പാലക്കാട് ഉപതെരഞ്ഞെടുപ്പിൽ ജില്ലാ പഞ്ചായത്ത് പ്രസിഡൻ്റ്  ബിനു മോളെ നിർദ്ദേശിച്ച സി.പി.എം ജില്ലാ കമ്മിറ്റിയെ മറികടന്ന് പൊടുന്നനെ കോൺഗ്രസുകാരനായ ഡോ. പി. സരിനെ സ്ഥാനാർത്ഥിയാക്കിയത് കൃഷണ ദാസ് പക്ഷത്തെ മറികടന്ന്. മന്ത്രി എം.ബി രാജേഷും ജില്ലാ സെക്രട്ടറി എൻ. സുരേഷ് ബാബുവുമാണ് ഇതിനായി ചരടുവലിച്ചത്. ഇത് അന്നു തന്നെ പാർട്ടിയിൽ അതൃപ്തി ഉയർത്തിയിരുന്നു. എന്നാൽ ചിറ്റൂരിൽ കോൺഗ്രസ് വിമതരെ സി.പി.എമ്മിലേക്ക് കൊണ്ടുവന്ന മാതൃകയിൽ സരിനെ നിർത്തി പാലക്കാട് നേട്ടം കൊയ്യാമെന്നാണ് നേതാക്കൾ ജില്ലാ കമ്മിറ്റിയെ ധരിപ്പിച്ചത്. അന്നു തന്നെ സംസ്ഥാന സമിതിയംഗം എൻ. എൻ കൃഷ്ണദാസ് ഇതിനെ എതിർത്തിരുന്നു. മറ്റ് ചിലർ മിണ്ടാതിരുന്നു.

പ്രചാരണം മുറുകി വിജയത്തിലെത്തിയില്ലെങ്കിലും കൂടുതൽ വോട്ട് നേടാമെന്നാണ് രാജേഷ് വാദിച്ചത്. അത് പക്ഷേ അണികൾക്ക് ദഹിച്ചില്ല. അവർ പതിയെ പ്രചാരണ ത്തിൽ നിന്ന് വിട്ടുനിന്നു. താൻ ജയിക്കാത്ത മണ്ഡലത്തിൽ സരിൻ ജയിക്കുന്നതെങ്ങനെ എന്നാണ് കൃഷ്ണദാസും കൂട്ടരും ചോദിക്കുന്നത്. കോൺഗ്രസിൽ നിന്ന് 5000 വോട്ട് കിട്ടുമെന്നാണ് സരിൻ വാദിച്ചത്. ഇത് പക്ഷേ നീലപ്പെട്ടി വിവാദത്തോടെ അസ്ഥാനത്തായി.

കോൺഗ്രസിനെ വെറുതെ ഒരുമിപ്പിച്ചതാണ് ഫലത്തിൽ ഇതിലൂടെ സംഭവിച്ചത്. ബി.ജെ.പി നേതാക്കൾ ഇത് ഏറ്റു പിടിച്ചതോടെ സി.പി.എം – ബി.ജെ.പി ഡീൽ എന്ന ആരോപണത്തിനും ഇത് വഴിവെച്ചു. അതാണിപ്പോൾ കൃഷ്ണദാസ് പൊട്ടിത്തെറിക്കാൻ കാരണം. ‘ അയാൾ ‘ എന്ന് കൃഷ്ണദാസിനെ പരസ്യമായി വിളിക്കാൻ വരെ സുരേഷ് ബാബു തയ്യാറായി. ‘ സഖാവ് ‘ എന്നേ പാർട്ടിക്കാർ പരസ്പരം വിളിക്കാവൂ എന്ന ചട്ടം മറികടന്നാണിത്.

ഏതായാലും പെട്ടി വിവാദത്തിൽ സരിൻ കൃഷ്ണദാസ് പക്ഷത്ത് നിലയുറപ്പിച്ചതും സരിനെ ജില്ലാ സെക്രട്ടറി തള്ളിപ്പറഞ്ഞതും ഫലം വരുന്നതിന് മുമ്പേ സരിൻ വിഷയത്തിലെ സി.പി.എം അന്ത:സംഘർഷം വെളിച്ചത്തായിരിക്കയാണ്. 23 ന് ഫലം പുറത്ത് വരുന്നതോടെ ഇത് പാർട്ടിയിൽ ചിലർക്കെതിരെ അച്ചടക്ക നടപടി വരെ എത്തുന്ന സ്ഥിതിയാണ്. അതേ സമയം രണ്ടാം സ്ഥാനത്തെത്താനായാൽ അത് പറഞ്ഞ് പിടിച്ചു നിൽക്കാനാണ്
രാജേഷ് പക്ഷം . ഏതായാലും സരിൻ പാലക്കാട്ടെ സി.പി.എമ്മിനെ പ്രതിസന്ധിയിലാക്കിയെന്നു തന്നെയാണ് ഇരു പക്ഷത്തിൻ്റെയും വിലയിരുത്തൽ.

”രണ്ട് തരത്തിലുള്ള സാധ്യതകളും പരിശോധിക്കപ്പെടേണ്ടതാണ് എന്നാണ് പറഞ്ഞത്. അവിടെ കള്ളപ്പണം എത്തിയിട്ടുണ്ടെന്ന കൃത്യമായ വിവരംവച്ചുകൊണ്ട് പാര്‍ട്ടി സെക്രട്ടറി പറഞ്ഞുകഴിഞ്ഞു. ഞാനിത് അന്വേഷിക്കാന്‍ അതിന്റെ പിന്നാലെ നടന്നിട്ടില്ല.

പ്രചരണത്തിന്റെ തിരക്കിലായിരുന്നു. കോണ്‍ഗ്രസിന്റെ അന്തര്‍നാടകങ്ങളറിയുന്ന ഒരാളെന്ന നിലയില്‍ ബോധപൂര്‍വം ഒരു വാര്‍ത്ത സൃഷ്ടിക്കാന്‍ ശ്രമിച്ചതാണോ എന്നും പരിശോധിക്കണം. ഇനി അല്ലായെന്ന തെളിവ് വരുമ്പോള്‍ അതും പരിശോധിക്കണം. ഇതെങ്ങെനയാണ് പുറത്തുവന്നത്. കോണ്‍ഗ്രസുകാര് ചോര്‍ത്താതെ ഇതു പുറത്തുവരില്ല. ചോര്‍ത്തിയതാണോ? അതോ ഇങ്ങനെയൊരു പുകമറ സൃഷ്ടിക്കണോ? എന്നും പരിശോധിക്കണമെന്നും സരിന്‍ പറഞ്ഞു.

അടവുനയത്തിന്റെ ഭാഗമാണ് സരിന്റെ സ്ഥാനാർഥിത്വമെന്നാണ് ജില്ലാ കമ്മിറ്റി വിമർശനങ്ങൾക്കു മറുപടി നൽകിയത്. ജില്ലാ കമ്മിറ്റിക്കുവേണ്ടി കടകംപള്ളി സുരേന്ദ്രനാണ് മറുപടി നൽകിയത്.

ഇന്നലെയും ഇന്നുമായിരുന്നു വഞ്ചിയൂർ ഏരിയാ സമ്മേളനം നടന്നത്. സരിനെ സ്ഥാനാർഥിയാക്കിയത് ശരിയായില്ല എന്നായിരുന്നു പൊതുവായി വിമർശനം ഉയർന്നത്. പി.വി അൻവർ അടക്കമുള്ളവരുടെ നിലപാടുകൾ നോക്കേണ്ടിയിരുന്നുവെന്നും ചില നേതാക്കൾ ചൂണ്ടിക്കാട്ടി.

ഇതിനെയാണ് കടകംപള്ളി ‘അടവുനയം’ ഉയർത്തി പ്രതിരോധിച്ചത്. പാലക്കാട്ട് കോൺഗ്രസിലും ബിജെപിയിലും പ്രശ്‌നങ്ങളുണ്ട്. അതു മുതലെടുക്കുകയായിരുന്നു പാർട്ടി. നേരത്തെയും ഇത്തരം അടവുനയങ്ങൾ പാർട്ടി സ്വീകരിച്ചിട്ടുണ്ടെന്നും സിപിഎം നേതാവ് ചൂണ്ടിക്കാണിച്ചെന്നാണു വിവരം.

‘‘ഞാൻ അഹങ്കാരിയാണ്, ധാർഷ്ട്യക്കാരനാണ് തുടങ്ങിയ കാര്യങ്ങൾ സിപിഎം പറയുന്നതിൽ പരാതിയില്ല. കാരണം അങ്ങനെയൊക്കെ ‘ഒരാളെക്കുറിച്ച്’ പറയാൻ അവർക്ക് ആഗ്രഹമുണ്ട്. കടക്കുപുറത്ത് എന്നു പറയുന്ന ഒരാളോട് ഇതൊക്കെ പറയാൻ അവർക്ക് ആഗ്രഹമുണ്ട്. സരിൻ പറഞ്ഞതെല്ലാം സിപിഎമ്മിന്റെ വാക്കുകളാണ്. അതിനപ്പുറത്തൊന്നും കാണുന്നില്ല.

കോൺഗ്രസിലെ സംവിധാനം അനുസരിച്ചു തന്നെയാണ് സ്ഥാനാർഥികളെ തീരുമാനിച്ചത്. കെപിസിസി പ്രസിഡന്റും രമേശ് ചെന്നിത്തലയും ഞാനും കൂടിച്ചേർന്നാണ് തീരുമാനം എടുത്തത്. എല്ലാ മുതിർന്ന നേതാക്കളോടും കൂടിയാലോചിച്ചു. സ്ഥാനാർഥിയാകാൻ സരിന് താൽപര്യമുണ്ട്. സിപിഎമ്മുമായി കൂടിയാലോചന നടത്തുന്ന ഒരാളെ ഞങ്ങൾ എങ്ങനെ സ്ഥാനാർഥിയാക്കും’’–സതീശൻ ചോദിച്ചു.

ബിജെപിയുമായി സരിന്‍ ആദ്യം ചര്‍ച്ച നടത്തി. ബിജെപി സ്ഥാനാര്‍ത്ഥിയാകാന്‍ പറ്റുമോയെന്ന് ശ്രമിച്ചു. പാര്‍ട്ടി നേതാക്കള്‍ സ്ഥാനാര്‍ത്ഥികളാകാന്‍ ഉണ്ടെന്ന് അവര്‍ അറിയിച്ചു. ബിജെപിയില്‍ സ്ഥാനാര്‍ത്ഥിയാകാന്‍ പറ്റില്ലെന്ന് അറിഞ്ഞതിനെത്തുടര്‍ന്നാണ് സരിന്‍ സിപിഎമ്മിനെ സമീപിച്ചത്. അവര്‍ അനുകൂല സമീപനമാണ് നല്‍കിയത്. അതേത്തുടര്‍ന്നാണ് സരിന്‍ എന്നെക്കുറിച്ച് സിപിഎം നരേറ്റീവ് പറഞ്ഞത്. കഴിഞ്ഞ നിയമസഭയില്‍ സിപിഎം എംഎല്‍എമാരും മന്ത്രിയും നിയമസഭയില്‍ പറഞ്ഞകാര്യമാണ് സരിന്‍ ആവര്‍ത്തിച്ചത്.