കഴിഞ്ഞ സമ്മേളനത്തില്‍ പ്രതിപക്ഷം ആവര്‍ത്തിച്ച് വിഷയം ചര്‍ച്ച ചെയ്യാന്‍ ആവശ്യപ്പെട്ടിരുന്നു. എന്നാല്‍ സര്‍ക്കാര്‍ ഇതിനു വഴങ്ങിയിരുന്നില്ല. ഇതിനു പിന്നാലെ പ്രതിപക്ഷത്തിനുമുന്നില്‍ കേന്ദ്ര സര്‍ക്കാര്‍ മുട്ടുമടക്കുകയായിരുന്നു. ‘വന്ദേ മാതര’ത്തിന്റെ 150ാം വാര്‍ഷികത്തിന്റെ ഭാഗമായി ഡിസംബര്‍ 8ന് പ്രത്യേക ചര്‍ച്ചയുമുണ്ടാകും.

അതേസമയം, പ്രതിഷേധത്തെ തുടര്‍ന്ന് സഭാ നടപടികള്‍ രണ്ടുതവണ നിര്‍ത്തിവെച്ചു. രാജ്യസഭയില്‍ ഉപരാഷ്ട്രപതിയുടെ അനുമോദനങ്ങള്‍ക്ക് പിന്നാലെ പ്രതിപക്ഷം എസ്ഐആര്‍ വിഷയം ഉയര്‍ത്തി. മുന്‍ ഉപ രാഷ്ട്രപതി ജഗദീപ് ധന്‍ഖഡിന് യാത്രയയപ്പ് പോലും നല്‍കാന്‍ സാധിച്ചില്ലെന്നും അധ്യക്ഷന്‍ ഭരണ- പ്രതിപക്ഷത്തെ ഒരുപോലെ പരിഗണിക്കണമെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ പറഞ്ഞു.

സമ്മേളനത്തിന്റെ ആദ്യഘട്ടം ഫെബ്രുവരി 13 ന് അവസാനിക്കും. തുടര്‍ന്ന് രണ്ടാംഘട്ടത്തിനായി മാര്‍ച്ച് 10ന് സഭ വീണ്ടും ചേരും. വയനാട് പാക്കേജ് ഉള്‍പ്പടെ കേരളം വലിയ പ്രതീക്ഷയോടെയാണ് യൂണിയന്‍ ബജറ്റിനെ നോക്കിക്കാണുന്നത്. സഭയില്‍ നിരവധി വിഷയങ്ങളില്‍ ചര്‍ച്ചആവശ്യമാണെന്ന് ഇന്നലെ ചേര്‍ന്ന സര്‍വ്വകക്ഷിയോഗത്തില്‍ പ്രതിപക്ഷ പാര്‍ട്ടികള്‍ ചൂണ്ടികാട്ടി.

പ്രതിപക്ഷ നിരയില്‍ നിന്നും ബജറ്റ് സമ്മേളനത്തില്‍ വഖഫ് ബില്‍ ഭേദഗതി പാസാക്കാന്‍ നിശ്ചയിച്ചിരിക്കുന്ന സര്‍ക്കാരിനെതിരേ കടുത്ത പ്രതിഷേധം ഉയരുമെന്നാണ് സൂചന. ബില്ലിലെ ജെപിസിയുടെ ഏകപക്ഷീയമായ ഇടപെടലില്‍ പ്രതിപക്ഷം അതൃപ്തി പ്രകടമാക്കിയിരുന്നു. ജെഡിയു പോലുള്ള ഘടകകക്ഷികള്‍ ഈ വിഷയത്തില്‍ എന്ത് നിലപാട് സ്വീകരിക്കും എന്നതും നിര്‍ണായകമാണ്.
ഇതോടൊപ്പം കുംഭമേളയില്‍ അപകടം ഉള്‍പ്പടെയുള്ള വിഷയങ്ങള്‍ പ്രതിപക്ഷം സഭയില്‍ ഉന്നയിക്കും.

ഉച്ചക്ക്1 . 15നാണ് ലോക്സഭ പുതിയ മന്ദിരത്തിൽ പുനരാരംഭിച്ചത്. 2 15ന് രാജ്യസഭയിലും സമ്മേളനം പുനരാരംഭിച്ചു. വനിതാ സംവരണം അവതരിപ്പിച്ചുകൊണ്ട് പ്രധാനമന്ത്രി നരേന്ദ്രമോദി ‘തനിക്ക് ദൈവം തന്ന അവസരമാണ് ‘ഇതെന്ന് അവകാശപ്പെട്ടു .ഗണേശ ചതുർത്ഥിയെക്കുറിച്ചും സ്പീക്കറുടെ അധ്യക്ഷപദത്തിന് സമീപം വെച്ചിരിക്കുന്ന ചെങ്കോലിനെ കുറിച്ചും സംസാരിച്ച പ്രധാനമന്ത്രി ,വനിതകൾക്കും രാജ്യത്തെ പെൺകുട്ടികൾക്കും താൻ നൽകുന്ന സന്ദേശമാണ് വനിതാ സംവരണ ബില്ലെന്ന് അവകാശപ്പെട്ടു .തുടർന്നു സംസാരിച്ച കോൺഗ്രസിലെ ലോക്സഭ തലവൻ അധീരൻ രഞ്ജൻചൗധരി വനിതാ സംവരണ ബിൽ നേരത്തെ കോൺഗ്രസ് സർക്കാർ പാസാക്കിയതാണെന്ന് അവകാശപ്പെട്ടു. ലോക്സഭയിലും രാജ്യസഭയിലും അവതരിപ്പിച്ചതാണ് .അന്ന് പല കക്ഷികളും എതിർത്തിരുന്നതായി ചൗധരി പറഞ്ഞു. എന്നാൽ ഇതിനെ കേന്ദ്ര ആഭ്യന്തരമന്ത്രി അമിത് ഷാ എതിർത്തു .അങ്ങനെ ബിൽ പാസാക്കിയിട്ടില്ലെന്നായി അമിത് ഷാ .ഈ വിവാദങ്ങൾക്കിടെയാണ് നിയമമന്ത്രി പുതിയ ബിൽ അവതരിപ്പിച്ചത് .

നിയമം പാസായാൽ രാജ്യത്തെ ലോക്സഭയിലും നിയമസഭകളിലും നിലവിലെ വനിതാഅംഗങ്ങളേക്കാൾ വനിതകളുടെ അംഗസംഖ്യ വൻതോതിൽ വർദ്ധിക്കും .മൊത്തമുള്ള അംഗങ്ങളുടെ 33 ശതമാനം വനിതകളെയാണ് ബിൽ പാസായാൽ തെരഞ്ഞെടുക്കുക.ഇതിനായി മണ്ഡലങ്ങൾ പുനർനിർണയിക്കും.

നിലവിൽ ലോക്സഭയിൽ 542 അംഗങ്ങൾ ആണുള്ളത്. 33 ശതമാനം സംവരണം നടപ്പായാൽ 180 വനിതകൾ എംപിമാരായി എത്തും. കേരളനിയമസഭയിലെ 140 അംഗങ്ങളിൽ 40 അധികം വനിതാഅംഗങ്ങൾ തിരഞ്ഞെടുക്കപ്പെടും. ഏതായാലും ബിൽ പാസാകാനുള്ള ഭൂരിപക്ഷം ഭരണമുന്നണിക്ക് ഉണ്ടെങ്കിലും പാസാകുമോ എന്ന് വ്യക്തമല്ല .വരുന്ന തെരഞ്ഞെടുപ്പിൽ വനിതകൾക്ക് വേണ്ടി തങ്ങൾ നിയമനിർമ്മാണം നടത്തിയെന്ന് അവകാശപ്പെടാൻ ആയിരിക്കും മോദി സർക്കാരും ബിജെപിയും ശ്രമിക്കുക. 2024ലെ ലോക്സഭാ തെരഞ്ഞെടുപ്പിൽ ഏതായാലും നിയമം നടപ്പാക്കാനുള്ള സാധ്യതയില്ല .സംസ്ഥാന നിയമസഭകൾ കാലാവധി പൂർത്തിയാക്കിയാൽ മാത്രമേ പുതിയ നിയമം ബാധകമാകു. ഇതിനായി അതാത് നിയമസഭകൾ നിയമങ്ങൾ പാസാക്കുകയും വേണ്ടതുണ്ട്. നടക്കാനിരിക്കുന്ന 5 നിയമസഭ തെരഞ്ഞെടുപ്പിൽ നിയമം ബാധകമാകും എന്ന് കരുതാനും വയ്യ .അതായത് ബിൽ പാസാക്കപ്പെട്ടാലും നടപ്പാക്കുക ഇനിയും വൈകിയായിരിക്കും എന്നർത്ഥം. മോദിക്കും കൂട്ടർക്കും ഒരു തെര. പ്രചാരണായുധം മാത്രമാകും ഫലത്തിലിത്.

മൂന്നു മാസത്തിലധികമായി വംശീയ കലാപം തുടരുന്ന മണിപ്പൂരില്‍ സമാധാനം പുനഃസ്ഥാപിക്കുന്നതിലും സര്‍വ്വവും നഷ്ടപ്പെട്ട മനുഷ്യര്‍ക്ക് സഹായം എത്തിക്കുന്നതിലും ബി.ജെ.പി നേതൃത്വത്തിലുള്ള കേന്ദ്ര, സംസ്ഥാന സര്‍ക്കാറുകള്‍ സമ്പൂര്‍ണ പരാജയമാണെന്ന് ‘ഇന്ത്യ’. കേട്ടറിഞ്ഞതിനേക്കാള്‍ ഭീതിതമാണ് മണിപ്പൂരിലെ അവസ്ഥ. ആയിരക്കണക്കിന് വീടുകളും കെട്ടിടങ്ങളുമാണ് ചുട്ടെരിക്കപ്പെട്ടിരിക്കുന്നത്. അഭയാര്‍ത്ഥി ക്യാമ്പുകളില്‍ നരകതുല്യ യാതനകള്‍ സഹിച്ചാണ് മനുഷ്യര്‍ കഴിയുന്നത്. ആവശ്യത്തിന് മരുന്നോ ഭക്ഷണമോ ക്യാമ്പുകളില്‍ ലഭ്യമല്ല. ഒരു ഹാളില്‍ 400- 500 പേര്‍ ഞെങ്ങിഞെരിഞ്ഞ് കഴിയുന്ന ക്യാമ്പുകളുണ്ട് – രണ്ടു ദിവസമായി മണിപ്പൂരില്‍ സന്ദര്‍ശനം നടത്തുന്ന 21 എം.പിമാരടങ്ങുന്ന ഇന്ത്യ പ്രതിനിധി സംഘം ഗവര്‍ണര്‍ അനുസൂയ യുക്കിയുമായി നടത്തിയ കൂടിക്കാഴ്ചക്കു ശേഷം രാജ്ഭവനു മുന്നില്‍ മാധ്യമങ്ങളോട് പറഞ്ഞു. സന്ദര്‍ശനം പൂര്‍ത്തിയാക്കി സംഘം ഇന്നലെ വൈകീട്ടോടെ ഡല്‍ഹിയിലേക്ക് മടങ്ങി.

മണിപ്പൂരില്‍ സര്‍വകക്ഷി സംഘം സന്ദര്‍ശനം നടത്തണമെന്നും ജനങ്ങളോട് പരസ്പരം വിശ്വാസത്തില്‍ കഴിയാന്‍ അഭ്യര്‍ത്ഥിക്കണമെന്നും കൂടിക്കാഴ്ചയില്‍ ഗവര്‍ണര്‍ തങ്ങളോട് ആവശ്യപ്പെട്ടതായി കോണ്‍ഗ്രസ് ലോക്‌സഭാ കക്ഷി നേതാവ് അധിര്‍ രഞ്ജന്‍ ചൗധരി പറഞ്ഞു. തുടക്കത്തിലേ കലാപം നിയന്ത്രിക്കുന്നതില്‍ സര്‍ക്കാറുകള്‍ പരാജയപ്പെട്ടു. 150ലധികം പേരാണ് കലാപത്തില്‍ ഇതുവരെ കൊല്ലപ്പെട്ടത്. ആയിരക്കണക്കിന് കുടുംബങ്ങള്‍ അഭയാര്‍ത്ഥികളായി. വീടുകളും സര്‍ക്കാര്‍ ഓഫീസുകളും മത ആരാധനാലയങ്ങളും രാഷ്ട്രീയ പാര്‍ട്ടി ആസ്ഥാനങ്ങളും ആക്രമിക്കപ്പെട്ടു. എന്നിട്ടും പ്രധാനമന്ത്രി തുടരുന്ന മൗനം അപലപനീയമാണ്. കലാപ ബാധിതരെ പുനരധിവസിപ്പിക്കുന്നതില്‍ അടിയന്തര ശ്രദ്ധ ചെലുത്തണമെന്ന് ഗവര്‍ണര്‍ അനസൂയ യുക്കിക്ക് നല്‍കിയ നിവേദനത്തില്‍ ഇന്ത്യ പ്രതിനിധി സംഘം ആവശ്യപ്പെട്ടു.

കഴിഞ്ഞ ദിവസം മണിപ്പൂര്‍ വിഷയത്തില്‍ പാര്‍ലമെന്റിന്റെ ഇരുസഭകളും സ്തംഭിപ്പിച്ചു. സഭാ നടപടികള്‍ നിര്‍ത്തിവച്ച് മണിപ്പൂര്‍ ചര്‍ച്ച ചെയ്യണമെന്നും പ്രധാനമന്ത്രി കാര്യങ്ങള്‍ വ്യക്തമാക്കണമെന്നും പ്രതിപക്ഷം ആവശ്യമുന്നയിച്ചു. ഇരുസഭകളിലും ചര്‍ച്ചയ്ക്ക് തയ്യാറാണെന്ന് സര്‍ക്കാര്‍ വ്യക്തമാക്കിയിട്ടുണ്ടെന്ന് കേന്ദ്ര പാര്‍ലമെന്ററി കാര്യ മന്ത്രി പ്രഹ്ലാദ് ജോഷി പറഞ്ഞു.

പ്രതിഷേധം കനത്തതോടെ ലോക്‌സഭയും രാജ്യസഭയും പിരിഞ്ഞു. മണിപ്പൂര്‍ ഒരു സെന്‍സിറ്റീവ് വിഷയമാണ്. ചര്‍ച്ചയ്ക്ക് ആഭ്യന്തരമന്ത്രി വിശദമായി മറുപടി നല്‍കും. ചര്‍ച്ചയുടെ തീയതി സ്പീക്കര്‍ തീരുമാനിക്കട്ടെ- പ്രഹ്ലാദ് ജോഷി പറഞ്ഞു. പ്രതിപക്ഷ അംഗങ്ങള്‍ തുടര്‍ച്ചയായി മുദ്രാവാക്യം വിളിച്ചതോടെ സഭാനടപടികള്‍ നയിച്ച കിരിത് സോളങ്കി ലോക്‌സഭ ഇന്നത്തേക്ക് പിരിഞ്ഞതായി പ്രഖ്യാപിച്ചു. ബഹളത്തെത്തുടര്‍ന്ന് രാജ്യസഭാ അധ്യക്ഷന്‍ ജഗ്ദീപ് ധന്‍ഖറിനും സഭ നിര്‍ത്തിവയ്ക്കുന്നതായി അറിയിച്ചു. ഉച്ചയ്ക്ക് രണ്ട് മണിക്ക് ലോക്‌സഭ സമ്മേളിച്ചപ്പോള്‍ തന്നെ പ്രതിപക്ഷ നേതാക്കള്‍ മുദ്രാവാക്യങ്ങള്‍ വിളിച്ചാണെത്തിയത്. മണിപ്പൂര്‍ കത്തുകയാണെന്ന് പ്രതിപക്ഷ നേതാവും കോണ്‍ഗ്രസ് അധ്യക്ഷനുമായ മല്ലികാര്‍ജുന്‍ ഖാര്‍ഗെ പറഞ്ഞു. വിഷയത്തില്‍ ചര്‍ച്ച വേണമെന്ന് രാവിലെ മുതല്‍ ആവശ്യപ്പെട്ടിരുന്നെങ്കിലും അനുവദിച്ചില്ലെന്നും ഖാര്‍ഗെ പറഞ്ഞു. അതേസമയം വിഷയത്തില്‍ പ്രതിപക്ഷ അംഗങ്ങളോട് പ്രധാനമന്ത്രി മോദി സംസാരിച്ചു. സഭയ്ക്കകത്തെത്തിയ പ്രധാനമന്ത്രി സോണിയ ഗാന്ധിയുള്‍പ്പെടെയുള്ള നേതാക്കളുടെ അടുത്തെത്തിയാണ് സംസാരിച്ചത്. പാര്‍ലമെന്റ് സമ്മേളനത്തിന് മുന്നോടിയായി മണിപ്പൂരില്‍ തുടരുന്ന അക്രമങ്ങളെ കുറിച്ച് പ്രധാനമന്ത്രി പ്രതികരിച്ചിരുന്നു. മണിപ്പൂര്‍ കലാപം തുടങ്ങി രണ്ട് മാസങ്ങള്‍ക്ക് ശേഷമാണ് മോദി മൗനം വെടിഞ്ഞത്.

ത്രികോണാകൃതിയിലാണെന്ന് അവകാശപ്പെടുമ്പോഴും ഏറിയും കുറഞ്ഞും ആറ് വശങ്ങളുള്ള രീതിയിലാണ് കെട്ടിടം സജ്ജീകരിച്ചിരിക്കുന്നത്. രാജ്യസഭയിലും ലോക്‌സഭയിലുമായി 1224 എംപിമാരെയും ഉദ്യോഗസ്ഥരെയും ഉള്‍ക്കൊള്ളാനാകും.

അതേസമയം ഞായറാഴ്ച പ്രധാനമന്ത്രി നടത്തുന്ന പാര്‍ലമെന്റിന്റെ ഉദ്ഘാടനച്ചടങ്ങളില്‍നിന്ന് പ്രതിപക്ഷം വിട്ടുനില്‍ക്കും. രാഷ്ട്രപതിയെ ക്ഷണിക്കാതെയുള്ള ചടങ്ങ് ജനാധിപത്യത്തെ അപമാനിക്കലാണെന്ന് പ്രതിപക്ഷ കക്ഷികള്‍ പ്രസ്താവനയില്‍ പറഞ്ഞു. ഭരണഘടനയുടെ അന്തസ്സത്തയെ ഇല്ലാതാക്കലും ആദിവാസിയായ രാഷ്ട്രപതിയുടെ സ്ഥാനത്തെ മാനിക്കാതിരിക്കലുമാണ്. ജനാധിപത്യത്തെ കശാപ്പ് ചെയ്യുന്ന രീതിയില്‍ പ്രതിപക്ഷാംഗങ്ങളെ സംസാരിക്കാന്‍ അനുവദിക്കാതിരിക്കലും അവരെ സസ്പെന്‍ഡ് ചെയ്യലും തുടരുകയാണ് മോദിസര്‍ക്കാര്‍. ഇവിടെ വെറുമൊരു കെട്ടിടം മാത്രമായി പാര്‍ലമെന്റിനെ മാറ്റിയിരിക്കുകയാണ് 20 പ്രതിപക്ഷകക്ഷികളുടെ സംയുക്തപ്രസ്താവന കുറ്റപ്പെടുത്തി. അതേസമയം ഒഡീഷയിലെ ബിജു ജനതാദളും ആന്ധ്രയിലെ വൈ.എസ്.ആര്‍ കോണ്‍ഗ്രസും ചടങ്ങില്‍ പങ്കെടുക്കും.
അതേസമയം തന്റെ പ്രസംഗം കേള്‍ക്കാന്‍ ഓസ്ട്രേലിയയില്‍ ഭരണപക്ഷവും പ്രതിപക്ഷവും പാര്‍ലമെന്റിലെത്തിയെന്ന് അവകാശപ്പെട്ടു.

2023-24ല്‍ രാജ്യം 6.5 ശതമാനം വളര്‍ച്ച നേടും. മുന്‍ വര്‍ഷം 8.7 ശതമാനമായിരുന്നു വളര്‍ച്ചാ നിരക്ക്. ലോകത്തെ മറ്റെല്ലാ രാജ്യങ്ങളെയും പോലെ ഇന്ത്യയും കടുത്ത വെല്ലുവിളികളെയാണ് നേരിട്ടുകൊണ്ടിരിക്കുന്നത്. സര്‍വേ പറയുന്നു.

മഹാമാരിയുടെ ആഘാതത്തില്‍നിന്ന് ഇന്ത്യന്‍ സമ്പദ് വ്യവസ്ഥ മുക്തമായത് മറ്റിടങ്ങളെ അപേക്ഷിച്ച് വേഗത്തിലായിരുന്നു. ആഭ്യന്തരമായി ഡിമാന്‍ഡ് കൂടിയത് ഇന്ത്യയുടെ വളര്‍ച്ചാ നിരക്കിനെ ത്വരിതപ്പെടുത്തിയെന്ന് റിപ്പോര്‍ട്ട് വിലയിരുത്തി. ആഗോളതലത്തില്‍ ചരക്കു വില ഉയര്‍ന്നു നില്‍ക്കുന്നതില്‍ കറന്റ് അക്കൗണ്ട് കമ്മി കൂടാനിടയുണ്ട്. അങ്ങനെ വന്നാല്‍ രൂപയുടെ മൂല്യം ഇടിയുമെന്നും സര്‍വേ മുന്നറിയിപ്പു നല്‍കുന്നു. എങ്കിലും സ്ഥിതിഗതികള്‍ നിയന്ത്രിക്കാവുന്ന തരത്തിലാണെന്ന് സര്‍വേ പറഞ്ഞു.