ബംഗ്ലാദേശിനെ ടൂര്‍ണമെന്റില്‍ നിന്ന് ഒഴിവാക്കിയതിനെതിരെ ഐക്യദാര്‍ഢ്യം പ്രഖ്യാപിച്ചാണ് പാകിസ്ഥാന്‍ ഇന്ത്യക്കെതിരായ മത്സരം ബഹിഷ്‌കരിക്കാന്‍ തീരുമാനിച്ചിരുന്നത്. എന്നാല്‍, ഐസിസി പ്രതിനിധികളായ ഇമ്രാന്‍ ഖവാജ, മുബഷിര്‍ ഉസ്മാനി എന്നിവരുമായി ലാഹോറില്‍ നടന്ന ചര്‍ച്ചയിലാണ് പാകിസ്ഥാന്‍ പുതിയ ഉപാധികള്‍ മുന്നോട്ടുവെച്ചത്.

ഐസിസിയുടെ വാര്‍ഷിക വരുമാന വിഹിതത്തില്‍ പാകിസ്ഥാന് ലഭിക്കുന്ന തുകയില്‍ ഗണ്യമായ വര്‍ദ്ധനവ് ഉണ്ടാകണം. നിലവില്‍ ഇന്ത്യ ഉള്‍പ്പെടെയുള്ള രാജ്യങ്ങള്‍ക്ക് ഉയര്‍ന്ന വിഹിതം ലഭിക്കുന്നുണ്ട്. ഇന്ത്യയും പാകിസ്ഥാനും തമ്മിലുള്ള ഉഭയകക്ഷി ക്രിക്കറ്റ് ബന്ധം പുനഃസ്ഥാപിക്കാന്‍ ഐസിസി ഇടപെടണം. 2012-ന് ശേഷം ഇരുരാജ്യങ്ങളും ഐസിസി ടൂര്‍ണമെന്റുകളില്‍ മാത്രമാണ് ഒരുമിച്ച് കളിക്കുന്നത്.

ടൂര്‍ണമെന്റില്‍ നിന്ന് പുറത്താക്കപ്പെട്ട ബംഗ്ലാദേശ് ക്രിക്കറ്റ് ബോര്‍ഡിന് ലഭിക്കേണ്ടിയിരുന്ന പങ്കാളിത്ത ഫീസ് ഉറപ്പാക്കുകയും അവര്‍ക്ക് പ്രത്യേക സാമ്പത്തിക പാക്കേജ് അനുവദിക്കുകയും വേണമെന്നും പിസിബി ആവശ്യപ്പെടുന്നു.

എന്നാല്‍ ഈ ആവശ്യങ്ങളില്‍ ഐസിസി ഇതുവരെ ഔദ്യോഗികമായി പ്രതികരിച്ചിട്ടില്ല. എങ്കിലും, ബംഗ്ലാദേശിന് സാമ്പത്തിക നഷ്ടമുണ്ടാകില്ലെന്ന് ഐസിസി ഉറപ്പുനല്‍കിയതായാണ് വിവരം.

ഐസിസി ഇപ്പോള്‍ ദക്ഷിണേഷ്യയിലെ ഇന്ത്യയുടെ രാഷ്ട്രീയ താല്‍പ്പര്യങ്ങളുടെ ബന്ദിയായി മാറിയിരിക്കുകയാണ്. ക്രിക്കറ്റ് എന്ന മാന്യന്‍മാരുടെ കളിയുടെ അന്തസ്സ് നിലനിര്‍ത്താന്‍ ഐസിസിക്ക് പകരം പുതിയൊരു ആഗോള സംഘടന അനിവാര്യമാണ്. ബംഗ്ലാദേശിനെ ലോകകപ്പില്‍ നിന്ന് ഒഴിവാക്കി പകരം സ്‌കോട്ട്ലന്‍ഡിനെ ഉള്‍പ്പെടുത്തിയ ഐസിസി നടപടി പക്ഷപാതപരമാണെന്നും ഖ്വാജ ആസിഫ് ആരോപിച്ചു.

സുരക്ഷാ കാരണങ്ങള്‍ ചൂണ്ടിക്കാട്ടി ഇന്ത്യയില്‍ കളിക്കാന്‍ ബംഗ്ലാദേശ് വിസമ്മതിച്ചിരുന്നു. മത്സരങ്ങള്‍ ഇന്ത്യക്ക് പുറത്തേക്ക് മാറ്റണമെന്ന ബംഗ്ലാദേശിന്റെ ആവശ്യം ഐസിസി തള്ളുകയും അവരെ ടൂര്‍ണമെന്റില്‍ നിന്ന് നീക്കം ചെയ്ത് പകരം സ്‌കോട്ട്ലന്‍ഡിനെ ഉള്‍പ്പെടുത്തുകയും ചെയ്തു. ഇതില്‍ പ്രതിഷേധിച്ചും ബംഗ്ലാദേശിനോടുള്ള ഐക്യദാര്‍ഢ്യം പ്രഖ്യാപിക്കാനുമായാണ് പാകിസ്ഥാന്‍ ടി20 ലോകകപ്പില്‍ 15 ന് കൊളംബോയില്‍ നടക്കേണ്ട ഇന്ത്യയുമായുള്ള മത്സരം ബഹിഷ്‌കരിക്കാന്‍ തീരുമാനിച്ചത്.

എന്നാല്‍ പാകിസ്ഥാന്റെ ‘ഭാഗികമായ ബഹിഷ്‌കരണം’ അംഗീകരിക്കാനാവില്ലെന്ന് ഐസിസി വ്യക്തമാക്കിയിട്ടുണ്ട്. ഇന്ത്യയ്ക്കെതിരെ കളിച്ചില്ലെങ്കില്‍ അത് പാക് ക്രിക്കറ്റിനെ ദീര്‍ഘകാലാടിസ്ഥാനത്തില്‍ ദോഷകരമായി ബാധിക്കുമെന്നും കടുത്ത അച്ചടക്ക നടപടികള്‍ നേരിടേണ്ടി വരുമെന്നും ഐസിസി പിസിബിക്ക് മുന്നറിയിപ്പ് നല്‍കിയിരുന്നു.

പാകിസ്ഥാനിലെ ഏതു സ്റ്റേഡിയവും ലോകകപ്പിനായി സജ്ജമാക്കാന്‍ സാധിക്കുമെന്ന് പിസിബി പ്രതികരിച്ചെങ്കിലും പാകിസ്ഥാന്റെ ക്ഷണം ബംഗ്ലദേശോ, ഐസിസിയോ സ്വീകരിച്ചിട്ടില്ല. ബംഗ്ലാദേശിന്റെ ആവശ്യം ഐസിസി മനസ്സിലാക്കുന്നില്ലെന്നും എന്തു വില കൊടുത്തും രാജ്യത്തിന്റെ അഭിമാനം സംരക്ഷിക്കണമെന്നും ബംഗ്ലദേശ് സര്‍ക്കാരിന്റെ കായിക ഉപദേഷ്ടാവ് ആസിഫ് നസ്‌റുല്‍ പ്രതികരിച്ചിരുന്നു.

ഇന്ത്യയില്‍ നടത്തേണ്ട നാലു ലോകകപ്പ് മത്സരങ്ങളും ശ്രീലങ്കയിലേക്കു മാറ്റണമെന്ന് ആവശ്യപ്പെട്ട് ബിസിബി ഐസിസിക്ക് രണ്ടാമതും കത്തയച്ചിട്ടുണ്ട്. കൊല്‍ക്കത്തയിലും മുംബൈയിലുമാണ് ബംഗ്ലദേശിനു മത്സരങ്ങളുള്ളത്. ഇവിടെ കളിക്കാന്‍ സാധിക്കില്ലെങ്കില്‍ തിരുവനന്തപുരത്തോ, ചെന്നൈയിലോ കളി നടത്താന്‍ സാധിക്കുമെന്നാണ് ഐസിസിയുടെ നിലപാട്. ഇക്കാര്യത്തില്‍ ബംഗ്ലദേശ് സര്‍ക്കാരുമായി ചര്‍ച്ച ചെയ്ത് തീരുമാനമെടുക്കുമെന്ന് അമിനുല്‍ ഇസ്‌ലാം പ്രതികരിച്ചു.

ലോകോത്തര ബൗളറായ മുസ്താഫിസുര്‍ വര്‍ഷങ്ങളായി തന്റെ കഴിവ് തെളിയിച്ചിട്ടുണ്ടെന്നും ഇപ്പോള്‍ അദ്ദേഹത്തിന് ലഭിക്കുന്നത് അര്‍ഹതപ്പെട്ടതാണെന്നും നൂറുല്‍ ഹസന്‍ കൂട്ടിച്ചേര്‍ത്തു. ബംഗ്ലാദേശ് നായകന്‍ നജ്മുല്‍ ഹുസൈന്‍ ഷാന്റോയും താരത്തിന് വിഷമമുണ്ടായിരിക്കാമെന്ന് പ്രതികരിച്ചു. ഐപിഎല്‍ ഒഴിവാക്കലിന് പിന്നാലെ, അടുത്ത സീസണില്‍ മുസ്താഫിസുര്‍ പാകിസ്താന്‍ സൂപ്പര്‍ ലീഗില്‍ (PSL) കളിക്കുമെന്ന് ഔദ്യോഗികമായി സ്ഥിരീകരിച്ചിട്ടുണ്ട്.

ഐപിഎല്‍ ലേലത്തില്‍ കെകെആര്‍ 9.20 കോടി രൂപയ്ക്കാണ് താരത്തെ സ്വന്തമാക്കിയത്. ബിസിസിഐയുടെ നിര്‍ദേശത്തെ തുടര്‍ന്നാണ് കെകെആര്‍ മുസ്താഫിസുറിനെ ടീമില്‍ നിന്ന് ഒഴിവാക്കിയതെന്ന് റിപ്പോര്‍ട്ടുണ്ട്. ബംഗ്ലാദേശിലെ മാറിയ രാഷ്ട്രീയ സാഹചര്യവും ഇന്ത്യക്കാര്‍ക്കെതിരായ ആക്രമണങ്ങളുമായി ബന്ധപ്പെട്ട ആശങ്കകളും താരത്തെ കളിപ്പിക്കുന്നതിനെതിരായ ഭീഷണികളും വിമര്‍ശനങ്ങളും ശക്തമായതോടെയാണ് നടപടി. ബിസിസിഐ സെക്രട്ടറി ദേവജിത് സൈകിയയാണ് കെകെആറിന് നിര്‍ദേശം നല്‍കിയതെന്നും റിപ്പോര്‍ട്ടുകള്‍ വ്യക്തമാക്കുന്നു. ഇതിന് പിന്നാലെ ബംഗ്ലാദേശ് ഭാഗത്തുനിന്നും പ്രതികരണങ്ങളും തുടര്‍നടപടികളും ഉണ്ടായി.

ഏഷ്യ കപ്പിന്റെ സമ്മാനദാന ചടങ്ങിനിടെയാണ് മുമ്പെങ്ങും ഇല്ലാത്ത സംഭവവികാസങ്ങള്‍ ഉണ്ടായത്. പാകിസ്താന്‍ ആഭ്യന്തരമന്ത്രി കൂടിയായ മുഹ്‌സിന്‍ നഖ്‌വിയില്‍ നിന്ന് ട്രോഫി വാങ്ങാന്‍ ഇന്ത്യന്‍ ടീം വിസമ്മതിച്ചു. തുടര്‍ന്ന് ട്രോഫിയുമായി നഖ്‌വി ഹോട്ടലിലേക്ക് പോവുകയായിരുന്നു. മത്സരത്തിലെ വിജയത്തിന് ശേഷം ട്രോഫിയില്ലാതെയാണ് ഇന്ത്യന്‍ ക്രിക്കറ്റ് ടീം ആഘോഷം നടത്തിയത്.

നഖ്വിയില്‍ നിന്ന് ട്രോഫി സ്വീകരിക്കില്ല എന്നത് ഇന്ത്യന്‍ ടീം ഏഷ്യന്‍ ക്രിക്കറ്റ് കൗണ്‍സിലിനെ അറിയിച്ചിരുന്നു. എമിറേറ്റ്‌സ് ബോര്‍ഡ് വൈസ് ചെയര്‍മാന്‍ ഖാലിദ് അല്‍ സറൂണിയില്‍ നിന്ന് ട്രോഫി സ്വീകരിക്കാമെന്ന് അറിയിക്കുകയും ചെയ്തു. എന്നാല്‍, ഇത് അംഗീകരിക്കപ്പെട്ടില്ല. ഇന്ത്യയുമായി സംഘര്‍ഷത്തിലുള്ള ഒരു രാജ്യത്തിന്റെ പ്രതിനിധിയില്‍ നിന്നും ട്രോഫി സ്വീകരിക്കില്ലെന്നത് രാജ്യത്തിന്റെ നിലപാടാണ്. എന്നാല്‍, ട്രോഫിയും മെഡലുകളുമായി നഖ്‌വി പോയത് ഒരിക്കലും അംഗീകരിക്കാനാവില്ല.

ഇതാദ്യമായാണ് ജയിച്ച ഒരു ടീം ട്രോഫിയില്ലാതെ ആഘോഷം നടത്തുന്നതെന്ന് ഇന്ത്യന്‍ ക്രിക്കറ്റ് ടീം ക്യാപ്റ്റന്‍ സൂര്യകുമാര്‍ യാദവ് പറഞ്ഞു. നേരത്തെ ഇന്ത്യപാകിസ്താന്‍ മത്സരത്തിനിടെ പാക് താരങ്ങള്‍ക്ക് ഇന്ത്യന്‍ താരങ്ങള്‍ ഹസ്തദാനം നല്‍കാന്‍ വിസമ്മതിച്ചതും വിവാദമായിരുന്നു. ത്രില്ലര്‍ പോരിനൊടുവില്‍ ഏഷ്യകപ്പ് ക്രിക്കറ്റ് കിരീടം നിലനിര്‍ത്തി ഇന്ത്യ. കലാശപ്പോരില്‍ പാകിസ്താനെ അഞ്ചു വിക്കറ്റിന് കീഴടക്കിയാണ് ഇന്ത്യ ചാമ്പ്യന്മാരായത്.

കേസില്‍ നേരത്തെ ടെസ്റ്റ് ഓപ്പണിങ് ബാറ്റ്സ്മാനായ ഷര്‍ജീല്‍ ഖാന് ട്രിബ്യൂണല്‍ നേരത്തെ അഞ്ചു വര്‍ഷത്തേക്ക് വിലക്കേര്‍പ്പെടുത്തിയിരുന്നു. ലാഹോര്‍ ഹൈക്കോടത് മുന്‍ ജഡ്ജിയാണ് അഴിമതി ട്രബ്യൂണിന്റെ തലവന്‍. ലത്തീഫ് വാതുവെപ്പുകാരനുമായി കൂടികാഴ്ച്ച നടത്തിയിട്ടുണ്ടെന്ന് അദ്ദേഹം പാക് ക്രറ്റ് ബോര്‍ഡ് അറിയിച്ചു.

ഫെബ്രുവരിയില്‍ ദുബായില്‍ നടന്ന പാകിസ്താന്‍ സൂപ്പര്‍ ലീഗിലാണ് വാതുവെപ്പ് നടന്നത്. എട്ട്, ഒമ്പത് തിയ്യതികളില്‍ നടന്ന മത്സരങ്ങളിലാണ് വാതുവെപ്പ് നടന്നത്. ഷര്‍ജീല്‍ ഖാനാണ് ലത്തീഫിനെ വാതുവെപ്പുകാര്‍ക്ക് പരിചയപ്പെടുത്തിക്കൊടുത്തത്. ട്രിബ്യൂണല്‍ നടപടിക്കെതിരെ ഇരുവരും സുപ്രീംകോടതിയെ സമീപിച്ചിട്ടുണ്ട്

ലോകകപ്പ് കളിച്ച മറ്റ് രാജ്യത്തെ ടീമുകള്‍ക്കെല്ലാം അര്‍ഹിച്ച പരിഗണനയും സ്വീകരണവും നല്‍കുമ്പോഴാണ് പാക്ക് ക്രിക്കറ്റ് ബോര്‍ഡ് സന മിറിയേയും സംഘത്തേയും ഇത്തരത്തില്‍ അപമാനിച്ചത്. രാജ്യത്തിന് വേണ്ടി കളിച്ച താരങ്ങള്‍ വീടുകളിലേക്ക് മടങ്ങിയത് ബൈക്കിലും ഓട്ടോ റിക്ഷയിലുമാണ്. പിതാവിനൊപ്പം ട്രിപ്പിള്‍ ഇരുന്ന് ബൈക്കില്‍ വീട്ടിലേക്ക് മടങ്ങുന്ന പാക് താരത്തിന്റെ ചിത്രം സോഷ്യല്‍ മീഡിയയില്‍ ഇതിനകം വൈറലായിരിക്കുകയാണ്. അതേ സമയം പാക്ക് ടീമിന് വീട്ടിലേക്ക് പോവാന്‍ വഹന സൗകര്യം ഒരുക്കിയിരുന്നു എന്നാണ് പിസിബിയുടെ പ്രതികരണം

ചരിത്രത്തിലെ ഏറ്റവും മോശം പ്രകടനമാണ് പാക് ടീം ലോകകപ്പില്‍ കാഴ്ച്ചവെച്ചത്. കളിച്ച ഏഴിലും അവര്‍ തോറ്റു. ടീമിന്റെ മോശം പ്രകടനം ടീമില്‍ വന്‍ അഴിച്ചു പണിയ്ക്കു വഴിവെട്ടുമെന്നാണ് റിപ്പോര്‍ട്ടുകള്‍. സന മിറിന്റെ ക്യാപ്റ്റന്‍ സ്ഥാനവും സാബിഹ് അസ്ഹറിന്റെ പരിശീലക സ്ഥാനവും തെറിക്കുമെന്നുറപ്പാണ്. ബോര്‍ഡ് ചെയര്‍മാന്‍ ഷെഹരിയാര്‍ ഖാന്‍ ടീമിന്റെ പ്രകടനത്തില്‍ അമര്‍ഷം രേഖപ്പെടുത്തിയതായാണ് പുറത്ത് വരുന്ന റിപ്പോര്‍ട്ട്.

വനിതാ ക്രിക്കറ്റ് ഏറെ ശ്രദ്ധിക്കാന്‍ തുടങ്ങിയ പുതിയ സാഹചര്യത്തില്‍ ടീമിനെ അപമാനിച്ചതില്‍ പലരും അമര്‍ശം രേഖപ്പെടുത്തി രംഗത്തെത്തിയിട്ടുണ്ട്. കോഴവിവാദങ്ങളും തീവ്രവാദവും ബോര്‍ഡിലെ കെടുകാര്യസ്ഥതയും പാകിസ്ഥാനിലെ ക്രിക്കറ്റിനേയും സാരമായി തന്നെ ബാധിച്ചിട്ടുണ്ട്.

ചാമ്പ്യന്‍സ് ട്രോഫിയിലെ വിജയത്തിലൂടെ പുരുഷടീം തിരിച്ചു വരവിന്റെ പാതിയിലേക്ക് കയറിയപ്പോള്‍ ലോകകപ്പ് നേടിയ പ്രതീതിയായിരുന്നു പാകിസ്ഥാനിലെ തെരുവുകളില്‍. സര്‍ഫ്രാസിനും സംഘത്തിനും രാജകീയമായ സ്വീകരണമാണ് അന്ന് ആരാധകര്‍ നല്‍കിയത്. എന്നാല്‍ പാകിസ്ഥാന്‍ വനിതാ ടീമിന്റെ അവസ്ഥ ദയനീയമെന്നേ വിശേഷിപ്പിക്കാന്‍ പറ്റു. ഒരു കാലത്ത് കളിമികവില്‍ ഇന്ത്യയേക്കാള്‍ വലിയ ക്രിക്കറ്റ് രാജ്യമായിരുന്ന പാകിസ്ഥാന്‍ ഇന്ന് പോയ കാലത്തിന്റെ നിഴല്‍ മാത്രമാണെന്നതാണ് വാസ്തവം.