pathan movie – Chandrika Daily

പത്താന്‍ സെന്‍സറിങ് പൂര്‍ത്തിയായി; വിവാദ രംഗത്തിന് കട്ടില്ല

webdesk14 — Fri, 06 Jan 2023 06:00:51 +0000

ഷാറൂഖാനും ദീപിക പദുകോണും മുഖ്യ വേഷത്തിലെത്തുന്ന പഠാന്‍ സിനിമയ്ക്ക് സെന്‍സര്‍ ബോര്‍ഡ് പ്രദര്‍ശനുമതി നല്‍കി. സെന്‍സര്‍ ബോര്‍ഡ് 10 മാറ്റങ്ങള്‍ നിര്‍ദേശിച്ചതിനായി സിനിമ വെബ്‌സൈറ്റുകള്‍ റിപ്പോര്‍ട്ട് ചെയ്യുന്നു. അതേസമയം, സംഘ്പരിവാര്‍ വിവാദമാക്കിയ കാവി ബിക്കിനിയുടുത്ത ദീപകയുടെ രംഗങ്ങള്‍ കട്ട് ചെയ്തിട്ടില്ല. എന്നാല്‍ മറ്റൊരു അര്‍ധനഗ്ന ദൃശ്യം ഒഴിവാക്കിയിട്ടുണ്ട്. ‘ബഷറം രംഗ്’ എന്ന ഗാനരംഗത്തിലെ സീനുകളിലാണ് 3 കട്ട് വരുത്തിയിയത്. അര്‍ധഗ്നമായ രണ്ട് ദൃശ്യങ്ങളും പാട്ടിലെ ഒരു ഡാന്‍സ് രംഗവുമാണ് ഒഴിവാക്കിയതെന്നാണ് റിപ്പോര്‍ട്ട്. സി,ബി.എഫ്.സി (സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്‍) നിര്‍ദേശിച്ച കട്ടുകളില്‍ ഏറെയും സംഭാഷണങ്ങളാണെന്നാണ് വിവരം.

This is the proof, Ki censor board Ne release Hone se Pahle Hi #Pathaan Ki Waat Lagadi. CB forced makers to replace #Raw word everywhere. pic.twitter.com/KEb7logfJw

— KRK (@kamaalrkhan) January 4, 2023

റോ എന്നവാക്കിനു പകരം സന്ദര്‍ഭത്തിനനുസരിച്ച് ഹമാരെ എന്നാക്കിമാറ്റി. പി.എം.ഒ എന്ന വാക്ക് 13 ഇടങ്ങളില്‍ ഒഴിവാക്കി. പി.എം എന്ന വാക്കിനുപകരം പ്രസിഡന്റ് എന്നോ മിനിസ്റ്റര്‍ എന്നോ ചേര്‍ത്തു. അശോക ചക്ര എന്നതിനു പകരം വീര്‍ പുരസ്‌കാര്‍ എന്നും എക്‌സ്-കെ.ജി.ബി എന്നതിനു പകരം എക്‌സ് എസ്ബിയു എന്നുംമാറ്റി. മിസിസ് ഭാരത് മാത എന്നതിനു പകരം ഹമാരി ഭാരത് മാത എന്നാക്കി. മറ്റൊരു സംഭാഷണത്തില്‍ സ്‌കോച്ച് എന്നതിനു പകരം ഡ്രിങ്ക് എന്നാക്കി.

അതേസമയം, സിനിമക്കെതിരെ ബജ്‌റംഗ്ദള്‍ പ്രവര്‍ത്തകര്‍ ഇന്നും പ്രതിഷേധം തുടര്‍ന്നു. അഹമ്മദാബാദില്‍ ആല്‍ഫ വണ്‍ മാളിലെ തിയറ്ററില്‍ സിനിമ പ്രമോഷന്‍ ചടങ്ങിനിടെ ബജ്‌റംഗ്ദള്‍ പ്രവര്‍ത്തകര്‍ പോസ്റ്ററുകള്‍ വലിച്ചു കീറി. സിനിമ പ്രദര്‍ശിപ്പിക്കരുതെന്ന് ഭീഷണിയും മുഴക്കി.

ഷാരൂഖാന്റെ മരണാനന്തര ചടങ്ങുകള്‍ നടത്തി വിവാദ സന്യാസി

webdesk11 — Tue, 27 Dec 2022 11:07:15 +0000

ഷാരൂഖാന്റെ മരണാനന്തര ചടങ്ങുകള്‍ നടത്തി വിവാദ സന്യാസി. പത്താന്‍ സിനിമയുമായി ബന്ധപ്പെട്ട് ഷാരൂഖ് ഖാന്‍ കാവി നിറത്തെ അപമാനിച്ചുവെന്നാണ് ഇയാളുടെ ആരോപണം. ഷാരൂഖ് ഖാനെ കണ്ടാല്‍ ജീവനോടെ ചുട്ടെരിക്കുമെന്ന് പറഞ്ഞ് ഭീഷണി മുഴക്കിയ അയോധ്യയിലെ പരമഹന്‍സ് ആചാര്യ എന്ന സന്യാസി തന്നെയാണ് ഇപ്പോള്‍ താരത്തിന്റെ ശേഷക്രിയയും നടത്തി വിവാദത്തിലായിരിക്കുന്നത്.

നേരെത്തെ ഇന്ത്യ ഹിന്ദു രാഷ്ട്രമായി പ്രഖ്യാപിച്ചില്ലെങ്കില്‍ നിരാഹാരം പ്രഖ്യാപിച്ച് ഇയാള്‍ രംഗത്തെത്തിയിരുന്നു.

അതേസമയം പത്താന്‍ സിനിമ റീലീസ് ചെയ്യുന്ന തിയേറ്ററുകള്‍ കത്തിക്കാന്‍ ഹനുമന്‍ ഗാര്‍ഹിയിലെ പുരോഹിതന്‍ മഹന്ദ് രാജു ദാസ് ആഹ്വാനം ചെയ്തിരുന്നു.

കലാരൂപത്തെ ഇരയാക്കുന്നതില്‍ ദുഖം; പത്താന്‍ വിവാദത്തില്‍ പ്രതികരിച്ച് നടന്‍ പൃഥിരാജും

Test User — Mon, 19 Dec 2022 17:16:19 +0000

‘പത്താന്‍’ വിവാദങ്ങളില്‍ പ്രതികരണവുമായി നടന്‍ പൃഥ്വിരാജും രംഗത്ത്. ഒരു കലാരൂപത്തെ ഇത്തരത്തില്‍ നിരീക്ഷണങ്ങള്‍ക്കും വീക്ഷണങ്ങള്‍ക്കും ഇരയാക്കുന്നതില്‍ ദുഃഖമുണ്ടെന്നാണ് പൃഥ്വിരാജിന്റെ പ്രതികരണം. കാപ്പ എന്ന ചിത്രത്തിന്റെ പ്രമോഷന്റെ ഭാഗമായി നടന്ന പ്രസ് മീറ്റിനിടെ ആയിരുന്നു പൃഥ്വിരാജ് പ്രതികരണം നടത്തിയത്.

സിനിമയുടെ പ്രമോഷന്റെ ഭാഗമായി പുറത്തിറക്കിയ ബെഷ്‌റം രംഗ് എന്ന ഗാനം കടുത്ത വിവാദങ്ങള്‍ക്കും വിമര്‍ശനങ്ങള്‍ക്കുമായിരുന്നു വഴിതുറന്നത്. ഗാനത്തില്‍ ദീപിക ധരിച്ചിരുന്ന കാവി നിറത്തിലുള്ള ബിക്കിനിയായിരുന്നു ചര്‍ച്ചാ വിഷയം. വിവാദങ്ങള്‍ക്ക് പിന്നാലെ സിനിമാ ബഹിഷ്‌കരിക്കണമെന്ന ആവശ്യവുമായി വിവിദ സംഘങ്ങള്‍ രംഗത്തെത്തിയിരുന്നു.