ജൂണ്‍ 30നകം ഇരു കാര്‍ഡുകളും ലിങ്ക് ചെയ്തില്ലെങ്കില്‍ 1000 രൂപ ഫീസായി ഈടാക്കുമെന്ന് ആദായ നികുതി വകുപ്പ് അറിയിച്ചു. ഇപേ ടാക്‌സ് ഫീച്ചറിലൂടെയാണ് ഫീസ് നല്‍കേണ്ടത്. പാന്‍കാര്‍ഡ് അസാധുവായാല്‍ ആ കാര്‍ഡ് ഉപയോഗിച്ച് ചെയ്യുന്ന ആദായ നികുതി റിട്ടേണുകള്‍ക്ക് റീഫണ്ട് ലഭിക്കില്ല. പാന്‍കാര്‍ഡ് പിന്നീട് ആക്ടീവായതിന് ശേഷമേ റീഫണ്ട് ലഭിക്കും.

ഇക്കാലയളവില്‍ പിടിച്ചുവെച്ച റീഫണ്ട് തുകക്ക് പലിശയും ലഭിക്കില്ല. ടി.ഡി.എസിനും ഉയര്‍ന്ന നിരക്കായിരിക്കും ഈടാക്കുക. കുട്ടികളുടെ ആധാറും പാന്‍കാര്‍ഡും ലിങ്ക് ചെയ്യുന്നതില്‍ വീഴ്ച വരുത്തിയാല്‍ 500 രൂപയായിരിക്കും ഫീസായി ഈടാക്കുക.

പാന്‍ പ്രവര്‍ത്തന രഹിതമായാല്‍ ആദായനികുതി നിയമത്തിന് കീഴില്‍ വരുന്ന നിയമനടപടി നേരിടേണ്ടിവരും. പ്രവര്‍ത്തന രഹിതമായ പാന്‍ ഉപയോഗിച്ച് ആദായനികുതി അടയ്ക്കാന്‍ സാധിക്കില്ല. ബാങ്ക് ഇടപാടുകളെയും ബാധിക്കും. പാന്‍ കാര്‍ഡ് വിവരങ്ങള്‍ പൂരിപ്പിക്കുമ്പോള്‍ ഉണ്ടാകുന്ന അക്ഷരത്തെറ്റിന് വന്‍ പിഴയായിരിക്കും ഉണ്ടാവുക. ഒരാള്‍ക്ക് രണ്ടു പാന്‍ കാര്‍ഡ് ഉണ്ടായാലും പിഴ ഒടുക്കേണ്ടിവരും. എന്നിങ്ങനെയാണ് പുറപ്പെടുവിച്ച ഉത്തരവില്‍ പറയുന്ന കാര്യങ്ങള്‍.