മണിപ്പൂരിലെ പ്രശ്നങ്ങള്‍ക്ക് കാരണം മുഖ്യമന്ത്രി ബിരേന്‍ സിങ്ങാണെന്ന് അംഗീകരിക്കുകയും അദ്ദേഹം ഉടന്‍ രാജിവയ്ക്കണമെന്നും ചിദംബരം ആവശ്യപ്പെട്ടു. മണിപ്പൂരില്‍ കുക്കി സായുധ വിഭാഗക്കാര്‍ തട്ടിക്കൊണ്ടുപോയെന്ന് കരുതുന്നവരില്‍ ആറ് പേരുടെ മൃതദേഹം അടുത്തിടെ കണ്ടെത്തിയിരുന്നു. ഇതിന് പിന്നാലെയാണ് പ്രദേശത്ത് വീണ്ടും സംഘര്‍ഷം ഉടലെടുത്തത്. മുഖ്യമന്ത്രിയുടെയും എംഎല്‍എമാരുടെയും ഉള്‍പ്പടെ വസതിക്ക് നേരേയും മേഖലയില്‍ ആക്രമണമുണ്ടായി.

ഇതിന്‍റെ പശ്ചാത്തലത്തില്‍ 5000ല്‍ അധികം കേന്ദ്ര സായുധ പൊലീസ് ഫോഴ്സിനെ കേന്ദ്ര ആഭ്യന്തര മന്ത്രാലയം മണിപ്പൂരില്‍ വിന്യസിച്ചിരുന്നു. എന്നാല്‍, കേന്ദ്രനടപടിയെ ചോദ്യം ചെയ്ത ചിദംബരം സേനയെ അവിടേക്ക് അയക്കുന്നത് പ്രശ്നങ്ങള്‍ക്ക് പരിഹാരമാകില്ലെന്നും ചൂണ്ടിക്കാട്ടി.”മണിപ്പൂരിലേക്ക് 5000-ല്‍ അധികം കേന്ദ്ര സായുധ പൊലീസ് ഫോഴ്സിനെ കേന്ദ്രം അയച്ചിരിക്കുകയാണ്. ഇത് അവിടുത്തെ പ്രശ്നത്തിന് ഒരിക്കലും പരിഹാരമാകില്ല. കേന്ദ്രനടപടി അവിടുത്തെ സ്ഥിതിഗതികള്‍ കൂടുതല്‍ വഷളാക്കുകയേയുള്ളൂ” ചിദംബരം കൂട്ടിച്ചേര്‍ത്തു.

കേരളത്തില്‍ 20 സീറ്റും യുഡിഎഫ് നേടുമെന്ന് കോണ്‍ഗ്രസിന്റെ പ്രകടനപത്രിക ജനങ്ങള്‍ക്കിടയില്‍ സ്വാധീനമുണ്ടാക്കിയിട്ടുണ്ടെന്നും അദ്ദേഹം കൂട്ടിചേര്‍ത്തു. കേരളത്തില്‍ ബിജെപി മത്സരിക്കുന്നത് 16 സീറ്റുകളില്‍ ആണ്. ഇവിടെയെല്ലാം ബിജെപിയെ ജനം പിന്തള്ളും. കേരളത്തില്‍ നടക്കുന്നത് എല്‍ഡിഎഫ് – യുഡിഎഫ് പോരാട്ടമാണെന്നും അതില്‍ യുഡിഎഫ് വിജയിക്കുമെന്നും പി ചിദംബരം പറഞ്ഞു.

രാജ്യത്ത് തൊഴിലില്ലായ്മ അതിരൂക്ഷമാണ്. തൊഴില്‍ അവസരങ്ങള്‍ സൃഷ്ടിക്കുക എന്നതാണ് പ്രധാനം. നരേന്ദ്ര മോദി 2 കോടി തൊഴില്‍ അവസരങ്ങള്‍ സൃഷ്ടിക്കുമെന്നാണ് പറഞ്ഞത്. എന്നാല്‍ തൊഴില്‍ അവസരങ്ങള്‍ കുറയ്ക്കുകയാണ് ചെയ്തത്. മോദി തൊഴില്‍ അവസരങ്ങള്‍ ഇല്ലാതാക്കുകയാണ് ചെയ്തതെന്നും പി ചിദംബരം ആരോപിച്ചു.

രാജ്യത്തെ സ്ഥാപനങ്ങള്‍ സ്വതന്ത്രമായല്ല പ്രവര്‍ത്തിക്കുന്നത്. സിഎജിയെ പോലും നിയന്ത്രിക്കുന്നത് കേന്ദ്ര സര്‍ക്കാരാണ്. 10 വര്‍ഷത്തിനിടെ 32 മാധ്യമപ്രവര്‍ത്തകരാണ് രാജ്യത്ത് കൊല്ലപ്പെട്ടത്. പലരും അറസ്റ്റിലായി. ഒരു കാര്‍ട്ടൂണിസ്റ്റിന് സ്വതന്ത്രമായി കാര്‍ട്ടൂണ്‍ വരയ്ക്കാന്‍ പോലും കഴിയുന്നില്ല. രാജ്യത്ത് ആവിഷ്‌കാര സ്വാതന്ത്ര്യം ഇല്ലാതായെന്നും പി ചിദംബരം പറഞ്ഞു.

കോണ്‍ഗ്രസ് പ്രകടനപത്രിയില്‍ പൗരത്വ നിയമത്തെ കുറിച്ച് പരാമര്‍ശം ഇല്ലെന്ന മുഖ്യമന്ത്രി പിണറായി വിജയന്റെ ആരോപണം തെറ്റാണെന്നും പി ചിദംബരം പറഞ്ഞു. 22-ാം പേജില്‍ സിഎ എ യുടെ കാര്യം പരാമര്‍ശിക്കുന്നുണ്ട്. ബിജെപി കൊണ്ടു വന്ന എല്ലാ കരിനിയമങ്ങളും റദ്ദാക്കുമെന്നും പറഞ്ഞിട്ടുണ്ടെന്ന് മാനിഫെസ്റ്റോ കമ്മിറ്റി ചെയര്‍മാന്‍ കൂടിയായ പി ചിദംബരം വ്യക്തമാക്കി.

ട്വിറ്ററിലൂടെയായിരുന്നു ചിദംബരത്തിന്റെ പ്രതികരണം. ‘സാമൂഹിക മാധ്യമങ്ങളില്‍ ‘കുറ്റകരം’ആയ പോസ്റ്റിട്ടാല്‍ അഞ്ചു വര്‍ഷം തടവ് നല്‍കുന്ന നിയമം കൊണ്ടുവന്ന കേരളത്തിലെ എല്‍ഡിഎഫ് സര്‍ക്കാരിന്റെ തീരുമാനം ഞെട്ടിക്കുന്നതാണ്’.

Also shocked by the attempt to implicate Mr Ramesh Chennithala, LOP, in a case where the investigation agency had filed a closure report FOUR times

How will my friend @SitaramYechury , GS, CPI(M), defend these atrocious decisions?

— P. Chidambaram (@PChidambaram_IN) November 22, 2020

‘അതുപോലെ അന്വേഷണ ഏജന്‍സി നാല് തവണ അവസാനിപ്പിച്ച് റിപ്പോര്‍ട്ട് ചെയ്ത കേസില്‍ കേരളത്തിലെ പ്രതിപക്ഷ നേതാവ് രമേശ് ചെന്നിത്തലയെ പ്രതിചേര്‍ക്കാന്‍ ശ്രമിച്ചതും ഞെട്ടിച്ചു. എന്റെ സുഹൃത്ത് സിപിഎം ജനറല്‍ സെക്രട്ടറി സീതാറാം യെച്ചൂരി ഈ ക്രൂരമായ തീരുമാനങ്ങളെ എങ്ങനെ പ്രതിരോധിക്കും’, ചിദംബരം ട്വീറ്റ് ചെയ്തു.

അഭിപ്രായ സ്വാതന്ത്ര്യത്തെ ഹനിക്കുന്ന തരത്തില്‍ പൊലീസിന് അമിതാധികാരം നല്‍കുന്നതാണ് പുതിയ പൊലീസ് നിയമഭേദഗതി. മാധ്യമ സ്വാതന്ത്ര്യത്തെ ഇത് ഇല്ലാതാക്കുമെന്നും ആക്ഷേപമുയര്‍ന്നിരുന്നു. കഴിഞ്ഞ ദിവസമാണ് ഇത് സംബന്ധിച്ച് മന്ത്രിസഭ അംഗീകരിച്ച ഓര്‍ഡിനന്‍സില്‍ ഗവര്‍ണര്‍ ഒപ്പിട്ടത്.

രണ്ടാം യുപിഎ സര്‍ക്കാറിന്റെ കാലത്ത് മോദി പോസ്റ്റ് ചെയ്ത ഒരു കുറിപ്പ് മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ പി ചിദംബരം വീണ്ടും പോസ്റ്റ് ചെയ്തു. നിങ്ങള്‍ നേരത്തെ പറഞ്ഞ കാര്യം മാത്രമാണ് ഇപ്പോള്‍ നിങ്ങളോട് പറയാനുള്ളത് എന്നെഴുതിയാണ് 2013 നവംബറില്‍ മോദി ട്വിറ്ററിലിട്ട കുറിപ്പ് ചിദംബരം റിട്വീറ്റ് ചെയ്തത്.

I have to say the same thing to the Honourable Prime Minister! pic.twitter.com/reNmp84mRu

— P. Chidambaram (@PChidambaram_IN) September 2, 2020

സാമ്പത്തിക മേഖല പ്രശ്‌നത്തിലാണ് യുവാക്കള്‍ക്ക് തൊഴില്‍ വേണം. സാമ്പത്തിക ശാസ്ത്രത്തില്‍ കുറച്ചു കൂടി സമയം ചെലവഴിക്കൂ. നിസ്സാരമായ രാഷ്ട്രീയത്തിലല്ല. ചിദംബരം ജി, കൈയിലുള്ള ജോലിയില്‍ ശ്രദ്ധിക്കൂ എന്നായിരുന്നു മോദിയുടെ ട്വീറ്റ്.

രാജ്യത്തിന്റെ ജിഡിപി വളര്‍ച്ച മൈനസ് 23.9 ശതമാനത്തിലേക്ക് വീണതോടെയാണ് മുന്‍ ധനമന്ത്രി കൂടിയായ ചിദംബരം മോദിക്കെതിരെ രംഗത്തുവന്നത്. നാലു ദശാബ്ദത്തിനിടെയുള്ള ഏറ്റവും വലിയ സാമ്പത്തിക തകര്‍ച്ചയാണിത്. കോവിഡ് മഹാമാരി മൂലമുള്ള ലോക്ക്ഡൗണാണ് സമ്പദ് വ്യവസ്ഥയെ ബാധിച്ചത്. അശാസ്ത്രീയമായ ലോക്ക്ഡൗണാണ് കേന്ദ്രസര്‍ക്കാറിന്റേത് എന്ന് നേരത്തെ പ്രതിപക്ഷ കക്ഷികള്‍ കുറ്റപ്പെടുത്തിയിരുന്നു. ഇതിനെ നേരിടാന്‍ സര്‍ക്കാര്‍ പ്രഖ്യാപിച്ച ഉത്തേജന പാക്കേജുകള്‍ ഒന്നും ഫലം കണ്ടില്ല എന്ന് തെൡയിക്കുന്നതാണ് പുതിയ ജിഡിപി കണക്കുകള്‍.

ഇന്ത്യയുടെ മൊത്ത ആഭ്യന്തര ഉത്പാദനത്തിന്റെ (ജിഡിപി) വളര്‍ച്ച ഏപ്രില്‍-ജൂണ്‍ പാദത്തില്‍ 23.9 ശതമാനം ചുരുങ്ങിയതായി റിപ്പോര്‍ട്ട് പുറത്തു വന്നതിന് തൊട്ടുപിന്നാലെയാണ് ചിദംബരത്തിന്റെ പരാമര്‍ശം. സാമ്പത്തിക വര്‍ഷത്തിന്റെ അടുത്ത പാദങ്ങളില്‍ സമ്പദ് വ്യവസ്ഥയില്‍ ഉണര്‍വ് ഉണ്ടാവുമെന്ന മുഖ്യസാമ്പത്തിക ഉപദേഷ്ടാവിന്റെ വാദങ്ങളേയും ചിദംബരം ചോദ്യംചെയ്തു.

എന്തിന്റെ അടിസ്ഥാനത്തിലാണ് ഇത്തരമൊരു പ്രതീക്ഷ പങ്കുവെയ്ക്കുന്നത് എന്നായിരുന്നു അദ്ദേഹത്തിന്റെ ചോദ്യം. കേന്ദ്രസര്‍ക്കാര്‍ മുന്നോട്ടുവെച്ച എല്ലാ വാദങ്ങളേയും റിപ്പോര്‍ട്ടുകളേയും തള്ളിക്കളയുന്നതായിരുന്നു റിസര്‍വ് ബാങ്കിന്റെ റിപ്പോര്‍ട്ട് എന്നും അദ്ദേഹം വ്യക്തമാക്കി. നിലവിലെ പ്രതിസന്ധി നേരിടാന്‍ കറന്‍സികള്‍ അച്ചടിക്കാമെന്നും അത് സര്‍ക്കാരിന്റെ അധികാരമാണെന്നും അദ്ദേഹം അഭിപ്രായപ്പെട്ടു.

കേസ് സാമ്പത്തിക വിഭാഗത്തിന് കീഴിലെ ചീഫ് വിജിലന്‍സ് ഓഫീസര്‍ക്ക് കൈമാറിയതായും സി.ബി.ഐ അഭിഭാഷകന്‍ ഹിതെന്‍ വെനെഗാവ്കര്‍ ജസ്റ്റിസ് സാധന ജാദവ്, എന്‍.ജെ ജാംദാര്‍ എന്നിവര്‍ അടങ്ങുന്ന ഡിവിഷന്‍ ബഞ്ചിന് മുമ്പാകെ അറിയിച്ചു. ചിദംബരത്തെ കൂടാതൈ ഉദ്യോഗസ്ഥരായ കെ.പി കൃഷ്ണന്‍, രമേശ് അഭിഷേക് എന്നിവരാണ് പ്രതിസ്ഥാനത്തുള്ളത്.

നാഷണല്‍ സ്‌പോട് എക്‌സ്‌ചേഞ്ച് ലിമിറ്റഡിനെ (എന്‍.എസ്.ഇ.എന്‍.എല്‍) തകര്‍ക്കാന്‍ ചിദംബരവും ഉദ്യോഗസ്ഥരും ശ്രമിച്ചു എന്നായിരുന്നു മൂണ്‍സ് ടെക്‌നോളജീസിന്റെ ആരോപണം. എന്‍.എസ്.ഇ.എന്‍.എല്‍ കുംഭകോണം പുറത്തുവന്ന 2013ല്‍ ധനമന്ത്രിയായിരുന്നു ചിദംബരം. അഭിഷേക് ഫോര്‍വേഡ് മാര്‍ക്കറ്റ്‌സ് കമ്മിഷന്‍ ചെയര്‍മാനും കഷ്ണന്‍ ധനമന്ത്രാലയത്തിലെ അഡീഷണല്‍ സെക്രട്ടറിയും.

മഹാരാഷ്ട്രയിലും ഹരിയാനയിലും ബി.ജെ.പി കോണ്‍ഗ്രസിനെ തൂത്തുവാരുമെന്ന പ്രവചനങ്ങളെ വോട്ടര്‍മാര്‍ കാറ്റില്‍ പറത്തുന്ന കാഴ്ചയാണ് തെരഞ്ഞെടുപ്പ് ഫലങ്ങളില്‍ പുറത്തുവരുന്നത്. തീവ്രദേശീയ വാദവും ബാലക്കോട്ട് മാതൃകയില്‍ പാകിസ്ഥാനില്‍ വീണ്ടും ആക്രമണം നടത്തുന്നതും എല്ലാ തെരഞ്ഞെടുപ്പിലും സഹായിക്കില്ലെന്ന തിരിച്ചറിവ് ബി.ജെ.പിക്ക് നല്‍കുന്നതാണ് തെരഞ്ഞെടുപ്പു ഫലങ്ങള്‍. പാകിസ്ഥാനും കശ്മീരും റാഫേല്‍ വിമാനവും സവര്‍ക്കറുമൊക്കെ മഹാരാഷ്ട്ര തെരഞ്ഞെടുപ്പില്‍ സജീവ ചര്‍ച്ചയാക്കിയ ബി.ജെ.പിക്ക് ലോക്‌സഭാ തെരഞ്ഞെടുപ്പിലെ പോലെ നേട്ടത്തിലെത്തിക്കാന്‍ ആയിട്ടില്ല.

പ്രചാരണത്തിനിടെ കോണ്‍ഗ്രസിന്റെയും എന്‍.സി.പിയുടെയും പ്രാദേശിക നേതാക്കള്‍ കൂട്ടത്തോടെ കൂറുമാറിയ അവസ്ഥയില്‍ വന്‍ വിജയം കൊയ്യാനാവുമെന്ന പ്രതീക്ഷയിലായിരുന്നു മഹാരാഷ്ട്രയില്‍ ബി.ജെ.പി. മോദി-ഖട്ടാര്‍ വ്യക്തി പ്രഭാവും തീവ്രദേശീയതാ വിഷയങ്ങളിലൂന്നിയ പ്രചാരണവും തുണക്കെത്തുമെന്ന പ്രതീക്ഷ ഹരിയാണയിലും അസ്ഥാനത്തായി. മറുഭാഗത്ത് മുതിര്‍ന്ന നേതാക്കള്‍ നിഷ്‌ക്രിയരായതോടെ പ്രചാരണ രംഗത്ത് ബഹുദൂരം പുറകിലായിരുന്നു കോണ്‍ഗ്രസ്. തൊഴിലില്ലായ്മയും സാമ്പത്തിക തകര്‍ച്ചയും ഫലപ്രദമായി ചര്‍ച്ചയാക്കാന്‍ കോണ്‍ഗ്രസിന് കഴിഞ്ഞിരുന്നുവെങ്കില്‍ ബി.ജെ.പി ഈ രണ്ടു സംസ്ഥാനങ്ങളിലും തകര്‍ന്നടിയുമായിരുന്നു. എന്നാല്‍ ഹരിയാണയില്‍ രാഹുല്‍ നടത്തിയ രണ്ടു റാലികളാണ് കോണ്‍ഗ്രസിനെ പോരാട്ടരംഗത്ത് തിരിച്ചു കൊണ്ടുവന്നതെന്നാണ് വിലയിരുത്തപ്പെടുന്നത്.

അതേസമയം, ഐഎന്‍എക്‌സ് മീഡിയയുമായി ബന്ധപ്പെട്ട കള്ളപ്പണക്കേസില്‍ പി. ചിദംബരത്തെ ഈമാസം മുപ്പത് വരെ എന്‍ഫോഴ്‌സ്‌മെന്റ് ഡയറക്ടറേറ്റ് കസ്റ്റഡിയില്‍ വിട്ടു. ഡല്‍ഹി റോസ് അവന്യു കോടതിയുടേതാണ് നടപടി. ഹൈദരാബാദില്‍ ചികില്‍സ ലഭ്യമാക്കണമെന്ന ചിദംബരത്തിന്റെ ആവശ്യം തള്ളി. ആവശ്യമെങ്കില്‍ ഡല്‍ഹിയിലെ എയിംസ് ആശുപത്രിയില്‍ ചികില്‍സ ലഭ്യമാക്കാന്‍ കോടതി നിര്‍ദേശം നല്‍കി. ചിദംബരം സമര്‍പ്പിച്ച ജാമ്യാപേക്ഷയില്‍ ഡല്‍ഹി ഹൈക്കോടതി എന്‍ഫോഴ്‌സ്‌മെന്റ് ഡയറക്ടറേറ്റിന്റെ നിലപാട് തേടി. നവംബര്‍ നാലിന് ജാമ്യാപേക്ഷ വീണ്ടും പരിഗണിക്കും.

ഐ.എന്‍.എക്‌സ്. മീഡിയ കേസില്‍ ഓഗസ്റ്റ് 21-നാണ് ചിദംബരത്തെ സി.ബി.ഐ. അറസ്റ്റ് ചെയ്തത്. സെപ്റ്റംബര്‍ അഞ്ചിന് അദ്ദേഹത്തെ തിഹാര്‍ ജയിലിലേക്ക് അയച്ചു. ഇതിനിടെ ജാമ്യം തേടി അദ്ദേഹം ഡല്‍ഹി ഹൈക്കോടതിയെ സമീപിച്ചിരുന്നെങ്കിലും ജാമ്യം അനുവദിച്ചിരുന്നില്ല. സാക്ഷികളെ സ്വാധീനിക്കുമെന്ന് ചൂണ്ടിക്കാട്ടി ഡല്‍ഹി ഹൈക്കോടതി ജാമ്യം നിഷേധിച്ചതോടെയാണ് ചിദംബരം സുപ്രീംകോടതിയെ സമീപിച്ചത്.

സിബിഐ അന്വേഷണസംഘം കുറ്റപത്രം സമര്‍പ്പിച്ച സാഹചര്യത്തില്‍ ജാമ്യം അനുവദിക്കണമെന്നായിരുന്നു പി. ചിദംബരത്തിന്റെ ആവശ്യം. കേസ് അന്വേഷണം പൂര്‍ത്തിയായി. രാഷ്ട്രീയ പകപോക്കലിന് ഇരയാണ് താനെന്നും ചിദംബരം കോടതിയില്‍ വാദിച്ചു.

എന്നാല്‍, വിചാരണ തുടങ്ങും വരെ ജാമ്യം നല്‍കരുതെന്നാണ് സിബിഐ വാദം. സാക്ഷികളെ സ്വാധീനിക്കുമെന്നും നേരത്തെ ചില സാക്ഷികളെ സ്വാധീനിക്കാന്‍ ശ്രമിച്ചതിന് തെളിവുണ്ടെന്നും സോളിസിറ്റര്‍ ജനറല്‍ തുഷാര്‍ മേത്ത ജസ്റ്റിസ് ആര്‍. ബാനുമതി അധ്യക്ഷയായ ബെഞ്ചിനെ അറിയിച്ചിരുന്നു. ചിദംബരം രാജ്യം വിടാന്‍ സാധ്യതയുണ്ടെന്നും വ്യക്തമാക്കി. എന്നാല്‍ ഡല്‍ഹി ഹൈക്കോടതി പോലും തള്ളിയ വാദമാണെന്ന് ചിദംബരത്തിന്റെ അഭിഭാഷകന്‍ കപില്‍ സിബല്‍ തിരിച്ചടിച്ചു.

ഐഎന്‍എക്‌സ് മീഡിയയുടെ മുന്‍പത്തെ ഉടമകളായ പീറ്റര്‍ മുഖര്‍ജിയേയും ഇന്ദ്രാണി മുഖര്‍ജിയേയും പ്രതി ചേര്‍ത്തിട്ടുണ്ട്. കുറ്റപത്രത്തിന്മേലുള്ള വാദം തിങ്കളാഴ്ച നടക്കും.

വ്യാഴാഴ്ച കേസില്‍ പി ചിദംബരത്തെ ഈ മാസം 24 വരെ എന്‍ഫോഴ്‌സ്‌മെന്റ് ഡയറക്ടറേറ്റിന്റെ കസ്റ്റഡിയില്‍ വിട്ടിരുന്നു. എന്‍ഫോഴ്‌സ്‌മെന്റ് ഡയറക്ടറേറ്റ് 15 ദിവസത്തെ കസ്റ്റഡിയാണ് ആവശ്യപ്പെട്ടതെങ്കിലും കോടതി ഏഴ് ദിവസം മാത്രം അനുവദിക്കുകയായിരുന്നു. ഡല്‍ഹി റോസ് അവന്യു കോടതിയുടേതായിരുന്നു നടപടി.

ഒന്നാം യുപിഎ സര്‍ക്കാരില്‍ ചിദംബരം ധനമന്ത്രിയായിരിക്കെ 2007ലാണ് ഐഎന്‍എക്‌സ് മീഡിയയ്ക്ക് വിദേശത്തുനിന്ന് മുതല്‍ മുടക്ക് കൊണ്ടുവരാന്‍ വിദേശനിക്ഷേപ പ്രോത്സാഹന ബോര്‍ഡിന്റെ (എഫ്‌ഐപിബി) അനുമതി ലഭിച്ചത്. അനുമതി ലഭ്യമാക്കുന്നതില്‍ അഴിമതി നടന്നെന്നാണ് സിബിഐയുടെ കേസ്. ഇടപാടുമായി ബന്ധപ്പെട്ട കള്ളപ്പണം വെളുപ്പിക്കലാണ് എന്‍ഫോഴ്‌സ്‌മെന്റ് ഡയറക്ടറേറ്റ് അന്വേഷിക്കുന്നത്. കേസില്‍ കാര്‍ത്തിയെ സിബിഐ അറസ്റ്റ് ചെയ്തിരുന്നെങ്കിലും ഇപ്പോള്‍ ജാമ്യത്തിലാണ്.

അതിനിടെ ഐ.എന്‍.എക്‌സ് മീഡിയ അഴിമതിക്കേസില്‍ ജാമ്യം തേടി ചിദംബരം സുപ്രീംകോടതിയെ സമീപിച്ചു. മുതിര്‍ന്ന അഭിഭാഷകന്‍ കബില്‍ സിബലാണ് അദ്ദേഹത്തിനായി കോടതിയെ സമീപിച്ചത്. ഏഴ് വര്‍ഷം വരെ ശിക്ഷ ലഭിക്കാവുന്ന കുറ്റങ്ങളാണ് ചിദംബരത്തിനെതിരെ ചുമത്തിയതെന്നും അതുകൊണ്ട് അദ്ദേഹത്തിന് ജാമ്യം ലഭിക്കാന്‍ അര്‍ഹതയുണ്ടെന്നുമാണ് ഹര്‍ജിയില്‍ പറയുന്നത്.