ആന ബീന്‍സ് പറിച്ച് കഴിക്കുന്നതിന്റെയും മറ്റും ദൃശ്യങ്ങള്‍ സമൂഹമാധ്യമങ്ങളില്‍ വൈറലാണ്. നാട്ടുകാര്‍ ഏറെ പണിപ്പെട്ട്, ശബ്ദമുണ്ടാക്കിയാണ് ആനയെ ഓടിച്ചത്. മറ്റ് അനിഷ്ടസംഭവങ്ങളൊന്നും ആന ഉണ്ടാക്കിയിട്ടില്ല.

ദിവസങ്ങള്‍ക്ക് മുമ്പ് മൂന്നാറിലെ കുണ്ടള എസ്‌റ്റേറ്റില്‍ പടയപ്പയിറങ്ങിയിരുന്നു. എസ്‌റ്റേറ്റിലിറങ്ങിയ പടയപ്പയെ നാട്ടുകാര്‍ പ്രകോപിപ്പിച്ചു. ഇതോടെ നാട്ടുകാര്‍ക്കുനേരെ കാട്ടാന തിരിഞ്ഞു. ശബ്ദം ഉണ്ടാക്കിയും കല്ലെറിഞ്ഞുമാണ് പടയപ്പയെ പ്രകോപിപ്പിച്ചത്. കാട്ടാനയെ പ്രകോപിപ്പിക്കുന്നതിന്റെ ദൃശ്യങ്ങളും പുറത്തുവന്നിരുന്നു.

കാട്ടുകൊമ്പന്‍ പടയപ്പ ഉൾവനത്തിലേക്ക് പോകാതെ മൂന്നാറിലെ ജനവാസമേഖലയില്‍ തുടരുന്ന കാഴ്ചയാണ് നമുക്ക് കാണാൻ സാധിക്കുന്നത്. എസ്റ്റേറ്റ് മേഖലയിലൂടെയുള്ള കാട്ടുകൊമ്പന്റെ സഞ്ചാരം തുടരുകയാണ്. ചെണ്ടുവാര എസ്‌റ്റേറ്റിലെ കുണ്ടള മേഖലയിലാണ് പടയപ്പ നിലയുറപ്പിച്ചിട്ടുള്ളത്. കഴിഞ്ഞ ദിവസം പ്രദേശത്തെ തേയിലതോട്ടത്തിലും എസ്റ്റേറ്റ് റോഡിലും കാട്ടാന നിലയുറപ്പിച്ചതോടെ ആളുകള്‍ പ്രതിസന്ധിയിലായി.

റോഡിലൂടെ ആനപ്പേടിയില്ലാതെ ആളുകള്‍ക്ക് സഞ്ചരിക്കാന്‍ കഴിയുന്നില്ല. ആനയെ ഭയന്ന് വേഗതയില്‍ വാഹനമോടിക്കാന്‍ ശ്രമിച്ചാലും അപകടമുണ്ടാകാനുള്ള സാധ്യതയുണ്ട്. കഴിഞ്ഞ ദിവസങ്ങളിലൊക്കെയും കാട്ടാന ഈ പ്രദേശത്ത് യാത്രാത്തടസ്സം സൃഷ്ടിച്ചിരുന്നു. അതേ സമയം ആനയ്ക്ക് സമീപം കാഴ്ച്ചക്കാരായി എത്തുന്നവര്‍ ആനയെ പ്രകോപിപ്പിക്കാന്‍ ശ്രമിക്കുന്നതും ചിത്രങ്ങള്‍ പകര്‍ത്തുന്നതും അപകട സാധ്യത ഉയര്‍ത്തുന്നു.

പതിനാറു കുടുംബങ്ങളാണ് പാമ്പന്‍ മലയിലെ ലയത്തില്‍ താമസിക്കുന്നത്. ലയത്തിനകത്ത് സൂക്ഷിച്ചിരുന്ന ഒരു ചാക്ക് അരി പുറത്തേക്ക് വലിച്ചിട്ട് മുഴുവന്‍ തിന്നുതീര്‍ക്കുകയും ചെയ്തു. ആദ്യമായാണ് പടയപ്പ അരി തിന്നുന്നതെന്നാണ് പ്രദേശവാസികള്‍ പറയുന്നത്. നേരത്തെ ആരെയും ഉപദ്രവകാരിയല്ലാത്ത ആനയായിരുന്നു പടയപ്പ. ഈ അടുത്താണ് ആന ഇത്രയും അക്രമാസക്തമായി പെരുമാറാന്‍ തുടങ്ങിയത്.

ആക്രമണത്തില്‍ കടയുടെ വാതില്‍ പൂര്‍ണമായി വനംവകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധിച്ചു. വലിയ നാശനഷ്ടങ്ങള്‍ ഉണ്ടായിട്ടില്ലെന്നാണ് ഉദ്യോഗസ്ഥരുടെ കണ്ടെത്തല്‍.