passesaway – Chandrika Daily

പ്രശസ്ത തബല വാദകന്‍ സാക്കിര്‍ ഹുസൈന്‍ അന്തരിച്ചു

webdesk18 — Sun, 15 Dec 2024 17:16:00 +0000

വാഷിങ്ടണ്‍: പ്രശസ്ത തബല വാദകന്‍ സാക്കിര്‍ ഹുസൈന്‍(73) അന്തരിച്ചു. ഹൃദയ സംബന്ധമായ അസുഖങ്ങളെ തുടര്‍ന്ന് കഴിഞ്ഞ ഒരാഴ്ചയായി ചികിത്സയിലായിരുന്നു. സാന്‍ഫ്രാന്‍സിസ്‌കോയിലെ ആശുപത്രിയിലായിരുന്നു അന്ത്യം.

പ്രശസ്ത സംഗീതജ്ഞനായ അള്ളാ റഖയുടെ മകനാണ് സാക്കിര്‍ ഹുസൈന്‍. പിതാവ് തന്നെയായിരുന്നു സാക്കിര്‍ ഹുസൈനെ സംഗീതം അഭ്യസിപ്പിച്ചിരുന്നത്. സാക്കിര്‍ ഹുസൈന്‍ തന്റെ 12ാമത് വയസ്സില്‍ തന്നെ സംഗീതപര്യടനം ആരംഭിച്ചിരുന്നു. 1988ല്‍ പത്മശ്രീ ലഭിച്ച സാക്കിര്‍ ഹുസൈന്‍ നാലുകൊല്ലത്തിന് ശേഷം മിക്കി ഹാര്‍ട്ടുമായി ചേര്‍ന്ന് ‘ഗ്രാമി ഫോര്‍ പ്ലാനറ്റ് ഡ്രം’ എന്ന സംഗീത ആല്‍ബം പുറത്തിറക്കി. ധോല്‍, ധോലക്, ഖോ, ദുഗ്ഗി, നാല്‍ എന്നിവ അതീവ ചാതുര്യത്തോടെ വായിച്ചിരുന്ന അദ്ദേഹത്തിന് 2002ല്‍ പത്മഭൂഷണ്‍ പുരസ്‌കാരവും ലഭിച്ചിട്ടുണ്ട്.

ദേശാഭിമാനി ചീഫ് ഫോട്ടോഗ്രാഫർ പ്രവീൺ കുമാർ അന്തരിച്ചു

webdesk15 — Wed, 25 Oct 2023 02:02:48 +0000

ദേശാഭിമാനി ചീഫ് ഫോട്ടോഗ്രാഫർ മേപ്പയ്യൂർ കീഴ്പ്പയൂർ കണ്ണമ്പത്ത് കണ്ടി കെ എസ് പ്രവീൺ കുമാർ (47) അന്തരിച്ചു. ഹൃദയാഘാതത്തെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലിരിക്കെ ബുധൻ പുലർച്ചെ 1.05 നാണ് മരണം. കോഴിക്കോട്, കണ്ണൂർ, തിരുവനന്തപുരം, പാലക്കാട്, കൊച്ചി എന്നിവിടങ്ങളിൽ ജോലി ചെയ്തു. നിലവിൽ തൃശൂർ യൂണിറ്റിലാണ്. ജി വി രാജ സ്പോർട്ട്സ് ഫോട്ടോഗ്രാഫി ഉൾപ്പെടെ നിരവധി അവാർഡുകൾ നേടിയിട്ടുണ്ട് .

അച്ഛൻ പരേതനായ കുഞ്ഞിക്കണ്ണൻ മാസ്റ്റർ . അമ്മ : സുപ്രഭ ടീച്ചർ ( മേപ്പയൂർ പഞ്ചായത്ത് മുൻ പ്രസിഡന്റ്). ഭാര്യ: ഡോ. രത്നകുമാരി (ഡിഎംഒ ഹോമിയോപ്പതി) . മക്കൾ: പാർവതി (എം ബി ബി എസ് വിദ്യാർഥിനി, മൾഡോവ, യൂറോപ്പ്), അശ്വതി. സഹോദരൻ: പ്രജീഷ് കുമാർ (അധ്യാപകൻ, ചെറുവണ്ണൂർ ഗവ. എച്ച്എസ്‍). സംസ്കാരം മെഡിക്കൽ വിദ്യാർഥിയായ മകൾ എത്തിയശേഷം.

മുസ്‌ലിംലീഗ് നേതാവ് കെ അബ്ബാസ് ഹാജി നിര്യാതനായി

webdesk15 — Mon, 23 Oct 2023 16:21:27 +0000

പഴയങ്ങാടി: മുസ്‌ലിംലീഗ് നേതാവും ഏറെക്കാലം പുതിയങ്ങാടി ജമാഅത്ത് ഹയര്‍സെക്കന്ററി സ്കൂള്‍ കമ്മിറ്റി ചെയര്‍മാനുമായിരുന്ന കെ അബ്ബാസ് ഹാജി (89) നിര്യാതനായി.മുസ്‌ലിം ജമാഅത്ത് കമ്മിറ്റി പ്രസിഡന്റും മാടായി മഞ്ഞരവളപ്പ് യാസീന്‍ പള്ളി കമ്മിറ്റി സ്ഥാപക പ്രസിഡന്റും പുതിയങ്ങാടി കടപ്പുറം ഭണ്ഡാര കമ്മിറ്റി പ്രസിഡന്റുമായിരുന്നു. മുസ്‌ലിംലീഗ് വാര്‍ഡ്, മേഖലാ പ്രസിഡന്റ് പദവിയും മാടായി പഞ്ചായത്ത് ഭാരവാഹിത്വവും വഹിച്ചിരുന്നു. ഉണക്ക മത്സ്യ കയറ്റുമതി വ്യാപാരിയായിരുന്ന ഇദ്ദേഹം മത-സാമൂഹ്യ-രാഷ്ട്രീയ മേഖലയിലും വിദ്യാഭ്യാസ മേഖലയിലും ശ്രദ്ധേയനായിരുന്നു. മയ്യിത്ത് ചൊവ്വാഴ്ച രാവിലെ എട്ടിന് മാടായി ബീച്ച് റോഡ് മഞ്ഞരവളപ്പ് യാസീന്‍ പള്ളിയില്‍ ഖബറടക്കും.

ഇ.കെ കുഞ്ഞാമിനയാണ് ഭാര്യ. മക്കൾ: മുഹമ്മദ്‌കുഞ്ഞി, ഷുക്കൂർ, സുഹറാബി, അബ്ദുൽ സലാം, മറിയംബി,
പരേതയായ ഖദീജ. മരുമക്കൾ: ശാദുലി, അബ്ദുല്‍ കരീം, ജലീൽ, മറിയം, മുനീറ, ഷാഹിന.
സഹോദരങ്ങള്‍: അബ്ദുൾറഹിമാൻ, പരേതരായ അബ്ദുല്ല, അഹമ്മദ്, അബ്ദുൽ അബ്ദുല്‍ സലാം, ആയിഷ, മറിയം.

പ്രശസ്ത സാഹിത്യകാരൻ ഡോ. സി ആർ ഓമനക്കുട്ടൻ അന്തരിച്ചു.

webdesk15 — Sat, 16 Sep 2023 12:05:11 +0000

പ്രശസ്ത സാഹിത്യകാരൻ ഡോ. സി ആർ ഓമാനക്കുട്ടൻ ( 80 ) അന്തരിച്ചു. ഹൃദയാഘാത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. .സംവിധായകൻ അമൽ നീരദിന്റെ പിതാവാണ്.ഹാസ്യസാഹിത്യത്തിനുള്ള 2010 ലെ കേരള സാഹിത്യ അക്കാദമി പുരസ്കാരം നേടിയ സാഹിത്യകാരനാണ് സി.ആർ. ഓമനക്കുട്ടൻ. ശ്രീഭൂതനാഥവിലാസം നായർ ഹോട്ടൽ എന്ന ഹാസ്യ സാഹിത്യകൃതിക്കാണ് കേരള സാഹിത്യ അക്കാദമി പുരസ്കാരം നേടിയത്. 25ലധികം കൃതികൾ എഴുതിയിട്ടുണ്ട്.ഓമനക്കഥകൾ, ഈഴശിവനും വാരിക്കുന്തവും, അഭിനവശാകുന്തളം, ശവംതീനികൾ, കാല്‌പാട്‌, പരിഭാഷകൾ, ഫാദർ ഡെർജിയസ്‌, ഭ്രാന്തന്റെ ഡയറി, കാർമില, തണ്ണീർ തണ്ണീർ എന്നിവയാണ് പ്രധാന കൃതികൾ. 23 വർഷം എറണാകുളം മഹാരാജാസ്‌ കോളേജിൽ അധ്യാപകനായിരുന്നു.