petrol hike – Chandrika Daily

ഇന്ധനവില വര്‍ധന: സംസ്ഥാനസര്‍ക്കാര്‍ നികുതി കുറയ്ക്കുമോ-വി മുരളീധരന്‍

ചന്ദ്രിക വെബ് ഡെസ്‌ക്‌ — Thu, 28 Jan 2021 05:01:53 +0000

കോഴിക്കോട്: ഇന്ധനവിലവര്‍ധനയില്‍ വിശദീകരണവുമായി കേന്ദ്രമന്ത്രി വി. മുരളീധരന്‍. പെട്രോള്‍,ഡീസല്‍ വിലകൂടുന്നതില്‍ കേന്ദ്രസര്‍ക്കാരിനെ മാത്രം കുറ്റം പറയേണ്ടെന്നും സംസ്ഥാന സര്‍ക്കാര്‍ പെട്രോളിയം നികുതി കുറയ്ക്കാന്‍ തയാറുണ്ടോയെന്നും അദ്ദേഹം ചോദിച്ചു.
അന്താരാഷ്ട്ര വിപണിയില്‍ ക്രൂഡ് ഓയില്‍ വിലകുറയുന്നത് മാത്രം അടിസ്ഥാനമാക്കിയല്ല ഇന്ധനവിലയില്‍ മാറ്റംവരുന്നത്. പെട്രോളിയം വിലയുടെ പകുതിയോളം നികുതിയാണ്. ഇത് വിവിധ പ്രവര്‍ത്തനങ്ങള്‍ക്കായി ചെലഴിക്കുന്നു. സംസ്ഥാനസര്‍ക്കാരിന് നേരിട്ട് വിലകുറയ്ക്കണമെന്നുണ്ടെങ്കില്‍ നികുതി വേണ്ടെന്ന് വെച്ചാല്‍മതിയെന്നും മുരളീധരന്‍ പറഞ്ഞു.

ഇന്ധനവില വീണ്ടുംകൂട്ടി; ഡീസലിന് പിന്നാലെ പെട്രോള്‍വിലയും റെക്കോര്‍ഡില്‍

ചന്ദ്രിക വെബ് ഡെസ്‌ക്‌ — Tue, 26 Jan 2021 02:52:35 +0000

തിരുവനന്തപുരം: സംസ്ഥാത്ത് പെട്രോള്‍,ഡീസല്‍ വില വീണ്ടും വര്‍ധിപ്പിച്ചു പെട്രോള്‍ ലിറ്ററിന് 35പൈസയും ഡീസലിന് 37പൈസയുമാണ് കൂട്ടിയത്. ഇതോടെ ഡീസലിന് പിന്നാലെ പെട്രോള്‍വിലയും സര്‍വ്വകാല റെക്കോര്‍ഡിലെത്തി. കൊച്ചിയില്‍ ഒരുലിറ്റര്‍ പെട്രോള്‍ ലഭിക്കാന്‍ 86രൂപ 32 പൈസ നല്‍കണം.

2018 ഒക്ടോബറിലെ 85രൂപ 99 പൈസയെന്ന റെക്കോര്‍ഡാണ് മറികടന്നത്.ഡീസലിന് ഇന്ന് കൂടിയത് 37പൈസയാണ്. ഇതോടെ കൊച്ചിയില്‍ഡീസല്‍വില 80രൂപ 51പൈസയായി. തിരുവനന്തപുരത്ത് 82.14 രൂപയാണ്. അന്താരാഷ്ട്ര വിപണിയില്‍ ക്രൂഡ് ഓയിലിന് വിലകുറഞ്ഞെങ്കിലും എണ്ണകമ്പനികള്‍ വിലവര്‍ധിപ്പിക്കുന്നത് തുടരുകയാണ്. ഈമാസം മാത്രം ഏഴ്തവണയാണ് ഇന്ധനവിലവര്‍ധിപ്പിച്ചത്.

പെട്രോള്‍,ഡീസല്‍ വില വീണ്ടും ഉയര്‍ന്നു

ചന്ദ്രിക വെബ് ഡെസ്‌ക്‌ — Sat, 23 Jan 2021 02:37:54 +0000

കൊച്ചി: പെട്രോള്‍, ഡീസല്‍ വിലയില്‍ വീണ്ടും വര്‍ധന. ഡീസലിന് 26പൈസയും പെട്രോളിന് 25പൈസയും വര്‍ധിച്ചു. ഇതോടെ കൊച്ചിയില്‍ പെട്രോള്‍ വില 85.97 രൂപയും ഡീസല്‍വില 80.14രൂപയുമായി ഉയര്‍ന്നു.

തിരുവനന്തപുരത്ത് യഥാക്രമം 87.63രൂപയും 81.68രൂപയുമാണ്. ഒരുമാസത്തിനിടെ ഇത് ആറാംതവണയാണ് കേരളത്തില്‍ ഇന്ധനവിലവര്‍ധിക്കുന്നത്.

കഴിഞ്ഞ പത്തുദിവസങ്ങളിലായി ഒമ്പത് തവണ പെട്രോളിന് വില കൂടി

chandrika — Tue, 25 Aug 2020 07:59:48 +0000

ന്യൂഡല്‍ഹി: രാജ്യത്ത് കഴിഞ്ഞ 10 ദിവസങ്ങളിലായി 9 തവണ പെട്രോള്‍ വില വര്‍ധിച്ചു. എന്നാല്‍ വില ദിനംപ്രതി വര്‍ധിക്കുന്നത് വേണ്ട രീതിയില്‍ ശ്രദ്ധിക്കപ്പെട്ടില്ലെന്നതാണ് വസ്തുത.

മെട്രോ നഗരങ്ങളിലാണ് പെട്രോള്‍ വില കുത്തനെ ഉയരുന്നത്. ആഭ്യന്തര പെട്രോള്‍ വില ഇന്നേക്ക് തുടര്‍ച്ചയായ ആറാം ദിവസമാണ് ഉയരുന്നത്. അതേസമയം, ഡീസല്‍ നിരക്കില്‍ മാറ്റമില്ല.

ഇന്ന് ഡല്‍ഹി, മുംബൈ, കൊല്‍ക്കത്ത, ചെന്നൈ എന്നിവിടങ്ങളില്‍ പെട്രോളിന്റെ വില ലിറ്ററിന് 9മുതല്‍ 11 പൈസ വര്‍ധിപ്പിച്ചതായി ഇന്ത്യന്‍ ഓയില്‍ കോര്‍പ്പറേഷന്‍ അറിയിച്ചു. ഡല്‍ഹിയില്‍ പെട്രോളിന്റെ വില ലിറ്ററിന് 81.73 രൂപയാണ്. ഡീസല്‍ വില ലിറ്ററിന് 73.56 രൂപയായി. മുംബൈയില്‍ 88.39 രൂപയും കൊല്‍ക്കത്തയില്‍ 83.24 രൂപയുമാണ് വില.