പാക് വ്യോമസേന എട്ട് എല്‍ എസ് -6 ബോംബുകള്‍ ഇട്ടതായാണ് റിപ്പോര്‍ട്ട്. ആക്രമണത്തില്‍ ഗ്രാമത്തിന്റെ ഭൂരിഭാഗവും നശിച്ചു. നടപടിയുടെ ലക്ഷ്യം തെഹരീക് ഇ-താലിബാന്‍ ഭീകരരുടെ ഒളിത്താവളങ്ങളായിരുന്നുവെങ്കിലും, കൊല്ലപ്പെട്ടവരില്‍ ഭീകരര്‍ ഇല്ല, സാധാരണ ഗ്രാമവാസികളാണ് കൊല്ലപ്പെട്ടത്.

2022 ഏപ്രിലില്‍ അവിശ്വാസ പ്രമേയത്തിലൂടെ പുറത്താക്കിയെങ്കിലും തിരഞ്ഞെടുപ്പ് നേരത്തെയാക്കണമെന്ന് ആവശ്യപ്പെട്ട് കാടിളക്കി ഓടി നടക്കുന്ന അദ്ദേഹത്തെ വെറുതെവിട്ടാല്‍ പാക് രാഷ്ട്രീയ ഭൂപടത്തില്‍നിന്ന് തങ്ങള്‍ തുടച്ചുനീക്കപ്പെടുമെന്ന് പലരും ഭയക്കുന്നുണ്ട്. അടുത്തൊരു തിരഞ്ഞെടുപ്പ് നടത്തിയാല്‍ ഇമ്രാന്‍ ഖാന്‍ വീണ്ടും അധികാരത്തില്‍ തിരിച്ചെത്തുമെന്ന് അദ്ദേഹത്തെ അനുകൂലിക്കുന്നവര്‍ക്കും പ്രതികൂലിക്കുന്നവര്‍ക്കും ഒരുപോലെ അറിയാം. തിരഞ്ഞെടുപ്പിന് മുമ്പ് ഇമ്രാന്‍ ഖാനെ പിടിച്ചുകെട്ടി ഭീഷണി ഒഴിവാക്കാനുള്ള കോലാഹലങ്ങളാണ് രാജ്യത്തിപ്പോള്‍ ഉയര്‍ന്നു കേള്‍ക്കുന്നത്. വല മുറുക്കുന്നിന്റെ ഭാഗമായി പ്രധാനമന്ത്രി പദത്തില്‍നിന്ന് പുറത്താക്കപ്പെട്ട ശേഷം അദ്ദേഹത്തിനെതിരെ ചെറുതും വലുതുമായി നൂറിലേറെ കേസുകള്‍ കൊണ്ടുവന്നിട്ടുണ്ട്. അറസ്റ്റ് നീക്കങ്ങള്‍ പലതും നടന്നെങ്കിലും പ്രതീക്ഷിച്ചതു പോലെ ഫലം കണ്ടില്ല. ഏറ്റവുമൊടുവില്‍ ഇസ്‌ലാമാബാദ് ഹൈക്കോടതിയില്‍ ഹാജരാകാനെത്തിയപ്പോള്‍ പാക് റേഞ്ചര്‍മാര്‍ ഭീകരാന്തരീക്ഷം സൃഷ്ടിച്ച് പിടിച്ചുകൊണ്ടുപോയെങ്കിലും സുപ്രീംകോടതി ഇടപെട്ട് അദ്ദേഹത്തെ വിട്ടയച്ചു. കോടതി വളപ്പില്‍നിന്ന് അറസ്റ്റ് വാറന്റ് പോലുമില്ലാതെ ഒരാളെ കസ്റ്റഡിയിലെടുക്കുന്നത് നിയമവിരുദ്ധമാണെന്ന് ചൂണ്ടിക്കാട്ടിയാണ് സുപ്രീംകോടതി ജാമ്യം അനുവദിച്ചത്. പാക് ജുഡീഷ്യറി ഇമ്രാന്‍ ഖാന്റെ കൂടെയാണെന്ന്് ഭരണകൂടവും സൈന്യവും ഒരുപോലെ സംശയിക്കുന്നുണ്ട്. പൊതുതിരഞ്ഞെടുപ്പിന് മുമ്പ് അദ്ദേഹത്തെ അയോഗ്യത കല്‍പ്പിച്ച് പുറത്തുനിര്‍ത്താനാണ് ഭരണകൂടം തന്ത്രങ്ങള്‍ മെനയുന്നത്. അതിന് ഏതെങ്കിലും കേസില്‍ കുടുക്കി കോടതിയെക്കൊണ്ട് ശിക്ഷ വാങ്ങിക്കൊടുക്കണം. പക്ഷെ, ജുഡീഷ്യറിയുടെ സ്വന്തക്കാരനെ അത്ര എളുപ്പം തൊടാനാവില്ലെന്നതാണ് സത്യം.

രാഷ്ട്രീയ ശത്രുവിനെ രക്തരഹിത ഓപ്പറേഷനിലൂടെ കീഴ്‌പ്പെടുത്താനായില്ലെങ്കില്‍ രക്തമൊഴുക്കി ലക്ഷ്യം നേടാന്‍ ശ്രമിച്ച പാരമ്പര്യം പാകിസ്താനുണ്ട്. മുന്‍ പ്രധാനമന്ത്രിമാരായ സുല്‍ഫിക്കര്‍ അലി ഭൂട്ടോയും മകള്‍ ബേനസീര്‍ ഭൂട്ടോയുമൊക്കെ അതിന്റെ ഇരകള്‍. കഴിഞ്ഞ വര്‍ഷം നവംബറില്‍ വസീറാബാദിലെ ഒരു രാഷ്ട്ര റാലിയില്‍ സംസാരിക്കവെ വെടിയേറ്റത് ഇമ്രാന്‍ ഖാനുള്ള അപായ സൂചന മാത്രമാണ്. കഴിഞ്ഞ ദിവസം നടന്ന അറസ്റ്റിനുശേഷം അദ്ദേഹത്തെ കസ്റ്റഡിയില്‍ ആസൂത്രിതമായി കൊലപ്പെടുത്താന്‍ ശ്രമിച്ചുവെന്ന് അഭിഭാഷകര്‍ ആരോപിക്കുന്നുണ്ട്. പാക് ആഭ്യന്തര മന്ത്രി റാണ സനാഉല്ല കടുംകൈകളെക്കുറിച്ച് പലവട്ടം സൂചിപ്പിച്ചുകഴിഞ്ഞു. ഇമ്രാന്‍ ഖാനെ ഉന്മൂലനം ചെയ്യേണ്ടിവരുമെന്ന് ഭീഷണി മുഴക്കിയ അദ്ദേഹം അടുത്തിടെ പി.ടി.ഐയെ നിരോധിക്കുമെന്നും പ്രഖ്യാപിച്ചിട്ടുണ്ട്. ഇമ്രാന്‍ ഖാന്‍ കൂട്ടിലൊതുങ്ങുന്നില്ലെങ്കില്‍ പി.ടി.ഐയെ നിരോധിച്ചെങ്കിലും ഭീഷണി ഒഴിവാക്കാനുള്ള നീക്കങ്ങളാണ് ഭരണകൂടം നടത്തുന്നത്. രാഷ്ട്രീയ അധികാരവടം വലിയിലും കുതികാല്‍ വെട്ടിലും പരാജയപ്പെടുന്നത് പാകിസ്താന്‍ എന്ന രാജ്യമാണ്. രാഷ്ട്രീയ ബലപരീക്ഷങ്ങള്‍ക്കിടയില്‍ അടിസ്ഥാന പ്രശ്‌നങ്ങള്‍ അവഗണിക്കപ്പെടുകയും ജനങ്ങള്‍ പട്ടിണി കിടക്കേണ്ടിയും വരുന്നു. കോവിഡ് മഹാമാരിക്കുശേഷം തകര്‍ന്നുകൊണ്ടിരിക്കുന്ന പാക് സമ്പദ്ഘടനയെ രക്ഷിക്കാന്‍ ശക്തമായ ഭരണകൂടം അധികാരത്തില്‍ വരേണ്ടതുണ്ട്. പാകിസ്താന്റെ ഇതുവരെയുള്ള ചരിത്രം പരിശോധിക്കുമ്പോള്‍ അത്തരമൊരു സാധ്യത സമീപ കാലത്തൊന്നും പ്രതീക്ഷിക്കേണ്ടതില്ല.

പ്രദീപ് കുരുൽക്കറിനെ പാക്കിസ്ഥാൻ ഏജൻസി ഹണി ട്രാപ്പിൽ കുടുക്കി തങ്ങളുടെ ആവശ്യാനുസരണം ഉപയോഗിക്കുകയായിരുന്നു എന്നാണ് ഔദ്യോഗിക വിശദീകരണം. ഡിആർഡിഒയുടെ വിശ്രാന്ദ് വാഡിയിലുള്ള പ്രീമിയർ സിസ്റ്റംസ് എഞ്ചിനീയറിങ് വിഭാഗത്തിന്റെ ചുമതലയുണ്ടായിരുന്ന ഡയറക്ടറായിരുന്നു പ്രദീപ് കുരുൽക്കർ.പാക് രഹസ്യാന്വേഷണ ഏജൻസിയുമായി ഇയാൾ വാട്സ്ആപ്പ് വഴിയാണ് ബന്ധപ്പെട്ടത്. ഇതിന്റെ തെളിവുകൾ എടിഎസിന് ലഭിച്ചു.

ലാഹോർ, ഇസ്ലാമാബാദ്, റാവൽപിണ്ടി, ക്വറ്റ, പെഷവാർ, കൊഹാട്ട്, ലക്കി മർവാട്ട്, തുടങ്ങിയ സ്ഥലങ്ങളിലും ഭൂചലനം അനുഭവപ്പെട്ടു.ഗുജ്‌റൻവാല, ഗുജറാത്ത്, സിയാൽകോട്ട്, കോട് മോമിൻ, മധ് രഞ്ജ, ചക്‌വാൾ, കോഹട്ട്, ഗിൽജിത്-ബാൾട്ടിസ്ഥാൻ മേഖലകളിലും ശക്തമായ ഭൂചലനം അനുഭവപ്പെട്ടതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.

അന്താരാഷ്ട്ര ഭൂകമ്പ കേന്ദ്രത്തിന്റെ കണക്കനുസരിച്ച്, പാകിസ്ഥാനെ കൂടാതെ, ഇന്ത്യ, അഫ്ഗാനിസ്ഥാൻ, തുർക്ക്മെനിസ്ഥാൻ, കസാക്കിസ്ഥാൻ, താജിക്കിസ്ഥാൻ, ഉസ്ബെക്കിസ്ഥാൻ, ചൈന, കിർഗിസ്ഥാൻ എന്നിവിടങ്ങളിലും ഭൂചലനം അനുഭവപ്പെട്ടു.

പെട്രോളിന് 12.8 ശതമാനമാണ് ഒറ്റയടിക്കു കൂട്ടുന്നത്. ഇതോടെ, പെട്രോള്‍ ലീറ്ററിന് 250 ല്‍നിന്ന് 282 രൂപയാകും. ഡീസലിന് 12.5 ശതമാനം കൂട്ടുന്നതോടെ ലീറ്ററിന് 262.8ല്‍ നിന്ന് 295.64 രൂപയാകും. മണ്ണെണ്ണവിലയും വര്‍ധിക്കും. ലീറ്ററിന് 217.88 രൂപയാകും പുതിയ വില.

പാക്ക് രൂപയുടെ മൂല്യം കുറയുന്നതും എണ്ണ ഇറക്കുമതിയുടെ ചെലവ് കൂടുന്നതുമാണ് ഇന്ധനവില വര്‍ധനയില്‍ പ്രതിഫലിക്കുന്നത് എന്നാണു റിപ്പോര്‍ട്ട്. ഈ മാസം ആദ്യം ഇന്ധനവില ലീറ്ററിന് 35 രൂപ കൂട്ടിയിരുന്നു. പാല്‍, പച്ചക്കറി, മാംസം ഉള്‍പ്പെടെയുള്ള നിത്യോപയോഗ സാധനങ്ങള്‍ക്കും രാജ്യത്തു വലിയ വിലക്കയറ്റമാണ്.

പണം എത്ര എണ്ണി നല്‍കിയാലും ലഭിക്കാത്ത രൂപത്തില്‍ രാജ്യത്തെ പല പെട്രോള്‍ പമ്പുകളും കാലിയാണ്. ഭക്ഷ്യവസ്തു വിലയും കുതിച്ചുയരുകയാണ്. ജനങ്ങള്‍ കടുത്ത ദാരിദ്ര്യത്തിലേക്ക് കൂപ്പുകുത്തിക്കഴിഞ്ഞു. ഇത്രയും കാലം ഊതി വീര്‍പ്പിച്ചുനിര്‍ത്തിയിരുന്ന സമ്പദ്ഘടന പെട്ടെന്ന് കാറ്റൊഴിഞ്ഞപ്പോള്‍ എന്തു ചെയ്യണമെന്ന് അറിയാതെ നെട്ടോട്ടമോടുകയാണ് പാകിസ്താന്‍ ഭരണകൂടം.

കേന്ദ്ര ബജറ്റ് അവതരണത്തിനുശേഷം കോര്‍പറേറ്റുകളുടെ കയ്യടി കേട്ട് സുഖിച്ചിരിക്കുന്ന കേന്ദ്ര മന്ത്രി നിര്‍മല സീതാരാമനും പാകിസ്താനിലേക്ക് കണ്ണോടിക്കുന്നത് നല്ലതാണ്. നരേന്ദ്ര മോദിയുടെ നേതൃത്വത്തില്‍ ബി.ജെ.പി കേന്ദ്രത്തില്‍ അധികാരത്തിലെത്തിയശേഷം ബജറ്റ് അവതരണമെന്നാല്‍ രാഷ്ട്രീയ പ്രസംഗമായി അധ:പതിച്ചിട്ടുണ്ട്. സുന്ദരമായ വാചകങ്ങളോടൊപ്പം ചില സംഖ്യകളും വിദഗ്ധമായി ഘടിപ്പിച്ചുണ്ടാക്കിയ പ്രസംഗം ഒമ്പത് സംസ്ഥാനങ്ങളില്‍ നടക്കാനിരിക്കുന്ന നിയമസഭാ തിരഞ്ഞെടുപ്പും 2024ലെ ലോക്‌സഭാ തിരഞ്ഞെടുപ്പും ലക്ഷ്യമിട്ടാണെന്ന ആരോപണത്തെ ഇന്ത്യന്‍ ജനത മുഖ വിലക്കെടുത്തില്ലെങ്കില്‍ അയല്‍ രാജ്യങ്ങളെ വിഴുങ്ങിക്കൊണ്ടിരിക്കുന്ന പ്രതിസന്ധികള്‍ ഇന്ത്യയിലേക്ക് അതിര്‍ത്തി കടക്കാനും അധികം കാത്തിരിക്കേണ്ടിവരില്ല.

മോദി സര്‍ക്കാറിന്റെ സ്വന്തക്കാരനായ അദാനി പൊട്ടാനിരിക്കുന്ന മറ്റൊരു ബലൂണാണെന്ന റിപ്പോര്‍ട്ട് ഇന്ത്യന്‍ ഓഹരി വിപണിയില്‍ പ്രകമ്പനങ്ങള്‍ സൃഷ്ടിച്ചുകൊണ്ടിരിക്കുകയാണ്. കണക്കുകളില്‍ കൃത്രിമം കാട്ടി രാജ്യം സാമ്പത്തികമായി കുതിച്ചുകൊണ്ടിരിക്കുന്നുവെന്ന് വരുത്തി തീര്‍ത്തതുകൊണ്ട് കാര്യമായില്ല. യാഥാര്‍ത്ഥ്യങ്ങള്‍ ഉള്‍ക്കൊണ്ട് മുന്നോട്ടുപോകാനാണ് ശ്രമിക്കേണ്ടത്.

സമ്പദ്ഘടനയ്ക്ക് വമ്പന്‍ തകര്‍ച്ച സംഭവിക്കാന്‍ പാകിസ്താനും പലവിധ ന്യായങ്ങള്‍ നിരത്തുന്നുണ്ട്. ജനങ്ങളുടെ ചോദ്യങ്ങള്‍ക്കുമുന്നില്‍ ഉത്തരം കിട്ടാതാകുമ്പോള്‍ ഭരണകൂടങ്ങള്‍ മുന്നോട്ടുവെക്കുന്ന പതിവ് ന്യായങ്ങള്‍ക്കപ്പുറം അവയ്‌ക്കൊന്നിനും വിലയില്ല. യുക്രെയ്ന്‍ യുദ്ധത്തെ തുടര്‍ന്ന് ആഗോളതലത്തില്‍ സംഭവിച്ചുകൊണ്ടിരിക്കുന്ന സാമ്പത്തക തകര്‍ച്ചയോടൊപ്പം കഴിഞ്ഞവര്‍ഷം ജൂണിലുണ്ടായ പ്രളയത്തിലേക്കും പാക് സര്‍ക്കാര്‍ വിരല്‍ ചൂണ്ടുന്നു. പക്ഷേ, അതിനപ്പുറം അടിസ്ഥാനപരമായ നിരവധി ഘടകങ്ങള്‍ പാകിസ്താനെ കുത്തുപാള എടുപ്പിച്ചതിന് പിന്നില്‍ ഉണ്ടെന്നതാണ് യാഥാര്‍ത്ഥ്യം.

അധികാരത്തിനുവേണ്ടി രാജ്യത്തെ മുഖ്യധാരാ പാര്‍ട്ടികള്‍ നടത്തിയ കടിപിടികളും പാരവെപ്പുകളുമാണ് അതില്‍ മുഖ്യം. പാകിസ്താന്‍ തെഹ്‌രീകെ ഇന്‍സാഫ് പാര്‍ട്ടി നേതാവും മുന്‍ ക്രിക്കറ്റ് ക്യാപ്റ്റനുമായ ഇമ്രാന്‍ഖാന്റെ രക്തത്തിനുവേണ്ടി ദാഹിച്ച പ്രധാനമന്ത്രിക്കസേരയില്‍നിന്ന് അദ്ദേഹത്തെ താഴെയിറക്കാന്‍ കാണിച്ച ആവേശം രാജ്യത്തിന്റെ വിശാല താല്‍പര്യങ്ങള്‍ സംരക്ഷിക്കുന്നതില്‍ കാണിച്ചില്ലെന്നതാണ് യാഥാര്‍ത്ഥ്യം. പാകിസ്താന്‍ പീപ്പിള്‍സ് പാര്‍ട്ടിയെയും നവാസ് ഷരീഫിന്റെ പാകിസ്താന്‍ മുസ്‌ലിംലീഗിനെയും നിഷ്പ്രഭരാക്കി കുറഞ്ഞ കാലം കൊണ്ട് പാക് രാഷ്ട്രീയത്തില്‍ കാലുറപ്പിച്ച ഇമ്രാന്‍ഖാനെ അധികാരത്തില്‍നിന്ന് പുറത്താക്കാന്‍ ഭിന്നതകളെല്ലാം മറന്ന് കൈകോര്‍ത്ത് പുതിയ ഭരണകൂടത്തിന് രൂപം നല്‍കിയെങ്കിലും സമ്പദ്ഘടനയെ ശക്തിപ്പെടുത്താനും ആഭ്യന്തര ക്രമസമാധാനം ഉറപ്പാക്കാനും അവര്‍ക്ക് താല്‍പര്യമുണ്ടായിരുന്നില്ല. ഇപ്പോഴും അടുത്ത തിരഞ്ഞെടുപ്പില്‍ നേടാനിരിക്കുന്ന ജയ പരാജയങ്ങളെക്കുറിച്ചാണ് ഇമ്രാന്‍ ഖാനും പ്രധാനമന്ത്രി ഷഹ്ബാസ് ഷരീഫ് ഉള്‍പ്പെടെയുള്ള നേതാക്കളും സംസാരിച്ചുകൊണ്ടിരിക്കുന്നത്.

ഇന്ത്യയിലും തിരഞ്ഞെടുപ്പ് നേട്ടങ്ങളില്‍ കണ്ണുനട്ട് മോദി സര്‍ക്കാര്‍ വാഗ്ദാന പെരുമഴ പെയ്യിക്കുകയാണ്. മോഹന പ്രഖ്യാപനങ്ങള്‍ ബജറ്റ് പ്രസംഗത്തോടെ അവസാനിക്കുമെന്നും അടുത്ത വര്‍ഷം വരെ അതേക്കുറിച്ച് ചോദ്യമുണ്ടാകില്ലെന്നുമുള്ള ആശ്വാസത്തിലാണ് സര്‍ക്കാറുള്ളത്. വര്‍ഗീയ പ്രചാരണങ്ങളിലൂടെയും ന്യൂനപക്ഷങ്ങളില്‍ ഭീതി വിതച്ച് പ്രക്ഷുബ്ധാന്തരീക്ഷം സൃഷ്ടിച്ചും ജന ശ്രദ്ധ തിരിച്ച് കാലം തള്ളിനീക്കാമെന്നാണ് ബി.ജെ.പി കണക്കുകൂട്ടുന്നതെന്ന് മുന്‍കാല അനുഭവങ്ങള്‍ സാക്ഷ്യപ്പെടുത്തുന്നു.

പാകിസ്താനില്‍ നെയ്യ്, ഭക്ഷ്യ എണ്ണ തുടങ്ങിയവയ്ക്കാണ് നിലവില്‍ വലിയ ക്ഷാമം നേരിടാന്‍ സാധ്യതയുള്ളതായി വ്യാപാരികള്‍ ചൂണ്ടിക്കാട്ടുന്നത്. നെയ്യുടെയും ഭക്ഷ്യ എണ്ണയുടെയും ലഭ്യതയില്‍ കടുത്ത ദൗര്‍ലഭ്യം നേരിടാന്‍ സാധ്യതയുണ്ടെന്ന് കൊരങ്കി അസോസിയേഷന്‍ ഓഫ് ട്രേഡ് ആന്‍ഡ് ഇന്‍ഡസ്ട്രി പ്രസിഡന്റ് ഷെയ്ഖ് ഉമര്‍ റെഹാന്‍ മുന്നറിയിപ്പ് നല്‍കി.

നിലവിലെ സാഹചര്യം ഭീഷണി ഉയര്‍ത്തുന്നുണ്ടെങ്കിലും സര്‍ക്കാര്‍ ഈ വിഷയത്തില്‍ ശ്രദ്ധ ചെലുത്തുന്നില്ലെന്നും ഷെയ്ഖ് ഉമര്‍ റെഹാന്‍ ആശങ്ക ഉന്നയിച്ചു. തുറമുഖങ്ങളില്‍ എത്തിയ ചരക്കുകളുടെ ഫയലുകള്‍ തീര്‍പ്പാക്കുന്നതില്‍ ബാങ്കുകള്‍ പരാജയപ്പെടുകയാണെന്നും അടുത്ത 20 മുതല്‍ 30 വരെ ദിവസങ്ങള്‍ക്കുള്ളില്‍ രാജ്യത്ത് ഭക്ഷ്യക്ഷാമം ഉണ്ടാകുമെന്നും അദ്ദേഹം പ്രസ്താവനയില്‍ പറഞ്ഞു.

നിലവിലെ സാഹചര്യത്തില്‍ വലിയ വെല്ലുവിളിയാണ് രാജ്യത്തെ ജനങ്ങള്‍ക്ക് മുന്നിലുള്ളത്. എന്നാല്‍ സര്‍ക്കാര്‍ ഇക്കാര്യത്തില്‍ ഒരു നടപടിയും സ്വീകരിക്കുന്നില്ലെന്ന് റെഹാന്‍ വിമര്‍ശിച്ചു. അവശ്യവസ്തുക്കളുടെ ഇറക്കുമതിക്കായി ബാങ്കുകള്‍ ലെറ്റര്‍ ഓഫ് ക്രെഡിറ്റ് തുറന്നില്ലെങ്കില്‍ സ്ഥിതി കൂടുതല്‍ വഷളാകുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

പ്രാര്‍ത്ഥനയ്ക്കിടെയാണ് ചാവേര്‍ പൊട്ടിത്തെറിച്ചത്. ഈ സമയത്ത് 260ഓളം വിശ്വാസികള്‍ പള്ളിക്കുള്ളില്‍ ഉണ്ടായിരുന്നതായി പൊലീസ് വൃത്തങ്ങള്‍ വ്യക്തമാക്കി. സ്‌ഫോടനത്തില്‍ പള്ളിയുടെ ഒരുഭാഗം പൂര്‍ണമായി തകര്‍ന്നു.

Tragic mosque blast in #Peshawar leaves many casualties. Alkhidmat teams are supporting the emergency response on the ground. Praying for the victims. pic.twitter.com/t74oZcoFgK

— Alkhidmat Foundation Pakistan (@AlkhidmatOrg) January 30, 2023

നിരവധി പേര്‍ ഇപ്പോഴും പള്ളിക്കുള്ളില്‍ കുടുങ്ങിക്കിടക്കുകയാണെന്നും രക്ഷാപ്രവര്‍ത്തനം ആരംഭിച്ചതായും പൊലീസ് അറിയിച്ചു.

പാകിസ്ഥാന്‍ താലിബാനാകാം സ്‌ഫോടനത്തിന് പിന്നില്‍ എന്നാണ് പൊലീസിന്റെ പ്രാഥമിക വിലയിരുത്തല്‍. സുരക്ഷാ ഉദ്യോഗസ്ഥര്‍ക്കും പൊലീസുകാര്‍ക്കും നേരെ സ്ഥിരമായി പാക് താലിബാന്‍ ആക്രമണം നടത്താറുണ്ട്.

പെഷവാറിലെ അതീവ സുരക്ഷാ മേഖലയിലാണ് ആക്രമണം നടന്നത്. ഉന്നത പൊലീസ് ഉദ്യോഗസ്ഥരും അഭിഭാഷകരും ഉള്‍പ്പെടെ പ്രാര്‍ത്ഥനയ്ക്ക് എത്തുന്ന പള്ളിയാണിത്. ആക്രമണത്തെ പാകിസ്ഥാന്‍ പ്രധാനമന്ത്രി ഷെഹബാസ് ഷെരീഫ് അപലപിച്ചു.