ഇവര്‍ക്കെതിരെ എന്ത് നടപടിയാണ് കൈക്കൊള്ളുക?ആരോപണവിധേയര്‍ക്ക് ജയിലില്‍ നഷ്ടപ്പെട്ട വര്‍ഷങ്ങളോ മാസങ്ങളോ ആരാണ് തിരികെ നല്‍കുക? വിചാരണയ്ക്ക് മുമ്ബുള്ള തടവ് അനുവദിച്ചുകൊടുക്കുന്ന നമ്മുടെ നീതിന്യായ വ്യവസ്ഥ, ഇന്ത്യന്‍ ഭരണഘടനയെ, പ്രത്യേകിച്ച് ആര്‍ട്ടിക്കിള്‍ 19, 21 എന്നിവയെ അപമാനിക്കുന്നതാണ്. നിയമത്തെ ഇത്തരത്തില്‍ നിരന്തരം അപമാനിക്കുന്നതിന് സുപ്രീംകോടതി അവസാനമുണ്ടാക്കണം. എത്ര പെട്ടെന്നാകുന്നുവോ അത്രയും നല്ലത്. സ്വാതന്ത്ര്യം ഉയര്‍ത്തിപ്പിടിച്ച വിചാരണ കോടതി നടപടിയെ അഭിനന്ദിക്കുന്നു -ചിദംബരം പറഞ്ഞു.

കൂടിക്കാഴ്ച്ചക്ക് ശേഷം ചിദംബരം ട്വിറ്ററിലൂടെ ഇരു നേതാക്കളേയും നന്ദി അറിയിച്ചു. ചിദംബരത്തിന്റെ കുടുംബമാണ് അദ്ദേഹത്തിന്റെ ട്വിറ്റര്‍ ഹാന്‍ഡില്‍ കൈകാര്യം ചെയ്യുന്നത്. ഇതുവഴിയാണ് സോണിയക്കും മന്‍മോഹനും നന്ദി അറിയിച്ചത്.

ഐഎന്‍എക്‌സ് അഴിമതിക്കേസില്‍ അറസ്റ്റിലായ മുന്‍ കേന്ദ്ര മന്ത്രി പി.ചിദംബരത്തെ ഓഗസ്റ്റ് 21 നാണ് സിബിഐ അറസ്റ്റു ചെയ്തത്. സെപ്റ്റംബര്‍ അഞ്ച് മുതല്‍ ചിദംബരം തിഹാര്‍ ജയിലിലാണ്. 2007ല്‍ പി.ചിദംബരം ധനമന്ത്രിയായിരിക്കേ ഐഎന്‍എക്‌സ് മീഡിയക്ക് 305 കോടിയുടെ വിദേശ ഫണ്ട് സ്വീകരിക്കാന്‍ വിദേശ നിക്ഷേപ പ്രോത്സാഹന ബോര്‍ഡിന്റെ അനുമതി നല്‍കിയതില്‍ ക്രമക്കേടുണ്ടെന്നാണ് കേസ്.

സുരക്ഷിതമായതും സൗകര്യങ്ങളുള്ളതുമായ ജയില്‍മുറി അനുവദിക്കണമെന്ന ചിദംബരത്തിന്റെ അപേക്ഷ കോടതി അംഗീകരിച്ചു. ഐഎന്‍എക്‌സ് മീഡിയ അഴിമതിക്കേസുമായി ബന്ധപ്പെട്ട് എന്‍ഫോഴ്‌സ്‌മെന്റ് തന്നെ അറസ്റ്റ് ചെയ്യരുതെന്നാവശ്യപ്പെട്ട് ചിദംബരം നല്‍കിയ ഹര്‍ജി സുപ്രീംകോടതി ഇന്ന് തള്ളിയിരുന്നു. ഇപ്പോള്‍ മുന്‍കൂര്‍ ജാമ്യം നല്‍കുന്നത് കേസിന്റെ അന്വേഷണത്തെ ബാധിക്കുമെന്നായിരുന്നു സുപ്രീംകോടതിയുടെ നിരീക്ഷണം.

അഴിമതിക്കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റ് മുമ്പാകെ കീഴടങ്ങാന്‍ തയ്യാറാണെന്ന് കാണിച്ചുള്ള അപേക്ഷയും ചിദംബരത്തിന്റെ അഭിഭാഷകന്‍ കോടതിയില്‍ സമര്‍പ്പിച്ചു. ഈ വിഷയത്തില്‍ കോടതി എന്‍ഫോഴ്‌സ്‌മെന്റ് ഡയറക്ടറേറ്റിനോട് മറുപടി ചോദിച്ചിട്ടുണ്ട്. അപേക്ഷ ഈ മാസം 12ന് പരിഗണിക്കുമെന്ന് കോടതി അറിയിച്ചു.

ഒരു ലക്ഷം രൂപ വീതം കെട്ടിവെക്കാന്‍ ആവശ്യപ്പെട്ടാണ് ഡല്‍ഹി റോസ് അവന്യൂ കോടതി ഇരുവര്‍ക്കും ജാമ്യം അനുവദിച്ചത്.എന്‍ഫോഴ്‌സ്‌മെന്റ് ഡയറക്ടറേറ്റിന്റെ എതിര്‍പ്പ് മറികടന്നാണു കോടതി നടപടി.

മാക്‌സിസിന്റെ അനുബന്ധ സ്ഥാപനമായ ഗ്ലോബല്‍ കമ്മ്യൂണിക്കേഷന്‍സ് സര്‍വീസസ് ഹോള്‍ഡിങ്‌സിന്, വിദേശനിക്ഷേപക പ്രോത്സാഹന ബോര്‍ഡിന്റെ അനുമതി ലഭിക്കാന്‍, അന്നു ധനമന്ത്രിയായിരുന്ന ചിദംബരം ഇടപെട്ടെന്നാണു കേസ്. 600 കോടി രൂപയുടെ നിക്ഷേപത്തിനു മാത്രമേ അനുമതി നല്‍കാന്‍ ധനമന്ത്രിക്ക് അധികാരമുള്ളൂ. കേന്ദ്രമന്ത്രിസഭയുടെ സാമ്പത്തികകാര്യ ഉപസമിതിയാണ് ഇതില്‍ക്കൂടുതലുള്ള ഇടപാടുകള്‍ക്ക് അനുമതി നല്‍കേണ്ടത്. ഈ ചട്ടം മറികടന്നാണ് 3,500 കോടി രൂപയുടെ ഇടപാടിനു ചിദംബരം അനുമതി നല്‍കിയതെന്നാണ് സിബിഐയുടെ വാദം.

ഇടക്കാല ജാമ്യം ഉള്‍പ്പെടെയുള്ള ആശ്വാസ നടപടികള്‍ക്കായി ചിദംബരം വിചാരണക്കോടതിയെ തന്നെ സമീപിക്കണം. വിചാരണക്കോടതി ഇടക്കാല ജാമ്യം നിഷേധിക്കുന്നപക്ഷം ചിദംബരത്തിന്റെ കസ്റ്റഡി മൂന്നു ദിവസം കൂടി നീട്ടിക്കൊണ്ട് സുപ്രീം കോടതി ഉത്തരവിട്ടു. ചിദംബരം നല്‍കിയ മറ്റു ഹര്‍ജികളില്‍ വ്യാഴാഴ്ച വാദം കേള്‍ക്കുമെന്ന് കോടതി അറിയിച്ചു. വ്യാഴാഴ്ചക്കകം മറുപടി അറിയിക്കാന്‍ സിബിഐക്ക് കോടതി നിര്‍ദേശം നല്‍കി.

എന്നാല്‍ സി.ബി.ഐ അറസ്റ്റിനെതിരെ സമര്‍പ്പിച്ച ഹര്‍ജി ചീഫ് ജസ്റ്റിസിന്റെ അനുമതിയില്ലാതെ ലിസ്റ്റ് ചെയ്യാനാവില്ലെന്ന് ജസ്റ്റിസ് ഭാനുമതി വ്യക്തമാക്കി. ജാമ്യം വേണമെങ്കില്‍ വിചാരണക്കോടതിയെ സമീപിക്കാനും കോടതി നിര്‍ദ്ദേശിച്ചു. അതേസമയം, കള്ളപ്പണം വെളുപ്പിച്ചെന്ന് കാട്ടി എന്‍ഫോഴ്‌സ്‌മെന്റ് ഡയറക്ടറേറ്റ് രജിസ്റ്റര്‍ ചെയ്ത കേസില്‍ മുന്‍കൂര്‍ ജാമ്യം തേടി ചിദംബരം നല്‍കിയ ഹര്‍ജി ഉടന്‍ പരിഗണിക്കും.

കഴിഞ്ഞ ജനുവരിയില്‍ ചിദംബരത്തിന്റെ വീട്ടില്‍ എന്‍ഫോഴ്‌സ്‌മെന്റ് നടത്തിയ റെയ്ഡില്‍ സിബിഐയുടെ രഹസ്യ രേഖകള്‍ കിട്ടിയെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് അന്ന് അറിയിച്ചിരുന്നു. എയര്‍സെല്‍ മാക്‌സിസ് കേസുമായി ബന്ധപ്പെട്ട് മുദ്രവെച്ച കവറില്‍ സുപ്രീം കോടതിയില്‍ സമര്‍പ്പിച്ച രേഖകളാണ് അന്ന് കണ്ടെത്തിയത്. ജനുവരി 13ന് ചിദംബരത്തിന്റെ വീട്ടില്‍ നടത്തിയ പരിശോധനയിലാണ് രേഖകള്‍ കണ്ടെടുത്തത്. രഹസ്യരേഖകള്‍ എന്‍ഫോഴ്‌സ്‌മെന്റ് സുപ്രീംകോടതിയില്‍ സമര്‍പ്പിച്ചിരുന്നു.

മാക്‌സിസിന്റെ അനുബന്ധ സ്ഥാപനമായ ഗ്ലോബല്‍ കമ്മ്യൂണിക്കേഷന്‍സ് സര്‍വീസസ് ഹോള്‍ഡിങ്‌സിന്, വിദേശനിക്ഷേപക പ്രോത്സാഹന ബോര്‍ഡിന്റെ അനുമതി ലഭിക്കാന്‍, അന്നു ധനമന്ത്രിയായിരുന്ന ചിദംബരം ഇടപെട്ടന്നാണു കേസ്. 600 കോടി രൂപയുടെ നിക്ഷേപത്തിനു മാത്രമേ അനുമതി നല്‍കാന്‍ ധനമന്ത്രിക്ക് അധികാരമുള്ളൂ. കേന്ദ്രമന്ത്രിസഭയുടെ സാമ്പത്തികകാര്യ ഉപസമിതിയാണ് ഇതില്‍ക്കൂടുതലുള്ള ഇടപാടുകള്‍ക്ക് അനുമതി നല്‍കേണ്ടത്. ഈ ചട്ടം മറികടന്നാണ് 3,500 കോടി രൂപയുടെ ഇടപാടിനു ചിദംബരം അനുമതി നല്‍കിയതെന്നാണ് കേസിലെ ആരോപണം.

Let’s assume that PM is right when he says that loans given under UPA have turned bad. How many of those loans were renewed or rolled over (that is ‘evergreened’) under NDA?

— P. Chidambaram (@PChidambaram_IN) September 2, 2018

Why were those loans not recalled? Why were those loans evergreened?

— P. Chidambaram (@PChidambaram_IN) September 2, 2018

2014ല മെയില്‍ മോദി അധികാരമേറ്റ ശേഷം എത്ര വായ്പകള്‍ നല്‍കി, ഇതില്‍ എത്രയെണ്ണം നിഷ്‌ക്രിയ ആസ്തികളായി മാറിയെന്ന് വ്യക്തമാക്കണം. യു.പി.എ കാലത്ത് നല്‍കിയ വായ്പകള്‍ നിഷ്‌ക്രിയ ആസ്തികളായി മാറിയെന്ന പ്രധാനമന്ത്രിയുടെ വാദം ശരിയാണെന്ന് കരുതിയാല്‍ തന്നെ ഇതില്‍ എത്ര ലോണുകള്‍ നിലവിലെ എന്‍.ഡി.എ സര്‍ക്കാര്‍ കാലത്ത് പുതുക്കിയെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു. എന്തു കൊണ്ട് ഇത്തരം വായ്പകള്‍ തിരിച്ചു വിളിച്ചില്ല. എന്തു കൊണ്ട് ഇത് ദീര്‍ഘിപ്പിച്ചു നല്‍കി മോദി ഇതിന് ഉത്തരം നല്‍കണമെന്നും തുടര്‍ച്ചയായ ട്വീറ്റുകളിലൂടെ ചിദംബരം ആവശ്യപ്പെട്ടു. യു.പി.എ കാലത്ത് നല്‍കിയ 12 വന്‍കിട വായ്പകള്‍ നിഷ്‌ക്രിയ ആസ്തികളായത് വഴി 1.75 ലക്ഷം കോടി രൂപ നഷ്ടപ്പെടുത്തിയെന്നും ഇതില്‍ ഒരു ലക്ഷം കോടി രൂപ തിരിച്ചു പിടിച്ചതായും ഇന്ത്യാ പോസ്റ്റല്‍ ബാങ്കുകള്‍ ഉദ്ഘാടനം ചെയ്തു കൊണ്ട് കഴിഞ്ഞ ദിവസം മോദി പറഞ്ഞിരുന്നു.

കോണ്‍ഗ്രസ് ജയിച്ചാല്‍ പ്രധാനമന്ത്രിയാരാവണമെന്ന് കോണ്‍ഗ്രസ് തീരുമാനിക്കും. മോദിയല്ല അത് തീരുമാനിക്കേണ്ടത്. രാജ്‌നാഥ് സിങ് പാര്‍ട്ടി അധ്യക്ഷനായിരുന്ന സമയത്ത് ‘നിങ്ങള്‍ക്കായി ബി.ജെ.പി സര്‍ക്കാര്‍’ എന്ന പരസ്യ വാചകം പ്രചരിപ്പിച്ചിട്ട് പിന്നീട് ‘നിങ്ങള്‍ക്കായി മോദി സര്‍ക്കാര്‍’ എന്ന് തിരുത്തേണ്ടി വന്ന ചരിത്രമാണ് ബി.ജെ.പിക്കുള്ളതെന്നും ചിദംബരം പരിഹസിച്ചു.

കോണ്‍ഗ്രസിന് ആ ഗതി വരില്ല. രാഹുലടക്കമുള്ള കോണ്‍ഗ്രസുകാര്‍ പ്രവര്‍ത്തിക്കുന്നത് രാഹുലിന്റെ സര്‍ക്കാരിനു വേണ്ടിയല്ല, മറിച്ച് കോണ്‍ഗ്രസിന്റെ സര്‍ക്കാരിനു വേണ്ടിയാണെന്നും ചിദംബരം വ്യക്തമാക്കി. അടുത്തതവണ കോണ്‍ഗ്രസ് വിജയിച്ചതിനു ശേഷം പാര്‍ട്ടി നേതൃത്വം പ്രധാനമന്ത്രിയെക്കുറിച്ച് തീരുമാനിച്ചോളാമെന്നും ബി.ജെ.പി നേതാക്കള്‍ അതിനായി ബുദ്ധിമുട്ടേണ്ടെന്നും ചിദംബരം തുറന്നടിച്ചു.

എല്‍.കെ.അദ്വാനിയേയും, നിതിന്‍ ഗഡ്കരിയേയും, യശ്വന്ത് സിന്‍ഹയേയും പോലുള്ള മുതിര്‍ന്ന ബിജെപി നേതാക്കളെ അവരുടെ പാര്‍ട്ടി വിലകുറച്ചു കാണുന്നതുപോലുള്ള ദുര്യോഗം കോണ്‍ഗ്രസിന്റെ ഭാഗത്ത് ഉണ്ടാകില്ലെന്നും മുന്‍ ധനമന്ത്രി കൂടിയായ ചിദംബരം കൂട്ടിച്ചേര്‍ത്തു.