padma awards – Chandrika Daily

പത്മ പുരസ്‌കാരങ്ങള്‍ വിതരണം ചെയ്തു

chandrika — Mon, 11 Mar 2019 15:03:54 +0000

ന്യൂഡല്‍ഹി: പത്മ പുരസ്‌കാരങ്ങള്‍ വിതരണം ചെയ്തു. 56പേരാണ് ഇത്തവണ പത്മ പുരസ്‌കാരങ്ങള്‍ രാഷ്ട്രപതി രാംനാഥ് കോവിന്ദില്‍ നിന്നും എറ്റുവാങ്ങിയത്. നടന്‍ മോഹന്‍ലാല്‍, സംഗീതജ്ഞനായ കെ.ജി ജയന്‍, മുന്‍ ഐ.എസ്.ആര്‍.ഒ ശാസ്ത്രജ്ഞന്‍ നമ്പി നാരായണന്‍, കുല്‍ദീപ് നെയ്യാര്‍ എന്നിവരുള്‍പ്പടെ 14 പേരാണ് ഇത്തവണ പത്മഭൂഷണ്‍ പുരസ്‌കാരത്തിന്ന് അര്‍ഹമായത്.

President Ram Nath Kovind conferred the Padma awards to 56 of the 112 personalities, chosen for this year's honour, at the Rashtrapati Bhawan

Read @ANI Story | https://t.co/7SS4gheESO pic.twitter.com/Vj8lVpYFHM
— ANI Digital (@ani_digital) March 11, 2019

ശിവഗിരി ധര്‍മ്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ, പുരാവസ്തു വിദഗ്ധന്‍ കെ.കെ മുഹമ്മദ്, ആരോഗ്യ വിദഗ്ധനായ മാമന്‍ ചാണ്ടി എന്നിവര്‍ പത്മശ്രീയും ഏറ്റുവാങ്ങി. സംഗീതജ്ഞന്‍ ശിവമണി, ഗായകന്‍ ശങ്കര്‍ മഹാദേവന്‍, നടനും നര്‍ത്തകനുമായ പ്രഭുദേവ, ശിവഗിരിയിലെ സ്വാമി വിശുദ്ധാനന്ദ, സ്‌പോര്‍ട്‌സ് താരങ്ങളായ ഗൗദംഗംഭീര്‍, ഫുട്‌ബോള്‍ താരം സുനില്‍ ഛേത്രി, തുടങ്ങിയവരും രാഷ്ട്രപതിയില്‍ നിന്നും പത്മശ്രീ പുരസ്‌കാരം സ്വീകരിച്ചു.

നമ്പി നാരായണനും മോഹന്‍ലാലിനും പത്മഭൂഷണ്‍

chandrika — Fri, 25 Jan 2019 17:52:15 +0000

ന്യൂഡല്‍ഹി: ഈ വര്‍ഷത്തെ പത്മ പുരസ്‌കാരങ്ങള്‍ പ്രഖ്യാപിച്ചു. സിനിമാ താരം മോഹന്‍ലാല്‍, ശാസ്ത്രജ്ഞന്‍ നമ്പി നാരായണന്‍, കുല്‍ദീപ് നയ്യാര്‍ (മരണാനന്തരം), ബചേന്ദ്രി പാല്‍, നാടന്‍ കലാകാരന്‍ ടീജന്‍ ഭായ്, ജിബൂത്തി പ്രസിഡന്റ് ഇസ്മാഈല്‍ ഉമര്‍ ഗുല്ല, എല്‍ ആന്റ് ജി കമ്പനി ചെയര്‍മാന്‍ അനില്‍ മിഭായ് നായിക്, എഴുത്തുകാരന്‍ ബല്‍വന്ത് മൊറേശ്വര്‍ പുരന്ദരെ എന്നിവര്‍ പത്മഭൂഷണ്‍ പുരസ്‌കാരത്തിനും, ഗായകരായ കെ.ജി ജയന്‍, ശങ്കര്‍ മഹാദേവന്‍, പ്രഭുദേവ, പുരാവസ്തു ഗവേഷകന്‍ കെ.കെ മുഹമ്മദ്, ശിവമണി, ഫുട്‌ബോള്‍ താരം സുനില്‍ ഛേത്രി, ബജ്‌റംഗ് പൂനിയ, ക്രിക്കറ്റ് താരം ഗൗതം ഗംഭീര്‍, ശ്രീനാരായണ ധര്‍മ സംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ത എന്നിവര്‍ പത്മ ശ്രീ പുരസ്‌കാരത്തിന് അര്‍ഹരായി.

പത്മയില്‍ മലയാളി തിളക്കം; എം.എസ് ധോണിക്ക് പത്മഭൂഷന്‍

chandrika — Thu, 25 Jan 2018 16:57:07 +0000

ന്യൂഡല്‍ഹി: 2018ലെ പത്മ പുരസ്‌കാരങ്ങള്‍ പ്രഖ്യാപിച്ചു. ഭാരതീയ വിചാര കേന്ദ്രം അധ്യക്ഷന്‍ പി പരമേശ്വരനും സംഗീത സംവിധായകന്‍ ഇളയരാജക്കും പത്മ വിഭൂഷണ്‍ പുരസ്‌കാരവും മാര്‍ത്തോമ്മ സഭയുടെ വലിയ മെത്രാപൊലീത്ത ഫിലിപ്പോസ് മാര്‍ ക്രിസ്‌റ്റോസ്റ്റം തിരുമേനിക്ക് പത്മഭൂഷണ്‍ പുരസ്‌കാരവും ലഭിച്ചു. ഇന്ത്യൻ ക്രിക്കറ്റ് താരം എം.എസ്.ധോണിയും പത്മഭൂഷൺ പുരസ്കാരത്തിന് അർഹനായി.
സംഘപരിവാര്‍ പ്രസ്ഥാനങ്ങളുടെ ബൗദ്ധിക മുഖവും ആര്‍.എസ്.എസിന്റെ മുതിര്‍ന്ന പ്രചാരകനുമാണ് ആലപ്പുഴ സ്വദേശിയായ പി പരമേശ്വരന്‍. 1999 മുതല്‍ 2007 വരെ മാര്‍ത്തോമ്മ സഭയുടെ പരമാധ്യക്ഷനായിരുന്ന മെത്രപൊലീത്ത 2007ല്‍ സ്ഥാനത്യാഗം ചെയ്തു. കഴിഞ്ഞ വര്‍ഷം ഏപ്രില്‍ 27ന് ക്രിസ്റ്റോസ്റ്റം തിരുമേനി 100-ാം ജന്മദിനം ആഘോഷിച്ചിരുന്നു. രണ്ട് മലയാളികള്‍ പത്മഭൂഷണ്‍ പുരസ്‌കാരങ്ങള്‍ക്കും അര്‍ഹരായി. നാട്ടു വൈദ്യത്തില്‍ വിതുര സ്വദേശി ലക്ഷ്മിക്കുട്ടിയും സാന്ത്വന ചിക്തിസയില്‍ എം. ആര്‍ രാജഗോപാലുമാണ് പത്മ ശ്രീ നേടിയത്. പാലിയേറ്റം എന്ന സംഘടനയിലൂടെ കാന്‍സര്‍ രോഗികള്‍ക്ക് വേണ്ടി പ്രവര്‍ത്തിക്കുന്ന കോഴിക്കോട് സ്വദേശിയായ ഡോ. എം.ആര്‍ രാജഗോപാല്‍ 23 വര്‍ഷമായി സാന്ത്വന ചികിത്സാ രംഗത്ത് പ്രവര്‍ത്തിക്കുന്നു.

കോര്‍പറല്‍ ജ്യോതി പ്രകാശ് നിരാലക്ക് അശോക ചക്രം
ന്യൂഡല്‍ഹി: കശ്മീരില്‍ കഴിഞ്ഞ നവംബറില്‍ ആറു തീവ്രവാദികളെ വകവരുത്താന്‍ നേതൃത്വം നല്‍കിയ ഇന്ത്യന്‍ എയര്‍ഫോഴ്‌സ് കമാന്റോ കോര്‍പറല്‍ ജ്യോതി പ്രകാശ് നിരാലക്ക് മരണാനന്തര ബഹുമതിയായി അശോക ചക്രം സമ്മാനിക്കും. ഐ.എ.എഫ് ചരിത്രത്തില്‍ അശോക ചക്രം നേടുന്ന മൂന്നാമത്തെയാളാണ് നിരാല. നിരാലയുടെ അശോക ചക്രം ഉള്‍പ്പെടെ 390 ധീരത പുരസ്‌കാരങ്ങള്‍ക്ക് രാഷ്ട്രപതി അംഗീകാരം നല്‍കി. മേജര്‍ വിജയന്ത് ബിസ്തിന് കീര്‍ത്തി ചക്രയും മേജര്‍ അഖില്‍ രാജ്, ക്യാപ്റ്റന്‍മാരായ രോഹിത് ശുക്ല, അഭിനവ് ശുക്ല, പ്രദീപ് ശൗര്യ ആര്യ, ഹവില്‍ദാര്‍ മുബാറക് അലി, ഹവില്‍ദാര്‍ രബ്രീന്ദ്ര ഥാപ്പ, നായിക് നരേന്ദര്‍ സിങ്, ലാന്‍സ് നായിക് ബദര്‍ ഹുസൈന്‍, പാരാട്രൂപ്പര്‍ മഞ്ചു, കോര്‍പറല്‍ നിലേശ് കുമാര്‍ നായന്‍ (മരണാനന്തരം), സര്‍ജന്റ് കൈര്‍നര്‍ മിലിന്ദ് കിശോര്‍ (മരണാനന്തരം), കോര്‍പറല്‍ ദേവേന്ദ്ര മെഹ്ത എന്നിവര്‍ക്ക് ശൗര്യ ചക്ര പുരസ്‌കാരവും സമ്മാനിക്കും.

കോര്‍പറല്‍ ജ്യോതി പ്രകാശ് നിരാലക്ക് അശോക ചക്രം

chandrika — Thu, 25 Jan 2018 16:14:34 +0000

ന്യൂഡല്‍ഹി: രാജ്യത്തിന്റെ ജനാധിപത്യ മൂല്യങ്ങള്‍ ഉയര്‍ത്തിപ്പിടിക്കാന്‍ നമുക്ക് സാധിക്കണമെന്ന് രാഷ്ട്രപതി രാംനാഥ് കോവിന്ദ്. 69-ാം റിപ്പബ്ലിക് ദിനത്തോടനുബന്ധിച്ച് രാഷ്ട്രത്തെ അഭിസംബോധന ചെയ്യവേയാണ് രാഷ്ട്രപതി ഇക്കാര്യം ആവശ്യപ്പെട്ടത്. എല്ലാ വിഭാഗത്തിലുള്ളവരും ചേര്‍ന്നാണ് ഇന്ത്യക്ക് സ്വാതന്ത്ര്യം നേടിത്തന്നത്. ഈ ദിനത്തില്‍ രാജ്യത്തിനു വേണ്ടി ത്യാഗം ചെയ്തവരെ ഓര്‍ക്കേണ്ടതുണ്ടെന്നും അദ്ദേഹം പറഞ്ഞു. രാജ്യത്തെ സൈനികര്‍, ഡോക്ടര്‍മാര്‍, കര്‍ഷകര്‍, നഴ്‌സുമാര്‍, ശാസ്ത്രകാരന്‍മാര്‍, എഞ്ചിനീയര്‍മാര്‍, അമ്മമാര്‍ തുടങ്ങി എല്ലാവര്‍ക്കും നന്ദി പറയുന്നതായും അദ്ദേഹം വ്യക്തമാക്കി. സമത്വം, മതേതരത്വം, സൗഹാര്‍ദ്ദം എന്നിവയാണ് ഇന്ത്യയുടെ അടിസ്ഥാനം. ഇന്ത്യക്കു വേണ്ടി ത്യാഗം ചെയ്ത നിരവധി പേരുണ്ട്. അവരെയൊന്നും പരാമര്‍ശിക്കുന്നില്ലെങ്കിലും എല്ലാവരുടേയും സേവനങ്ങള്‍ക്കു നന്ദി പറയുന്നതായും അദ്ദേഹം പറഞ്ഞു. രാജ്യത്തിനു വേണ്ടി പോരാടിയ സ്വാതന്ത്ര്യ സമര സേനാനികള്‍ കേവലം സ്വതന്ത്ര്യത്തിനു വേണ്ടി മാത്രമല്ല, രാജ്യത്തിന്റെ സാമൂഹിക മാറ്റങ്ങള്‍ക്കു വേണ്ടികൂടിയാണ് പോരാടിയതെന്നും രാഷ്ട്രപതി അനുസ്മരിച്ചു. രാജ്യ പുരോഗതിയില്‍ ്അവര്‍ നല്‍കിയ പാഠം എല്ലാ സമയത്തും പ്രാധാന്യമുള്ളതാണ്. ജനസംഖ്യയുടെ 60 ശതമാനത്തോളം വരുന്ന യുവാക്കളാണ് ഇന്ത്യയുടെ ഭാവിയെന്നു പറഞ്ഞ രാഷ്ട്രപതി രാജ്യം നേരിടുന്ന ഏറ്റവും വലിയ വെല്ലുവിളി കുട്ടികളുടെ പോഷകാഹാര കുറവാണെന്നും ഇത് മറികടക്കാന്‍ ഇനിയും ഏറെ ചെയ്യേണ്ടതുണ്ടെന്നും പറഞ്ഞു. കാലഹരണപ്പെട്ട പാഠ്യ രീതികള്‍ പരിഷ്‌കരിക്കണമെന്നും അദ്ദേഹം ആവശ്യപ്പെട്ടു. സാമ്പത്തികമായി പിന്നാക്കം നില്‍ക്കുന്നവരുടെ ജീവിത ഉന്നമനത്തിനായി നമുക്ക് ഉത്തരവാദിത്തമുണ്ടെന്നും രാഷ്ട്രപതി പറഞ്ഞു.