ശനിയാഴ്ച രാവിലെ 8മണിയോടെയാണ് നഗരസഭയുടെ മതില്‍ചാടികടന്ന് ബിനീഷ് അകത്തുകയറിയത്. കോണി വഴി മുകളില്‍കയറി രാഷ്ട്രപിതാവിന്റെ അര്‍ധകായ പ്രതിമയില്‍ ബി.ജെ.പി കൊടി കെട്ടുന്നത് സമീപത്തെ സിസിടിവില്‍ വ്യക്തമായിരുന്നു.

ദൃശ്യം കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെകുറിച്ച് വിവരം ലഭിച്ചത്. പൊലീസ് എത്തിയാണ് കൊടി അഴിപ്പിച്ചത്.

ബി.ജെ.പിയുടെ ഒരംഗം വോട്ടെടുപ്പില്‍ നിന്ന് വിട്ടുനിന്നു. നേരത്തെ വികസനകാര്യ ക്ഷേമകാര്യ പൊതുമരാമത്ത് സ്ഥിരം സമിതി അധ്യക്ഷന്‍മാര്‍ക്കെതിരെ കൊണ്ടുവന്ന പ്രമേയങ്ങള്‍ പാസായിരുന്നു. നഗരസഭാ വൈസ് ചെയര്‍മാനെതിരെയും ചെയര്‍പേഴ്‌സണെതിരെയും അവിശ്വാസ പ്രമേയം കൊണ്ടുവരാനാണ് പ്രതിപക്ഷത്തിന്റെ അടുത്ത നീക്കം.