parlament mp – Chandrika Daily

സഭ ചേരുന്നതിന് മുൻപ് എം.പി.മാരുടെ യോഗം വിളിച്ച് കോൺഗ്രസ്

webdesk15 — Tue, 28 Mar 2023 04:45:12 +0000

ചൊവ്വാഴ്ച പാർലമെന്റിന്റെ ദൈനംദിന നടപടികൾ ആരംഭിക്കുന്നതിന് മുന്നോടിയായി, പാർലമെന്റിന്റെ ഇരു സഭകളിലും സ്വീകരിക്കേണ്ട നിലപാടുകൾ ചർച്ച ചെയ്യുന്നതിനായി കോൺഗ്രസ്, കോൺഗ്രസ് രാജ്യസഭാ, ലോക്‌സഭാ എംപിമാരുടെ യോഗം വിളിച്ചു.കോൺഗ്രസ് പാർലമെന്ററി പാർട്ടി ഓഫീസിൽ രാവിലെ 10 .30 നാണ് യോഗം. കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ വസതിയിൽ സമാന ചിന്താഗതിക്കാരായ പ്രതിപക്ഷ പാർട്ടികളുടെ യോഗം ഇന്നലെ ചേർന്നിരുന്നു.

ഉന്നത വിദ്യാഭ്യാസ സ്ഥാപനങ്ങളില്‍ ന്യൂനപക്ഷ സംവരണം ഉറപ്പ് വരുത്തണമെന്ന് ഇ.ടി മുഹമ്മദ് ബഷീര്‍

chandrika — Fri, 28 Jul 2017 18:50:14 +0000

ന്യൂഡല്‍ഹി: എന്‍.ഐ.ടി പോലുള്ള ഉന്നത വിദ്യാഭ്യാസ സ്ഥാപനങ്ങളില്‍ ഒ.ബി.സി സംവരണം ഉറപ്പ് വരുത്തണമെന്ന് ഇ.ടി മുഹമ്മദ് ബഷീര്‍ എം.പി ലോക്‌സഭയില്‍ ആവശ്യപ്പെട്ടു. ഐ.ഐ.എം ബില്‍ 2017 ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. സച്ചാര്‍ കമ്മിറ്റി റിപ്പോര്‍ട്ട് ഈ വിഷയത്തല്‍ കൃത്യമായ നിര്‍ദ്ദേശങ്ങള്‍ നല്‍കിയിട്ടുണ്ട്. പിന്നോക്ക-ന്യൂനപക്ഷ വിഭാഗങ്ങള്‍ക്ക് ഉന്നത വിദ്യാഭ്യാസ സ്ഥാപനങ്ങളില്‍ പ്രാതിനിധ്യം പറയപ്പെടുന്നുവെങ്കിലും തത്വത്തില്‍ ഒന്നുമില്ലാത്ത അവസ്ഥയാണ്. ഉന്നത വിദ്യാഭ്യാസ രംഗം ശക്തിപ്പെടുമ്പോള്‍ ഇത്തരം സ്ഥാപനങ്ങളിലെ ന്യൂനപക്ഷ പ്രാതിനിധ്യവും ഉറപ്പ് വരുത്തണം. നിയമനങ്ങളില്‍ അക്കാദമിക് താല്‍പ്പര്യങ്ങള്‍ക്കാണ് പ്രാധാന്യം കൊടുക്കേണ്ടത്. സമീപകാല നിയമനങ്ങളില്‍ പലതും രാഷ്ട്രീയ താല്‍പ്പര്യം അനുസരിച്ചായിരുന്നു. ഈ രീതി അവസാനിപ്പിക്കണം. വിദ്യാഭ്യാസ സ്ഥാപനങ്ങളുടെ നിലവാരം തകരുന്നതിനു കാരണം രാഷ്ട്രീയ നിയമനങ്ങളാണ്. ഐ.ഐ.എമ്മുകളുടെ ദൈനംദിന പ്രവര്‍ത്തനങ്ങളിലും നിയമനങ്ങളിലും ഇടപെടുന്നതിന് കേന്ദ്ര സര്‍ക്കാറിനെ നിയന്ത്രിക്കുന്ന പുതിയ ബില്‍ സ്വാഗതാര്‍ഹമാണ്. ഐ.സി.എച്ച്.ആര്‍, എഫ്.ടി.ഐ.ഐ തുടങ്ങിയ ഉന്നത വിദ്യാഭ്യാസ സ്ഥാപനങ്ങളുടെ കാര്യത്തില്‍ കേന്ദ്ര സര്‍ക്കാര്‍ നടത്തിയ ഇടപെടലുകള്‍ക്ക് വിരുദ്ധമാണ് പുതിയ ബില്ലിലെ വ്യവസ്ഥകളെന്നും ഇ.ടി പറഞ്ഞു.

പി.കെ കുഞ്ഞാലികുട്ടി സത്യവാചകം ചൊല്ലി അധികാരമേറ്റു

chandrika — Mon, 17 Jul 2017 06:10:12 +0000

ന്യൂഡല്‍ഹി: ഇന്ത്യന്‍ യൂണിയന്‍ മുസ്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി പാര്‍ലമെന്റ് അംഗമായി സത്യപ്രതിജ്ഞ ചെയ്തു. മലപ്പുറം ലോക്‌സഭാ മണ്ഡലത്തില്‍ നിന്ന് വന്‍ ഭൂരിപക്ഷത്തോടെ വിജയിച്ച അദ്ദേഹം 11 മണിക്ക് പാര്‍ലമെന്റ് ഹൗസില്‍ നടന്ന ചടങ്ങിലാണ് സത്യവാചകം ചൊല്ലി അധികാരമേറ്റത്.

ഇന്ന് വൈകീട്ട് ലോക്‌സഭാ കക്ഷി നേതാക്കള്‍ക്കായി സ്പീക്കര്‍ സംഘടിപ്പിക്കുന്ന വിരുന്നില്‍ പി.കെ കുഞ്ഞാലിക്കുട്ടി പങ്കെടുക്കും. ദളിത് പിന്നാക്ക വിഭാഗങ്ങള്‍ക്കും ഇടയില്‍ ആത്മവിശ്വാസം വര്‍ധിപ്പിക്കുകയാണ് തന്റെ പ്രാഥമിക ലക്ഷ്യമെന്നു കുഞ്ഞാലികുട്ടി മാധ്യമങ്ങളോട് പറഞ്ഞു.

മുസ്ലിം ലീഗ് മുന്‍ ദേശീയ പ്രസിഡണ്ട് ഇ. അഹമ്മദിന്റെ വിയോഗത്തെ തുടര്‍ന്ന് ഏപ്രിലില്‍ നടന്ന ഉപതെരഞ്ഞെടുപ്പില്‍ 1,71,038 വോട്ടിന്റെ വന്‍ ഭൂരിപക്ഷത്തിലാണ് പി.കെ കുഞ്ഞാലിക്കുട്ടി ജയിച്ചത്. പാര്‍ലമെന്റ് വര്‍ഷകാല സമ്മേളനത്ത വിവിധ വിഷയങ്ങളില്‍ ഒന്നിച്ചു നില്‍ക്കണമെന്നഭ്യര്‍ത്ഥിച്ച് അദ്ദേഹം പ്രതിപക്ഷ കക്ഷി നേതാക്കള്‍ക്ക് കത്തയച്ചിട്ടുണ്ട്.

http://https://www.facebook.com/pkkunhalikutty/videos/1382902878431834/?permPage=1