ഇതിനിടെയാണ് വീഡിയോ കോളില്‍ യുവതിയുടെ നഗ്നത കാണുന്ന പുതുപ്പള്ളി ലോക്കല്‍ കമ്മിറ്റി അംഗത്തിന്റെ ദൃശ്യം പുറത്തുവന്നിരിക്കുന്നത്. കായംകുളത്തെ സി.പി.എം സമൂഹമാധ്യമ ഗ്രൂപ്പുകളില്‍ ദൃശ്യങ്ങള്‍ പ്രചരിപ്പിക്കുകയും വ്യാപക ചര്‍ച്ചയാകുകയും ചെയ്തിട്ടുണ്ട്. ഇയാളെ കുട്ടികളുടെ വേനല്‍ തുമ്പി കലാജാഥയുടെ പുതുപ്പള്ളിയിലെ കണ്‍വീനര്‍ ആക്കിയത് സംബന്ധിച്ചാണ് പാര്‍ട്ടിയില്‍ വിമര്‍ശനം.

ഇതിനിടെ കായംകുളം ഏരിയ കമ്മിറ്റി അംഗം ഗുരുവായൂര്‍ ദേവസ്വം ബോര്‍ഡ് നിയമന അറിയിപ്പ്് സംബന്ധിച്ച് വാട്‌സപ്പിലിട്ട സന്ദേശവും വിവാദമായിട്ടുണ്ട്. ‘പരമാവധി നമ്മുടെ ഹിന്ദു ഗ്രൂപ്പുകളിലേക്ക് ഷെയര്‍ ചെയ്യുക’ എന്ന അടിക്കുറിപ്പോടെയാണ് ഏരിയ കമ്മിറ്റി അംഗം നിയമന അറിയിപ്പ് പോസ്റ്റ് ചെയ്തിരിക്കുന്നത്.

ആലപ്പുഴ ജില്ലയില്‍ പാര്‍ട്ടിയില്‍ അസ്വാരസ്യങ്ങള്‍ പരിഹരിക്കാന്‍ സംസ്ഥാന സെക്രട്ടറി എ.വി ഗോവിന്ദന്‍ കഴിഞ്ഞ ദിവസം ജില്ലാ സെക്രട്ടറിയേറ്റ് യോഗത്തില്‍ പങ്കെടുത്തിരുന്നു. ഈ യോഗത്തിലാണ് ഏരിയ കമ്മിറ്റിയംഗമായ ബിബിന്‍. സി ബാബുവിനെ ആറുമാസത്തേക്ക് സസ്‌പെന്‍ഡ് ചെയ്തത്.

ഭാര്യ പാര്‍ട്ടിക്കു നല്‍കിയ ഗാര്‍ഹിക പീഡന പരാതിയെ തുടര്‍ന്നാണിത്. സി.പി.എം എരുവ ലോക്കല്‍ കമ്മിറ്റിയംഗം കൂടിയാണ് യുവതി. മര്‍ദനമേറ്റ ഇവര്‍ മുമ്പ് ഹരിപ്പാട് താലൂക്ക് ആശുപത്രിയില്‍ ചികിത്സതേടിയിരുന്നു. പൊലീസ് ചെന്നെങ്കിലും മൊഴി നല്‍കിയില്ല. പാര്‍ട്ടി ഇടപെടലിനെത്തുടര്‍ന്നാണ് മൊഴി നല്‍കാത്തതെന്ന് പാര്‍ട്ടിക്കുള്ളില്‍ ചര്‍ച്ച ഉണ്ടായിരുന്നു. എന്നാല്‍ യുവതി ഏരിയ കമ്മിറ്റിക്കും ജില്ലാ സെക്രട്ടറിക്കും മുഖ്യമന്ത്രിക്കും പരാതി നല്‍കിയിരുന്നു.

പാര്‍ട്ടി ഇയപെട്ടാണ് ഇവരുടെ വിവാഹം നടത്തിയത്. ബിബിന്റെ ഭാര്യ പിതാവും സി.പി.എം എരുവ ലേക്കല്‍ കമ്മിറ്റിയംഗമാണ്. ഇദ്ദേഹവും പാര്‍ട്ടിക്കും മുഖ്യമന്ത്രിക്കും പരാതി നല്‍കി. സി.പി.എം ജില്ലാനേതൃത്വത്തിന്റെ നിര്‍ദേശപ്രകാരം ഏരിയ സെന്ററാണ് യുവതിയില്‍ നിന്ന് വിവരം തേടിയത്.