pilot vehicle – Chandrika Daily https://www.chandrikadaily.com Wed, 11 Oct 2023 07:11:47 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg pilot vehicle – Chandrika Daily https://www.chandrikadaily.com 32 32 മന്ത്രി ശിവന്‍കുട്ടിയുടെ പൈലറ്റ് വാഹനം ആംബുലന്‍സില്‍ ഇടിച്ചുണ്ടായ അപകടം; പൊലീസുകാര്‍ക്കെതിരെ അച്ചടക്ക നടപടി https://www.chandrikadaily.com/minister-sivankuttys-pilot-vehicle-collided-with-an-ambulance-disciplinary-action-against-policemen.html https://www.chandrikadaily.com/minister-sivankuttys-pilot-vehicle-collided-with-an-ambulance-disciplinary-action-against-policemen.html#respond Wed, 11 Oct 2023 07:11:47 +0000 https://www.chandrikadaily.com/?p=278796 കൊല്ലം കൊട്ടാരക്കരയില്‍ വച്ച് മന്ത്രി വി.ശിവന്‍കുട്ടിയുടെ പൈലറ്റ് വാഹനം ആംബുലന്‍സില്‍ ഇടിച്ചുണ്ടായ അപകടത്തില്‍ 3 പൊലീസ് ഉദ്യോഗസ്ഥര്‍ക്കെതിരെ അച്ചടക്ക നടപടി. പൊലീസുകാരുടെ ഭാഗത്ത് ഗുരുതര വീഴ്ചയുണ്ടായതായാണ് അന്വേഷണ റിപ്പോര്‍ട്ട്.

കൊട്ടാരക്കര പുലമണ്‍ ജംഗ്ഷനില്‍ വച്ച് ഇക്കഴിഞ്ഞ ജൂലൈ 12നാണ് വിദ്യാഭ്യാസ മന്ത്രി വി.ശിവന്‍കുട്ടിയുടെ പൈലറ്റ് വാഹനം ആംബുലന്‍സുമായി കൂട്ടിയിടിച്ച് അപകടം ഉണ്ടായത്. അപകടം ഉണ്ടായതില്‍ പൊലീസുകാരുടെ ഭാഗത്ത് വീഴ്ച ഉണ്ടായതായി നേരത്തേ പരാതി ഉയര്‍ന്നിരുന്നു. അതിലാണ് ഇപ്പോള്‍ 3 പൊലീസ് ഉദ്യോഗസ്ഥര്‍ക്കെതിരെ അച്ചടക്ക നടപടി സ്വീകരിച്ചത്.

കൊല്ലം ട്രാഫിക് യൂണിറ്റ് എസ്.ഐ അരുണ്‍കുമാര്‍, ശൂരനാട് പൊലീസ് സ്റ്റേഷനിലെ ഗ്രേഡ് എസ്.ഐ വിനയന്‍, സി.പി.ഒ ബിജുലാല്‍ എന്നിവര്‍ക്കെതിരെയാണ് നടപടി. ബിജുലാലാണ് അന്ന് വാഹനം ഓടിച്ചിരുന്നത്. പൊലീസുകാരുടെ ഭാഗത്ത് ഗുരുതര വീഴ്ചയുണ്ടെന്നും അന്വേഷണ റിപ്പോര്‍ട്ടിലുണ്ട്.

14 ദിവസത്തിനുള്ളില്‍ കുറ്റാരോപണ പത്രിക നല്‍കാന്‍ ഡി.ഐ.ജി കൊല്ലം ക്രൈംബ്രാഞ്ച് ഡി.വൈ.എസ്.പിക്ക് നിര്‍ദേശം നല്‍കി. ഒരു മാസത്തിനകം ശിക്ഷ നടപടി സ്വീകരിക്കാനും നിര്‍ദേശമുണ്ട്. കൊട്ടാരക്കര താലൂക്ക് ആശുപത്രിയില്‍ നിന്ന് സ്വകാര്യ ആശുപത്രിയിലേക്ക് രോഗിയുമായി പോവുകയായിരുന്ന ആംബുലന്‍സില്‍ മന്ത്രിയുടെ പൈലറ്റ് വാഹനം ഇടിച്ച് രോഗി ഉള്‍പ്പെടെ 3 പേര്‍ക്കാണ് പരിക്കേറ്റിരുന്നത്.

 

]]> https://www.chandrikadaily.com/minister-sivankuttys-pilot-vehicle-collided-with-an-ambulance-disciplinary-action-against-policemen.html/feed 0 മന്ത്രിയുടെ പൈലറ്റ് വാഹനം ഇടിച്ച സംഭവത്തില്‍ നിയമ നടപടിക്കൊരുങ്ങി ആംബുലന്‍സ് ഡ്രൈവര്‍ https://www.chandrikadaily.com/ambulance-driver-prepared-for-legal-action-in-the-incident-of-hitting-the-ministers-pilot-vehicle.html https://www.chandrikadaily.com/ambulance-driver-prepared-for-legal-action-in-the-incident-of-hitting-the-ministers-pilot-vehicle.html#respond Sun, 16 Jul 2023 04:33:32 +0000 https://www.chandrikadaily.com/?p=264833 നിയമലംഘനം നടത്തി മന്ത്രി വി.ശിവന്‍കുട്ടിയുടെ പൈലറ്റ് വാഹനം ആംബുലന്‍സില്‍ ഇടിച്ച് ഉണ്ടായ അപകടത്തില്‍ പ്രതിയാക്കിയതിനെതിരെ ആംബുലന്‍സ് ഡ്രൈവറും സംഘടനയും നിയമ നടപടിക്ക്. പ്രതി സ്ഥാനത്ത് നിന്ന് ഒഴിവാക്കണമെന്നാവശ്യപ്പെട്ട് കോടതിയെ സമീപിക്കാനാണ് തീരുമാനം. എഫ്‌ഐആറിന്റെ കോപ്പി ആവശ്യപ്പെട്ട് അഭിഭാഷകന്‍ പൊലീസിനെ സമീപിച്ചു.

പിന്തുണയുമായി ആംബുലന്‍സ് എമര്‍ജന്‍സി റെസ്‌പോണ്‍സ് ടീം, ആംബുലന്‍സ് ഓണേഴ്‌സ് ആന്‍ഡ് ഡ്രൈവേഴ്‌സ് അസോസിയേഷന്‍ എന്നീ ആംബുലന്‍സ് സംഘടനകളും രംഗത്തുണ്ട്. പൊലീസ് പൈലറ്റ് വാഹനം ഇടിച്ച് ആംബുലന്‍സ് തകര്‍ത്തതിനു പുറമേ ഡ്രൈവറിനും രോഗിക്കും ബന്ധുക്കള്‍ക്കും പരിക്കേറ്റു.

പൊലീസ് ഡ്രൈവര്‍ക്കു പുറമേ ആംബുലന്‍സ് ഡ്രൈവറെയും പ്രതിയാക്കിയാണ് പൊലീസ് കേസ് എടുത്തത്. ഇന്‍ഷുറന്‍സ് പരിരക്ഷ പോലും ലഭിക്കാതിരിക്കാനാണു നടപടിയെന്നു നിയമ വിദഗ്ധര്‍ പറയുന്നു. ആംബുലന്‍സ് ഡ്രൈവര്‍ക്ക് എതിരെ എടുത്ത കേസ് തിരിച്ചടിയാകുമോ എന്ന ആശങ്കയും പൊലീസിനുണ്ട്. കോടതി എഫ്‌ഐആര്‍ റദ്ദാക്കുന്ന സാഹചര്യം ഉണ്ടാകുമോ എന്നാണ് ആശങ്ക. ഇതെത്തുടര്‍ന്ന് തുടര്‍നടപടികളും മന്ദഗതിയിലാണ്.

കേസുമായി ബന്ധപ്പെട്ട് മൊഴികള്‍ വിശദമായി രേഖപ്പെടുത്തി തുടങ്ങിയിട്ടില്ല. ഇന്നലെയാണ് സ്ഥലത്തെത്തി മഹസര്‍ തയാറാക്കിയത്. ഇതിനിടെ സാക്ഷികളെയും കേസുമായി ബന്ധപ്പെട്ടവരെയും സ്വാധീനിക്കാന്‍ പൊലീസ് സഹായത്തോടെ ചില രാഷ്ട്രീയ ഇടപെടലുകള്‍ ആരംഭിച്ചതായാണ് വിവരം.

ആംബുലന്‍സ് ഡ്രൈവര്‍ നിതിനു നീതി ഉറപ്പാക്കാന്‍ ശക്തമായ ഇടപെടലുകള്‍ നടത്തുമെന്ന് ആംബുലന്‍സ് എമര്‍ജന്‍സി റെസ്‌പോണ്‍സ് ടീം സംസ്ഥാന പ്രസിഡന്റ് ഫിറോസ് എടപ്പാള്‍ പറഞ്ഞു. നിയമപരമായ എല്ലാ പിന്തുണയും നല്‍കുമെന്ന് ആംബുലന്‍സ് ഓണേഴ്‌സ് ആന്‍ഡ് ഡ്രൈവേഴ്‌സ് അസോസിയേഷന്‍ സംസ്ഥാന വൈസ് പ്രസിഡന്റ് റെജി ജോസും പറഞ്ഞു.

]]> https://www.chandrikadaily.com/ambulance-driver-prepared-for-legal-action-in-the-incident-of-hitting-the-ministers-pilot-vehicle.html/feed 0