പ്രസ്ഥാനത്തിന് ഉണ്ടായ നിരവധി പ്രതിസന്ധി ഘട്ടങ്ങളില്‍ പാര്‍ട്ടിക്ക് തുണയായി മുന്നില്‍ ഉണ്ടാകുമായിരുന്നു റഹ്മാന്‍ സാഹിബ്.
മുസ്ലിം ലീഗിന്റെ സംസ്ഥാന കൗണ്‍സില്‍ അംഗമായും ദുബായ് മിഡിലീസ്റ്റ് ചന്ദ്രിക യുടെ ഡയറക്ടറായും പ്രവര്‍ത്തിച്ചിട്ടുണ്ട്. തികഞ്ഞ ദീനി സേവകനായ റഹ്മാന്‍ സാഹിബ് നിരവധി പള്ളികള്‍ സ്വന്തമായി പണികഴിപ്പിച്ചിട്ടുണ്ട്. എല്ലാ മത സംഘടനകള്‍ക്കും, രാഷ്ട്രീയ പാര്‍ട്ടികള്‍ക്കും ഒരേ പോലെ സ്വീകാര്യനായ റഹ്മാന്‍ സാഹിബ് സംസ്ഥാന തലത്തിലെ മുഴുവന്‍ നേതാക്കളുമായും അടുത്ത സൗഹൃദം കാത്തു സൂക്ഷിക്കുന്ന വ്യക്തിത്വമാണ്. സേവന ജീവകാരുണ്യ രംഗങ്ങളില്‍ സജീവമായിരുന്ന റഹ്മാന്‍ സാഹിബിന്റെ നിര്യാണം നാടിന് ഒന്നാകെ തീരാനഷ്ടമാണ്.