയപ്പെട്ട ശിഷ്യനായി മിക്ക മല്‍സരങ്ങളിലും ആദ്യ ഇലവനിലുണ്ടായിരുന്നു ഓസില്‍. ബെലോ ഹോറിസോണ്ടയിലെ സെമി ഫൈനല്‍ രാത്രിയില്‍ ബ്രസീലിനെ ജര്‍മനി ഏഴ് ഗോളിന് മുക്കിയപ്പോള്‍ മിന്നിയത് ഓസിലായിരുന്നു. മരക്കാനയിലെ ഫൈനല്‍ രാത്രി മറക്കാനാവില്ല. മെസിയുടെ അര്‍ജന്റീന കപ്പ് സ്വന്തമാക്കുന്നത് കാണാനായി മരക്കാന നിറഞ്ഞ രാത്രിയില്‍ ഓസിലും ജര്‍മനിയും അട്ടിമറി വിജയം നേടി- ആ ലോകകപ്പിലെ യഥാര്‍ത്ഥ താരം ഓസിലായിരുന്നു. ജര്‍മന്‍കാര്‍ക്ക് ആ ഓസില്‍ പ്രിയപ്പെട്ടവനായിരുന്നെങ്കില്‍ 2018 ലെ റഷ്യന്‍ ലോകകപ്പും മറക്കാനാവുന്നില്ല. ആ ലോകകപ്പില്‍ മോസ്‌ക്കോയിലെ ലുഷിനിക്കി സ്റ്റേഡിയത്തില്‍ ജര്‍മനിയും മെക്സിക്കോയും തമ്മില്‍ നടന്ന പ്രാഥമിക റൗണ്ട് പോരാട്ടം നടക്കുമ്പോള്‍ ജര്‍മന്‍കാരുടെ കൈകളില്‍ ഓസിലിന്റെ ചിത്രങ്ങള്‍ മാത്രമായിരുന്നു. എഫ്.ബി ലൈവില്‍ ആ ചിത്രങ്ങള്‍ പകര്‍ത്തിയതും ഓര്‍മയുണ്ട്. പക്ഷേ കൊറിയക്കാരോടും തോറ്റ് ജര്‍മന്‍കാര്‍ ആദ്യ റൗണ്ടില്‍ മടങ്ങിയപ്പോള്‍ അതേ ഓസില്‍ ജര്‍മനിയില്‍ വില്ലനായി, വലത്പക്ഷ തീവ്രവാദിയായി. വേട്ടയാടല്‍ പലവിധം തുടര്‍ന്നപ്പോഴും അദ്ദേഹം സാമുഹ്യ മാധ്യമങ്ങളിലുടെ പ്രതികരിച്ചു. ഇന്നലെ വിരമിക്കലും അതേ മാധ്യമത്തിലുടെ. വിരമിക്കല്‍ സന്ദേശത്തിലെ അവസാന വരികള്‍ ഇപ്രകാരമായിരുന്നു-

you can be sure that vou will hear from me from time to time on my oscial media channe-ls.
‘See you oson,
Mesut!’ പറയാനുള്ളത് എവിടെയും പറയുമെന്ന് ആവര്‍ത്തിക്കുന്ന ഓസില്‍ ഇനി കൂടുതല്‍ സ്വതന്ത്രനാണ്. കളിക്കാരനേക്കാള്‍ ശക്തനാവുന്ന സാമുഹ്യ പ്രവര്‍ത്തകനായി അദ്ദേഹം മാറുമ്പോള്‍ അത് വലിയ സന്തോഷമാണ്.

ആലോചിചനകള്‍ക്ക് ശേഷം ഞാന്‍ അടിയന്തിരമായി പ്രൊഫഷണല്‍ ഫുട്‌ബോളില്‍ നിന്ന് വിരമിക്കുന്നു. 17 വര്‍ഷമായി പ്രഫഷണല്‍ ഫുട്‌ബോളര്‍ ആവാന്‍ എനിക്ക് ഭാഗ്യം ലഭിച്ചു. ഞാന്‍ അതിന് വളരെ നന്ദിയുള്ളവനായിരിക്കും. എന്നാല്‍, കഴിഞ്ഞ കുറച്ചുകാലമായി എന്നെ പരുക്ക് അലട്ടുകയാണ്. അതുകൊണ്ട് തന്നെ ഫുട്‌ബോളിന്റെ വലിയ ലോകം വിടാന്‍ സമയമായെന്ന് വ്യക്തമായിരിക്കുന്നു.- ഓസില്‍ കുറിച്ചു.

17 വര്‍ഷം നീണ്ട കരിയറാണ് അദ്ദേഹം അവസാനിപ്പിക്കുന്നത്. ജര്‍മനിയ്ക്ക് വേണ്ടി 2009-ല്‍ അരങ്ങേറ്റം കുറിച്ച താരം 92 മത്സരങ്ങള്‍ കളിക്കുകയും 23 ഗോളുകള്‍ നേടുകയും ചെയ്തു. ലോകത്തിലെ തന്നെ ഏറ്റവും മികച്ച അറ്റാക്കിങ് മിഡ്ഫീല്‍ഡര്‍മാരിലൊരാളാണ് ഓസില്‍. ഷാല്‍ക്കെയില്‍ ക്ലബ്ബ് ഫുട്ബോള്‍ തുടങ്ങിയ ഓസില്‍ പിന്നീട് വെര്‍ഡര്‍ ബ്രെമെന്‍, റയല്‍ മഡ്രിഡ്, ആഴ്സനല്‍ ഫെനെര്‍ബാക്ക് എന്നീ ടീമുകള്‍ക്ക് വേണ്ടി ബൂട്ട് കെട്ടി. നിലവില്‍ ഈസ്താംബൂള്‍ ബസക്സെഹിറിനുവേണ്ടിയാണ് ഓസില്‍ കളിക്കുന്നത്.

‘ദൗര്‍ഭാഗ്യകരമായ രീതിയില്‍ യൂറോപ്പിലും ലോകത്തിന്റെ ഇതരഭാഗങ്ങളിലും ഇസ്‌ലാമോഫോബിയയും സെമിറ്റിക് വിരുദ്ധതയും വര്‍ധിച്ചു വരുന്നുണ്ട്. മാധ്യമങ്ങള്‍ അതില്‍ വലിയ പങ്കുവഹിക്കുന്നു. അതിനെ ശക്തിപ്പെടുത്തുന്ന തരത്തില്‍ നാം പ്രതികരിക്കരുത്. അതിനെ കാരുണ്യം കൊണ്ട് നിരായുധരാക്കുകയും നിശ്ശബ്ദമാക്കുകയും ചെയ്യുക’- അദ്ദേഹം കുറിച്ചു.

https://twitter.com/MesutOzil1088/status/1329709597054087168?s=20

നന്മയും തിന്മയും തുല്യമാകില്ല. നല്ലതു കൊണ്ട് തിന്മയെ പ്രതിരോധിക്കുക. അപ്പോള്‍ നിന്റെ ശത്രുക്കള്‍ നിന്റെ ബന്ധുക്കളാകുന്നു എന്നര്‍ത്ഥം വരുന്ന ഖുര്‍ആന്‍ സൂക്തവും ഓസില്‍ പങ്കുവച്ചു.

2018ല്‍ ജര്‍മന്‍ ദേശീയ ടീമില്‍ നിന്നു വിരമിച്ച ഓസില്‍ ഇപ്പോള്‍ ഇംഗ്ലീഷ് പ്രീമിയര്‍ ലീഗ് ക്ലബായ ആഴ്‌സണലിന് വേണ്ടിയാണ് കളിക്കുന്നത്.

ഓസിലിനെതിരായ വംശീയ മനോഭാവം അംഗീകരിക്കാന്‍ കഴിയില്ല. ജര്‍മ്മന്‍ ദേശീയ ടീമിന്റെ വിജയത്തിന് വേണ്ടി വിയര്‍പ്പൊഴുക്കിയ ഒരു താരത്തോടാണ് ഈ വംശീയത. ഇത് ഒരിക്കലും അംഗീകരിക്കാന്‍ കഴിയില്ല. തിങ്കാളാഴ്ച ഓസിലിനോട് സംസാരിച്ചു. സംഭാഷണത്തില്‍
ഓസിലിന്റെ പ്രസ്താവന വ്യക്തമാക്കുന്നത് അദ്ദേഹം ദേശസ്നേഹിയാണെന്നാണ്, ഉര്‍ദുഗാന്‍ പറഞ്ഞു.

തിങ്കഴാഴ്ച നടത്തിയ വിരമിക്കല്‍ പ്രഖ്യാപനത്തില്‍ തനിക്കു നേരെ വംശീയാക്രമണം നടക്കുന്നുവെന്നും റഷ്യന്‍ ലോകകപ്പില്‍ നിന്നും പുറത്തായതിനു പിന്നാലെ താന്‍ ഭീഷണി നേരിടുന്നുണ്ടെന്നും ഓസില്‍ വ്യക്തമായിരുന്നു. അതേസമയം ജര്‍മന്‍ ദേശീയ ടീമില്‍ നിന്നും രാജി വെച്ചതിന്് പിന്നാലെ തുര്‍ക്കി ഫുട്ബോള്‍ ഫെഡറേഷന്‍ ഓസിലിനും കുടുംബത്തിനും പിന്തുണയുമായി രംഗത്തെത്തിയിരുന്നു.

തുര്‍ക്കി പ്രസിഡന്റ് തെരഞ്ഞെടുപ്പ് നടക്കുന്നതിന് തൊട്ടുമുമ്പെ ഇംഗ്ലീഷ് പ്രീമിയര്‍ ലീഗില്‍ ആര്‍സെനല്ലിനായി കളിക്കുന്ന ഓസില്‍ ലണ്ടനില്‍ വെച്ച് ഉര്‍ദുഗാനുമായി കൂടിക്കാഴ്ച നടത്തിയിരുന്നു. ഇതാണ് വിവാദത്തിന് വഴിയൊരുക്കിയത്. ജര്‍മനിയുടെ തന്നെ മാഞ്ചസ്റ്റര്‍ സിറ്റിയുടെ താരമായ ഗുഡോഗണും ഓസിലിനൊപ്പം ഉര്‍ദുഗാനെ സന്ദര്‍ശിച്ചിരുന്നു. തുര്‍ക്കി വംശജരായ ഇരുവരും തെരഞ്ഞെടുപ്പില്‍ ഉര്‍ദുഗാനെ സഹായിക്കാന്‍ വേണ്ടിയാണെന്ന തരത്തില്‍ അന്ന് വാര്‍ത്തകള്‍ വന്നിരുന്നു. എന്നാല്‍ ഉര്‍ദുഗാനുമായി സന്ദര്‍ശനം നടത്തിയതും ഫോട്ടോക്ക് പോസ് ചെയ്തതിനും പിന്നില്‍ ഒരു തരത്തിലുമുള്ള രാഷ്ട്രീയവും ഇല്ലെന്നും തന്റെ കുടുംബത്തിന്റെ രാജ്യത്തെ ഉന്നത പദവിയിലിരിക്കുന്ന ഒരാളോടുള ബഹുമാനമാണെന്നും താനൊരു കളിക്കാരന്‍ മാത്രമാണെന്നും ഓസില്‍ അന്ന് വ്യക്തമാക്കിയിരുന്നു.

ജര്‍മനിയില്‍ റഷ്യന്‍ ലോകകപ്പിന് മുമ്പുള്ള സൗഹൃദ സന്നാഹമത്സരങ്ങളില്‍ കളിക്കുമ്പോള്‍ തന്നെ ജര്‍മനി ആരാധകര്‍ ഗുഡോഗണിനെതിരെ കൂവിയിരുന്നു. സഊദി അറേബ്യക്കെതിരായ മത്സരത്തില്‍ പന്ത് ലഭിക്കുമ്പോള്‍ എല്ലാം ഗുഡോഗണ നെതിരെ ആരാധകര്‍ കൂവി. മത്സര ശേഷം ജോക്വിം ലോ സ്വന്തം കളിക്കാരനെതിരെ കൂവുന്നത് ടീമിന് മോശമായ രീതിയില്‍ ബാധിക്കുമെന്ന് പറഞ്ഞിരുന്നു. അതേസമയം ഓസിലും ഗുഡോഗണും ഉര്‍ദുഗാനെ സന്ദര്‍ശിച്ചതില്‍ തെറ്റില്ലെന്നും ലോ അന്ന് പറഞ്ഞിരുന്നു.

ഗ്രൂപ്പിലെ നിര്‍ണായക മത്സരത്തില്‍ ദക്ഷിണ കൊറിയയോട് രണ്ടു ഗോളിന് തോറ്റാണ് നിലവിലെ ചാമ്പ്യന്‍മാരായിരുന്ന ജര്‍മനി റഷ്യന്‍ ലോകകപ്പില്‍ നിന്നും പുറത്താവുന്നത്.

.

#Löw: “@matshummels probably won’t be able to play tomorrow. He twisted his neck yesterday and it hasn’t improved. I’m not expecting him to recover in time.” #GERSWE#DieMannschaft #ZSMMN #WorldCup pic.twitter.com/CurAzzEwqd

— Germany (@DFB_Team_EN) June 22, 2018

ആദ്യ മത്സരത്തില്‍ മെക്‌സിക്കോയോട് തോറ്റ ടീമില്‍ നിന്നും ചിലമാറ്റങ്ങള്‍ ജര്‍മന്‍ നിരയില്‍ ഉണ്ടാകുമെന്ന സൂചന ലോ നല്‍കി കഴിഞ്ഞു. ലോകകപ്പിന് മുമ്പ് തുര്‍ക്കി പ്രസിഡണ്ട് ഉറുദുഗാനെ സന്ദര്‍ശിച്ചതിന് വിവാദത്തില്‍പ്പെട്ട ഓസിലിനു പകരം മാര്‍കോ റുയ്‌സിനെ പരിഗണിക്കും. അതേസമയം സാമി കെദറിയയേയും പരിശീലകന്‍ ലോ ബെഞ്ചില്‍ ഇരിത്തിയേക്കുമെന്നാണ് റിപ്പോര്‍ട്ട്. ഹമ്മല്‍സിനു പകരം ജോനാസ് ഹെക്റ്ററാവും ബോട്ടങിന് കൂട്ടാളി. കെദറിയക്കു പകരം ജൂലിയന്‍ ഡ്രാക്‌സിലറാവും ആദ്യ ഇലവനില്‍ ഇറങ്ങുക.

Working on unlocking that Swedish defence #GERSWE#DieMannschaft #ZSMMN #WorldCup pic.twitter.com/Nex8IjFjtD

— Germany (@DFB_Team_EN) June 22, 2018

36 വര്‍ഷത്തിനു ശേഷമാണ് ലോകകപ്പിലെ ആദ്യമത്സരത്തില്‍ ജര്‍മനി തോല്‍വി പിണയുന്നത്. ആദ്യ റൗണ്ടില്‍ പുറത്താകുന്ന ചാമ്പ്യന്‍മാരെന്ന ദുഷ്‌പേര് ഒഴിവാക്കണമെങ്കില്‍ ജയത്തില്‍ കുറഞ്ഞതൊന്നും ജര്‍മനിക്ക് മതിയാവില്ല. ടീമിലെ ആഭ്യന്തര പ്രശ്‌നവും കളിക്കാരുടെ പരിക്കും ജര്‍മനിയെ അലട്ടുന്നുണ്ടെങ്കിലും സ്വീഡനെ തോല്‍പ്പിച്ച് പ്രീ-ക്വാര്‍ട്ടര്‍ പ്രതീക്ഷ നിലനിര്‍ത്താം എന്ന പ്രതീക്ഷയിലാണ് ജര്‍മന്‍ ക്യാമ്പ്.

ലോകകപ്പ് യോഗ്യതാ മത്സരത്തില്‍ ശക്തരായ സ്‌പെയ്‌നും ഹോളണ്ടും അടങ്ങുന്ന ഗ്രൂപ്പില്‍ ഹോളണ്ടിനെ പിന്തള്ളിയാണ് സ്വീഡന്‍ രണ്ടാം സ്ഥാനത്ത് ഫിനീഷ് ചെയ്ത് പ്ലേഓഫിന് യോഗ്യത നേടിയത്. പ്ലേഓഫില്‍ മുന്‍ചാമ്പ്യന്‍മാരായ ഇറ്റലിയെ മറികടന്ന് റഷ്യയിലെത്തിയെ സ്വീഡന്‍ ഗ്രൂപ്പിലെ ആദ്യ മത്സരത്തില്‍ ദക്ഷിണ കൊറിയയെ ഏകപക്ഷീയമായ ഒരു ഗോളിന് തോല്‍പ്പിക്കുകയായിരുന്നു. നിലവില്‍ മൂന്നു പോയന്റുള്ള സ്വീഡന് ജര്‍മനിക്കെതിരെ സമനില നേടിയാല്‍പോലും പ്രീ-ക്വാര്‍ട്ടര്‍ സാധ്യത നിലനിര്‍ത്താനാകും.

സ്വീഡനെതിരെ മികച്ച റെക്കോര്‍ഡാണ് ജര്‍മനിക്കുള്ളത്. അവസാനം ഏറ്റുമുട്ടിയ 11 കളിയില്‍ ഒരിക്കല്‍പോലും ജര്‍മനിയെ തോല്‍പ്പിക്കാന്‍ സ്വീഡന് കഴിഞ്ഞിട്ടില്ല. ഈ സമയങ്ങളില്‍ ആറു തവണ ജര്‍മനി ജയിച്ചപ്പോള്‍ അഞ്ചു തവണ സമനിലയായിരുന്നു ഫലം. ലോകകപ്പില്‍ ഇരുവരും അവസാനമായി കണ്ടുമുട്ടിയത് 2006 ജര്‍മന്‍ ലോകകപ്പിലായിരുന്നു. അന്ന് ആതിഥേയരായ ജര്‍മനി എതിരില്ലാത്ത രണ്ടുഗോളിന് സ്വീഡനെ പരാജയപ്പെടുത്തി.

മൂന്ന് പ്രീമിയര്‍ ലീഗ് കിരീടവും ഏഴ് എഫ്.എ കപ്പുമടക്കം ആര്‍സനലിനെ 17 കിരീട നേട്ടങ്ങളിലേക്കു നയിച്ച വെംഗര്‍, സമീപകാലത്തെ ടീമിന്റെ പ്രകടനത്തിന്റെ പേരില്‍ ഏറെ പഴികേട്ടിരുന്നു. ആക്രമണാത്മക ഫുട്‌ബോള്‍ കളിച്ചിട്ടും പ്രീമിയര്‍ ലീഗിലും ചാമ്പ്യന്‍സ് ലീഗിലും കാര്യമായ നേട്ടമുണ്ടാക്കാന്‍ കഴിയാതിരുന്നതോടെ ആര്‍സനലിന്റെ മത്സരങ്ങള്‍ക്കിടെ ഗാലറിയില്‍ ‘വെംഗര്‍ ഔട്ട്’ ബാനറുകള്‍ പ്രത്യക്ഷപ്പെടുന്നത് പതിവായിരുന്നു.

‘നിരവധി അവിസ്മരണീയ വര്‍ഷങ്ങളില്‍ ഈ ക്ലബ്ബിനെ സേവിക്കാനുള്ള ബഹുമതി ലഭിച്ചതില്‍ ഞാന്‍ അനുഗൃഹീതനാണ്. പൂര്‍ണമായ സമര്‍പ്പണത്തോടെയും ആത്മാര്‍ത്ഥതയോടെയുമാണ് ഞാന്‍ ക്ലബ്ബിനെ പരിശീലിപ്പിച്ചത്. എല്ലാ ആര്‍സനല്‍ ആരാധകരോടും എനിക്ക് പറയാനുള്ളത്, ക്ലബ്ബിന്റെ മൂല്യങ്ങള്‍ ഉയര്‍ത്തിപ്പിടിക്കുക എന്നാണ്.’ – വെംഗര്‍ പറഞ്ഞു. 68-കാരന് പകരക്കാരനെ ഉടന്‍ തീരുമാനിക്കുമെന്ന് ആര്‍സനല്‍ മാനേജ്‌മെന്റ് അറിയിച്ചു.

1996 ഒക്ടോബര്‍ ഒന്നിന് നിയമിതനായ വെംഗര്‍ പ്രീമിയര്‍ ലീഗില്‍ നിലവിലുള്ള കോച്ചുമാരില്‍ ഏറ്റവുമധികം കാലം ഒരു ടീമിനെ പരിശീലിപ്പയാളാണ്. 823 മത്സരങ്ങളില്‍ അദ്ദേഹം ആര്‍സനലിനെ പരിശീലിപ്പിച്ചു. കഴിഞ്ഞയാഴ്ച ലീഗില്‍ ന്യൂകാസിലിനോട് തോറ്റതോടെ അദ്ദേഹത്തെ പുറത്താക്കാനുള്ള മുറവിളി ശക്തമായിരുന്നു. വെംഗറുടെ കരിയറിലെ ഏറ്റവും മോശം സീസണാണിത്. വെംഗര്‍ ടീമിലെത്തിയ ശേഷം ഇതാദ്യമായിട്ടായിരിക്കും ടീം ആദ്യ നാലിനു പുറത്ത് ഫിനിഷ് ചെയ്യുന്നത്. 2003-04 ല്‍ വെംഗറുടെ കീഴില്‍ ആര്‍സനല്‍ സീസണ്‍ മുഴുവന്‍ അപരാജിതരായിരുന്നു. 1888-89 സീസണിനു ശേഷം ഇതാദ്യമായിട്ടായിരുന്നു ഒരു ടീം ഇംഗ്ലണ്ടില്‍ തോല്‍ക്കാതെ സീസണ്‍ പൂര്‍ത്തിയാക്കിയത്. തുടര്‍ച്ചയായി 49 മത്സരങ്ങള്‍ തോല്‍ക്കാതെ മുന്നേറിയ ശേഷമാണ് അന്ന് ആര്‍സനല്‍ ഒരു പരാജയമറിഞ്ഞത്.

@PremierLeague titles: 3⃣
FA Cup trophies: 7⃣#MerciArsène pic.twitter.com/b7HY4PbGcs

— Arsenal FC (@Arsenal) April 21, 2018

ചുമതലയേറ്റതിനു ശേഷമുള്ള ആദ്യ എട്ട് വര്‍ഷങ്ങള്‍ക്കിടെയായിരുന്നു വെംഗര്‍ക്കു കീഴില്‍ ആര്‍സലിന്റെ മൂന്ന് പ്രീമിയര്‍ ലീഗ് കിരീടങ്ങളും. 1998, 2002, 2004 വര്‍ഷങ്ങളിലായിരുന്നു ഇത്. രണ്ടും മൂന്നും സ്ഥാനങ്ങളില്‍ ആറ് തവണ വീതം ടീം ഫിനിഷ് ചെയ്തു.
2005 എഫ്.എ കപ്പ് നേടിയതിനു ശേഷം അടുത്ത കിരീടത്തിന് ഒമ്പത് വര്‍ഷത്തോളം കാത്തിരിക്കേണ്ടി വന്നു. 2014-ല്‍ എഫ്.എ കപ്പ് നേടിയാണ് ആ ക്ഷാമം തീര്‍ത്തത്. തൊട്ടടുത്ത സീസണിലും ആര്‍സനല്‍ എഫ്.എ കപ്പ് നേടി. കഴിഞ്ഞ സീസണില്‍ ചെല്‍സിയെ തോല്‍പ്പിച്ച് എഫ്.എ കപ്പ് നേടിയെങ്കിലും ആരാധകരെ പൂര്‍ണമായി തൃപ്തിപ്പെടുത്താന്‍ കഴിഞ്ഞില്ല.ട്രാന്‍സ്ഫര്‍ മാര്‍ക്കറ്റില്‍ പ്രധാന എതിര്‍ ടീമുകളേക്കാള്‍ കുറഞ്ഞ പണം ചെലവഴിച്ച് മികച്ച ടീം കെട്ടിപ്പടുക്കുന്നതില്‍ വിദഗ്ധനാണ് വെംഗര്‍. കഴിഞ്ഞ വേനലില്‍ ക്ലബ്ബിന്റെ ട്രാന്‍സ്ഫര്‍ റെക്കോര്‍ഡ് തകര്‍ത്ത് മികച്ച ടീമിലെത്തിച്ചിട്ടും പ്രതീക്ഷിച്ച ഫലം ഉണ്ടാക്കാന്‍ അദ്ദേഹത്തിനായില്ല.

Passion, respect and success- that is what Arsene Wenger is all about. Thank u for what you’ve done for us at @Arsenal and the football world. I’m grateful for everything you’ve taught me & all the trust you’ve put in me no matter how difficult the situation was.Merci Boss! pic.twitter.com/2KyoLyWrVT

— Mesut Özil (@MesutOzil1088) April 20, 2018

മുസ്താഫിക്ക് ഗോളിന് വഴിയാരുക്കവഴി ഇംഗ്ലീഷ് പ്രീമിയര്‍ ഒരു റെക്കോര്‍ഡിന് ഓസില്‍ ഉടമയായി. പ്രീമിയര്‍ ലീഗില്‍ ഏറ്റവും വേഗത്തില്‍ അമ്പതു ഗോളിന് വഴിയൊരുക്കുകവഴി
താരമെന്ന ഖ്യാതിയാണ് ഓസിലിനെ തേടിയെത്തിയത്. മാഞ്ചസ്റ്ററിന്റെ ഇതിഹാസ താരം
എറിക് കന്റേ്ാണയാണ് നേട്ടത്തില്‍ പിന്തള്ളിയത്. 143 മത്സരങ്ങളില്‍ നിന്ന് കന്റേ്ാണ അമ്പതു അസിസ്റ്റുകള്‍ സ്വന്തമാക്കിയപ്പോള്‍ 141 കളികളില്‍ നിന്നാണ് ഓസിലിന്റെ നേട്ടം. 146 മത്സരങ്ങളില്‍ നിന്നായി ആര്‍സെനലിന്റെ തന്നെ മുന്‍താരമായ ഡെന്നീസ് ബെര്‍ക്കമാണ് വേഗത്തില്‍ അമ്പതു അസിസ്റ്റുകള്‍ സ്വന്തമാക്കിയ താരങ്ങളില്‍ മൂന്നാമന്‍. സെസ് ഫാബ്രിഗസ് (165 മത്സരങ്ങള്‍), ഡേവിഡ് സില്‍വ (166) എന്നിവരാണ് യഥാക്രമം നാലും അഞ്ചും സ്ഥാനങ്ങളില്‍.

ഒരു ഗോളിന് ലീഡുമായി ആദ്യ പകുതി പിന്നിട്ട ശേഷം 59-ാം മിനുട്ടില്‍ ഗണ്ണേഴ്‌സ് ഗോള്‍ നേട്ടം ഇരട്ടിടാക്കി. മുന്‍ ബെറൂസിയ താരങ്ങളായ ഓംബുയാങ്- മിക്കിതാരിയന്‍ കോംബയോണ് ഗോളിന് പിന്നില്‍. മിക്കിതാരിയന്റെ പാസ്സില്‍ ജനുവരിയില്‍ ടീമിലെത്തിയ ഓംബുയാങായിരുന്നു ഗോള്‍ നേടിയത്. 77-ാം മിനുട്ടില്‍ മിക്കിതാരിയനിലൂടെ ഗണ്ണേഴ്‌സ് ഗോള്‍പ്പട്ടിക പൂര്‍ത്തിയാക്കി. ഓംബുയാങായിരുന്നു ഗോളിന് വഴിയൊരുക്കിയത്. ജയത്തോടെ 48 പോയന്റുമായി ആര്‍സെനല്‍ പോയിന്റ് ടേബിളില്‍ 6-ാം സ്ഥാനത്ത് തുടരുകയാണ്.

ഗണ്ണേഴ്‌സുമായി നടപ്പു സീസണ്‍ അവസാനം വരെ കരാറുള്ള ഓസില്‍ അതു പുതുക്കാന്‍ തയ്യാറാവത്തതാണ് പരിശീലകന്‍ ആര്‍സെന്‍ വെങറിനെ താരത്തെ വില്‍ക്കാന്‍ പ്രേരിപ്പിക്കുന്നത്. 20 ദശലക്ഷം യൂറോ ആണ് താരത്തിന്റെ ഏകദേശ വിലയായി ആര്‍സെനല്‍ നിശ്ചയിച്ചിരിക്കുന്നത്. ബ്രസീലിയന്‍ താരം നെയ്യ്മറിന് പകരം പൗളിഞ്ഞോ, ഡെബലേ എന്നീവരെ ക്ലബിലെത്തിച്ചെങ്കിലും നെയ്യ്മറിന്റെ വിടവു നികത്താന്‍ ബാര്‍സക്ക് ഇപ്പോഴുമായിട്ടില്ല. ഓസില്‍ വരുന്നതോടെ ആക്രമണ നിരക്ക് വീണ്ടും മൂര്‍ച്ച കൂട്ടാനുള്ള ഒരുക്കത്തിലാണ് ബാര്‍സ.

ആര്‍സെനല്‍ കുപ്പായത്തില്‍ 126 മത്സരങ്ങളില്‍ നിന്ന് 24 ഗോളും 45 അസിസ്റ്റും നേടിയ താരം എട്ടു വര്‍ഷത്തെ കിരീട വരള്‍ച്ചക്ക് ശേഷം ആര്‍സെനലിന് 2013-14 സീസണില്‍ എഫ്.എ കപ്പ് നേടി കൊടുക്കുന്നതില്‍ നിര്‍ണായക പങ്ക് വഹിച്ചു. തൊട്ടടുത്ത സീസണിലും എഫ്.എ കപ്പ് ക്ലബ് നിലനിര്‍ത്തിയപ്പോള്‍ ഓസിലിന്റെ പ്രകടനം വിലമതിക്കാത്തതായിരുന്നു.

ബ്രസീല്‍ ലോകകപ്പില്‍ ജര്‍മ്മനി ചാമ്പ്യന്‍മാരായപ്പോള്‍ ടീമിന്റെ മധ്യനിരയില്‍ ഓസിലും ടോണി ക്രൂസുമായിരുന്നു കടിഞ്ഞാണ്‍ വലിച്ചിരുന്നത്. 88 രാജ്യാന്തര കളികളില്‍ നിന്ന് ജര്‍മ്മനിക്കുവേണ്ടി 22 ഗോളുകളാണ് താരം നേടിയത്.

റയലിനു വേണ്ടി നാലു സീസണുകളില്‍ ബൂട്ടുകെട്ടിയ താരം ലാലീഗ, കോപ്പ ഡെല്‍ റേ, സ്പാനിഷ് സൂപ്പര്‍ കപ്പ് എന്നീ കിരീട വിജയങ്ങളില്‍ റയലിനൊപ്പം പങ്കാളിയായിട്ടുണ്ട്. റയല്‍ ആരാധകരുടെ മനസ്സില്‍ ഇന്നും സ്ഥാനമുള്ള ഓസില്‍ ബാര്‍സക്കായി ബൂട്ടുകെടുന്നത് സഹിക്കാവുന്നതിലും അപ്പുറത്താവും.

സ്വന്തം ഹാഫില്‍ നിന്ന് മുഹമ്മദ് എല്‍നേനി ഉയര്‍ത്തിക്കൊടുത്ത പന്ത്, ഓഫ്‌സൈഡ് കെണി പൊട്ടിച്ച് നിയന്ത്രണത്തിലാക്കിയ ഓസില്‍ മുന്നോട്ടുകയറിയ ലുഡോഗോററ്റ്‌സ് ഗോള്‍കീപ്പര്‍ മിലാന്‍ ബൊര്‍യാന്റെ തലക്കു മുകളിലൂടെ പന്ത് മറിച്ചെടുക്കുന്നു. തടയാനെത്തിയ രണ്ട് ഡിഫന്റര്‍മാരെ, ഷോട്ടെടുക്കുന്നതായി ഭാവിച്ച് നിലത്ത് വീഴ്ത്തിയ ശേഷം ആളൊഴിഞ്ഞ പോസ്റ്റിലേക്ക് പന്തടിച്ചു കയറ്റുകയായിരുന്നു ഓസില്‍.

ചാമ്പ്യന്‍സ് ലീഗില്‍ ലുഡോഗോററ്റ്‌സുമായുള്ള ആദ്യപാദത്തില്‍ ഓസില്‍ കരിയറിലെ ആദ്യ ഹാട്രിക് നേടിയിരുന്നു. ആ മത്സരത്തില്‍ അലക്‌സി സാഞ്ചസ് നേടിയ അത്ഭുത ഗോള്‍ ഇവിടെ കാണാം.

അലക്‌സിസ് സാഞ്ചസിന്റെ അത്ഭുതഗോള്‍