മീഡിയ ഓഫീസ് പ്രസ്താവനയില്‍ ഇസ്രാഈല്‍ വെടിനിര്‍ത്തല്‍ കരാറിന്റെ ഗുരുതരവും വ്യവസ്ഥാപിതവുമായ ലംഘനങ്ങള്‍ തുടരുന്നതിനെ ശക്തമായി അപലപിച്ചു.

അവസാന 24 മണിക്കൂറിനുള്ളില്‍ ഗസ്സയില്‍ നടന്ന ഇസ്രഈലി വ്യോമാക്രമണത്തില്‍ 24 പേര്‍ കൊല്ലപ്പെട്ടു. കുട്ടികള്‍ ഉള്‍പ്പെടുന്നു. 87 പേര്‍ക്ക് പരിക്കേല്‍ക്കുകയും ചെയ്തു. ഗസ്സയിലെ തിരക്കേറിയ തെരുവില്‍ ഇസ്രഈലി ഡ്രോണ്‍ പൊട്ടിത്തെറിച്ചതില്‍ 5 പേര്‍ മരിക്കുകയും 7 പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു.

ഇസ്രാഈല്‍ അധീനതയിലുള്ള പ്രദേശത്ത് ഹമാസ് സേന ഇസ്രാഈല്‍ സൈനികരെ ആക്രമിച്ചതിനൊടുവിലാണ് തിരിച്ചാക്രമണം നടത്തിയതെന്ന് പ്രധാനമന്ത്രി ബിന്യമിന്‍ നെതന്യാഹുവിന്റെ ഓഫീസ് വ്യക്തമാക്കി.

അമേരിക്കയുടെ നേതൃത്വത്തില്‍ ഗസ്സയില്‍ വിന്യസിക്കാന്‍ പോകുന്ന അന്താരാഷ്ട്ര സേനയിലേക്ക് സ്വന്തം സൈനികരെ അയക്കാന്‍ തയാറാണെന്ന് തുര്‍ക്കി അറിയിച്ചു. ഇസ്രാഈലിന്റെ എതിര്‍പ്പുകള്‍ വകവെയ്ക്കാതെ തന്നെയാണ് തുര്‍ക്കിയുടെ തീരുമാനം.

ഗസ്സയില്‍ അന്താരാഷ്ട്ര സേനയെ വിന്യസിക്കുന്നതിനുള്ള കരട് പ്രമേയത്തിന് ഐക്യരാഷ്ട്രസഭ രക്ഷാ സമിതി അംഗീകാരം നല്‍കി. അതിര്‍ത്തി സുരക്ഷിതമാക്കാനും സാധാരണക്കാരെ സംരക്ഷിക്കാനും ഫലസ്തീന്‍ പൊലീസിനൊപ്പം ഇസ്രാഈലും ഈജിപ്തും സഹകരിക്കും എന്ന് പ്രമേയം വ്യക്തമാക്കുന്നു.

വെടിനിര്‍ത്തല്‍ കരാര്‍ പ്രാബല്യത്തില്‍ എത്തിയിട്ടും ഗസ്സയിലെ സംഘര്‍ഷം വീണ്ടും രൂക്ഷമാകുന്ന സാഹചര്യമാണിപ്പോള്‍.

2025 ആഗസ്റ്റ് 25ന് ഖാന്‍ യൂനിസിലെ നാസര്‍ മെഡിക്കല്‍ കോംപ്ലക്‌സില്‍ ഇസ്രാഈല്‍ നടത്തിയ വ്യോമാക്രമണത്തിലാണ് ജേണലിസ്റ്റായ മറിയം അബൂ ദഖ കൊല്ലപ്പെട്ടത്. ഗസ്സയിലെ മനുഷ്യരുടെ കഷ്ടപ്പാടുകളും ദുരിതവും ലോകത്തിന് മുന്നിലെത്തിക്കാന്‍ തന്റെ ജീവന്‍ പണയപ്പെടുത്തി പ്രവര്‍ത്തിച്ച മാധ്യമപ്രവര്‍ത്തക എന്നാണ് ഐപിഐ മറിയത്തെ വിശേഷിപ്പിച്ചത്. ഇന്‍ഡിപെന്‍ഡന്റ് അറേബ്യയുടെ റിപ്പോര്‍ട്ടര്‍ ആയിരുന്നു മറിയം അബൂ ദഖ. കൊല്ലപ്പെടാനുള്ള സാധ്യതയുള്ളതിനാല്‍ ഒസ്യത്ത് എഴുതിവെച്ചാണ് മറിയം അബൂ ദഖം ജോലി ചെയ്തിരുന്നത്.

മറിയം തന്റെ മകന് എഴുതിയ കത്തിലെ വരികള്‍ ലോകമനസാക്ഷിയുടെ കരളലിയിക്കുന്നതായിരുന്നു. ”ഗൈസ്, ഉമ്മയുടെ ഹൃദയവും പ്രാണനുമാണ് നീ. ഞാന്‍ മരിക്കുമ്പോള്‍ എനിക്ക് വേണ്ടി നീ പ്രാര്‍ഥിക്കണേ. എന്നെക്കുറിച്ചോര്‍ത്ത് കരയരുതേ…മോനേ…ഒരിക്കലും, ഒരിക്കലും നീയെന്നെ മറക്കരുത്. നീ എന്നും സന്തോഷമായിരിക്കാനും സുരക്ഷിതനായിരിക്കാനും എന്നെക്കൊണ്ട് കഴിയുന്നതെല്ലാം ഞാന്‍ ചെയ്തിട്ടുണ്ട്. നീ വളരും, വിവാഹം കഴിക്കും, നിനക്ക് ഒരു മകളുണ്ടാകും, അവള്‍ക്ക് എന്റെ പേര് നീ ഇടണം, മറിയം” എന്ന് പറഞ്ഞാണ് കത്ത് അവസാനിക്കുന്നത്.

യുഎസ് പ്രസിഡന്റ് ഡോണള്‍ഡ് ട്രംപ്, ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനി, തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍, ഈജിപ്ഷ്യന്‍ പ്രസിഡന്റ് അബ്ദുല്‍ ഫത്താഹ് അല്‍സിസി എന്നിവരാണ് കരാറില്‍ ഒപ്പുവെച്ചത്.

എന്നാല്‍, ഉച്ചകോടിയില്‍ ഇസ്രായേല്‍ പ്രധാനമന്ത്രി ബെന്യമിന്‍ നെതന്യാഹു പങ്കെടുത്തില്ല. സമാധാന സമ്മേളനത്തില്‍ ഇരുപതിലധികം ലോകനേതാക്കളാണ് പങ്കെടുത്തത്. ഖത്തര്‍, തുര്‍ക്കി, ഈജിപ്ത് എന്നീ രാജ്യങ്ങളിലെ നേതാക്കളെ ട്രംപ് പ്രശംസിച്ചു.

അതേസമയം ഗസ്സയില്‍ ജീവനോടെ ഉണ്ടായിരുന്ന മുഴുവന്‍ ഇസ്രായേലി ബന്ദികളെയും രണ്ട് ഘട്ടങ്ങളായി ഖാന്‍ യൂനിസ്, നെത്സരിം എന്നിവിടങ്ങളില്‍ വെച്ച് ഹമാസ് കൈമാറി. ആദ്യഘട്ടത്തില്‍ 7 പേരെയും രണ്ടാം ഘട്ടത്തില്‍ 13 പേരെയും റെഡ് ക്രോസിന് കൈമാറുകയായിരുന്നു.

മോചിതരായവരെ റെഡ് ക്രോസ് ഇസ്രയേല്‍ സൈനിക ക്യാമ്പില്‍ എത്തിച്ചു. ഇസ്രായേലി ബന്ദികളെ ഹമാസ് കൈമാറിയതോടെ ഇസ്രായേല്‍ ജയിലുകളില്‍ കഴിയുന്ന 250 ഫലസ്തീന്‍ ബന്ദികളെ ഇസ്രായേലും വിട്ടയച്ചു.

തന്റെ ഈ മിഡില്‍ ഈസ്റ്റ് യാത്ര വളരെ പ്രധാനപ്പെട്ടതാണ്. ഈയൊരു നിമിഷത്തിനായി എല്ലാവരും കാത്തിരിക്കുകയാണ്. വെടിനിര്‍ത്തല്‍ കരാര്‍ ഗസ്സയില്‍ തുടരുമെന്ന് തന്നെയാണ് താന്‍ പ്രതീക്ഷിക്കുന്നതെന്നും അദ്ദേഹം കൂട്ടിച്ചേര്‍ത്തു.

ടിആര്‍ടി വേള്‍ഡിന്റെ റിപ്പോര്‍ട്ട് പ്രകാരം സാലിഹ് അല്‍ജഫറാവിയെ ആയുധധാരികളായ ആളുകള്‍ വളഞ്ഞുവെച്ച് കൊലപ്പെടുത്തുകയായിരുന്നു. സാലിഹിന്റെ ശരീരത്തില്‍ ഏഴ് വെടിയുണ്ടകള്‍ ഏറ്റിട്ടുണ്ട്. വെടിനിര്‍ത്തല്‍ പ്രഖ്യാപിച്ചിട്ടും ഗസ്സയിലെ സുരക്ഷാ സാഹചര്യം വെല്ലുവിളി നിറഞ്ഞതായി തുടരുന്നുവെന്ന് പ്രാദേശിക അധികാരികള്‍ ആവര്‍ത്തിച്ച് മുന്നറിയിപ്പ് നല്‍കിയിട്ടുണ്ട്.

വംശഹത്യ യുദ്ധത്തിനിടെ വടക്കന്‍ ഗസ്സയില്‍ നിന്ന് നാടുകടത്തപ്പെട്ടയാളാണ് 28കാരനായ സാലിഹ് അല്‍ജഫറാവി. കൊല്ലപ്പെട്ടതിന് ശേഷം പുറത്ത് വന്ന ദൃശ്യങ്ങളില്‍ സാലിഹിന്റെ മൃതദേഹം ഒരു ട്രക്കിന്റെ പിന്‍ഭാഗത്ത് ‘പ്രസ്സ്’ ജാക്കറ്റ് ധരിച്ചിരിക്കുന്നതായി കാണാമായിരുന്നു. വംശഹത്യയെക്കുറിച്ചുള്ള വിഡിയോകള്‍ പകര്‍ത്തി ലോകത്തിന് മുന്നില്‍ വെളിപ്പെടുത്തിയതിന്റെ പേരില്‍ ഇസ്രാഈലില്‍ നിന്ന് നിരവധി ഭീഷണികള്‍ സാലിഹിന് ലഭിച്ചിട്ടുണ്ട്.

ആറ് ജീവപര്യന്തം തടവിന് ശിക്ഷിക്കപ്പെട്ട് ഇസ്രാഈല്‍ ജയിലില്‍ കഴിഞ്ഞിരുന്ന അഷ്‌റഫ് സഹീറിനെ ജനുവരി 25നായിരുന്നു വിട്ടയച്ചത്. 23ാം വയസ്സില്‍ ജയിലില്‍ പോയ സഹീര്‍ 46ാം വയസ്സിലാണ് മോചിതനായത്. എന്നാല്‍ അന്ന് ഇത് ലംഘിച്ച് അയല്‍വാസികളും കുടുംബാംഗങ്ങളും സഹീറിന്റെ മോചനം ആഘോഷിച്ചു. ഇതിന്റെ പ്രതികാരമായി അദ്ദേഹത്തിന്റെ സഹോദരന്‍ ആമിറിന്റെ തൊട്ടടുത്ത ദിവസം തന്നെ ഇസ്രാഈല്‍ അറസ്റ്റ് ചെയ്തിരുന്നു.

അതേസമയം, തടവുകാരെ തിരികെയെത്തിച്ച ശേഷം ഗസ്സയിലെ ഹമാസ് ടണലുകള്‍ തകര്‍ക്കുന്നതിനാണ് ആദ്യ നീക്കമെന്ന് ഇസ്രാഈല്‍ പ്രതിരോധമന്ത്രി പറഞ്ഞു. സൈന്യത്തെ ഉപയോഗിച്ചും യുഎസിന്റെ മേല്‍നോട്ടത്തില്‍ സ്ഥാപിക്കുന്ന അന്താരാഷ്ട്ര സംവിധാനം വഴിയും ഗസ്സയിലെ ഹമാസിന്റെ എല്ലാ കേന്ദ്രങ്ങളും നശിപ്പിക്കുമെന്ന് പ്രതിരോധമന്ത്രി പറഞ്ഞു.

ഇസ്രാഈല്‍ ഉപരോധത്തിനിടെ ഗസ്സയിലേക്ക് ബോട്ടുകളില്‍ സഹായവുമായി പോയ ഗ്ലോബല്‍ സുമൂദ് ഫ്‌ലോട്ടിലയുടെ ബോട്ടുകള്‍ ഇസ്രാഈല്‍ തടഞ്ഞിരുന്നു. ഇതില്‍ ഇസ്രാഈല്‍ കസ്റ്റഡിയിലെടുത്ത 450ലേറെ ആക്ടിവിസ്റ്റുകളില്‍ മുന്‍ ബാഴ്‌സലോണ മേയര്‍ ഉള്‍പ്പെടെ 40ലധികം സ്‌പെയിന്‍കാരും ഉള്‍പ്പെടുന്നു.

ഗസ്സ എന്നെ വേദനിപ്പിക്കുന്നു, വംശഹത്യ അവസാനിപ്പിക്കൂ, ഫ്‌ലോട്ടിലയെ മോചിപ്പിക്കൂ തുടങ്ങിയ മുദ്രാവാക്യങ്ങളെഴുതിയ പ്ലക്കാര്‍ഡുകളും ബാനറുകളും ഉയര്‍ത്തി ബാഴ്‌സലോണയിലെ വിശാലമായ പാസെയ്ഗ് ഡി ഗ്രാസിയയില്‍ ആളുകള്‍ തിങ്ങിനിറഞ്ഞു. പ്രതിഷേധക്കാര്‍ ഫലസ്തീന്‍ പതാകകളേന്തിയും ഫലസ്തീനിനെ പിന്തുണയ്ക്കുന്ന ടീഷര്‍ട്ടുകള്‍ ധരിച്ചുമാണെത്തിയത്.

സ്‌പെയിനില്‍ സമീപ ആഴ്ചകളില്‍ ഫലസ്തീനികള്‍ക്കുള്ള പിന്തുണയില്‍ വന്‍ വര്‍ധനവാണ് ഉണ്ടായത്. ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ തീവ്ര വലതുപക്ഷ സര്‍ക്കാരിനെതിരെ നയതന്ത്ര നീക്കങ്ങള്‍ ശക്തമാക്കുന്നതിനിടെയാണ് പ്രതിഷേധങ്ങള്‍ ശക്തമാക്കുന്നത്. ഇസ്രാഈലിന്റെ ഉടമസ്ഥതയിലുള്ള സൈക്ലിങ് ടീമിന്റെ പ്രാതിനിധ്യത്തിനെതിരെ കഴിഞ്ഞ മാസം സ്പാനിഷ് വൂള്‍ട്ട സൈക്ലിങ് പരിപാടിക്കെതിരെയും പ്രതിഷേധം നടന്നിരുന്നു. ഗസ്സയ്‌ക്കെതിരായ ആക്രമണത്തെ വംശഹത്യ എന്ന് സ്പാനിഷ് പ്രധാനമന്ത്രി പെഡ്രോ സാഞ്ചസ് പ്രതികരിച്ചു.

ഫ്‌ലോട്ടിലയെ ഇസ്രാഈല്‍ സൈന്യം തടഞ്ഞതിനു പിന്നാലെയാണ് ഇറ്റലി തലസ്ഥാനമായ റോമിലും പോര്‍ച്ചുഗലിലെ ലിസ്ബണിലും പ്രകടനങ്ങള്‍ക്കുള്ള ആഹ്വാനങ്ങള്‍ ഉയര്‍ന്നത്. പിന്നാലെ 20 ലക്ഷം പേര്‍ അണിനിരന്ന റാലിക്കാണ് വെള്ളിയാഴ്ച ഇറ്റലി സാക്ഷിയായത്. മിലാനില്‍ നടന്ന പ്രതിഷേധത്തില്‍ ലക്ഷം ആളുകള്‍ പങ്കെടുത്തെന്ന് സിജിഐഎല്‍ (ഇറ്റാലിയന്‍ ജനറല്‍ കോണ്‍ഫെഡറേഷന്‍ ഓഫ് ലേബര്‍) വ്യക്തമാക്കി.

ലിയനാര്‍ഡോ ഡാവിഞ്ചി സ്മാരക സ്‌ക്വയറില്‍ ഫലസ്തീന്‍ പതാകയും ‘ഫ്രീ ഫലസ്തീന്‍’ മുദ്രാവാക്യവുമായി പ്രതിഷേധക്കാര്‍ നിറഞ്ഞു. ഗിനോവയില്‍ 40,000 ആളുകളും ബ്രെസ്ചയില്‍ 10,000 പേരും പ്രതിഷേധ പരിപാടികളില്‍ പങ്കെടുത്തു. വെനീസിലെ എ4 ടോള്‍ പ്ലാസ ആയിരക്കണക്കിനാളുകള്‍ ഉപരോധിച്ചു. ‘വംശഹത്യ അവസാനിപ്പിക്കുക, ഞങ്ങള്‍ എല്ലാം സുമൂദ് ഫ്‌ലോട്ടില’ എന്നെഴുതിയ ബാനറുമായി റോമില്‍ ആയിരങ്ങള്‍ മാര്‍ച്ച് നടത്തി. റോമിലെ റെയില്‍വേ സ്‌റ്റേഷനില്‍ പ്രതിഷേധക്കാര്‍ നിറഞ്ഞതോടെ ട്രെയിനുകള്‍ റദ്ദാക്കുകയും നിരവധി ട്രെയിനുകള്‍ വൈകുകയും ചെയ്തു. നേപ്പിള്‍സ്, ലിവോര്‍ണോ, സലേര്‍ണോ തുറമുഖങ്ങളും പ്രതിഷേധക്കാര്‍ ഉപരോധിച്ചു.

സെന്‍ട്രല്‍ ലണ്ടനില്‍ ശനിയാഴ്ച നടന്ന പ്രതിഷേധത്തിനിടെ 442 പേരെ പൊലീസ് അറസ്റ്റ് ചെയ്തു. റോമിലും പ്രതിഷേധം നടക്കാനിരിക്കുകയാണ്. മൂന്ന് ഫലസ്തീന്‍ അനുകൂല സംഘടനകളും പ്രാദേശിക യൂണിയനുകളും വിദ്യാര്‍ഥികളും ചേര്‍ന്നാണ് പ്രതിഷേധ പ്രകടനം സംഘടിപ്പിക്കാനൊരുങ്ങുന്നത്. പോര്‍ട്ട സാന്‍ പൗലോയില്‍ നിന്ന് ആരംഭിക്കുന്ന മാര്‍ച്ച് സാന്‍ ജിയോവാനിയില്‍ സമാപിക്കും. പതിനായിരക്കണക്കിന് ആളുകള്‍ പങ്കെടുക്കുമെന്ന് പൊലീസ് പ്രതീക്ഷിക്കുന്നതായി സ്‌റ്റേറ്റ് ബ്രോഡ്കാസ്റ്റര്‍ റായ് റിപ്പോര്‍ട്ട് ചെയ്തു.

റിപ്പോര്‍ട്ടില്‍ പ്രതിഷേധമുണ്ടായത് മൈം നിര്‍ത്തിവച്ചതിനെത്തുടര്‍ന്നെന്നും പറയുന്നു. റിപ്പോര്‍ട്ടിലൂടെ ദേശീയ അധ്യാപക പരിഷത്ത് അംഗം പ്രദീപ് കുമാറിനെ സംരക്ഷിക്കാന്‍ ശ്രമമെന്നും ആരോപണമുണ്ട്. സംഭവം അടിയന്തരമായി അന്വേഷിച്ച് റിപ്പോര്‍ട്ട് നല്‍കാന്‍ വിദ്യാഭ്യാസ മന്ത്രി വി.ശിവന്‍കുട്ടി നിര്‍ദ്ദേശിച്ചിരുന്നു. നിര്‍ത്തിവെച്ച കലോത്സവം തിങ്കളാഴ്ച നടത്തും. അധ്യാപകര്‍ തടസ്സപ്പെടുത്തിയ മൈം ഷോയും അവതരിപ്പിക്കും. മൈം ഷോ തടസ്സപ്പെടുത്തി കലോത്സവം നിര്‍ത്തി വെച്ച അധ്യാപകര്‍ക്കെതിരെ നടപടി ഉണ്ടാവുമെന്നാണ് സൂചന.

എല്ലാ അറബ് രാജ്യങ്ങളും, മുസ്‌ലിം രാജ്യങ്ങളുമെല്ലാം ഒപ്പുവച്ചു, ഇസ്രാഈലും ഒപ്പുവച്ചു. ഞങ്ങള്‍ ഹമാസിനായി കാത്തിരിക്കുകയാണ്. ഹമാസ് അത് ചെയ്യുമോ ഇല്ലയോ. അങ്ങനെയല്ലെങ്കില്‍, അത് വളരെ ദുഃഖകരമായ ഒരു അന്ത്യമായിരിക്കും- ട്രംപ് പറഞ്ഞു.

ട്രംപിന്റെ ഫലസ്തീന്‍ സമാധാന പദ്ധതിയെ സൗദി, യുഎഇ, ഖത്തര്‍, ജോര്‍ദാന്‍, ഈജിപ്ത്, ഇന്തോനേഷ്യ, പാകിസ്താന്‍, തുര്‍ക്കി എന്നീ രാജ്യങ്ങളാണ് സ്വാഗതം ചെയ്തത്. ഗസ്സ സൈനിക പിന്മാറ്റം, പുനര്‍നിര്‍മാണം, വെസ്റ്റ്ബാങ്ക് കയ്യേറില്ല തുടങ്ങിയ പ്രഖ്യാപനങ്ങളെ സംയുക്ത പ്രസ്താവന സ്വാഗതം ചെയ്തിട്ടുണ്ട്.

ഗസ്സയിലെ അധികാരം ഒഴിയാന്‍ ഒരുക്കമാണെന്നും എന്നാല്‍, ഫലസ്തീന്‍ രാഷ്ട്രത്തിലേക്ക് വഴിയൊരുങ്ങണമെന്നും നേരത്തെ ഹമാസ് വ്യക്തമാക്കിയിരുന്നു. ഈ ആവശ്യം പല രാജ്യങ്ങളും അവഗണിച്ചതും, ഫലസ്തീന്‍ എന്ന രാഷ്ട്ര സ്വപ്നം ഇല്ലാതാകുന്ന സാഹചര്യത്തിലുമാണ് ഒക്ടോബര്‍ ഏഴിലെ ആക്രമണം നടന്നത്.

ട്രംപിന്റെ പ്ലാനില്‍ ഗസ്സയില്‍ നിന്ന് ഹമാസ് നേതാക്കള്‍ പോകണമെന്നും നിരായുധീകരണത്തിന് സന്നദ്ധമാകണമെന്നും ആവശ്യപ്പെടുന്നുണ്ട്. ഇതില്‍ ഹമാസിന്റെ പ്രതികരണത്തിന് കാത്തിരിക്കുകയാണ് ലോക രാജ്യങ്ങള്‍. നിബന്ധനകളോടെ പ്ലാന്‍ ഹമാസ് സ്വീകരിച്ചേക്കുമെന്ന് റിപ്പോര്‍ട്ടുകളുണ്ട്.