ഇ പി ജയരാജനെ അനുകൂലിക്കുന്ന പാര്‍ട്ടി പ്രവര്‍ത്തകരാണ് ഇതിന് പിന്നിലെന്നാണ് അറിയുന്ന സൂചനകള്‍. എന്നാല്‍ അതേസമയം പി ജയരാജന്‍ ഇ പി ജയരാജനെതിരെ സാമ്പത്തിക ക്രമക്കേടുകള്‍ അടക്കം ആരോപിച്ചിരുന്നു.

ഇതിന് പിന്നാലെ എല്‍ഡിഎഫ് കണ്‍വീനര്‍ സ്ഥാനമൊഴിയാന്‍ സന്നദ്ധത അറിയിച്ചു ഇ പി ജയരാജന്‍ രംഗത്ത്. ആരോഗ്യപ്രശ്നമാണെന്നാണ് വിശദീകരണം. വെള്ളിയാഴ്ച നടക്കുന്ന സെക്രട്ടറിയേറ്റില്‍ പങ്കെടുക്കില്ലെന്ന് ഇ പി ജയരാജന്‍ പറഞ്ഞു.

തന്നെ ലക്ഷ്യം വെച്ചുകൊണ്ടുള്ള ചില നീക്കങ്ങള്‍ പാര്‍ട്ടിക്കുള്ളില്‍ നടക്കുന്നുണ്ടെന്ന പരാതി നേരത്തെ തന്നെ അദ്ദേഹത്തിന് ഉണ്ടായിരുന്നു. ദീര്‍ഘനാളത്തെ അവധിയെടുത്ത് അദ്ദേഹം പാര്‍ട്ടില്‍ നിന്ന് വിട്ട് നില്‍ക്കുകയായിരുന്നു. പാര്‍ട്ടി പദവികള്‍ ഒഴിയാന്‍ തയ്യാറാണെന്ന് അദ്ദേഹം അറിയിച്ചതായും സൂചനയുണ്ട്.

കെ.കെ.രമയും ജയരാജനെതിരെ വിമര്‍ശനവുമായി രംഗത്തെത്തി. ആക്രമണത്തിന് പിന്നില്‍ സിപിഎമ്മാണെന്ന് രമ പറഞ്ഞു. ജയരാജന് കിട്ടേണ്ട വോട്ടാണ് നസീറിന് ലഭിക്കുക എന്നും അത് ജയപരാജയത്തെ സ്വാധീനിക്കുമെന്നും രമ പറഞ്ഞു.

വടകര മണ്ഡലത്തിലെ സ്വതന്ത്ര സ്ഥാനാര്‍ത്ഥിയായ സി.ഒ.ടി നസീറിന് ഇന്നലെയാണ് വെട്ടേറ്റത്. തലശ്ശേരിയല്‍ വച്ചായിരുന്നു നസീറിന് വെട്ടേറ്റത്. തുടര്‍ന്ന് നസീറിനെ കോഴിക്കോട് മെഡിക്കല്‍ കോളേജിലേക്ക് കൊണ്ടു പോയി. പുതിയസ്റ്റാന്റ് പരിസരത്ത് നില്‍ക്കുകയായിരുന്ന നസീറിനെ മൂന്നംഗ സംഘമാണ് അക്രമിച്ചത്. ബൈക്കിലെത്തിയ മൂന്നുപേര്‍ ചേര്‍ന്ന് ആക്രമിക്കുകയായിരുന്നുവെന്ന് നസീര്‍ പറഞ്ഞു.

വടകര: വടകരയില്‍ ഇടതുമുന്നണി സ്ഥാനാര്‍ഥിയായി ജനവിധി തേടിയ പി.ജയരാജനെതിരെ രൂക്ഷ വിമര്‍ശനവുമായി ആര്‍.എം.പി നേതാവ് കെ.കെ രമ. ജയരാജന് തലക്കു വെളിവില്ലെന്ന് രമ പരിഹസിച്ചു. രമയ്‌ക്കെതിരെ പ്രത്യാരോപണവുമായി ജയരാജനും വന്നു.

മണ്ഡലത്തിലെ ഉയര്‍ന്ന പോളിങ് ശതമാനം ആര്‍ക്ക് അനുകൂലമാകുമെന്ന ഇരുകൂട്ടരുടെയും വാദത്തിനിടെയാണ് ആരോപണ പ്രത്യാരോപണങ്ങള്‍ക്കു തുടക്കമിട്ടത്. വോട്ടെണ്ണുമ്പോള്‍ ജയരാജന്‍ വനവാസത്തിനു പോവേണ്ടി വരുമെന്നും രമ പരിഹസിച്ചു.

ഷൗക്കത്തലി(ആം ആദ്മി),ഷംനാദ് ആലംബത്ത് (കിവീസ്), ശ്വേത, ഷബ്‌നം എന്നിവരുടെ സാന്നിധ്യത്തില്‍ കളക്ട്രേറ്റിലെത്തി പത്രിക സമര്‍പ്പിക്കുകയായിരുന്നു നസീര്‍.

നേരത്തെ, തലശ്ശേരി നഗരസഭാ കൗണ്‍സിലറായിരുന്ന സി.ഒ.ടി നസീര്‍ പിന്നീട് സി.പി.എമ്മുമായി തെറ്റിപ്പിരിഞ്ഞ് വടകരയില്‍ ജയരാജനെതിരെ മത്സരിക്കാന്‍ തീരമാനിക്കുകയായിരുന്നു. എന്നാല്‍ സി.പി.എമ്മിന്റെ ഭാഗത്തുനിന്ന് ഭീഷണിയുണ്ടായിരുന്നു. മത്സരരംഗത്തുനിന്നും പിന്‍മാറണമെന്ന് പലരും ആവശ്യപ്പെട്ടുവെങ്കിലും മത്സരിക്കാനുള്ള തീരുമാനവുമായി മുന്നോട്ട് പോവുകയായിരുന്നു നസീര്‍. സൗഹാര്‍ദ്ദപരമായ രാഷ്ട്രീയമാണ് മുന്നോട്ടുവെക്കുന്നതെന്ന് നസീര്‍ വ്യക്തമാക്കിയിട്ടുണ്ട്. കെ.മുരളീധരനാണ് വടകരയിലെ യു.ഡി.എഫ് സ്ഥാനാര്‍ത്ഥി.

കതിരൂര്‍ മനോജ് വധക്കേസിലും പ്രമോദ് വധക്കേസിലും ഗൂഢാലോചന നടത്തി, അരിയില്‍ ഷുക്കൂറിനെ കൊല്ലാനുള്ള പദ്ധതി അറിഞ്ഞിട്ടും മറച്ചുവെച്ചു തുടങ്ങി വടകര ലോക്സഭാ മണ്ഡലത്തിലെ എല്‍.ഡി.എഫ് സ്ഥാനാര്‍ത്ഥി പി ജയരാജന്റെ വിശേഷണങ്ങള്‍ നീണ്ടു പോകുന്നു.

ഗുരുതരമായ ഈ കേസുകള്‍ക്കൊപ്പം അന്യായമായി സംഘം ചേര്‍ന്നതിനും ഗതാഗതം തടസ്സപ്പെടുത്തിയതിനും വേറെയും കേസുകളുണ്ട്. ഒരു കേസില്‍ ജയരാജനെ ശിക്ഷിച്ചിട്ടുമുണ്ട്.
അന്യായമായി സംഘം ചേര്‍ന്ന് പൊതുമുതല്‍ നശിപ്പിച്ച കേസില്‍ കൂത്തുപറമ്പ് ഫസ്റ്റ് ക്ലാസ് മജിസ്ട്രേററ് കോടതിയാണ് ശിക്ഷ വിധിച്ചത്. രണ്ടര വര്‍ഷം തടവും പിഴയുമാണ് ശിക്ഷ. എന്നാല്‍ ഇതിനെതിരെ ജയരാജന്‍ ഹൈക്കോടതിയില്‍ അപ്പീല്‍ നല്‍കി. അപ്പീല്‍ തീരുമാനമാകുന്നതു വരെ വിധി നടപ്പാക്കുന്നത് സ്റ്റേ ചെയ്തിരിക്കുകയാണ് കോടതി. ഇതിന്റെ ബലത്തിലാണ് ഇപ്പോള്‍ വടകരയില്‍ സ്ഥാനാര്‍ത്ഥിയായി മത്സരിക്കുന്നത്. അതേസമയം അരിയില്‍ ഷുക്കൂര്‍ കേസില്‍ സി.ബി.ഐ കോടതിയില്‍ കുറ്റപത്രം സമര്‍പ്പിച്ചിരിക്കുകയാണ്.

കോഴിക്കോട്: വടകര ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ഥി പി.ജയരാജന്റെ പേരിലുള്ളത് 10 കേസുകള്‍. ഇതില്‍ രണ്ടെണ്ണം കൊലപാതക കേസുമായി ബന്ധപ്പെട്ടുള്ളതും ഒരു കേസില്‍ വിധി വന്നതുമാണ്. കതിരൂര്‍ മനോജ്, പ്രമോദ് വധക്കേസും അരിയില്‍ ശുക്കൂര്‍ വധക്കേസുമാണ് സി.ബി.ഐ അന്വേഷണവുമായി ബന്ധപ്പെട്ടു കിടക്കുന്നത്. കതിരൂര്‍ കേസില്‍ കതിരൂര്‍ പൊലിസ് സ്‌റ്റേഷനില്‍ നിലവിലുണ്ടായിരുന്ന കേസ് സി.ബി.ഐക്ക് കൈമാറിയതോടെ യു.എ.പി.എ ചുമത്തെപ്പെട്ടിട്ടുമുണ്ട്. കണ്ണപുരം പൊലിസ് സ്‌റ്റേഷനില്‍ നിന്നും സി.ബി.ഐക്ക് വിട്ട അരിയില്‍ ശുക്കൂര്‍ വധക്കേസുമായി ബന്ധപ്പെട്ട് തലശ്ശേരി സെഷന്‍സ് കോടതിയിലാണ് കേസ് നിലവിലുള്ളത്. 1997 ല്‍ പൊതുമുതല്‍ നശിപ്പിച്ചതിന്റെ പേരില്‍ കൂത്തുപറമ്പ് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി രണ്ട് വര്‍ഷവും അഞ്ച് മാസവും തടവും പിഴയും ചുമത്തിയിരുന്നു. ഇന്നലെ ജില്ലാ കലക്ടര്‍ മുന്‍പാകെ സമര്‍പ്പിച്ച നാമനിര്‍ദ്ദേശ പത്രികയിലാണ് ഈ വിവരങ്ങള്‍ നല്‍കിയിട്ടുള്ളത്.
അന്യായമായി സംഘം ചേര്‍ന്നതിനും പൊതു മുതല്‍ നശിപ്പിച്ചതിനുമായി ബന്ധപ്പെട്ട് പയ്യന്നൂര്‍ പൊലിസ് സ്‌റ്റേഷനില്‍ രജിസ്റ്റര്‍ ചെയ്ത് പയ്യന്നൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ കുറ്റപത്രം സമര്‍പ്പിച്ച ശേഷം എറണാകുളം അഡീഷണല്‍ ചീഫ് ജുഡീഷ്യണല്‍ മജിസ്‌ട്രേറ്റ് കോടതിയിലേക്ക് മാറ്റിയ കേസും, മയ്യില്‍ പൊലിസ് സ്‌റ്റേഷനില്‍ രജിസ്റ്റര്‍ ചെയ്ത് കണ്ണൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ കുറ്റപത്രം സമര്‍പ്പിച്ച ശേഷം എറണാകുളം അഡീഷണല്‍ ചീഫ് ജുഡീഷ്യണല്‍ മജിസ്‌ട്രേറ്റ് കോടതിയിലേക്ക് മാറ്റിയ കേസുമുണ്ട്.
തളിപ്പറമ്പില്‍ സി.പി.എം പ്രവര്‍ത്തകരെ സംഘം ചേര്‍ക്കുകയും പൊതുനിരത്തില്‍ വാഹനം തടയുകയും ചെയ്ത കേസില്‍ തളിപ്പറമ്പ് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ കുറ്റപത്രം സമര്‍പ്പിച്ച ശേഷം എറണാകുളം അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയിലേക്ക് മാറ്റിയ കേസ്, കണ്ണൂര്‍ ടൗണ്‍ പൊലിസ് സ്‌റ്റേഷനില്‍ രജിസ്റ്റര്‍ ചെയ്ത് കണ്ണൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ കുറ്റപത്രം സമര്‍പ്പിച്ച് എറണാകുളം അഡീഷണല്‍ ചീഫ് ജുഡീഷ്യണല്‍ മജിസ്‌ട്രേറ്റ് കോടതിയിലേക്ക് മാറ്റിയ കേസ്, എറണാകുളം നോര്‍ത്ത് പൊലിസ് സ്‌റ്റേഷനില്‍ രജിസ്റ്റര്‍ ചെയ്ത് എറണാകുളം അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയിലേക്ക് മാറ്റിയ കേസ് എന്നിവയാണ് നിലവിലുള്ളത്. സ്ഥാനാര്‍ഥിയായി മത്സര രംഗത്തിറങ്ങുമ്പോഴും 2000 രൂപ മാത്രമാണ് ജയരാജന്റെ കൈവശമുള്ളതെന്നും സത്യവാങ്മൂലത്തില്‍ പറയുന്നു.

പേരാമ്പ്ര മണ്ഡലത്തിലെ വിവിധ ഭാഗങ്ങളില്‍ വോട്ടര്‍മാരെ നേരില്‍കണ്ട് വോട്ടഭ്യര്‍ത്ഥിച്ചശേഷം മൂന്നുമണിയോടെ പേരാമ്പ്ര മേഴ്‌സി കോളേജില്‍ വിദ്യാര്‍ത്ഥികളെ കണ്ട ശേഷം സമീപത്ത് തന്നെയുള്ള സര്‍ക്കാര്‍ കോളേജില്‍ എത്തിയപ്പോഴാണ് തിരിച്ച് പോരേണ്ടി വന്നത്. കോളേജിന്റെ മുറ്റത്ത് വിദ്യാര്‍ത്ഥികള്‍ക്ക് സെല്‍ഫി എടുക്കാന്‍ നിന്ന് കൊടുത്ത ശേഷം യു.ഡി.എഫ് ്രപവര്‍ത്തകര്‍ക്കും കെ.എസ്.യു നേതാക്കള്‍ക്കുമൊപ്പം കോളേജിലേക്ക് പ്രവേശിക്കുന്നതിനിടെ എസ്.എഫ്.ഐ പ്രവര്‍ത്തകര്‍ ഗയ്റ്റ് അടക്കുകയും അകത്ത് കടന്ന് മുദ്രാവാക്യം വിളിക്കുകയുമായിരുന്നു. കൂടെയുള്ളവര്‍ ഗയ്റ്റ് തുറന്ന് മുരളീധരന്‍ കോളേജിന്റെ ഇടനാഴിയില്‍ പ്രവേശിച്ചെങ്കിലും എസ്.എഫ്.ഐ പ്രവര്‍ത്തകര്‍ ഗോവണിയില്‍ തടസ്സമായി നിന്ന് ജയരാജന് അനുകൂലമായി മുദ്രാവാക്യം വിളിച്ചതോടെ കെ.എസ്.യു പ്രവര്‍ത്തകരും മുദ്രാവാക്യം വിളി തുടങ്ങി. സംഘര്‍ഷാവസ്ഥ ഉടലെടുത്തതോടെ സ്ഥാനാര്‍ത്ഥി തിരിച്ചുപോവുകയായിരുന്നു. തുടര്‍ന്ന് എസ്.എഫ്.ഐ കെ.എസ്.യു പ്രവര്‍ത്തര്‍ തമ്മില്‍ മുദ്രാവാക്യം വിളി തുടരുകയാണ്.

ജയരാജന്‍ മനസുവച്ചിരുന്നുവെങ്കില്‍ ഇത്ര രാഷ്ട്രീയകൊലപാതകങ്ങള്‍ കണ്ണൂരിലുണ്ടാവില്ലെന്ന് വിശ്വസിക്കുന്ന ഒരു പെണ്‍കുട്ടി’ ഇതായിരുന്നു ശ്രീലക്ഷ്മി അറക്കലിന്റെ ഫെയ്‌സ്ബുക്ക് പോസ്റ്റിന്റെ പൂര്‍ണരൂപം. ഈ പോസ്റ്റിന് കീഴില്‍ ശ്രീലക്ഷ്മിക്കെതിരേ സിപിഎം അനുകൂലികള്‍ സൈബര്‍ ആക്രമണം നടത്തിയിരുന്നു. ഇതിനുശേഷം തന്റെ അമ്മയെ വിളിച്ച് ഭീഷണിപ്പെടുത്തിയെന്നാണ് ശ്രീലക്ഷ്മി ആരോപിക്കുന്നത്.

പിനവ്‌നീട് പോസ്റ്റ് ഡിലീറ്റാക്കണമെന്ന് അമ്മ ആവശ്യപ്പെട്ടുവെന്ന് യുവതി പറയുന്നു. ഇല്ലെങ്കില്‍ പ്രശ്‌നമുണ്ടാകുമെന്നും അമ്മ വിളിച്ചുപറഞ്ഞതായി ശ്രീലക്ഷ്മി ഫെയ്‌സ്ബുക്ക് പോസ്റ്റില്‍ പറയുന്നു. എന്നാല്‍, പോസ്റ്റ് പിന്‍വലിക്കില്ലെന്നും ഒരു പോസ്റ്റിടുമ്പോള്‍തന്നെ അസഹിഷ്ണുത കാണിക്കുന്നവര്‍ക്ക് ആര്‍എസ്എസ്സിന്റെ അസഹിഷ്ണുതയെപ്പറ്റി പറയാന്‍ എന്തധികാരമെന്നും ശ്രീലക്ഷ്മി ചോദിക്കുന്നു.

വടകര: ഏറെ അനിശ്ചിതത്വങ്ങള്‍ക്കൊടുവില്‍ കരുത്തനായ സ്ഥാനാര്‍ത്ഥിയെ തന്നെ കിട്ടിയതിന്റെ ആവേശത്തിലാണ് വടകര പാര്‍ലമെന്റ് മണ്ഡലത്തിലെ യു.ഡി.എഫ് പ്രവര്‍ത്തകര്‍. സ്ഥാനാര്‍ത്ഥി പ്രഖ്യാപനം വൈകിയതിന്റെ എല്ലാ നിരാശകളെയും തുടച്ചുമാറ്റുന്ന തീരുമാനം ആവേശത്തിമിര്‍പ്പോടെയാണ് യു.ഡി.എഫ് പ്രവര്‍ത്തകര്‍ എതിരേറ്റത്. വടകര പാര്‍ലമെന്റ് മണ്ഡലത്തിലെ നഗരങ്ങളിലും ഗ്രാമങ്ങളിലും പാര്‍ട്ടി പതാകകളുമായി യു.ഡി.എഫ് പ്രവര്‍ത്തകര്‍ റോഡിലിറങ്ങി. വൈകീട്ട് വടകരയില്‍ നടന്ന പ്രകടനത്തില്‍ നൂറു കണക്കിന് പ്രവര്‍ത്തകര്‍ ആണ് അണിനിരന്നത്.

എല്‍.ഡി.എഫ് സ്ഥാനാര്‍ത്ഥിക്കെതിരെ ശക്തനായ സ്ഥാനാര്‍ത്ഥി തന്നെ വേണമെന്നത് മുസ്‌ലിംലീഗ്-കോണ്‍ഗ്രസ് പ്രവര്‍ത്തകരുടെ വികാരമായിരുന്നു. ജില്ലയിലെ മുസ്‌ലിംലീഗ് നേതൃത്വം വടകര നിലനിര്‍ത്താന്‍ പറ്റിയ കരുത്തനായിരിക്കണം സ്ഥാനാര്‍ത്ഥിയെന്ന് ശക്തമായ നിലപാട് സ്വീകരിക്കുകയും ചെയ്തു. സ്ഥാനാര്‍ത്ഥി നിര്‍ണയത്തിലെ പാളിച്ചകള്‍ വിജയ സാധ്യതയെ ബാധിച്ചേക്കാമെന്ന സാഹചര്യത്തില്‍ ഏറെ അവധാനതയോടെയെടുത്ത തീരുമാനത്തിന് വലിയ അംഗീകാരമാണ് ലഭിക്കുന്നത്. ഒരു വേള തമ്പടിച്ച നിരാശയുടെ കാര്‍മേഘങ്ങളെല്ലാം പക്വമായ തീരുമാനത്തെ തുടര്‍ന്ന് ആവേശത്തിന് വഴിമാറിയിരിക്കുകയാണ്. എന്തു വിലകൊടുത്തും കെ മുരളീധരന്‍ വടകര മണ്ഡലത്തില്‍ നിന്ന് തെരഞ്ഞെടുക്കപ്പെടണെന്ന വാശിയോടെ ചിട്ടയോടെയുള്ള പ്രവര്‍ത്തനങ്ങള്‍ക്കാണ് യു.ഡി.എഫ് ഒരുങ്ങുന്നത്.

അതേസമയം കെ മുരളീധരന്റെ സ്ഥാനാര്‍ത്ഥി പ്രഖ്യാപനം വന്നത് എതിര്‍ ക്യാമ്പായ എല്‍.ഡി.എഫിന് ക്ഷീണമായി. ഇത്തവണ മണ്ഡലം നേടിയെടുക്കണമെന്ന വാശിയിലാണ് എല്‍.ഡി.എഫ് ഇതുവരെ പ്രചാരണം നടത്തിയത്. എന്നാല്‍ വാഗ്‌വിലാസം കൊണ്ട് ജനങ്ങളെ ഇറക്കി മറിക്കുന്ന കെ മുരളീധരന്‍ എത്തിയതോടെ എല്‍.ഡി.എഫ് ക്യാമ്പ് അങ്കലാപ്പിലായിട്ടുണ്ട്.

സി.പി.ഐ.എമ്മിന്റെ കൊലപാതക രാഷ്ട്രീയം തന്നെയാണ് യു.ഡി.എഫ് പ്രധാന വിഷയമായി തെരഞ്ഞെടുപ്പില്‍ വടകരയില്‍ ഉയര്‍ത്തി കാണിക്കുക. സംസ്ഥാന സര്‍ക്കാറിന്റെ ഭരണ പരാജയവും ചര്‍ച്ചയാവും. പക്ഷെ ഇക്കാര്യങ്ങള്‍ ചര്‍ച്ചയാകാതിരിക്കാനും വിഷയം വഴി തിരിച്ചു വിടാനുമുളള ശ്രമങ്ങളാണ് എല്‍.ഡി.എഫിന്റെ ഭാഗത്തു നിന്നുണ്ടാവുന്നത്. പക്ഷെ വടകരയിലെ തെരഞ്ഞെടുപ്പ് വിഷയം കൊലപാതക രാഷ്ട്രീയം തന്നെയാകുമെന്നാണ് പൊതുവിലയിരുത്തല്‍. എം.എസ്.എഫ് നേതാവ് അരിയില്‍ അബ്ദുല്‍ ഷുക്കൂറിനെ കൊലപ്പെടുത്തിയ കേസില്‍ പ്രതി ചേര്‍ക്കപ്പെട്ടയാളാണ് എല്‍.ഡി.എഫ് സ്ഥാനാര്‍ത്ഥി. കണ്ണൂര്‍ ജില്ലയിലുണ്ടായ പല അക്രമ സംഭവങ്ങളുടെ മാസ്റ്റര്‍ ബ്രെയിന്‍ ആണ് ഇദ്ദേഹമെന്ന് മറ്റു പാര്‍ട്ടികള്‍ നിരന്തരം കുറ്റപ്പെടുത്താറുണ്ട്.

യൂത്ത് കോണ്‍ഗ്രസ് നേതാവ് ഷുഹൈബിനെ വധം, ടി. പി ചന്ദ്രശേഖരന്‍ വധം, തലശ്ശേരിയില്‍ ഫസല്‍ വധം, കാസര്‍കോട്ടെ ശരത്‌ലാല്‍, കൃപേഷ് വധം തുടങ്ങിയ സംഭവങ്ങള്‍ തെരഞ്ഞെടുപ്പില്‍ നിറഞ്ഞു നില്‍ക്കും. ടി.പി ചന്ദ്രശേഖരന്‍ വധം വടകരയില്‍ ഏറെ പ്രധാന്യമുള്ള വിഷയമാണ്. സി.പി.എം നേതൃത്വത്തിന്റെ ഇടപെടലോടെ നടന്ന കൊലപാതകം പലതവണ തെരഞ്ഞെടുപ്പില്‍ ചര്‍ച്ചയായിരുന്നു. ടി.പിയുടെ ആര്‍.എം.പി.ഐ യു.ഡി.എഫിന് പിന്തുണ പ്രഖ്യാപിച്ചതും രക്തപുരണ്ട കൈകള്‍ പിടിച്ചു നിര്‍ത്തണം എന്ന ആഗ്രത്തിലാണ്. ടി.പി വധം ഇത്തവണയും തെരഞ്ഞെടുപ്പില്‍ നിറഞ്ഞു നില്‍ക്കുമെന്ന സൂചനകളാണ് ആദ്യഘട്ടത്തില്‍ ലഭിക്കുന്നത്.

സി.പി.എം പരിഭ്രാന്തിയില്‍

കോഴിക്കോട്: കെ. മുരളീധരന്‍ വടകരയില്‍ യു.ഡി.എഫ് സ്ഥാനാര്‍ത്ഥിയായി എത്തുന്നതോടെ സി.പി.എം കടുത്ത പരിഭ്രാന്തിയില്‍. അക്രമരാഷ്ട്രീയത്തിന്റെ അരങ്ങില്‍ പയറ്റി തെളിഞ്ഞ പി. ജയരാജനെ സ്ഥാനാര്‍ത്ഥിയാക്കുക വഴി സി.പി.എം നേരത്തെ മുതല്‍ പ്രതിരോധത്തിലാണ്. സി.പി.എമ്മിന്റെ കൊലപാതക രാഷ്ട്രീയത്തിന്റെ ഇരയായി 51 വെട്ടേറ്റ് രക്തസാക്ഷിയായ ടി.പി ചന്ദ്രശേഖരന്റെ മണ്ണില്‍ ജനസമ്മിതി തേടാനുള്ള പി. ജയരാജന്റെ തീരുമാനത്തിന് കടുത്ത രീതിയില്‍ തന്നെ മറുപടി നല്‍കാന്‍ ജനങ്ങള്‍ തീരുമാനിച്ചിരിക്കുകയാണ്.

ആര്‍.എം.പി മത്സരത്തിന് ഒരുങ്ങാതെ യു.ഡി.എഫിന് നിരുപാധിക പിന്തുണ നല്‍കിയപ്പോള്‍ തന്നെ സി.പി.എം വിയര്‍ത്തിരുന്നു. ഇപ്പോള്‍ കെ. മുരളീധരന്‍ എന്ന കരുത്തനായ സ്ഥാനാര്‍ത്ഥി യു.ഡി.എഫിന്റെ അമരക്കാരനായി എത്തുമ്പോള്‍ സി.പി.എമ്മിന്റെ മുഖം കൂടുതല്‍ വിളറുകയാണ്. വടകരയില്‍ തങ്ങളുടെ അപ്രമാദിത്വം ഇത്തവണ സ്ഥാപിക്കാന്‍ കഴിയുമെന്നായിരുന്നു സി.പി.എമ്മിന്റെ കണക്കുകൂട്ടല്‍. അതിനുള്ള എല്ലാ ശ്രമങ്ങളും ആരംഭിച്ചിരുന്നു. ജയരാജന്‍ നേരത്തെ തന്നെ സ്ഥലത്തെത്തി. എന്നാല്‍ യു.ഡി.എഫ് മുരളീധരനെ സ്ഥാനാര്‍ത്ഥിയായതോടെ കാര്യങ്ങള്‍ എളുപ്പമല്ലെന്ന് സി.പി.എം തിരിച്ചറിയുകയാണ്.

ഇതോടെ മുരളീധരന്‍ ഒത്തുതീര്‍പ്പ് സ്ഥാനാര്‍ത്ഥിയാണെന്നും മറ്റുമുളള പ്രചാരണങ്ങള്‍ അഴിച്ചുവിടുകയാണ് സി.പി.എം. കോ-ലീ.ബി സഖ്യം എന്നെല്ലാമുള്ള കേട്ടുപഴകിയ പ്രചാരണങ്ങളും നിരത്തുന്നുണ്ട്. ഏതായാലും വടകരയിലെ പോരാട്ടം തീ പാറുമെന്ന് ഉറപ്പായിരിക്കുകയാണ്.

യുഡിഎഫ് സ്ഥാനാര്‍ത്ഥി ആരായാലും അവരെ പിന്തുണക്കും. വടകരയില്‍ സ്വന്തമായി സ്ഥാനാര്‍ത്ഥിയെ നിര്‍ത്തില്ലെന്നും ആര്‍എംപി നേതാവ് എന്‍.വേണു പറഞ്ഞു. നേരത്തെ പ്രഖ്യാപിച്ചിരുന്ന സ്ഥാനാര്‍ത്ഥിത്വം പിന്‍വലിക്കുകയാണെന്നും വേണു കൂട്ടിച്ചേര്‍ത്തു.

ജയരാജന്‍ തോല്‍ക്കുന്നതിനായി യുഡിഎഫിനെ പിന്തുണക്കുമെന്ന് കെ.കെ.രമയും പ്രതികരിച്ചു. വടകരയില്‍ നിന്ന് ഒരു കൊലയാളി ജയിച്ചുപോകുന്ന സാഹചര്യമുണ്ടാകരുതെന്നും അതിനുവേണ്ടിയാണ് ആര്‍എംപി സ്ഥാനാര്‍ത്ഥിയെ പിന്‍വലിച്ച് യുഡിഎഫിനെ പിന്തുണക്കുന്നതെന്നും രമ കൂട്ടിച്ചേര്‍ത്തു.

നേരത്തെ, വടകരയില്‍ ആര്‍.എം.പി സ്ഥാനാര്‍ത്ഥിയായി കെ.കെ രമ മത്സരിക്കുമെന്നായിരുന്നു റിപ്പോര്‍ട്ട്. എന്നാല്‍ സ്ഥാനാര്‍ത്ഥിയെ പിന്‍വലിക്കുകയാണെന്നും യു.ഡി.എഫിനെ പിന്തുണക്കുമെന്നും ആര്‍.എം.പി അറിയിക്കുകയായിരുന്നു.