ഓഫീസില്‍ ബിഎംസി പരിശോധന നടത്തിയതായി നടി തന്നെ സ്ഥിരീകരിച്ചു. സര്‍ക്കാര്‍ തനിക്കെതിരെ പ്രതികാരം തീര്‍ക്കുകയാണെന്ന് കങ്കണ ആരോപിച്ചു. അതിനിടെ മഹാരാഷ്ട്ര മുഖ്യമന്തരി ഉദ്ധവ് താക്കറെ തന്നെ കങ്കണയ്ക്കെതിരെ രംഗത്തെത്തി. ജീവിതത്തില്‍ എല്ലാ കാര്യങ്ങളും മുംബൈയില്‍ നിന്ന് നേടിയ ഒരാള്‍ ആ നഗരത്തോട് നന്ദികേട് കാണിക്കുകയാണെന്ന് ഉദ്ധവ് കുറ്റപ്പെടുത്തി.

അതേസമയം വിവാദങ്ങള്‍ക്കിടെ ഹിന്ദുത്വ ഗ്രൂപ്പുകള്‍ കങ്കണയ്ക്ക് പിന്തുണ പ്രഖ്യാപിച്ച് രംഗത്തെത്തിയതും വിചിത്രമായിരിക്കുകയാണ്. കങ്കണയുടെ മണികര്‍ണിക എന്ന ചിത്രം റിലീസ് ആവുന്നതിന് മുമ്പ് അത് തടയുമെന്ന് പറഞ്ഞ കര്‍ണി സേനയുടെ പിന്തുണയാണ് ഞെട്ടിച്ചത്. നേരത്തെ ദീപികാ പദുകോണിന്റെ പദ്മാവതി ചിത്രത്തിനെതിരെ രംഗത്തെത്തിയ തീവ്ര ഹിന്ദുത്വ ഗ്രൂപ്പ് കൂടിയാണ് കര്‍ണി സേന. എന്നാല്‍ മണികര്‍ണിക ഫിലിംസിന്റെ മുംബൈയിലെ ഓഫീസാണ് വിവാദ കെട്ടിടമെനന്ത് നിലനില്‍ക്കെയാണ് ഇപ്പോള്‍ കര്‍ണി സേന കങ്കണയ്ക്ക് പിന്തുണയുമായി രംഗത്തെത്തിയിരിക്കുന്നത്. നേരത്തെ സംഘടനയും കങ്കണയും തമ്മില്‍ പോര് വരെ നടന്നിരുന്നു. എന്നാല്‍ മുബൈയില്‍ എത്തുന്ന കങ്കണയ്ക്ക് കര്‍ണിസേന സുരക്ഷയൊരുക്കുമെന്നാണ് ഇപ്പോള്‍ പ്രഖ്യാപിച്ചിരിക്കുന്നത്. മുംബൈ വിമാനത്താവളം മുതല്‍ വരെ അവരുടെ വീട് വരെ കര്‍ണി സേന സുരക്ഷയൊരുക്കുമെന്ന് സംഘടനാ നേതാവ് ജീവന്‍ സോളങ്കി പറഞ്ഞു. വിമാനത്താവളത്തില്‍ വലിയൊരു സംഘം തന്നെ കര്‍ണി സേനയുടെ പേരില്‍ എത്തും.

എന്നാല്‍, കങ്കണ പരിതിവിട്ട ആരോപണങ്ങളുമായി രംഗത്തെത്തിയത് ബിജെപിയുടെ സഹായത്തോടെയാണെന്നാണ് റിപ്പോര്‍ട്ട്. മഹാരാഷ്ട്രയിലെ സഖ്യ സര്‍ക്കാറിനെതിരെ സുഷാന്ത് സിങ് രാജ്പുതിന്റെ മരണം രാഷ്ട്രീയ ആയുധമാക്കാനുള്ള നീക്കത്തിന്റെ ഭാഗമാണിതെന്നും റിപ്പോര്‍ട്ടുകള്‍ സൂചിപ്പിക്കുന്നത്. മുംബൈയെ പാകധീന കശ്മീരുമായി താരതമ്യം ചെയ്യുന്നവര്‍ക്കെതിരെ നടപടി വേണമെന്നും ശിവസേന ആവശ്യപ്പെട്ടിരുന്നു. എന്നാല്‍ കങ്കണയ്ക്ക് വൈ കാറ്റഗറി സുരക്ഷാ സംവിധാനമാണ് കേന്ദ്ര സര്‍ക്കാര്‍ നല്‍കിയത്.
മഹാരാഷ്ട്രയെ അപമാനിച്ച ഒരാള്‍ക്ക് വൈപ്ലസ് സുരക്ഷയൊരുക്കിയത് വേദനിപ്പിക്കുന്നതാണെന്ന് ആഭ്യന്തര മന്ത്രി അനില്‍ ദേശ്മുഖ് പറഞ്ഞു. ശിവസേന ദാവൂദ് ഇബ്രാഹിമിനെ എതിര്‍ക്കുന്നത് കൊണ്ട് കേന്ദ്ര സര്‍ക്കാര്‍ അദ്ദേഹത്തിന് വരെ സുരക്ഷ നല്‍കുമെന്ന് എംഎല്‍എ പ്രതാപ് സര്‍നായിക്ക് പറഞ്ഞു. കങ്കണയ്ക്ക് മയക്കുമരുന്ന് കടത്തിനെ കുറിച്ച് അറിയാമെന്ന് നേരത്തെ പറഞ്ഞിരുന്നു. അക്കാര്യവും പരിശോധിക്കണമെന്ന് സര്‍നായിക് പറഞ്ഞു. കേന്ദ്ര സര്‍ക്കാരിന് മഹാരാഷ്ട്രയോട് യാതൊരു താല്‍പര്യവുമില്ല. വനിതാ കമ്മീഷന്‍ യുപിയിലും ബീഹാറിലും നടക്കുന്ന ബലാത്സംഗങ്ങള്‍ കാണുന്നില്ല. അവര്‍ക്ക് കങ്കണയ്ക്ക് വൈ പ്ലസ് സുരക്ഷയൊരുക്കാനാണ് താല്‍പര്യമെന്നും സര്‍നായിക്ക് ആരോപിച്ചു.

Supreme Court dismisses petition filed by a lawyer, Manohar Lal Sharma, seeking stay on the release of film #Padmavati pic.twitter.com/jOhwRpRYNE

— ANI (@ANI) November 28, 2017

ഈ മാസം ഇത് മൂന്നാം തവണയാണ് പദ്മാവതിക്കെതിരായ ഹര്‍ജി കോടതി തള്ളുന്നത്. അഭിഭാഷകനായ മനോഹര്‍ ലാല്‍ ശര്‍മ സമര്‍പ്പിച്ച രണ്ടാമത്തെ ഹര്‍ജിയാണു കോടതി തള്ളിയത്.

സന്‍സര്‍ ബോര്‍ഡ് അനുവദിച്ചാലും പദ്മാവതി ചിത്രം പ്രദര്‍ശിപ്പിക്കുന്നത് തടയുമെന്ന രീതിയില്‍, വിവിധ സംസ്ഥാനങ്ങളിലെ മുഖ്യമന്ത്രിമാരും മറ്റും പദ്മാവതി സിനിമയ്ക്കെതിരെ പരസ്യ പ്രസ്താവന നടത്തിയിരുന്നു. രാജസ്ഥാന്‍, ഗുജറാത്ത്, മധ്യപ്രദേശ് തുടങ്ങിയ സംസ്ഥാനങ്ങള്‍ സിനിമയുടെ പ്രദര്‍ശനം നിരോധിക്കുകയും ചെയ്തിരുന്നു. ഇതിനെതിരെയാണ് ഇപ്പോള്‍ സുപ്രീം കോടതി കടുത്ത വിമര്‍ശനം ഉന്നയിച്ചത്.

അതേസമയം യുവാവിന്റെ മരണത്തില്‍ ദുരൂഹത ആരോപിച്ച് സഹോദരനും രംഗത്തെത്തി.

My brother cannot commit suicide, it appears to be a murder. Will demand for an investigation into the death. He has nothing to do with it (threat note written on rocks #Padmavati ): Ram Ratan Saini, brother of man found dead at Nahargarh Fort in #Jaipur pic.twitter.com/RWeqk6nBT4

— ANI (@ANI) November 24, 2017

എന്റെ സഹോദരന് ആത്മഹത്യ ചെയ്യാന്‍ കഴിയില്ലെന്നും അത് കൊലപാതമാണെന്നും സഹോദരന്‍ രമന്‍ രത്തന്‍ സൈനി ആരോപിച്ചു. മരണത്തെക്കുറിച്ചുള്ള അന്വേഷണത്തിനായി ആവശ്യപ്പെടുമെനനും രമന്‍ വ്യക്തമാക്കി.

രാജസ്ഥാനിലെ നഹര്‍ഗര്‍ഗ് കോട്ടയിലാണ് യുവാവിനെ തൂങ്ങിമരിച്ചനിലയില്‍ കണ്ടെത്തിയത്. മൃതദേഹത്തിന് സമീപം പാറക്കെട്ടുകളില്‍ പദ്മാവതിക്കെതിരെയുള്ള മുദ്രാവാക്യങ്ങളും കാണപ്പെട്ടിരുന്നു. പ്രതിമകളെ കത്തിക്കില്ലെന്നും ഞങ്ങള്‍ കൊല്ലുകയേ ഉള്ളൂവെന്നുമാണ് പാറകളില്‍ എഴുതിവെച്ചിട്ടുള്ളത്്. പദ്മാവതിയില്‍ പ്രതിഷേധിച്ചാണ് മരണമെന്നായിരുന്നു പ്രാദമിക നിഗമനം.

Rajasthan: Police reaches Nahargarh Fort in #Jaipur where body of a 40 year old local was found hanging, threatening note on rocks also seen pic.twitter.com/CFitqLVIwb

— ANI (@ANI) November 24, 2017

എന്നാല്‍ മരണം ആത്മഹത്യയാണോ കൊലപാതകമാണോ എന്ന് തുടക്കത്തിലെ പോലീസ് സംശയിച്ചിരുന്നു. മരണം ആത്മഹത്യയാകാമെന്ന് സിനിമക്കെതിരെ പ്രതിഷേധം നടത്തുന്ന കര്‍ണി സേന പ്രസിഡന്റ് മഹിപാല്‍ സിംങ് മക്രാനും പറഞ്ഞു. ചിത്രത്തില്‍ ചരിത്രത്തെ വളച്ചൊടിച്ചുവെന്നാണ് കര്‍ണിസേനയുടെ ആരോപണം.

അതേസമയം പദ്മാവതി സിനിമയുടെ സംവിധായകന്‍ സഞ്ജയ്ലീലാബെന്‍സാലിക്കും രണ്‍വീര്‍ സിങിനും ദീപികപദുക്കോണിനും നേരെ വധഭീഷണി ഉയര്‍ന്നിട്ടുണ്ട്. 190കോടി രൂപ ചെലവിലുള്ള പദ്മാവതി സഞ്ജയ് ലീല ബന്‍സാലിയാണ് സംവിധാനം ചെയ്യുന്നത്.

PADMAVATI (12A) moderate violence, injury detail https://t.co/2S1pF33WVN

— BBFC (@BBFC) November 22, 2017

എന്നാല്‍ ചിത്രം പ്രദര്‍ശിപ്പിച്ചാല്‍ ബ്രിട്ടനിലെ തീയേറ്ററുകളും കത്തിക്കുമെന്ന് കര്‍ണിസേന ഭീഷണി മുഴക്കി. അവിടുത്തെ രജ്പുത് വിഭാഗക്കാര്‍ക്ക് ഇതുസംബന്ധിച്ച് നിര്‍ദേശം നല്‍കിയതായി കര്‍ണിസേന തലവന്‍ സുക്ദേവ് സിങ് പറഞ്ഞു.

അതേസമയം ഇന്ത്യന്‍ സെന്‍സര്‍ ബോര്‍ഡിന്റെ അനുമതി ലഭിക്കാത്ത സാഹചര്യത്തില്‍ യു.കെയില്‍ ചിത്രം റിലീസ് ചെയ്യില്ലെന്നു നിര്‍മാതാക്കള്‍ വ്യക്തമാക്കി. ചിത്രം ബ്രിട്ടനിലോ ഇന്ത്യയിലോ ഒരിടത്തും പ്രദര്‍ശിപ്പിക്കാന്‍ ഇപ്പോള്‍ ഉദ്ദേശിക്കുന്നില്ല. റിലീസിങ് തീരുമാനിച്ചാല്‍ അക്കാര്യം അറിയിക്കും. ഇപ്പോള്‍ യു.കെയില്‍ പ്രദര്‍ശനത്തിന് ഒരു പദ്ധതിയുമില്ല-അണിയറ പ്രവര്‍ത്തകര്‍ പറഞ്ഞു. അതേസമയം ഇന്ത്യയില്‍ സെന്‍സര്‍ ബോര്‍ഡ് അനുമതി വൈകുമെന്ന് ചെയര്‍മാന്‍ പ്രസൂണ്‍ ജോഷി വ്യക്തമാക്കി.

അപേക്ഷ നല്‍കിയാലുടന്‍ ചിത്രത്തിന് അനുമതി നല്‍കാന്‍ കഴിയില്ല. അതിന് ചില നടപടിക്രമങ്ങള്‍ പാലിക്കേണ്ടതുണ്ട്. പദ്മാവതിയുടെ കാര്യത്തില്‍ സന്തുലിതമായ ഒരു തീരുമാനമാണ് എടുക്കേണ്ടത്. അതിന് സമയം ആവശ്യമാണ്. അപേക്ഷ സമര്‍പ്പിച്ച് 68 ദിവസങ്ങള്‍ക്ക് ശേഷമേ തീരുമാനമുണ്ടാകൂ -അദ്ദേഹം വ്യക്തമാക്കി. ഡിസംബര്‍ ഒന്നിനാണ് ചിത്രം ലോകത്താകമാനം റിലീസ് ചെയ്യാന്‍ നിശ്ചയിച്ചിരുന്നത്. വിവാദങ്ങളുടെ പശ്ചാത്തലത്തില്‍ സെന്‍സര്‍ ബോര്‍ഡിന്റെ അനുമതി വൈകിയതോടെ റിലീസ് മാറ്റി. റിലീസിങിനെതിരെ തീവ്ര ഹിന്ദുത്വ സംഘടനകളുടെ നേതൃത്വത്തില്‍ പ്രതിഷേധം തുടരുകയാണ്. അതിനിടെ, ബി.ജെ.പി ഭരണത്തിലുള്ള രാജസ്ഥാന്‍, മധ്യപ്രദേശ്, ഗുജറാത്ത് സംസ്ഥാനങ്ങളില്‍ സിനിമ നിരോധിച്ചിരുന്നു. ദീപിക, രണ്‍വീര്‍ സിങ്, ഷാഹിദ് കപൂര്‍ എന്നിവര്‍ മുഖ്യവേഷത്തില്‍ അഭിനയിച്ചിരിക്കുന്ന ചിത്രത്തിന് 190 കോടി രൂപയാണ് ചെലവ്്. രജപുത്ര രാജ്ഞിയായ റാണി പദ്മാവതിയുടെയും ഡല്‍ഹി സുല്‍ത്താന്‍ അലാവുദ്ദീന്‍ ഖില്‍ജിയുടെയും കഥ പറയുന്ന സിനിമ ഹൈന്ദവ സംസ്‌കാരത്തെ വൃണപ്പെടുത്തുന്നതാണെന്നായിരുന്നു ആരോപണം.

‘ജനാധിപത്യ രാജ്യത്ത് പ്രതിഷേധിക്കാന്‍ എല്ലാവര്‍ക്കും അവകാശമുണ്ട്. പ്രതിഷേധക്കാര്‍ നിയമം കൈയ്യിലെടുത്താല്‍ അവര്‍ നിയമപരമായ ശിക്ഷിക്കപ്പെടും. ആകാശ് തിയേറ്ററിനെതിരെ നടന്ന അക്രമവുമായി ബന്ധപ്പെട്ട് എട്ട് പേരെ അറസ്റ്റ് ചെയ്തിട്ടുണ്ട്’, രാജസ്ഥാന്‍ ആഭ്യന്തര മന്ത്രി ഗുലാബ് ചന്ദ് കട്ടാരിയ പറഞ്ഞു.

മഹാരാഷ്ട്ര ബിജെപി ഘടകത്തിന്റെ വക്താവും ഉജ്ജയിന്‍ എംപിയുമായ ചിന്താമണി മാളവ്യ് പദ്മാവതി സിനിമയ്‌ക്കെതിരെ രംഗത്തെത്തിയിരുന്നു. ബന്‍സാലിയെപ്പോലുള്ള സിനിമാക്കാര്‍ക്ക് ‘ചെരുപ്പിന്റെ ഭാഷ’ മാത്രമേ മനസ്സിലാകുകയുള്ളൂ മറ്റു ഭാഷകള്‍ അവര്‍ക്കു മനസ്സിലാകില്ല എന്ന് അദ്ദേഹം പറഞ്ഞിരുന്നു. റാണി പദ്മാവതിയോട് ഈ രാജ്യം ഒരിക്കലും ബഹുമാനമില്ലായ്മ കാട്ടില്ല. ചരിത്രത്തെ വളച്ചൊടിക്കുന്ന ഒന്നിനോടും സഹിഷ്ണുത പുലര്‍ത്തില്ലെന്നും എംപി പറഞ്ഞിരുന്നു.

നേരത്തേ ചിത്രത്തിന്റെ ഷൂട്ടിംഗ് സെറ്റ് ആക്രമിച്ച കര്‍നി സേന പ്രവര്‍ത്തകര്‍ സംവിധായകന്‍ ബന്‍സാലിയെ ആക്രമിച്ചിരുന്നു. ചിത്രം രജ്പുത് സമുദായത്തിന്റെ വികാരങ്ങളെ വ്രണപ്പെടുത്തുന്നതാണെന്നാണ് രജ്പുത് കര്‍നി സേന കുറ്റപ്പെടുത്തിയത്.

ചിത്രത്തില്‍ രണ്‍വീര്‍ സിംഗ് അലാവുദ്ദീന്‍ ഖില്‍ജിയായും ദീപിക പദുകോണ്‍, റാണി പദ്മാവതിയായുമാണ് അഭിനയിക്കുന്നത്. അലാവുദ്ദീന്‍ ഖില്‍ജിയുടെ സഭയിലെ കവിയെഴുതിയ ‘തെറ്റായ ചരിത്രത്തെ’ ആസ്പദമാക്കിയാണു ചിത്രം സംവിധാനം ചെയ്തിരിക്കുന്നത്.

Karni Sena vandalised Aakash Mall in Kota protesting Padmavati's trailer being shown at the Cinema Hall #Rajasthan (NOTE: Strong language) pic.twitter.com/web5T0ewtC

— ANI (@ANI) November 14, 2017