paddyfarmers – Chandrika Daily

വാക്ക് പാലിക്കാതെ സർക്കാർ ;ഓണത്തിന് മുമ്പ് മുഴുവൻ നെല്ലിന്റെ തുകയും നൽകുമെന്ന ഉറപ്പ് നടപ്പായില്ല

webdesk15 — Fri, 25 Aug 2023 07:18:14 +0000

ഓണത്തിന് മുമ്പ് മുഴുവൻ നെല്ലിന്റെ തുകയും നൽകുമെന്ന സർക്കാർ ഉറപ്പ് ഉറപ്പ് നടപ്പായില്ല.സംസ്ഥാനത്ത് 27,791 കർഷകർക്കാണ് ഇനിയും നെല്ലിന്റെ വില കിട്ടാനുള്ളത്. സംഭരണ തുകയുടെ 28 ശതമാനം മാത്രമാണ് നിലവിൽ കർഷകർക്ക് ലഭിക്കുന്നത് . കേന്ദ്ര വിഹിതം ലഭിച്ചാൽ മാത്രമേ പണം നൽകാനാവൂ എന്നാണ് കൃഷിവകുപ്പ് ഉദ്യോഗസ്ഥർ പറയുന്നത്.കർഷകദിന പരിപാടികളിൽ മന്ത്രിമാരായ കെ കൃഷ്ണന്‍കുട്ടിയും എംബി രാജേഷും ഓണം എത്തുന്നതിന് മുമ്പ് തന്നെ നെൽ കർഷകർക്ക് നൽകാനുള്ള മുഴുവൻ തുകയും നൽകുമെന്ന് പറഞ്ഞിരുന്നു.മന്ത്രിമാരുടെ വാക്കും പഴയ ചാക്കും ഒരുപോലെയാണെന്നും ഇതിനെതിരെ ശക്തമായി പ്രതിഷേധിക്കാനാണ് തീരുമാനമെന്നും കർഷകർ അറിയിച്ചു.

നെല്ലിന്റെ സംഭരണ വില നൽകാതെ സർക്കാർ ;കർഷകദിനം കണ്ണിർദിനമായി ആചരിക്കാനൊരുങ്ങി പാലക്കാട്ടെ കർഷക കൂട്ടായ്മ

webdesk15 — Mon, 14 Aug 2023 06:55:18 +0000

നെല്ല് സംഭരിച്ച് മാസങ്ങൾ കഴിഞ്ഞിട്ടും കർഷകർക്ക് സംഭരണ വില നൽകാത്തതിൽ പ്രതിഷേധിച്ച് കർഷകദിനം കണ്ണിർദിനമായി ആചരിക്കാനൊരുങ്ങി പാലക്കാട്ടെ കർഷക കൂട്ടായ്മ.കുഴൽമന്ദം ബ്ലോക്കിന്റെ കീഴിലുള്ള കുഴൽമന്ദം, കുത്തനൂർ, മാത്തൂർ, കോട്ടായി, പെരിങ്ങോട്ടുകുറിശ്ശി, കണ്ണാടി, തേങ്കുറിശ്ശി എന്നീ കൃഷിഭവൻ പരിധിയിൽ വരുന്ന 230 ഓളം വരുന്ന പാടശേഖരസമിതികൾ ചേർന്ന് രൂപീകരിച്ച “കുഴൽമന്ദം ബ്ലോക്ക് പാടശേഖരസമിതി കോ- ഓർഡിനേഷൻ കമ്മിറ്റി”യുടെ നേതൃത്വത്തിലാണ് കർഷകദിനം കണ്ണീർ ദിനമായി ആചരിക്കുവാൻ തീരുമാനിച്ചിരിക്കുന്നത് .

അന്ന് രാവിലെ 10 മണിക്ക് കുഴൽമന്ദം ജംഗ്ഷനിൽ നിന്ന് കുഴൽമന്ദം ബ്ലോക്ക് പഞ്ചായത്ത് കാര്യാലയത്തിൽ (കുളവൻമുക്കിൽ) പ്രവർത്തിക്കുന്ന കുഴൽമന്ദം കൃഷി അസിസ്റ്റൻറ് ഡയറക്ടറുടെ ഓഫീസിലേക്ക് കമ്മിറ്റിയുടെ ആഭിമുഖ്യത്തിൽ നെൽകർഷകർ പ്രതിഷേധ മാർച്ചും ധർണ്ണയും നടത്തും.സമരം നെൽകതിർ അവാർഡ് ജേതാവ് ശ്രീ. കെ.എ. വേണുഗോപാൽ ഉദ്ഘാടനം ചെയ്യും.ജില്ലയിലെ 80% വരുന്ന കർഷകർക്ക് സംഭരണ വില നൽകാതെ സർക്കാർ നിരന്തരം കർഷകരെ പറഞ്ഞു പറ്റിച്ചു കൊണ്ടിരിക്കുകയാണെന്ന് കർഷക കൂട്ടായ്മ ഭാരവാഹികളായ കെ.എ.വേണുഗോപാൽ, എം.സി. മുരളിധരൻ, പി.ആർ.കരുണാകരൻ, ഐ.സി.ബോസ്, സി.രാമചന്ദ്രൻ എന്നിവർ പാലക്കാട്ട് പത്രസമ്മേളനത്തിൽ പറഞ്ഞു.

നെൽക്കർഷകർ നാളെ മുഖ്യമന്ത്രിയുടെ വസതിയിലേക്ക് മാർച്ച് നടത്തും –

webdesk15 — Sun, 19 Mar 2023 08:12:41 +0000

കർഷകർക്ക് മോഹന സുന്ദര വാഗ്ദാനങ്ങൾ നൽകി വോട്ടു വാങ്ങി അധികാരത്തിലെത്തിയ പിണറായി ഗവൺമെന്റ് നെൽക്കർഷകരെ പൂർണ്ണമായി വഞ്ചിച്ചുവെന്ന് രാഷ്ട്രീയ കിസാൻ മഹാ സംഘ് നാഷണൽ കോ ഓർഡിനേറ്റർ അഡ്വ. കെ.വി. ബിജു പറഞ്ഞു. കർഷകരുടെ വിവിധ ആവശ്യങ്ങൾ ഉന്നയിച്ചു കൊണ്ട് സമാന സ്വഭാവമുള്ള കർഷക സംഘടനകളും, പാടശേഖര സമിതികളുമായി ചേർന്ന് രാഷ്ട്രീയ കിസാൻ മഹാ സംഘ് നാളെ മു ഖ്യമന്ത്രിയുടെ വസതിയിലേക്ക് മാർച്ച് നടത്തുമെന്ന് അദ്ദേഹം അറിയിച്ചു. രാവിലെ 10.30 മണിക്ക് മാർച്ച് പാളയം രക്തസാക്ഷിമണ്ഡപത്തിൽ നിന്നും ആരംഭിക്കും.മാർച്ച് രാഷ്ട്രീയ കിസാൻ മഹാ സംഘ് സംസ്ഥാന ചെയർമാൻ അഡ്വ.ബിനോയ് തോമസ് ഉൽഘാടനം ചെയ്യും.