അബുദാബി: അബുദാബിയില്‍ വളര്‍ത്തുമൃഗ രജിസ്‌ട്രേഷന്‍ നിര്‍ബന്ധമാക്കുന്നു. അവസാന തീയതിക്കുമുമ്പായി റജിസ്റ്റര്‍ ചെയ്തില്ലെങ്കില്‍ 1,000 ദിര്‍ഹം പിഴ ഈടാക്കും. നായ പൂച്ച തുടങ്ങിയ വളര്‍ത്തുമൃഗങ്ങള്‍ക്കെല്ലാം രജിസ്‌ട്രേഷന്‍ നിര്‍ബന്ധമാണ്. 2026 ഫെബ്രുവരി 3 മുതല്‍ എമിറേറ്റിലുടനീളം വളര്‍ത്തുമൃഗ രജിസ്‌ട്രേഷന്‍ നിര്‍ബന്ധമാണ്.

വളര്‍ത്തുമൃഗങ്ങളെ നിയമപരമായി അംഗീകരിക്കുകയും സമൂഹത്തിന്റെ സുരക്ഷാ ചട്ടക്കൂടില്‍ സംയോജിപ്പിക്കു കയും ചെയ്യുന്ന ഒരു സമഗ്രമായ ‘കുടുംബ ഇടം’ സൃഷ്ടിക്കുക എന്നതാണ് ഈ സംരംഭത്തിന്റെ ലക്ഷ്യം.

ഈ പ്രക്രിയ സുഗമമാക്കുന്നതിനായി, അബുദാബിയിലുടനീളമുള്ള ലൈസന്‍സുള്ള വെറ്ററിനറി ക്ലിനിക്കുകളുമായി സംവിധാനം ഏര്‍പ്പെടുത്തിയിട്ടുണ്ട്. ഉടമകള്‍ ആവശ്യമായ മെഡിക്കല്‍ രേഖകളും മൈക്രോചിപ്പ് വിശദാംശങ്ങളും നേരിട്ട് സര്‍ക്കാര്‍ പോര്‍ട്ടലിലേക്ക് അപ്ലോഡ് ചെയ്യുന്നതിന് ജീവനക്കാര്‍ സഹായിക്കും. പൊതുജന ങ്ങള്‍ക്ക് സുഗമമായ മാറ്റം ഉറപ്പാക്കുന്നതിനായി, രജിസ്‌ട്രേഷന്‍ സേവനം നിലവില്‍ സൗജന്യമാണ്.