Padmavati – Chandrika Daily https://www.chandrikadaily.com Fri, 19 Jan 2018 13:08:09 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Padmavati – Chandrika Daily https://www.chandrikadaily.com 32 32 ‘പത്മാവത്’നെതിരായ പൊതുതാല്‍പര്യ ഹര്‍ജി സുപ്രീംകോടതി തള്ളി https://www.chandrikadaily.com/supreme-court-firmly-refuses-to-hear-another-plea-against-padmaavat-says-maintaininglaw-and-order-is-government-job-not-ours.html https://www.chandrikadaily.com/supreme-court-firmly-refuses-to-hear-another-plea-against-padmaavat-says-maintaininglaw-and-order-is-government-job-not-ours.html#respond Fri, 19 Jan 2018 13:05:59 +0000 http://www.chandrikadaily.com/?p=65795 ന്യൂഡല്‍ഹി: നാലു സംസ്ഥാനങ്ങളില്‍ ‘പത്മാവത്’ സിനിമ നിരോധിച്ച നടപടി സ്റ്റേ ചെയ്തതിനെതിരെ നല്‍കിയ പൊതുതാല്‍പര്യ ഹര്‍ജി സുപ്രീംകോടതി തള്ളി. സിനിമക്ക് സര്‍ട്ടിഫിക്കറ്റ് നല്‍കിയ നടപടി പുന:പരിശോധിക്കണമെന്നും റിലീസ് ചെയ്യുകയാണെങ്കില്‍ കലാപമുണ്ടാവാന്‍ സാധ്യതയുണ്ടെന്നും കാണിച്ച് അഭിഭാഷകന്‍ എം.എല്‍ ശര്‍മ സമര്‍പ്പിച്ച ഹര്‍ജിയാണ് ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് തള്ളിയത്.
ജനങ്ങളെ സംരക്ഷിക്കാനുള്ള ചുമതല സര്‍ക്കാരുകള്‍ക്കാണെന്നും തങ്ങളുടെ ജോലി അതല്ലെന്നും കോടതി വ്യക്തമാക്കി. ഈ കേസില്‍ ഇനി വാദം കേള്‍ക്കില്ലെന്നും കോടതി പറഞ്ഞു. പത്മാവതുമായി ബന്ധപ്പെട്ട് കഴിഞ്ഞദിവസം വിശദമായ ഉത്തരവ് ഇറക്കിയതാണ്. സെന്‍സര്‍ ബോര്‍ഡ് അനുമതി നല്‍കിയ ചിത്രം നിരോധിക്കാന്‍ സാധ്യമല്ല. ഗൗരവമുള്ള വിഷയമാണെന്നു ചൂണ്ടിക്കാട്ടിയാണ് നാലു സംസ്ഥാനങ്ങള്‍ കൊണ്ടുവന്ന വിലക്ക് കോടതി നീക്കിയത്. ‘സിനിമ പരാജയപ്പെടാം, അല്ലെങ്കില്‍ സിനിമ കാണേണ്ട എന്നു ജനങ്ങള്‍ക്കു തീരുമാനിക്കാം. പക്ഷേ, ക്രമസമാധാനത്തിന്റെ പേരു പറഞ്ഞു സര്‍ക്കാര്‍ സംവിധാനം ഉപയോഗിച്ചു പ്രദര്‍ശനം വിലക്കാനാവില്ല- കോടതി വ്യക്തമാക്കി. ബി.ജെ.പി ഭരിക്കുന്ന രാജസ്ഥാന്‍, ഗുജറാത്ത്, മധ്യപ്രദേശ്, ഹരിയാന സര്‍ക്കാരുകളാണ് ചിത്രത്തിന് വിലക്കേര്‍പ്പെടുത്തിയത്. ഹിമാചല്‍പ്രദേശ് ഉത്തരാഖണ്ഡും
സമാന നിലപാടെടുത്തിരുന്നു.

]]> https://www.chandrikadaily.com/supreme-court-firmly-refuses-to-hear-another-plea-against-padmaavat-says-maintaininglaw-and-order-is-government-job-not-ours.html/feed 0 പത്മാവതും നിരോധിച്ച് സംസ്ഥാനങ്ങള്‍; നിര്‍മാതാക്കള്‍ സുപ്രീംകോടതിയില്‍ https://www.chandrikadaily.com/padmaavat-producer-moves-supreme-court-challenging-ban.html https://www.chandrikadaily.com/padmaavat-producer-moves-supreme-court-challenging-ban.html#respond Wed, 17 Jan 2018 13:06:24 +0000 http://www.chandrikadaily.com/?p=65450 ന്യൂഡല്‍ഹി: നാലു സംസ്ഥാനങ്ങളില്‍ ‘പത്മാവത്’ സിനിമ നിരോധിച്ച നടപടി നീക്കണമെന്നാവശ്യപ്പെട്ട് നിര്‍മാതാക്കള്‍ സുപ്രീംകോടതിയെ സമീപിച്ചു. സിനിമയുടെ പേരും ചിലരംഗങ്ങളും മാറ്റണം എന്നതടക്കം സെന്‍സര്‍ ബോര്‍ഡിന്റെ നിര്‍ദേശങ്ങള്‍ പാലിച്ചിട്ടും റിലീസ് തടയുന്നത് അംഗീകരിക്കാനാകില്ലെന്ന് ചൂണ്ടിക്കാട്ടിയാണ് ഹര്‍ജി. നിരോധനം നീക്കി ഈ മാസം 25 ന് രാജ്യവ്യാപകമായി റിലീസ് അനുവദിക്കണമെന്നും നിര്‍മാതാക്കളായ വിയകോം സമര്‍പ്പിച്ച ഹര്‍ജിയില്‍ ആവശ്യപ്പെടുന്നു. ഹര്‍ജി ഇന്ന് ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് പരിഗണിക്കും. സഞ്ജയ് ലീല ബന്‍സാലി സംവിധാനം ചെയ്ത ചിത്രത്തില്‍ ദീപിക പദുകോണും ഷാഹിദ് കപൂറും രണ്‍വീര്‍ സിങുമാണ് മുഖ്യവേഷങ്ങളിലെത്തുന്നത്. റാണി പത്മാവതിയുടെ ചരിത്രം വികലമായി ചിത്രീകരിച്ചെന്നാരോപിച്ച് ചിത്രത്തിനെതിരെ ഹിന്ദുത്വവാദികള്‍ രംഗത്തെത്തിയതോടെയാണ് റിലീസ് വൈകിയത്. തുടര്‍ന്നു ചരിത്ര വിദഗ്ധരുള്‍പ്പെട്ട സമിതി ചിത്രം കണ്ട ശേഷമായിരുന്നു ഫിലിം സര്‍ട്ടിഫിക്കേഷന്‍ ലഭിച്ചത്. പത്മാവതി എന്നതിനു പകരം പത്മാവത് എന്ന് പേരു മാറ്റാനും നിര്‍ദേശിച്ചിരുന്നു. എന്നാല്‍ സെന്‍സര്‍ ബോര്‍ഡ് അനുവദിച്ചിട്ടും ബി.ജെ.പി ഭരിക്കുന്ന രാജസ്ഥാന്‍, ഗുജറാത്ത്, മധ്യപ്രദേശ്, ഹരിയാന സംസ്ഥനങ്ങള്‍ ചിത്രത്തിന് വിലക്കേര്‍പ്പെടുത്തി. ഇത് ചോദ്യം ചെയ്താണ് നിര്‍മാതാക്കള്‍ പരമോന്നത കോടതിയെ സമീപിച്ചത്.

]]> https://www.chandrikadaily.com/padmaavat-producer-moves-supreme-court-challenging-ban.html/feed 0 പദ്മാവതിക്ക് പ്രദര്‍ശനാനുമതി; പദ്മാവത് https://www.chandrikadaily.com/film-padmavati-to-get-ua-certificate-title-may-be-changed-to-padmavat.html https://www.chandrikadaily.com/film-padmavati-to-get-ua-certificate-title-may-be-changed-to-padmavat.html#respond Sat, 30 Dec 2017 12:24:43 +0000 http://www.chandrikadaily.com/?p=62096 ന്യൂഡല്‍ഹി: സഞ്ജയ് ലീലാ ബന്‍സാലി ചിത്രം പത്മാവതിയ്ക്ക് സെന്‍സര്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്റെ ഉപാധികളോടെ പ്രദര്‍ശനാനുമതി. കേന്ദ്ര വാര്‍ത്താ വിനിമയ മന്ത്രാലയം നിയോഗിച്ച ആറംഗ വിദഗ്ദ്ധ സമിതിയാണ് അംഗീകാരം നല്‍കിയത്. ചിത്രത്തിന് യുഎ സര്‍ട്ടിഫിക്കറ്റ് നല്‍കാനും ധാരണയായി.
ചിത്രത്തിന്റെ സര്‍ട്ടിഫിക്കേഷന്‍ സംബന്ധിച്ച അപേക്ഷ പുനപരിശോധിക്കാന്‍ 28ന് നടന്ന യോഗത്തിലാണ് ഉപാധികളുടെ അടിസ്ഥാനത്തില്‍ പ്രദര്‍ശനാനുമതിയ്ക്ക് സെന്‍സര്‍ ബോര്‍ഡ് തീരുമാനമെടുത്തത്.
മൂന്ന് നിര്‍ദേശങ്ങളാണ് ബോര്‍ഡ് പ്രധാനമായും മുന്നോട്ട് വെച്ചിരിക്കുന്നത്. സിനിമയുടെ പേര് പത്മാവതിഎന്നു മാറ്റി ‘പത്മാവത്’ എന്നാക്കണമെന്നാണ് സുപ്രധാന നിര്‍ദേശം. കൂടാതെ ചിത്രത്തിലെ 26 ഭാഗങ്ങള്‍ക്ക് മാറ്റങ്ങള്‍ വരുത്തണമെന്നും പ്രസൂണ്‍ ജോഷി ചെയര്‍മാനായ ബോര്‍ഡ് നിര്‍ദേശിച്ചു. ഈ ഭാഗങ്ങള്‍ നീക്കം ചെയ്യുകയോ മാറ്റം വരുത്തുകയോ ചെയ്യാം. മാത്രമല്ല, ചിത്രം തുടങ്ങുന്നതിനു മുന്‍പും ഇടവേളകളിലും യഥാര്‍ത്ഥ സംഭവവുമായി യാതൊരു ബന്ധവുമില്ലെന്നു പ്രേഷകര്‍ക്ക് മുന്നറിയിപ്പ് നല്‍കണമെന്നും ബോര്‍ഡ് നിര്‍ദേശിച്ചു. ചിത്രത്തില്‍ സതി എന്ന ആചാരത്തെ മഹത്വവത്കരിക്കുന്ന ദൃശ്യത്തില്‍ മാറ്റം വരുത്തണം. ഗൂമര്‍ എന്ന ഗാനത്തിലും മാറ്റങ്ങള്‍ നിര്‍ദേശിച്ചിട്ടുണ്ട്. ഈ ഉപാധികള്‍ അംഗീകരിച്ചാല്‍ സിനിമയ്ക്ക് യു/എ സര്‍ട്ടിഫിക്കറ്റ് ലഭിക്കുമെന്നും ബോര്‍ഡ് അറിയിച്ചു.
സമൂഹത്തിന്റെയും സിനിമാ പ്രവര്‍ത്തകരുടെയും കാഴ്ചപ്പാടുകളെ ഒത്തൊരുമയോടെയാണ് സിനിമ സമീപിക്കേണ്ടതെന്ന് ബോര്‍ഡ് വക്താവ് വ്യക്തമാക്കി. ഇതിനായി ബോര്‍ഡ് ചുമതലപ്പെടുത്തിയ ചരിത്രകാരന്മാര്‍ അടങ്ങിയ പ്രത്യേക പാനല്‍ സിനിമ കണ്ടിരുന്നു. ചരിത്ര സംഭവങ്ങള്‍ സിനിമയില്‍ ഉള്‍പ്പെടുത്തിയിട്ടുള്ളതായി സിനിമാ പ്രവര്‍ത്തകര്‍ വ്യക്തമാക്കിയതിനെ തുടര്‍ന്നാണ് ബോര്‍ഡ് പാനലിനെ നിയോഗിച്ചത്. ചരിത്രകാരന്മാരായ അരവിന്ദ് സിങ്, ഡോ. ചന്ദ്രാമണി സിങ്, ജയ്പൂര് യൂണിവേഴ്‌സിറ്റി പ്രഫ. കെ. കെ സിങ് എന്നിവരായിരുന്നു പാനല്‍ അംഗങ്ങള്‍. പതിമൂന്നാം നൂറ്റാണ്ടിലെ ചിറ്റോറിലെ റാണി പത്മിനിയുടെ കഥയാണ് പത്മാവതി എന്ന ചിത്രത്തിന്റെ പ്രമേയം. റാണി പത്മിനിയുടെ കഥയാണെന്നറിഞ്ഞതോടെ ചിത്രത്തിനെതിരെ രജപുത്രകര്‍ണി സേന രംഗത്തെത്തി. ചിത്രത്തില്‍ ഡല്‍ഹി സുല്‍ത്താനായിരുന്ന അലാവുദ്ദീന്‍ ഖില്‍ജിയും പത്മാവതിയും തമ്മിലുള്ള പ്രണയ രംഗങ്ങളുണ്ടെന്നും ഇത് സമുദായത്തിന്റെ വികാരം വ്രണപ്പെടുത്തുന്നു എന്നും ആരോപിച്ചാണ് പ്രതിഷേധം ആരംഭിച്ചത്. പിന്നാലെ ഒട്ടേറെ ഹിന്ദു സംഘടനകള്‍ ചിത്രത്തിനെതിരെ രംഗത്തെത്തി. ചിത്രത്തിന്റെ റീലീസ് തടയുമെന്നും പ്രദര്‍ശന ശാലകള്‍ കത്തിയ്ക്കുമെന്നും അഭിനേതാക്കളെ അക്രമിക്കുമെന്നും ഭീഷണി ഉയര്‍ന്നു. ചില സംസ്ഥാനങ്ങള്‍ പോലും ചിത്രം നിരോധിക്കുന്ന സ്ഥിതിയിലേക്ക് എത്തി. ചിത്രത്തിന്റെ സര്‍ട്ടിഫിക്കേഷന്‍ നടപടികള്‍ പൂര്‍ത്തിയാകും മുന്‍പു ചില ടിവി ചാനലുകള്‍ക്ക് ചിത്രം സ്‌ക്രിനിങിന് നല്‍കിയും വിവാദമായി.
പുതുവര്‍ഷത്തില്‍ സമിതി യോഗം ചേര്‍ന്ന് പ്രദര്‍ശനം സംബന്ധിച്ച് അന്തിമ തീരുമാനമെടുക്കും. ഇതിനു ശേഷമായിരിക്കും പ്രദര്‍ശനം അനുവദിക്കുക.

]]> https://www.chandrikadaily.com/film-padmavati-to-get-ua-certificate-title-may-be-changed-to-padmavat.html/feed 0 ‘പദ്മാവതി’ക്കെതിരായ കൊലവിളി; തീവ്രവാദത്തെ തള്ളിപ്പറഞ്ഞ് ഉപരാഷ്ട്രപതി https://www.chandrikadaily.com/violent-threats-not-acceptable-in-democracy-venkaiah-naidu-on-padmavati-row.html https://www.chandrikadaily.com/violent-threats-not-acceptable-in-democracy-venkaiah-naidu-on-padmavati-row.html#respond Sat, 25 Nov 2017 13:30:11 +0000 http://www.chandrikadaily.com/?p=56121 ന്യൂഡല്‍ഹി: ബോളിവുഡ് ചിത്രം പദ്മാവതിക്കെതിരായ ഹിന്ദുത്വ സംഘടനകളുടെ ഭീഷണിയെയും പാരിതോഷിക പ്രഖ്യാപനത്തെയും പരോക്ഷമായി തള്ളിപ്പറഞ്ഞ് ഉപരാഷ്ട്രപതി വെങ്കയ്യ നായിഡു. എതിര്‍പ്പുകളുടെ പേരില്‍ മറ്റുള്ളവര്‍ക്കെതിരെ വധഭീഷണി മുഴക്കുന്നതും കയ്യും കാലും വെട്ടുന്നതിന് പ്രതിഫലം വാഗ്ദാനം ചെയ്യുന്നതും ജനാധിപത്യ ക്രമത്തില്‍ സ്വീകാര്യമല്ലെന്ന് അദ്ദേഹം അഭിപ്രായപ്പെട്ടു. ഡല്‍ഹിയില്‍ ഒരു സാഹിത്യോല്‍സവത്തില്‍ സംസാരിക്കവെയാണ് സംഘ്പരിവാര്‍ നേതാക്കളുടെ കൊലവിളിക്കും പാരിതോഷിക പ്രഖ്യാപനങ്ങള്‍ക്കുമെതിരെ ഉപരാഷ്ട്രപതി രംഗത്തെത്തിയത്. രാജ്യത്തെ നിയമവാഴ്ചയെ വിലകുറച്ചു കാണരുതെന്ന് ‘പദ്മാവതി’ സിനിമയുടെ പേര് പരാമര്‍ശിക്കാതെ വെങ്കയ്യ മുന്നറിയിപ്പ് നല്‍കി. ഇന്ത്യ ഭിന്നാഭിപ്രായങ്ങളെ അംഗീകരിക്കുന്ന രാജ്യമാണ്. എന്നാല്‍ ശിഥിലീകരണത്തെ യാതൊരു തരത്തിലും അനുവദിക്കില്ല. രാജ്യത്തിന്റെ ദേശീയോദ്ഗ്രഥനത്തിനും ഐക്യത്തിനും വികസനത്തിനും തുരങ്കം വെക്കുന്ന ശക്തികളെ മുളയിലെ നുള്ളിക്കളയണം. തലക്ക് വില പറയുന്നതും ശാരീരികമായി കൈകാര്യം ചെയ്യുമെന്ന് ഭീഷണിപ്പെടുത്തുന്നതും ജനാധിപത്യത്തില്‍ സ്വീകാര്യമല്ല. ചില പുതിയ ചിത്രങ്ങള്‍ മതവിഭാഗത്തെയും ജനവികാരത്തെയും വ്രണപ്പെടുത്തുന്നതായി പരാതിയുണ്ട്. ചിലര്‍ പ്രതിഷേധിക്കുന്നു. മറ്റു ചിലര്‍ ഒരു കോടി രൂപ പാരിതോഷികം പ്രഖ്യാപിക്കുന്നു. ഇത്രയും പണം എളുപ്പത്തില്‍ എവിടെ നിന്നാണ് കിട്ടുന്നതെന്ന് തനിക്ക് സംശയമുണ്ടെന്നും വെയ്യങ്ക പറഞ്ഞു. ‘ബഹുവിധ പാമ്പര്യവും ആചാര്യങ്ങളും ഉള്‍ക്കൊള്ളുന്ന, വലിയ മാറ്റങ്ങളും ചരിത്രപരമായ ദശാസന്ധിയും കടന്ന് വളര്‍ന്നുവന്ന രാഷ്ട്രമാണിത്. വിരൂപരായ ചിലരില്‍ നിന്ന് ഇടുങ്ങിയതും ഭ്രാന്തമായതുമായ പ്രവര്‍ത്തനങ്ങള്‍ ഉണ്ടാകുന്നുണ്ട്. വളരെ പഴക്കമേറിയ സംസ്‌കാരം ഉള്‍ക്കൊള്ളുന്ന യുവതലമുറയാണ് രാജ്യത്തുള്ളത്. ജനാധിപത്യത്തില്‍ അക്രമങ്ങള്‍ അംഗീകരിക്കില്ല. ജനാധിപത്യപരമായ രീതിയില്‍ നിങ്ങള്‍ക്ക് പ്രതിഷേധിക്കാം. എതിര്‍പ്പ് ഉന്നയിക്കാം. അതിന് അധികാരികളെ സമീപിക്കുകയാണ് വേണ്ടത്. ആരെയും ശാരീരികമായി ഉപദ്രവിക്കാനും ഭീഷണി മുഴക്കാനും ആര്‍ക്കും അധികാരമില്ല.’- ഉപരാഷ്ട്രപതി ചൂണ്ടിക്കാട്ടി. ഏതെങ്കിലും പ്രത്യേക ചലച്ചിത്രത്തെക്കുറിച്ചല്ല താന്‍ പറയുന്നതെന്നും വ്യക്തമാക്കിയ അദ്ദേഹം മുമ്പ് നിരോധിക്കപ്പെട്ട ചില സിനിമകളുടെ പേര് പരാമര്‍ശിച്ചതും ശ്രദ്ധേയമായി.

]]> https://www.chandrikadaily.com/violent-threats-not-acceptable-in-democracy-venkaiah-naidu-on-padmavati-row.html/feed 0 ഇത്തരം ഇന്ത്യക്കാരെ ഓര്‍ത്ത് ലജ്ജിക്കുന്നു; ബി.ജെ.പി നേതാവിനെപ്പറ്റി ചലച്ചിത്ര താരം സോനം കപൂര്‍ https://www.chandrikadaily.com/sonam-kapoor-tweet-abt-bjp-leader.html https://www.chandrikadaily.com/sonam-kapoor-tweet-abt-bjp-leader.html#respond Mon, 20 Nov 2017 14:32:55 +0000 http://www.chandrikadaily.com/?p=55204 പദ്മാവതി വിഷയത്തില്‍ ബി.ജെ.പിക്കും ഹിന്ദുത്വ ശക്തികള്‍ക്കുമെതിരെ കലാ രംഗത്തു നിന്നുള്ള പ്രതിഷേധം ശക്തമാവുന്നു. ബോളിവുഡില്‍ ഏറ്റവുമധികം പ്രതിഫലം പറ്റുന്ന വനിതാ താരങ്ങളിലൊരാളായ സോനം കപൂര്‍ ആണ് ഏറ്റവുമൊടുവില്‍ ഇക്കാര്യത്തില്‍ പരസ്യ പ്രതികരണം നടത്തിയിരിക്കുന്നത്. സംവിധായകന്‍ സഞ്ജയ് ലീലാ ഭന്‍സാലിയുടെയും നടി ദീപിക പദുക്കോണിന്റെയും തലവെട്ടുന്നവര്‍ക്ക് പത്ത് കോടി നല്‍കുമെന്ന് പ്രഖ്യാപിച്ച ബി.ജെ.പി നേതാവ് സുരാജ് പല്‍ അമുവിനെതിരെയാണ് സോനം രംഗത്തെത്തിയിരിക്കുന്നത്.

ഹരിയാന ബി.ജെ.പി മീഡിയാ കോഡിനേറ്ററായ സുരാജ് പല്‍ അമുവിന്റെ ഭീഷണി ഉള്‍പ്പെടുന്ന വാര്‍ത്ത പരാമര്‍ശിച്ച് സോനം കപൂര്‍ ട്വിറ്ററില്‍ കുറിച്ചതിങ്ങനെ: ‘ചുരുളഴിയുന്ന ഈ നാടകം എന്നെ ഭയപ്പെടുത്തുന്നു. ഇത് അസംബന്ധമാണ്. ഇത്തരത്തിലുള്ള ചില ഇന്ത്യക്കാരുടെ കാര്യത്തില്‍ ഞാന്‍ ലജ്ജിക്കുന്നു.’

പതിവു പോലെ സോനം കപൂറിനെതിരെ അസഭ്യ വര്‍ഷവുമായി സംഘ് പരിവാര്‍ അണികള്‍ രംഗത്തെത്തിയിട്ടുണ്ട്. അതേസമയം, അവരെ പിന്തുണച്ചും നിരവധി പേര്‍ രംഗത്തെത്തി.

]]> https://www.chandrikadaily.com/sonam-kapoor-tweet-abt-bjp-leader.html/feed 0 ഷബാന അത്തരക്കാരിയല്ല; പത്മാവതി വിവാദത്തില്‍ സംഘ്പരിവാര്‍ പ്രചരണം പൊളിച്ചടുക്കി രാജ്ദീപ് സര്‍ദേശായി https://www.chandrikadaily.com/rajdeep-sardeshai-supports-actress-shabana-azmi-on-padmavathy-releasing-issue-news.html https://www.chandrikadaily.com/rajdeep-sardeshai-supports-actress-shabana-azmi-on-padmavathy-releasing-issue-news.html#respond Mon, 20 Nov 2017 10:53:05 +0000 http://www.chandrikadaily.com/?p=55110 ബോളിവുഡ് ചിത്രം പദ്മാവതിയുമായി ബന്ധപ്പെട്ടുള്ള വിവാദങ്ങള്‍ക്കിടെ, നടി ഷബാന ആസ്മിക്കെതിരായ സംഘ് പരിവാര്‍ പ്രചരണത്തിന് മറുപടി നല്‍കി മുതിര്‍ന്ന മാധ്യമ പ്രവര്‍ത്തകന്‍ രാജ്ദീപ് സര്‍ദേശായ്. പദ്മാവതി സംവിധായകന്‍ സഞ്ജയ് ലീലാ ഭന്‍സാലിക്കും നടി ദീപിക പദുക്കോണിനും നേരെയുള്ള വധഭീഷണിയുടെ പശ്ചാത്തലത്തില്‍ ബോളിവുഡ് ഒന്നടങ്കം ഗോവയിലെ അന്താരാഷ്ട്ര ചലച്ചിത്രോത്സവം ബഹിഷ്‌കരിക്കണമെന്ന് ഷബാന ട്വിറ്ററില്‍ കുറിച്ചിരുന്നു. ‘ഭരണകൂടങ്ങള്‍ക്കനുസരിച്ച് നിലപാട് മാറുന്ന’ ഷബാനയെപ്പറ്റി എന്തു പറയുന്നു എന്ന ഒരു ട്വിറ്റര്‍ ഉപയോക്താവിന്റെ ചോദ്യത്തിനാണ്, ഷബാന ആസ്മിയുടെ മുന്‍കാല പ്രവര്‍ത്തനങ്ങള്‍ വിശദീകരിച്ച് സര്‍ദേശായ് മറുപടി നല്‍കിയത്.

‘താങ്കള്‍ പറഞ്ഞത് തെറ്റാണ്. ഇതേ ഷബാന ആസ്മിയാണ് 1989-ല്‍ കോണ്‍ഗ്രസ് ഭരിക്കുമ്പോള്‍ സഫ്ദര്‍ ഹാഷ്മിയുടെ മരണത്തില്‍ പ്രതിഷേധിച്ച് ഒരു ഫിലിം ഫെസ്റ്റിവല്‍ ബഹിഷ്‌കരിച്ചത്. മറ്റുള്ളവരെല്ലാം ഭയന്നപ്പോള്‍ തസ്ലീമ നസ്രിനെ സ്വീകരിക്കാന്‍ ധൈര്യം കാണിച്ചതും അവര്‍ തന്നെ.’ എന്നായിരുന്നു സര്‍ദേശായ്‌യുടെ ട്വീറ്റ്.

s

സഞ്ജയ് ലീലാ ഭന്‍സാലി സംവിധാനം ചെയ്ത ചിത്രത്തിനെതിരെ ഹിന്ദുത്വ തീവ്രവാദികള്‍ വിദ്വേഷ പ്രചരണമാണ് നടത്തുന്നത്. ഭന്‍സാലിയുടെയും ദീപികയുടെയും തലവെട്ടുന്നവര്‍ക്ക് പത്തു കോടി ഇനാം നല്‍കുമെന്ന് ഹരിയാനയിലെ ബി.ജെ.പി നേതാവ് സുരജ് പാല്‍ അമു പറഞ്ഞു. തങ്ങള്‍ക്ക് ഇഷ്ടപ്പെടാത്ത ഭാഗം നീക്കം ചെയ്യാതെ യു.പിയില്‍ ചിത്രം റിലീസിങ് അനുവദിക്കില്ലെന്നും ബി.ജെ.പി വ്യക്തമാക്കിയിട്ടുണ്ട്. നേരത്തെ പ്രഖ്യാപിച്ച ഡിസംബര്‍ ഒന്നിന് പദ്മാവതി റിലീസ് ചെയ്യേണ്ടെന്നാണ് നിര്‍മാതാക്കളുടെ തീരുമാനം.

]]> https://www.chandrikadaily.com/rajdeep-sardeshai-supports-actress-shabana-azmi-on-padmavathy-releasing-issue-news.html/feed 0 ദീപികയുടെയും സംവിധായകന്റെയും തലവെട്ടുന്നവര്‍ക്ക് പത്ത് കോടിയും സംരക്ഷണവും: ബി.ജെ.പി ചീഫ് മീഡിയ കോഡിനേറ്റര്‍ https://www.chandrikadaily.com/bjp-isis-model-threat-towards-deepika-and-bhansali.html https://www.chandrikadaily.com/bjp-isis-model-threat-towards-deepika-and-bhansali.html#respond Sun, 19 Nov 2017 16:06:31 +0000 http://www.chandrikadaily.com/?p=54965 ന്യൂഡല്‍ഹി: വിവാദമായ ‘പത്മാവതി’ സിനിമയുടെ സംവിധായകന്‍ സംഞ്ജയ് ലീലാ ഭന്‍സാലി, ചിത്രത്തിലെ നായിക ദീപിക പദുക്കോണ്‍ എന്നിവരുടെ തലവെട്ടുന്നവര്‍ക്ക് അഞ്ച് കോടി വാഗ്ദാനം ചെയ്ത മീററ്റിലെ തീവ്രവാദികള്‍ക്ക് പിന്തുണയുമായി ബി.ജെ.പി ഹരിയാന ഘടകം ചീഫ് മീഡിയ കോഡിനേറ്റര്‍ സുരാജ് പല്‍ അമു. ഇരുവരുടെയും തലവെട്ടുന്നവര്‍ക്ക് പത്ത് കോടി രൂപനല്‍കുകയും കുടുംബങ്ങള്‍ക്ക് പൂര്‍ണ സുരക്ഷ ഉറപ്പു നല്‍കുകയും ചെയ്യുമെന്ന് അമു പറഞ്ഞു.

നേരത്തെ മീററ്റിലെ സര്‍ധന ചൗബിസി എന്ന സംഘടനയിലെ അംഗമായ ഠാക്കൂര്‍ അഭിഷേക് സോം ആണ്, ബോളിവുഡിലെ ശ്രദ്ധേയ സംവിധായകരിലൊരാളായ ഭന്‍സാലിയുടെയും ദീപിക പദുക്കോണിന്റെയും തലവെട്ടാന്‍ ആഹ്വാനം ചെയ്ത് മുന്നോട്ടു വന്നത്. പത്മാവതി റാണിയെ മോശമായി ചിത്രീകരിക്കുകയാണ് ഭന്‍സാലിയുടെ ചിത്രമെന്നും ഇത് അനുവദിക്കില്ലെന്നും ഠാക്കൂര്‍ പറഞ്ഞു. സമാജ്‌വാദി പാര്‍ട്ടിയുമായി തനിക്ക് അടുപ്പമുണ്ടെന്നും ഠാക്കൂര്‍ അവകാശപ്പെട്ടു.

ഹരിയാനയില്‍ ബി.ജെപിയുടെ മാധ്യമ വിഭാഗം കൈകാര്യം ചെയ്യുന്ന സുരാജ് പല്‍ അമു, ഭന്‍സാലിയെ പന്തുണച്ച നടന്‍ രണ്‍വീര്‍ സിങ് തന്റെ അഭിപ്രായം പിന്‍വലിച്ചില്ലെങ്കില്‍ കാല്‍ തല്ലിയൊടിക്കുമെന്നും ഭീഷണിപ്പെടുത്തി. ‘വാക്കുകള്‍ പിന്‍വലിച്ചില്ലെങ്കില്‍ കാലൊടിച്ച് കൈയില്‍ വെച്ചുതരും’ എന്നായിരുന്നു ഭീഷണി. ചിത്രത്തില്‍ അലാവുദ്ദീന്‍ ഖില്‍ജിയായി വേഷമിടുന്ന രണ്‍വീര്‍ സിങ്, 200 ശതമാനവും ഭന്‍സാലിക്കു പിന്നില്‍ ഉറച്ചു നില്‍ക്കുന്നതായി വ്യക്തമാക്കിയിരുന്നു.

അതിനിടെ, ഭീഷണികളുടെ പശ്ചാത്തലത്തില്‍ നേരത്തെ നിശ്ചയിച്ചിരുന്ന ഡിസംബര്‍ ഒന്നിന് ചിത്രം റിലീസ് ചെയ്യില്ലെന്ന് നിര്‍മാതാക്കള്‍ വ്യക്തമാക്കിയിട്ടുണ്ട്. തങ്ങള്‍ക്ക് ഹിതകരമല്ലാത്ത ഭാഗങ്ങള്‍ ചിത്രത്തില്‍ നിന്ന് നീക്കം ചെയ്താലല്ലാതെ ഉത്തര്‍ പ്രദേശില്‍ റിലീസിങ് അനുവദിക്കില്ലെന്ന് ഉപമുഖ്യമന്ത്രി കേശവ് പ്രസാദ് മൗര്യ പറഞ്ഞു.

]]> https://www.chandrikadaily.com/bjp-isis-model-threat-towards-deepika-and-bhansali.html/feed 0