ഇതിനെല്ലാം കടപ്പാട് എന്നെ രണ്ട് കൈ നീട്ടി സ്വീകരിച്ച നിങ്ങളുടെ വിലയേറിയ വോട്ടുകള്‍ നല്‍കി എന്നെ വന്‍ ഭൂരിപക്ഷത്തില്‍ ജയിപ്പിച്ച ജനങ്ങളായ നിങ്ങളോടും എന്നെ സ്ഥാനാര്‍ത്ഥിയായി പ്രഖ്യാപിച്ച അച്ഛന്‍ നെഞ്ചോട് ചേര്‍ത്തുപിടിച്ച പാണക്കാട് കുടുബത്തോടും എന്റെ പാണക്കാട് തങ്ങളോടും പികെ കുഞ്ഞാലിക്കുട്ടി സാഹിബിനോടും എന്റെ പാര്‍ട്ടിയോടും പാര്‍ട്ടിയിലെ സഹപ്രവര്‍ത്തകരോടുമാണെന്ന് എ.പി സ്മിജി ഫെയ്‌സ്ബുക്കില്‍ കുറിച്ചു.

ഹൈദരലി ശിഹാബ് തങ്ങളുടെ ഓര്‍മകള്‍ക്ക് മൂന്നാണ്ട് പൂര്‍ത്തിയാവുകയാണ്. തങ്ങളുടെ വിയോഗം പാര്‍ട്ടിക്കും സമുദായത്തിനും നല്‍കിയത് വലിയ വിടവാണ്. തങ്ങളുടെ ഓര്‍മകള്‍ കുട്ടിക്കാലം മുതലേ എന്റെ ഉള്ളില്‍ നിറഞ്ഞു നില്‍ക്കുകയാണ്. മുഹമ്മദലി ശിഹാബ് തങ്ങള്‍, ഉമറലി ശിഹാബ് തങ്ങള്‍, ഹൈദരലി ശിഹാബ് തങ്ങള്‍ എന്നിവരോടൊപ്പമെല്ലാം ഒരുപോലെ പ്രവര്‍ത്തിക്കാന്‍ എനിക്ക് ഭാഗ്യം ലഭിച്ചിട്ടുണ്ട്. ഒരോ കാലം എന്ന് വേര്‍തിരിച്ച് അടയാളപ്പെടുത്താന്‍ കഴിയാത്ത വിധത്തിലുള്ള ചേര്‍ന്നു നില്‍ക്കലായിരുന്നു അത്. പൂക്കോയ തങ്ങളില്‍ നിന്നാരംഭിച്ച് ഇന്ന് സാദിഖലി ശിഹാബ് തങ്ങളില്‍ വരെ എത്തിനില്‍ക്കുകയാണ് ആ യോജിപ്പും ഐക്യവുമെല്ലാം,

ശിഹാബ് തങ്ങള്‍ മുസ്‌ലിം ലീഗ് സംസ്ഥാന അധ്യക്ഷനായിരിക്കുമ്പോള്‍ പാര്‍ട്ടിയുടെ ഏറ്റവും ശക്തമായ ഘടകമായ മലപ്പുറം ജില്ലാകമ്മറ്റിയുടെ പ്രസിഡന്റ് എന്ന നിലയില്‍ നിരന്തരം ബന്ധപ്പെട്ടുകൊണ്ടിരിക്കുമായിരുന്നു. ജയപരാജയങ്ങളുടെ വിലയിരുത്തല്‍, സ്ഥാനാര്‍ത്ഥി നിര്‍ണയം തുടങ്ങിയ ഗൗരവതരമായ കൂടിയാലോചനകള്‍ എന്നിവയിലെല്ലാം അന്നുതന്നെ ഹൈദരലി ശിഹാബ് തങ്ങളുടെ സജീവ സാന്നിധ്യമുണ്ടായിരുന്നു. പാണക്കാട് എന്തു യോഗം ചേരുകയാണെങ്കിലും എല്ലാ തങ്ങന്മാരുടെയും സാന്നിധ്യം എന്നത് ഒരു കിഴ്വഴക്കമാണ്. പിന്നീട് സംസ്ഥാന അധ്യക്ഷ പ ദവിയില്‍ എത്തിയപ്പോഴും ഹൈദരലി ശിഹാബ് തങ്ങളും അതേ പാരമ്പര്യത്തില്‍ തന്നെയായിരുന്നു മുന്നോട്ടുനീങ്ങിയത്. എല്ലാ കാര്യങ്ങളിലും എല്ലാവരുടെയും സാന്നിധ്യം അദ്ദേഹം ഉറപ്പുവരുത്തുമായിരുന്നു.

സൗമ്യശീലമായിരുന്നു ഹൈദരലി തങ്ങളുടെ ഏറ്റവും വലിയ സവിശേഷത. എല്ലാ വിഭാഗം ജനങ്ങളെയും ഒരുപോലെ കാണാനും സ്‌നേഹോഷ്മളമായ രീതിയില്‍ പെരുമാറാനുമുള്ള അദ്ദേഹത്തിന്റെ കഴിവ് ഏവരുടെയും പ്രിയങ്കരനാക്കി തങ്ങളെ മാറ്റുകയായിരുന്നു. മതപരമായ നിഷ്ട, കാര്യങ്ങളിലെ കൃത്യനിഷ്ഠത, ആത്മാര്‍ത്ഥത തുടങ്ങിയവയെല്ലാം ഹൈദരലി തങ്ങളുടെ സവിശേഷതയായിരുന്നു. പിതാവില്‍ നിന്ന് പ്രത്യേകമായി ലഭിച്ച പരിചരണം ഈ ഗുണങ്ങളെല്ലാം സ്വാംശീകരിക്കാന്‍ അദ്ദേഹത്തിന് അവസരമൊരുക്കി എന്നത് എടുത്തുപറയേണ്ടതാണ്. പാര്‍ട്ടി അധ്യക്ഷന്‍ എന്ന നിലക്ക് മുസ്ലിംലീഗ് പ്രസ്ഥാനത്തിന് വന്‍ മുന്നേറ്റമാണ് തങ്ങളുടെ കാലത്തുണ്ടായത്. പാര്‍ലിമെന്റ്, നിയമസഭാ തുടങ്ങിയ വിവിധ സംവിധാനങ്ങളിലെ പ്രാതിനിധ്യത്തിലും അത് പ്രകടമായിരുന്നു. രാഷ്ട്രീയ രംഗത്ത് മാത്രമല്ല വിദ്യാഭ്യാസ, സാമൂഹ്യ, സാംസ്‌കാരിക ജീവകാരുണ്യ പ്രവര്‍ത്തനങ്ങളിലെല്ലാം തങ്ങളുടെ ഇടപെടല്‍ സജീവമായിരുന്നു. ഇതര സംസ്ഥാനങ്ങളില്‍ നിന്ന് വ്യത്യസ്തമായി കേരളത്തില്‍ ന്യൂനപക്ഷ പിന്നോക്ക വിഭാഗങ്ങള്‍ നേടിയെടുത്തിട്ടുള്ള അഭിമാന പുരോഗതി അതിശക്തമായി തന്നെ തങ്ങളുടെ കാലത്ത് മുന്നോട്ടുപോയി. സാമുദായിക സംഘടനകള്‍ അഭിപ്രായാന്തരങ്ങളെല്ലാം മാറ്റിവെക്കാന്‍ തങ്ങളുടെ ഇടപെടല്‍കൊണ്ട് സാധ്യമായിരുന്നതിന് നിരവധി ഉദാഹരണങ്ങള്‍ നിരത്താന്‍ സാധിക്കും. അതിന്റെ ഏറ്റവും ശ്രദ്ധേയമായ ഉദാഹരണങ്ങളിലൊന്നായിരുന്നു മാസപ്പിറവിയുമായി ബന്ധപ്പെട്ട ഏകീകരണം, തങ്ങള്‍ പറഞ്ഞാല്‍ ഞങ്ങളെല്ലാം അംഗീകരിക്കാം എന്ന സമുദായ നേതാക്കളുടെ ഒറ്റക്കെട്ടായ പ്രഖ്യാപനം ഇന്നും ഓര്‍ത്തുപോവുകയാണ്. ജനങ്ങള്‍ക്കിടയില്‍ തങ്ങള്‍ക്കുള്ള അംഗീകാരത്തിന്റെ അളവുകോലായിരുന്നു അവസാനമായി ആ ഭൗതിക ശരീരം ഒരു നോക്കുകാണാന്‍ ഒഴുകിയെത്തിയ പതിനായിരങ്ങള്‍. എല്ലാവരെയും ഒരു നോക്കു കാണിക്കാന്‍ സാധിക്കില്ലെന്ന യാഥാര്‍ത്ഥ്യം ഞങ്ങള്‍ തിരിച്ചറിഞ്ഞ ഘട്ടമായിരുന്നു.

ഒടുവില്‍ ആയിരങ്ങളെ ബാക്കിയാക്കി വളരെ ശ്രമകരമായാണ് തങ്ങളുടെ മയ്യിത്ത് ഖബറിലേക്കെടുത്തത്. രാഷ്ട്രീയ, മത, സാമൂഹിക, സാംസ്‌കാരിക രംഗങ്ങളില്‍ നിന്നുള്ള ഈ കുത്തൊഴുക്ക് എല്ലാ വിഭാഗം ജനങ്ങള്‍ക്കും തങ്ങള്‍ എത്രമേല്‍ പ്രിയപ്പെട്ടവരായിരുന്നു എന്നതിന്റെ തെളിവാണ്. പാണക്കാട് കുടുംബം സമൂഹത്തിന്റെയും സമുദായത്തിനും എത്രത്തോളം അത്താണിയായിരുന്നുവെന്നതിന്റെ നിദര്‍ശനമായിരുന്നു ഹൈദരലി ശിഹാബ് തങ്ങളുടെയും ഉമറലി ശിഹാബ് തങ്ങളുടെയും മുഹമ്മദലി ശിഹാബ് തങ്ങളുടെയും പൂക്കോയതങ്ങളുടെയെല്ലാം വിയോഗാനന്തരം ഒഴുകിയെത്തിയ ജനസാഗരം. കേരളത്തിലെ ഓരോദേശവും ഈ കുടുംബത്തിന്റെ സുകൃതം അനുഭവിച്ചറിയുകയായിരുന്നു. രാഷ്ട്രീയ രംഗത്തു മാത്രമല്ല, മദ്രസകളായും മസ്ജിദുകളായും മഹല്ലുകളായും സാംസ്‌കാരിക വിദ്യാഭ്യാസ മന്ദിരങ്ങളായുമെല്ലാം ആ കുടുംബത്തിന്റെ സാന്നിധ്യവും സ്വാധീനവും ജനം തിരിച്ചറിയുകയാണ്.

മുസ്‌ലിം ലീഗ് പ്രസ്ഥാനത്തിന്റെ സ്വാധിനവും സാധ്യതയുമെല്ലാം പാണക്കാട് കുടുംബവുമായി ചേര്‍ന്നു നില്‍ക്കുന്നതാണ്. സമുദായത്തിലിന്നു കാണുന്ന എല്ലാ പുരോഗതികളുടെയും നിദാനവും ആ കുടുംബം തന്നെയായിരുന്നു. ആ ധന്യ പാരമ്പര്യത്തിന്റെ കൈവഴിയിലെ തിളങ്ങുന്ന നക്ഷത്രമായിരുന്നു സയ്യിദ് ഹൈദരലി ശിഹാബ് തങ്ങളെന്ന് വേര്‍പാടിന്റെ ഈ മൂന്നാം വര്‍ഷത്തിലും നാം തിരിച്ചറിയൂകയാണ്. സയ്യിദ് സാദിഖലി ശിഹാബ് തങ്ങളിലൂടെയും പാണക്കാട്ടെ മറ്റുള്ള എല്ലാ തങ്ങന്‍മാരിലൂടെയും ആ സുകൃതം ഇന്നും അംഭംഗുരം തുടരുകയാണ്. മുന്‍ഗാമികളുടേതു പോലെ തന്നെ ഹൈദരലി ശിഹാബ് തങ്ങളുടെ വിയോഗവും മനസ്സില്‍ മായാതെ ഒരു വേദനയായി നിലകൊള്ളുകയാണ്. നാഥന്‍ അദ്ദേഹത്തിന്റെ പദവി ഉയര്‍ത്തിക്കൊടുക്കുമാറാകട്ടേയെന്ന് ആത്മാര്‍ത്ഥമായി പ്രാര്‍ത്ഥിക്കുകയാണ്.

കൊച്ചിയില്‍ നടക്കാന്‍ പോകുന്ന വ്യവസായ ഈവന്റില്‍ പ്രതിപക്ഷത്തെ നേതാക്കള്‍ പങ്കെടുക്കുമെന്നും മുമ്പ് യുഡിഎഫ് സര്‍ക്കാരിന്റെ കാലത്ത് ജിം അടക്കമുള്ള ഈവന്റുകളില്‍ ഇടതു നേതാക്കള്‍ പങ്കെടുത്തിട്ടുണ്ടോയെന്നും പി കെ കുഞ്ഞാലിക്കുട്ടി ചോദിച്ചു. ഇപ്പോള്‍ സ്വകാര്യ സര്‍വകലാശാലകള്‍ ആരംഭിക്കുന്നതും, വലിയ ഹൈവേകള്‍ക്ക് അനുകൂലിക്കുന്നതുമെല്ലാം ഇടതുമുന്നണിയുടെ നേരത്തെയുള്ള നയത്തില്‍ നിന്നുള്ള തിരുത്തലുകളാണെന്നും അദ്ദേഹം സൂചിപ്പിച്ചു.

വയനാട് ദുരന്തത്തില്‍ കേന്ദ്രസര്‍ക്കാര്‍ വായ്പയായി പണം അനുവദിച്ചത് അപമാനകരമാണെന്നും പി കെ കുഞ്ഞാലിക്കുട്ടി പറഞ്ഞു.അനധികൃത കുടിയേറ്റക്കാരെന്ന് കണ്ടെത്തിയവരെ കയ്യിലും കാലിലും വിലങ്ങിട്ട് അമേരിക്ക നാടുകടത്തിയതും അപമാനിക്കുന്നതിന് തുല്യമാണെന്നും അദ്ദേഹം പറഞ്ഞു.

സർക്കാർ പദ്ധതികളുമായി മുസ്ലിംലീഗ് സഹകരിക്കും. അതോടൊപ്പം ഭൂമി ഏറ്റെടുക്കുന്നത് ഉൾപ്പെടെയുള്ള വിഷയങ്ങളിലെ കാലതാമസം ഒഴിവാക്കണം. ദുരിതബാധിതർക്ക് ഏറെക്കാലം വാടക വീടുകളിൽ കഴിയേണ്ട അവസ്ഥ ഉണ്ടാകരുത്. സ്ഥലം കണ്ടെത്തുന്നതുമായി ബന്ധപ്പെട്ടും വീട് നിർമ്മാണത്തിന്റെ വിഷയങ്ങളും ചർച്ച ചെയ്തു. സർക്കാർ ഒന്നിലധികം ഭൂമി കണ്ടെത്തിയുണ്ടെങ്കിലും മേപ്പാടിയിലുള്ള എച്ച്.എം.എലിന്റെ ഭാഗമായ നെടുമ്പാല എസ്റ്റേറ്റിന് പ്രഥമ പരിഗണന നൽകണമെന്നും കാലതാമസം കൂടാതെ സ്ഥലമേറ്റെടുക്കണമെന്നും നേതാക്കൾ ആവശ്യപ്പെട്ടു. സർക്കാർ ഏറ്റെടുക്കുന്ന ഭൂമിയിൽ സന്നദ്ധപ്രവർത്തകരുമായി കൂടിയാലോചിച്ച് വീട് നിർമ്മാണത്തിന് പ്രത്യേക സ്ഥലം ഏർപ്പെടുത്തി മറ്റ് അനുബന്ധ നിർമ്മാണങ്ങൾക്ക് സർക്കാർ നേതൃത്വം നൽകണമെന്നും മന്ത്രിയുമായുള്ള ചർച്ചയിൽ നേതാക്കൾ ആവശ്യപ്പെട്ടു.

ആനുകൂല്യത്തിന് അർഹരായവരുടെ പട്ടിക ഉടൻ പ്രസിദ്ധീകരിക്കണമെന്നും അന്തിമ പട്ടിക തയ്യാറാക്കുന്നതിന് മുന്നേ മേപ്പാടി ഗ്രാമപഞ്ചായത്തുമായി ആശയവിനിമയം നടത്തണമെന്നും ചർച്ചയിൽ നേതാക്കൾ ആവശ്യപ്പെട്ടു. തിരച്ചിൽ സംബന്ധിച്ച അനിശ്ചിതത്വം അവസാനിപ്പിച്ച് തിരച്ചിൽ ഊർജ്ജിതമാക്കാനും അതിലും കണ്ടെത്താൻ കഴിയാത്തവരുടെ ബന്ധുക്കൾക്ക് മരണരേഖകൾ നൽകാൻ തയ്യാറാവണമെന്നും നേതാക്കൾ മന്ത്രിയോടാവശ്യപ്പെട്ടു.

മുസ്ലിംലീഗിന്റെ പുനരധിവാസ പദ്ധതികൾക്ക് എല്ലാ പിന്തുണയും മന്ത്രി വാഗ്ദാനം ചെയ്തു. ദുരന്തബാധിതർ അനുഭവിച്ചുകൊണ്ടിരിക്കുന്ന ചില പ്രയാസങ്ങൾ മന്ത്രിയുടെ ശ്രദ്ധയിൽപെടുത്തുകയും അതെല്ലാം പരിഹരിക്കുമെന്ന് മന്ത്രി ഉറപ്പ് നൽകുകയും ചെയ്തു. നിയമസഭാ കക്ഷി ഉപനേതാവ് ഡോ. എം.കെ മുനീർ, ദുരന്തവുമായി ബന്ധപ്പെട്ട് രൂപീകരിച്ച ലീഗ് ഉപമസിതി കൺവീർ പി.കെ ബഷീർ എം.എൽ.എ, ഉപസമിതി അംഗങ്ങളായ സി. മമ്മൂട്ടി, പി.കെ ഫിറോസ്, ടി. മുഹമ്മദ്, റസാഖ് കൽപ്പറ്റ, കെ. ഹാരിസ്, എം.എ അസൈനാർ, സമദ് കണ്ണിയൻ എന്നിവരും സംഘത്തിലുണ്ടായിരുന്നു.

പണ്ട് ബ്രിട്ടീഷുകാർ ചെയ്തതാണ് ഭിന്നിപ്പിച്ചു ഭരിക്കൽ. സിപിഎമ്മിന്റെ ഈ നയം യുഡിഎഫ് തിരിച്ചറിഞ്ഞിട്ടുണ്ട്. ബിജെപിയും സിപിഎമ്മും ഇക്കാര്യത്തിൽ ഒന്നാണ്. സമുദായങ്ങളെ ഭിന്നിപ്പിച്ചാൽ നേട്ടം കൊയ്യാമെന്നാണ് ഇവർ കരുതുന്നത്. -അദ്ദേഹം പറഞ്ഞു.

മുസ്‌ലിംലീഗ് ഒരിക്കലും ഭിന്നിപ്പിനെ പ്രോത്സാഹിപ്പിക്കില്ലെന്നും സമന്വയമാണ് മുസ്‌ലിംലീഗ് നയമെന്നും കുഞ്ഞാലിക്കുട്ടി പറഞ്ഞു. വിട്ടുവീഴ്ചാ മനോഭാവത്തോടെയാണ് മുസ്‌ലിംലീഗ് രാഷ്ട്രീയത്തിൽ ഇടപെട്ടിട്ടുള്ളത്. സുസ്ഥിരമായ ഒരു മുന്നണി സംവിധാനം കേരളത്തിലുണ്ടാക്കിയത് സയ്യിദ് അബ്ദുറഹ്‌മാൻ ബാഫഖി തങ്ങളാണ്. പാണക്കാട് പിഎംഎസ്എ പൂക്കോയ തങ്ങളുടെ പാരമ്പര്യത്തിലൂന്നിയാണ് കേരളത്തിൽ സാമുദായിക സൗഹാർദ്ദം ഉണ്ടായത്.

ഏറ്റവും കലുഷിതമായ അന്തരീക്ഷത്തിൽ തീവ്രവാദത്തിലേക്ക് പോകാതെ സമുദായത്തിന് നേതൃത്വം നൽകിയത് സയ്യിദ് മുഹമ്മദലി ശിഹാബ് തങ്ങളാണ്. ഈ ചരിത്രവും പാരമ്പര്യവും മുസ്‌ലിംലീഗ് കൈവിടില്ല. ഭിന്നിപ്പിന്റെ രാഷ്ട്രീയത്തിനെതിരെ സമന്വയത്തിന്റെ രാഷ്ട്രീയവുമായി മുസ്‌ലിം ലീഗുണ്ടാവുമെന്നും അദ്ദേഹം വ്യക്തമാക്കി.

ഇന്ധനത്തിന് സെസ് ഏര്‍പ്പെടുത്തിയതിലൂടെ നിത്യോപയോഗ സാധനങ്ങളുടെ വില വര്‍ദ്ധനവിലൂടെ പൊറുതിമുട്ടുന്ന ജനത്തിനുമേല്‍ അമിത ഭാരം അടിച്ചേല്‍പ്പിച്ചിരിക്കുകയാണ്.വളര്‍ച്ചാനിരക്ക് താഴെ നില്‍ക്കുന്ന രാജ്യത്തെ ഉയര്‍ത്തിക്കൊണ്ടുവരാന്‍ ദീര്‍ഘകാലാടിസ്ഥാനത്തിലുള്ള ഒരു പദ്ധതിയും സര്‍ക്കാരിന്റെ മുമ്പിലില്ല.

കോര്‍പറേറ്റ് താല്പര്യങ്ങളെ സംരക്ഷിക്കുന്ന ബിജെപി നയമാണ് ബജറ്റിലൂടെ പുറത്തുവന്നിരിക്കുന്നത്. പൂര്‍ണമായും അക്ഷര സാക്ഷരത കൈവരിക്കാത്ത രാജ്യത്തെ ജനങ്ങളോട് ഡിജിറ്റല്‍ സാമ്പത്തിക വിനിമയത്തെകുറിച്ച് പറയുന്നത് മലര്‍പ്പൊടിക്കാരന്റെ സ്വപ്നം പോലെയാണ്.കേരളത്തോട് ബജറ്റില്‍ കടുത്ത രാഷ്രീയ വിവേചനം തന്നെയാണ് കാണിച്ചത്. ഇത് പ്രതിഷേധാര്‍ഹമാണ്.

മലപ്പുറം: സാമ്പത്തിക സംവരണ ബില്ലിനെതിരെ വോട്ട് ചെയ്ത ലീഗിനെ വിമര്‍ശിച്ച പ്രധാനമന്ത്രി നരേന്ദ്ര മോദിക്ക് പി.കെ കുഞ്ഞാലിക്കുട്ടിയുടെ മറുപടി. ലീഗിന്റെ രണ്ട് വോട്ടുകള്‍ക്ക് എത്രമാത്രം വിലയുണ്ടെന്ന് പ്രധാനമന്ത്രിയുടെ പ്രസംഗത്തില്‍ നിന്ന് വ്യക്തമായെന്ന് കുഞ്ഞാലിക്കുട്ടി പറഞ്ഞു.

ലീഗിന്റെ വോട്ടുകള്‍ മോദിയുടെ നെഞ്ചില്‍ തന്നെയാണ് കൊണ്ടിരിക്കുന്നത്. ഇന്ത്യയിലെ ന്യൂനപക്ഷങ്ങളുടെ നിലപാടാണ് പാര്‍ലമെന്റിലെ ലീഗ് നിലപാട്. തെരഞ്ഞെടുപ്പ് മുന്നില്‍ കണ്ട് സാമുദായിക വിഷയങ്ങള്‍ ഉയര്‍ത്തി വര്‍ഗ്ഗീയത പ്രചരിപ്പിക്കാനാണ് മോദി ശ്രമിക്കുന്നത്. മതന്യൂനപക്ഷങ്ങള്‍ക്ക് വേണ്ടി ഇനിയും ശക്തമായ നിലപാടുമായി ലീഗ് മുന്നോട്ട് പോവുമെന്നും കുഞ്ഞാലിക്കുട്ടി വ്യക്തമാക്കി.

ഇലക്ട്രോണിക്‌സ് മാധ്യമങ്ങളുടെ അതിപ്രസരമുള്ള കാലത്ത് പത്ര മാധ്യമങ്ങള്‍ ലാഭകരമായ ബിസിനസ് അല്ലെങ്കില്‍ പോലും ചന്ദ്രികയെ നിലനിര്‍ത്തേണ്ടത് അനിവാര്യതയും ദൗത്യവുമാണ്. ഓണ്‍ ലൈന്‍ എഡിഷന്റെ പരിഷ്‌കാരം ഉള്‍പ്പെടെ കൂടുതല്‍ നവീകരണങ്ങള്‍ നടപ്പിലാക്കും. എട്ടര പതിറ്റാണ്ട് അഭിമാനകരമായി നിലനിന്ന ചന്ദ്രികക്ക് ഇനിയും ഏറെ മുന്നോട്ടു പോകാനുണ്ടെന്നും കുഞ്ഞാലിക്കുട്ടി പറഞ്ഞു. ഗവേണിംഗ് ബോഡ് ചെയര്‍മാന്‍ ഉമ്മര്‍ പാണ്ടികശാല അധ്യക്ഷത വഹിച്ചു. മുസ്‌ലിംലീഗ് ദേശീയ ഓര്‍ഗനൈസിംഗ് സെക്രട്ടറിയും ചന്ദ്രിക ഡയറക്ടറുമായ ഇ.ടി മുഹമ്മദ് ബഷീര്‍ എം.പി, ട്രഷററും ചന്ദ്രിക ഡയറക്ടറുമായ പി.വി അബ്ദുല്‍ വഹാബ് എം.പി, മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, സംസ്ഥാന വൈസ് പ്രസിഡണ്ട് ടി.പി.എം സാഹിര്‍, സെക്രട്ടറി സി.പി ചെറിയമുഹമ്മദ്, പാറക്കല്‍ അബ്ദുല്ല എം.എല്‍.എ, വനിതാലീഗ് സംസ്ഥാന ജനറല്‍ സെക്രട്ടറി അഡ്വ.പി കുല്‍സു, ദേശീയ സെക്രട്ടറി ജയന്തി രാജ്, ചന്ദ്രിക ഫിനാന്‍സ് ഡയറക്ടര്‍ പി.എം.എ സമീര്‍, ഗവേണിംഗ് ബോര്‍ഡ് അംഗം നരിക്കോള്‍ ഹമീദ് ഹാജി, മുഹമ്മദ് ജമാല്‍ ഹാജി വയനാട് സംസാരിച്ചു.സര്‍ക്കുലേഷന്‍ ക്യാമ്പയിന്‍ ഗവേണിംഗ് ബോര്‍ഡ് മെമ്പര്‍ സൂപ്പി നരിക്കാട്ടേരി വിശദീകരിച്ചു. ഒരു ജനതയുടെ നവോത്ഥാന മുദ്ര എന്ന വിഷയം ചന്ദ്രിക പത്രാധിപര്‍ സി.പി സൈതലവി അവതരിപ്പിച്ചു. മുസ്‌ലിംലീഗ് കോഴിക്കോട് ജില്ലാ ജനറല്‍ സെക്രട്ടറി എം.എ റസാഖ് മാസ്റ്റര്‍ സ്വാഗതവും വയനാട് ജില്ലാ ജനറല്‍ സെക്രട്ടറി കെ.കെ അഹമ്മദ് ഹാജി നന്ദിയും പറഞ്ഞു. ചടങ്ങില്‍ എസ്.ടി.യു സംസ്ഥാന പ്രസിഡന്റ് അഹമ്മദ്കുട്ടി ഉണ്ണികുളം, മുസ്‌ലിംലീഗ് ജില്ലാ ഭാരവാഹികളായ എന്‍.സി അബൂബക്കര്‍, അഹമ്മദ് പുന്നക്കല്‍, എസ്.പി കുഞ്ഞമ്മദ്, എം.എ മജീദ്, നാസര്‍ എസ്റ്റേറ്റ്മുക്ക്, പടയന്‍ മുഹമ്മദ്, യഹ്‌യ ഖാന്‍, ഹുസൈന്‍കുട്ടി, വി.പി ഇബ്രാഹീംകുട്ടി, നൊച്ചാട് കുഞ്ഞബ്ദുല്ല, സി.കെ.വി യൂസുഫ്, റഷീദ് വെങ്ങളം, എം മുഹമ്മദ് ബഷീര്‍, നൂറുദ്ദീന്‍, മുസ്‌ലിം യൂത്ത് ജില്ലാ പ്രസിഡന്റ് സാജിദ് നടുവണ്ണൂര്‍, ജനറല്‍ സെക്രട്ടറി കെ.കെ നവാസ്, വനിതാലീഗ് ജില്ലാ പ്രസിഡന്റ് ആമിന ടീച്ചര്‍, ജനറല്‍ സെക്രട്ടറി പി.കെ ഷറഫുന്നിസ ടീച്ചര്‍, ഡി.ജി.എം നജീബ് ആലുക്കല്‍, റീജിണല്‍ മാനേജര്‍ പി.കെ ജാഫര്‍ സംബന്ധിച്ചു.

കേന്ദ്രത്തില്‍ മോദി ഭരണം കുറ്റിയടിച്ച് കെട്ടിയിരിക്കുന്നു എന്നായിരുന്നു തുടക്കത്തില്‍ പ്രചരിപ്പിച്ചിരുന്നത്. ഭരണമാറ്റം ആരും പ്രതീക്ഷിച്ചിരുന്നില്ല. ഇന്ന് സ്ഥിതി മാറി. ഭരണം നിലനിര്‍ത്താന്‍ ചില്ലറ പൊടിക്കൈകള്‍ പ്രയോഗിക്കുന്നുണ്ട്. എന്നാല്‍ ഒന്നും ഏശുന്നില്ല. നാലര വര്‍ഷത്തെ ഭരണം ജനങ്ങളെ കൊള്ളയടിക്കുന്ന വിധത്തിലാണ്. പെട്രോളിന്റെയും ഡീസലിന്റെയും വിലക്കയറ്റം ആര്‍ക്കാണ് ന്യായീകരിക്കാന്‍ കഴിയുക? കുഞ്ഞാലിക്കുട്ടി ചോദിച്ചു.
നോട്ട്‌നിരോധനം എന്ന ശുദ്ധഭ്രാന്തിലൂടെയുണ്ടായ പ്രതിസന്ധി കൃഷിക്കാരെയും ഇടത്തരക്കാരെയും ചെറുകിട വ്യവസായികളെയും ദുരിതത്തിലാക്കി. എല്ലാവരും തളര്‍ന്നു. അഴിമതിയുടെ ഊക്കന്‍ കഥകളാണ് എങ്ങും കേള്‍ക്കുന്നത്. വായ തൊടാതെ എല്ലാം വിഴുങ്ങുകയാണ്. മന്‍മോഹന്‍സിങിന്റെ കാലത്ത് ചൈന കഴിഞ്ഞാല്‍ ഇന്ത്യ എന്നായിരുന്നു സാമ്പത്തിക വിദഗ്ധര്‍ വിലയിരുത്തിയിരുന്നത്. ഇന്ന് എന്താണ് സ്ഥിതി. രാജ്യത്തിന്റെ വളര്‍ച്ച കുത്തകകളില്‍ മാത്രം ഒതുങ്ങുകയാണ്.

വിഭാഗീയതയും ചേരിതിരിവും ഉണ്ടാക്കാനുള്ള ശ്രമമാണ് ബി.ജെ.പി നടത്തുന്നത്. അദ്വാനിയും വാജ്‌പേയിയും ഭരണസാരഥ്യം വഹിക്കുമ്പോള്‍ ഇന്ത്യ തിളങ്ങുന്നു എന്ന വ്യാജ പ്രചാരണത്തിലൂടെ രക്ഷപ്പെടാന്‍ ശ്രമിച്ചു. എന്നാല്‍ അവര്‍ക്ക് വീണ്ടും അധികാരത്തിലെത്താന്‍ കഴിഞ്ഞില്ല. അതുതന്നെയാണ് ആവര്‍ത്തിക്കാന്‍ പോകുന്നത്. ബി.ജെ.പി വിരുദ്ധ കക്ഷികളുടെ മുന്നണി അധികാരത്തില്‍ വരും.

കേരളത്തില്‍ ഓഖി ദുരന്തത്തിന്റെയും പ്രളയത്തിന്റെയും മറവില്‍ രക്ഷപ്പെടാനാണ് പിണറായി സര്‍ക്കാര്‍ ശ്രമിക്കുന്നത്. ബ്രൂവറി അഴിമതിയെപറ്റിയാണ് ഇപ്പോള്‍ കേള്‍ക്കുന്നത്. കിന്‍ഫ്രയുടെ സ്ഥലം ബ്രൂവറിക്കായി കൊടുത്തില്ല എന്ന് വ്യവസായമന്ത്രി ഇ.പി ജയരാജന്‍ പറയുന്നു. കൊടുത്തുവെന്ന് എക്‌സൈസ് മന്ത്രി ടി.പി രാമകൃഷ്ണനും പറയുന്നു. പിന്നെ സ്ഥലം കൊടുത്തത് ആകാശത്താണോ-കുഞ്ഞാലിക്കുട്ടി ചോദിച്ചു.

യു.ഡി.എഫില്‍ സ്ഥാനാര്‍ത്ഥി നിര്‍ണയം ഉള്‍പ്പെടെയുള്ള വിഷയങ്ങളില്‍ വേഗത്തില്‍ തീരുമാനമെടുക്കുമെന്ന് കണ്‍വെന്‍ഷനില്‍ മുഖ്യപ്രഭാഷണം നടത്തിയ പ്രതിപക്ഷനേതാവ് രമേശ് ചെന്നിത്തല പറഞ്ഞു. ജനാധിപത്യത്തെയും ഭരണകൂട സംവിധാനത്തെയും മാനിക്കാത്ത മോദിയെ ജനങ്ങള്‍ ബഹിഷ്‌കരിക്കുമെന്നും അദ്ദേഹം പറഞ്ഞു.

യു.ഡി.എഫ് ജില്ലാ ചെയര്‍മാന്‍ അഡ്വ. പി. ശങ്കരന്‍ അധ്യക്ഷത വഹിച്ചു. യു.ഡി.എഫ് കണ്‍വീനര്‍ ബെന്നി ബെഹനാന്‍, എം.കെ രാഘവന്‍ എം.പി, പ്രതിപക്ഷ ഉപനേതാവ് ഡോ. എം.കെ മുനീര്‍, അഡ്വ. കെ. പ്രവീണ്‍ കുമാര്‍, മുസ്‌ലിംലീഗ് സംസ്ഥാന വൈസ് പ്രസിഡണ്ടുമാരായ സി. മോയിന്‍കുട്ടി, എം.സി മായിന്‍ഹാജി, ജില്ലാ പ്രസിഡണ്ട് ഉമ്മര്‍ പാണ്ടികശാല, യൂത്ത്‌ലീഗ് സംസ്ഥാന സീനിയര്‍ വൈസ് പ്രസിഡണ്ട് നജീബ് കാന്തപുരം,ദളിത്‌ലീഗ് സംസ്ഥാന പ്രസിഡണ്ട് യു.സി രാമന്‍, കേരള കോണ്‍ഗ്രസ് എം. നേതാവ് ജോണ്‍ പൂതക്കുഴി, കെ.എസ്.യു സംസ്ഥാന പ്രസിഡണ്ട് കെ.എം അഭിജിത്ത് തുടങ്ങിയവര്‍ സംബന്ധിച്ചു. യു.ഡി.എഫ് ജില്ലാ കണ്‍വീനര്‍ എം.എ റസാഖ് മാസ്റ്റര്‍ സ്വാഗതം പറഞ്ഞു.

പ്രവര്‍ത്തനങ്ങളില്‍ എന്ത് പോരായ്മയുണ്ടെങ്കിലും അതിനെ വിമര്‍ശിക്കാന്‍ പാടില്ലെന്നും കുഞ്ഞാലിക്കുട്ടി പറഞ്ഞു.

അതേസമയം, നിപാ വൈറസ് ബാധയെ തുടര്‍ന്നുണ്ടായ കേരളത്തിലെ സ്ഥിതിഗതികള്‍ നിയന്ത്രണവിധേയമായതായി കേന്ദ്രആരോഗ്യമന്ത്രി ജെ.പി നദ്ദ പ്രതികരിച്ചു.

ആശങ്കപ്പെടേണ്ട സാഹചര്യമില്ലെന്നും ആവശ്യമായ സഹായങ്ങള്‍ നല്‍കാന്‍ ആരോഗ്യസെക്രട്ടറിയെ ചുമതലപ്പെടുത്തിയിട്ടുണ്ട്.