1995 ല്‍ നിലവില്‍ വന്ന രാജസ്ഥാനിലെ മൃഗങ്ങളെ കൊല്ലലും, താല്‍കാലിക കയറ്റുമതിയും തടയുന്ന നിയമത്തിന്റെ 5,8,9 സെക്ഷനുകള്‍ പ്രകാരമാണ് പെഹ് ലു ഖാനും, രണ്ട് മക്കള്‍ക്കും, മറ്റ് ചിലര്‍ക്കുമെതിരെ കോണ്‍ഗ്രസ് ഗവര്‍മെണ്ട് അധികാരമേറ്റെടുത്ത ഉടനെ ഡിസംബര്‍ 30 ന് ചാര്‍ജ് ഷീറ്റ് നല്‍കിയത്.

കത്തിന്റെ പൂര്‍ണ രൂപം താഴെ ചേര്‍ക്കുന്നു

ബഹുമാന്യനായ ശ്രീ അശോക് ഹെലോട്ട്ജി,
ദളിത് ,മുസ്‌ളീം സമുദായങ്ങള്‍ക്കെതിരെ ഗോ സംരക്ഷണത്തിന്റെ പേരില്‍ നടന്നുവരുന്ന കൊലപാതകങ്ങളും,അതിക്രമങ്ങളും രാജ്യത്തെമ്പാടുമുളള മതേതര സമൂഹത്തിനിടയില്‍ വലിയ ആശങ്ക സൃഷ്ടിച്ചിരിക്കുകയാണല്ലോ. 2014ല്‍ ബി.ജെ.പി ഗവണ്‍മെന്റ് അധികാരത്തില്‍ വന്നതിനു ശേഷം ആരംഭിച്ച ഈ അക്രമങ്ങള്‍ ഇപ്പോഴും നിര്‍ബാദം തുടര്‍ന്നു കൊണ്ടിരിക്കുകയാണ്.ഇത്തരത്തിലുളള ഒരു ക്രൂരമായ കൊലപാതകത്തിന്റെ ഇരയായിരുന്ന പെഹലു ഖാനും അദ്ദേഹത്തിന്റെ രണ്ടു മക്കളും മറ്റു ചിലര്‍ക്കുമെതിരെ പശുകടത്തലിന്റെ പേരില്‍ കുറ്റപ്പത്രം സമര്‍പ്പിക്കപ്പെട്ട വാര്‍ത്ത നാം ദേശീയ മാധ്യമങ്ങളില്‍ വായിക്കുകയുണ്ടായി.1995 ലെ രാജസ്ഥാന്‍ ബൊവിനി മൃഗ നിയമം (മൃഗങ്ങളെ കൊല്ലലും താത്ക്കാലിക കയറ്റുമതിയും) സെക്ഷന്‍ 5,8,9 പ്രകാരമാണ് കേസ് ചാര്‍ജ് ചെയ്തിട്ടുള്ളത്. കോണ്‍ഗ്രസ് ഗവണ്‍മെന്റ് അധികാരത്തിലെത്തിയ ശേഷം 2018 ഡിസംബര്‍ 30 നാണ് ചാര്‍ജ് ഷീറ്റ് ഫയല്‍ ചെയ്തിട്ടുളളത്.മുന്‍ കാലങ്ങളില്‍ പെഹ് ലുഖാന്റെ രണ്ട് സഹായികള്‍ക്കെതിരെ ബി ജെ പി ഗവണ്‍മെന്റ് ഇതേ പോലുളള ചാര്‍ജ് ഷീറ്റ് ചുമത്തിയിരുന്നു. എന്നാല്‍ ഒരു ക്ഷീരകര്‍ഷകനെതിരെ ഇത്രയും ഗുരുതരമായ കുറ്റാരോപണം ഈ ഗവണ്‍മെന്റില്‍ നിന്ന് പ്രതീക്ഷിച്ചതല്ല. നിരപരാധികളെ ശിക്ഷിക്കുന്നതിന് പകരം കുറ്റവാളിയെ നിയമത്തിന് മുമ്പില്‍ കൊണ്ടുവരാനാണ് ഗവണ്‍മെന്റ് ശ്രദ്ധിക്കേണ്ടത്.

ഗവര്‍മെണ്ടുകള്‍ മാറിയാലും ഉദ്യോഗസ്ഥ ,പോലീസ് മേധാവികളുടെ മനോഭാവത്തില്‍ മാറ്റം വരുന്നില്ല എന്നതിന്റെ കൃത്യമായ സൂചനയാണ് ഈ സംഭവം. ഇരകള്‍ക്ക് നീതി ലഭിക്കാനും, പ്രതികള്‍ക്ക് അര്‍ഹമായ ശിക്ഷ ലഭിക്കാനും ആവശ്യമായ അടിയന്തിര ഇടപെടലുകള്‍ ഉണ്ടാകണമെന്ന് അഭ്യര്‍ത്ഥിക്കുകയാണ്. ഈ വിഷയത്തില്‍ താങ്കളുടെ ഭാഗത്ത് നിന്ന് ഉണ്ടാകുന്ന അനുകൂലമായ ഇടപെടലുകള്‍ രാജ്യത്തിന്റെ ബഹുസ്വരതയിലും, സഹവര്‍ത്തിത്വത്തിലും, നിയമ വ്യവസ്ഥയിലും വിശ്വാസമര്‍പ്പിക്കുന്ന എല്ലാവര്‍ക്കും അങ്ങേയറ്റത്തെ ആത്മവിശ്വാസം നല്‍കും.

നന്ദിപൂര്‍വ്വം…
പി കെ കുഞ്ഞാലിക്കുട്ടി എം പി
ദേശീയ ജനറല്‍ സെക്രട്ടറി
ഇന്ത്യന്‍ യൂണിയന്‍ മുസ് ലിം ലീഗ്.

സമരവേദിയിലെത്തും മുമ്പ് മുതിര്‍ന്ന കോണ്‍ഗ്രസ് നേതാവ് ദിഗ്‌വിജയ് സിങുമായി കൂടിക്കാഴ്ച നടത്തിയ കുടുംബം ഡല്‍ഹിയില്‍ വാര്‍ത്താ സമ്മേളനവും നടത്തി. പിതാവിനെ ആക്രമിക്കുന്നതിന്റെ വീഡിയോ മാധ്യമങ്ങളിലൂടെ ലോകം മുഴുവന്‍ കണ്ടതാണ്. ആ വീഡിയോയില്‍ കാണുന്നവര്‍ അല്ല തന്റെ പിതാവിനെ കൊന്നതെങ്കില്‍ പിന്നെ ആരാണെന്ന് പൊലീസ് പറയണമെന്ന് പെഹ്‌ലുഖാന്റെ മകന്‍ ഇര്‍ഷാദ് മാധ്യമങ്ങളോട് പറഞ്ഞു.
പിതാവിനൊപ്പം തന്നെയും പശുഭീകരര്‍ ആക്രമിച്ചിരുന്നു. സംഭവത്തിലെ ഇരയും പിതാവിന്റെ കൊലപാതകത്തിലെ ദൃക്‌സാക്ഷിയുമാണ് താന്‍. എന്നിട്ടും ഒരിക്കല്‍പോലും രാജസ്ഥാന്‍ പൊലീസ് തന്നെ വിളിപ്പിക്കുകയോ പ്രതികളെ തിരിച്ചറിയാന്‍ ആവശ്യപ്പെടുകയോ ചെയ്തിട്ടില്ല. 13 പ്രതികളുള്ളതില്‍ ആറു പേര്‍ക്കാണ് പൊലീസ് ക്ലീന്‍ ചിറ്റ് നല്‍കിയത്. ഇവര്‍ പുറത്തിറങ്ങുന്നത് തങ്ങളുടെ കുടുംബത്തിലെ മറ്റ് അംഗങ്ങള്‍ക്ക് കൂടി ഭീഷണിയാണ്. താന്‍ ജീവിച്ചിരിക്കുന്നിടത്തോളം കാലം നീതിക്കു വേണ്ടിയുള്ള നിയമപോരാട്ടം തുടരും. എന്നാല്‍ രാജസ്ഥാനിലാണെങ്കില്‍ അത് സാധ്യമാവില്ല. അതുകൊണ്ട് കേസ് രാജസ്ഥാന് പുറത്തേക്ക് മാറ്റണം. സുപ്രീംകോടതിയില്‍ മാത്രമാണ് ഇനി തങ്ങള്‍ക്ക് വിശ്വാസമുള്ളതെന്നും ഇര്‍ഷാദ് ഖാന്‍ കൂട്ടിച്ചേര്‍ത്തു.
പെഹ്‌ലുഖാന്റെ ഭാര്യ ജെബുന, എട്ടു വയസ്സുള്ള മകന്‍ ഇന്‍സാദ്, അമ്മാവന്‍ ഹുസൈന്‍ ഖാന്‍, ബന്ധുക്കളായ ഹകാമദ്ദീന്‍, ജമീല്‍ അഹമ്മദ് എന്നിവരും സമരത്തില്‍ പങ്കെടുക്കാന്‍ ഡല്‍ഹിയില്‍ എത്തിയിരുന്നു.

പ്രധാന പ്രതകളില്‍ മൂന്ന് പേര്‍ സംഘപരിവാര്‍ സംഘടനകളുടെ പ്രവര്‍ത്തകരാണ്.
പെഹ്ലു ഖാനെ ആക്രമിച്ച ദിവസം ഓം യാദവ് (45), ഹുക്കും ചന്ദ് യാദവ് (44). സുധീര്‍ യാദവ് (45), ജഗ്മല്‍ യാദവ് (73), നവീന്‍ ശര്‍മ (48), രാഹുല്‍ സെയിനി (24) എന്നിവര്‍ സംഭവം നടന്ന ദിനം പെഹ്ലു ഖാന്റെ ഡയറി ഫാം രത് ഗോശാലയുടെ നാല് കിലോമീറ്റര്‍ പരിസരത്തുണ്ടായിരുന്നതായി ജീവനക്കാരന്‍ മൊഴി നല്‍കിയിരുന്നു. അക്രമസമയത്തെ ഇവരുടെ മൊബൈല്‍ ടവര്‍ ലോക്കേന്‍ പരിശോധിച്ച ശേഷവുമാണ് അക്രമികള്‍ക്ക് പൊലീസ് ക്ലീന്‍ സര്‍ട്ടിഫിക്കറ്റ് കൊടുത്തിരിക്കുന്നത്. അന്വേഷണത്തിനൊടുവില്‍ ഇവര്‍ കുറ്റക്കാരല്ല എന്ന് കണ്ടെത്തിയതായും അതിനാല്‍ പ്രതിപട്ടികയില്‍ നിന്നും ഒഴിവാക്കുകയാണെന്നും ക്രൈം ബ്രാഞ്ച് സമര്‍പ്പിച്ച റിപ്പോര്‍ട്ടില്‍ പറയുന്നു. മറ്റ് രണ്ട് പ്രതികള്‍ പ്രായപൂര്‍ത്തിയാകാത്തവരാണ്.

ജെയ്പൂരിലെ മാര്‍ക്കറ്റില്‍ നിന്നും ഹരിയാനയിലേക്ക് പശുക്കളെ കൊണ്ടുവരുന്നതിനിടെ ഏപ്രില്‍ 11ന് അല്‍വാരിന് അടുത്ത് വെച്ചാണ് പെഹ്ലു ഖാന്‍ ആക്രമിക്കപ്പെട്ടത്. പശുക്കളെ കടത്തുന്നതിന് ആവശ്യമായ രേഖകള്‍ പെഹ്ലു ഖാന്റെ കൈവശമുണ്ടായിരുന്നു. അക്രമികള്‍ പരസ്പരം പേര് വിളിച്ച് പറഞ്ഞതായി പെഹ്ലു ഖാന്റെ മകന്‍ ഇര്‍ഷാദ് പൊലീസിന് മൊഴി നല്‍കിയിരുന്നു. ഇര്‍ഷാദിനും ആക്രമണത്തില്‍ പരിക്കേറ്റിരുന്നു.

സമ്മര്‍ദ്ദത്തിന് അടിമപ്പെട്ടാണ് പൊലീസ് ആറു പ്രതികളെയും വെറുതെ വിടുന്നതെന്നും ഇവര്‍ക്ക് ശിക്ഷ വാങ്ങിക്കൊടുക്കുന്നത് വരെ പോരാട്ടം തുടരുമെന്നും ഇര്‍ഷാദ് ഖാന്‍ പറയുന്നു. ആശുപത്രിയില്‍ പെഹ്ലുഖാന്‍ നല്‍കിയ മൊഴിപ്രകാരമാണ് വിട്ടയച്ച ആറുപ്രതികള്‍ക്കും മറ്റ് 200ഓളം പേര്‍ക്കുമെതിരെ എഫ്.ഐ.ആര്‍ എടുത്തിരുന്നത്. രാജസ്ഥാനിലെ ആല്‍വാറില്‍ ഏപ്രില്‍ ഒന്നിനാണ് ഹരിയാണ സ്വദേശിയായ പെഹ്ലുഖാന്‍ കൊല്ലപ്പെട്ടത്. കര്‍ഷകനായ അദ്ദേഹവും സംഘവും കൃഷിയിടത്തിലേക്ക് പശുക്കളെ ട്രക്കില്‍ കൊണ്ടുവരവേ വി.എച്ച്.പി.ബജ്റംഗ്ദള്‍ പ്രവര്‍ത്തകര്‍ പശുക്കടത്ത് ആരോപിച്ച് അടിക്കുകയായിരുന്നു.