pathan – Chandrika Daily

ആരാധകരുടെ ‘പത്താന്‍’ ചോദ്യങ്ങള്‍ക്ക് മറുപടിയുമായി ഷാറുഖ് ഖാന്‍

Test User — Sun, 18 Dec 2022 05:40:02 +0000

ന്യൂഡല്‍ഹി; അടുത്ത മാസം റിലീസ് ചെയ്യാനിരിക്കുന്ന ബോളിവുഡ് ചിത്രമായ ‘പത്താന്‍’ നിരവധി വിവാദത്തിലാണ് അകപ്പെട്ടിരിക്കുന്നത്. വിവാദങ്ങള്‍ക്കും ആരാധകരുടെ സംശയങ്ങള്‍ക്കും ചോദ്യങ്ങള്‍ക്കും മറുപടി നല്‍കി രംഗത്ത് വന്നിരിക്കുകയാണ് നടന്‍ ഷാറുഖ് ഖാന്‍. ട്വിറ്ററിലൂടെയാണ് താരം മറുപടി നല്‍കിയിരിക്കുന്നത്. ആരാധകരുടെ സ്‌നേഹത്തിനും സമയത്തിനും നന്ദിയും അറിയിച്ചിട്ടുണ്ട് താരം. പഠാന്‍ സിനിമ ഒരുതരത്തില്‍ ദേശഭക്തി ചിത്രമാണെന്ന് ചോദ്യത്തിന് മറുപടിയായി നടന്‍ പറഞ്ഞു.

Now my team calling me to work. Will talk with you all some other day. Those who missed out please don’t feel bad….abhi picture baaki hai. Thanks for the love & ur time. See u soon in a theatre now…#Pathaan

— Shah Rukh Khan (@iamsrk) December 17, 2022

സിനിമയിലെ ‘ബേഷറം രംഗ്’ എന്ന ഗാനം പുറത്തിറങ്ങിയതിനു പിന്നാലെയാണു വിവാദം കത്തിപ്പടര്‍ന്നത്. ഗാനത്തില്‍ കാവി നിറത്തിലുള്ള ബിക്കിനിയണിഞ്ഞ് ദീപിക പദുക്കോണ്‍ അഭിനയിച്ചത് ഹിന്ദു മതവികാരം വ്രണപ്പെടുത്തിയെന്നാണ് ആരോപണം. ഷാറുഖും ദീപികയും പരസ്യമായി മാപ്പു പറയണമെന്ന് വിഎച്ച്പി ആവശ്യപ്പെട്ടു. വീര്‍ ശിവജി ഗ്രൂപ്പ് എന്ന സംഘടന മധ്യപ്രദേശിലെ ഇന്‍ഡോറില്‍ ഷാറുഖിന്റെയും ദീപികയുടെയും കോലം കത്തിച്ചു. മുസ്‌ലിംകള്‍ക്കിടയിലെ പഠാന്‍ വിഭാഗത്തെ അപമാനിക്കുന്നതാണെന്നും സിനിമയുടെ പേര് മാറ്റണമെന്നും മധ്യപ്രദേശ് ഉലമ ബോര്‍ഡ് ആവശ്യപ്പെട്ടു.

പത്താന്‍; സിനിമയുടെ പേര് മാറ്റണമെന്ന് ഉലമ ബോര്‍ഡ്

Test User — Fri, 16 Dec 2022 11:21:06 +0000

ദീപികാ പദുക്കോണും ഷാരൂഖ് ഖാനും കേന്ദ്ര കഥാപാത്രമായി എത്തുന്ന പത്താന്‍ സിനിമയുടെ വിവാദം തുടരുന്നു. ചിത്രത്തിന്റെ പേര് മാറ്റണമെന്ന പുതിയ വാദവുമായി രംഗത്തെത്തിയിരക്കുകയാണ് മധ്യപ്രദേശ് ഉലമ ബോര്‍ഡ്. കഴിഞ്ഞ ദിവസം ചിത്രത്തിലെ’ബേഷാരം രംഗ്’ എന്ന ഗാനം പുറത്തുവന്നതിന് പിന്നാലെ വലിയ വിവാദമാണ് ഉണ്ടായത്. അത് ആറിത്തണുക്കും മുമ്പേയാണ് പുതിയ വിവാദം ഉടലെടുത്തിരിക്കുന്നത്.

സിനിമ ബഹിഷ്‌കരിക്കാന്‍ ആവശ്യപ്പെട്ടത് മുതല്‍ കോലം കത്തിക്കുന്നത് വരെയുള്ള പ്രതിഷേധമാണ് ഓണ്‍ലൈനിലും ഓഫ്‌ലൈനിലും ഉയര്‍ന്നത്. ചിത്രത്തിനെതിരെ നിയമ യുദ്ധത്തിന് ഒരുങ്ങുമെന്നാണ് മധ്യപ്രദേശ് ഉലമ ബോര്‍ഡിന്റെ ഭീഷണി. ചിത്രം മധ്യപ്രദേശില്‍ മാത്രമല്ല, രാജ്യത്തുടനീളം റിലീസ് ചെയ്യാന്‍ ഞങ്ങള്‍ അനുവദിക്കില്ലെന്നും അറിയിച്ചിട്ടുണ്ട്.

‘പത്താന്‍മാര്‍ മുസ്ലീം സമുദായങ്ങളിലെ ഏറ്റവും ആദരണീയമായ വിഭാഗമാണ്. ഈ സിനിമയില്‍ പത്താന്‍മാരെ മാത്രമല്ല, മുസ്ലീം സമുദായത്തെയാകെ അപകീര്‍ത്തിപ്പെടുത്തുകയാണ്. പത്താന്‍ എന്നാണ് ചിത്രത്തിന്റെ പേര്, അതില്‍ സ്ത്രീകള്‍ അശ്ലീല നൃത്തം ചെയ്യുന്നതായി കാണാം. സിനിമയില്‍ പഠാന്‍മാരെ തെറ്റായി ചിത്രീകരിക്കുകയാണ്. മധ്യപ്രദേശ് ഉലമാ ബോര്‍ഡ് പ്രസിഡണ്ട് സെയ്യിദ് അലി പറഞ്ഞു. ‘നിര്‍മ്മാതാക്കള്‍ പത്താന്‍ എന്ന പേര് നീക്കം ചെയ്യണം. ഷാരൂഖ് ഖാന്‍ തന്റെ കഥാപാത്രത്തിന്റെ പേര് മാറ്റണം. അതിനുശേഷം, നിങ്ങള്‍ ആഗ്രഹിക്കുന്നതെന്തും ചെയ്യുക. അദേഹം കൂട്ടിച്ചേര്‍ത്തു.

പത്താന്‍ : ഷാരൂഖ് ഖാന്റെയും ദീപികയുടെയും കോലം കത്തിച്ച് പ്രതിഷേധം

Test User — Thu, 15 Dec 2022 08:43:15 +0000

ഷാരൂഖാനും ദീപിക പദുകോണും പ്രധാന കഥാപാത്രങ്ങളെ അവതരിപ്പിക്കുന്ന പത്താന്‍ സിനിമയ്‌ക്കെതിരെ പ്രതിഷേധം ശക്തമാകുന്നു.ചിത്രത്തിലെ ‘ ബേഷ്‌റം റംഗ് ‘ എന്ന് തുടങ്ങുന്ന ഗാനത്തില്‍ ദീപിക ധരിച്ചിരിക്കുന്ന ബിക്കിനിയുടെ നിറമാണ് പ്രതിഷേധത്തിനു കാരണം. ഗാനത്തില്‍ ദീപികയുടെ വസ്ത്രധാരണം പ്രതിഷേധാര്‍ഹമാണെന്ന് മധ്യപ്രദേശ് ആഭ്യന്തരമന്ത്രി നരോത്തം മിശ്ര പ്രതികരിച്ചിരുന്നു.