സര്‍ക്കാര്‍ ഒരു മതസ്ഥര്‍ക്കും ആരാധനാലയങ്ങള്‍ നിര്‍മിച്ചു കൊടുക്കയോ ആരുടേതെങ്കിലും പൊളിച്ചു കളയുകയോ ചെയ്യരുത്. ഒരു മതസ്ഥരുടെയും സ്വത്തു വ ഹകള്‍ മറ്റു മതസ്ഥരോ സര്‍ക്കാരോ കവര്‍ന്നെടുക്കരുത്. ഓരോ മതസ്ഥരുടെയും ആചാരങ്ങളോ അനുഷ്ടാനങ്ങളൊ നിയമങ്ങള്‍ക്കോ സമൂഹത്തിനോ ഹാനികരമ ല്ലെങ്കില്‍ അവയില്‍ സര്‍ക്കാര്‍ ഇടപെട്ടു മാറ്റങ്ങള്‍ വരുത്തരുത്. കോടതികള്‍ക്കു മുമ്പില്‍ ഇത്തരം വിഷയങ്ങള്‍ പരിഗണനയില്‍ വരുമ്പോള്‍ കോടതികള്‍ ആവശ്യ പ്പെട്ടാല്‍ വസ്തുനിഷ്ഠമായ കാര്യങ്ങള്‍ കോടതിയെ സര്‍ക്കാര്‍ ബോധ്യപ്പെടുത്തണം. ഭരണം ഏതു കക്ഷിയുടെയാലും അവരവരുടെ ആശയാദര്‍ശങ്ങള്‍ ഏതെങ്കി ലും മതത്തിന്റെ വിശ്വാസവുമായി കൂട്ടിക്കെട്ടാന്‍ ശ്രമിക്കരുത്. അതാതു രാഷ്ട്രീയ കക്ഷികള്‍ ഈ നിഷ്‌ക്കര്‍ഷ പാലിക്കണം. ഇത്തരം ലംഘനങ്ങളും അധിനിവേശങ്ങ ളും ഭരണഘടനാതീത പ്രവര്‍ത്തനങ്ങളുമാണ് മതേതര സങ്കല്‍പ്പങ്ങള്‍ക്കും രാഷ്ട്ര താല്‍പര്യങ്ങള്‍ക്കും എതിരായി ഭവിക്കുന്നത്. എല്ലാ മതസ്ഥരും മതമേധാവികളും അവരുടെ പ്രവര്‍ത്തനങ്ങള്‍ രാഷ്ട്ര വിരുദ്ധമോ നിയമ വിരുദ്ധമോ ഇതര വിശ്വാസ പ്രമാണങ്ങള്‍ക്കു കളങ്കമേല്‍പ്പിക്കുന്നതൊ ആവാതിരിക്കാന്‍ ശ്രദ്ധിക്കേണ്ടതുണ്ട്. സര്‍ക്കാരോ മതങ്ങളോ ഒരിക്കലും പരിധി ലംഘിക്കാതിരിക്കുകയാണ് വേണ്ടത്.
ഈ കഴിഞ്ഞ വര്‍ഷങ്ങളിലും ഇപ്പോഴും തിരഞ്ഞെടുക്കപ്പെട്ട അധിക സര്‍ക്കാരുകളും ഭാരതത്തിന്റെ ഭരണഘടനാ സങ്കല്‍പ്പങ്ങളെ മറികടന്നു കൊണ്ടിരിക്കുന്നു. ശബരിമല സ്ത്രീ പ്രവേശന വിഷയം രൂക്ഷമായ ഘട്ടത്തില്‍ കേരളത്തില്‍ നടന്നതെല്ലാം വിശ്വാസികളെ പ്രകോപിക്കുന്ന വിധത്തിലുള്ള പ്രവര്‍ത്തികളായിരുന്നു. കേരള സര്‍ക്കാര്‍ കോടതി വിധിയുടെ ചുവടുപിടിച്ച് വിരലിലെണ്ണാവുന്ന ഏതാനും സ്ത്രീകളെ മലകയറ്റാന്‍ നടത്തിയ മല്‍പ്പിടുത്തം തികച്ചും പരിഹാസ്യമായിരുന്നു. ഉന്നതമായ പോലീസ് ഓഫീസര്‍മാരെയും വന്‍തോതില്‍ പോലീസ് സേനയെയും അണിനിരത്തി യുദ്ധ പ്രതിതി തന്നെ ഉണ്ടാക്കിയ ഗവണ്‍മെന്റാണിത്.

ഒരു പ്രയോജനവും ഉണ്ടാവില്ലെന്നറിഞ്ഞിട്ടും അയ്യപ്പ ഭക്തരെയും മൊത്തം വിശ്വാസികളെയും സര്‍ക്കാര്‍ ചിലവില്‍ അവര്‍ വെല്ലുവിളിച്ചു. കോടതിയെ സത്യസന്ധമാ യ വസ്തുതകള്‍ അറിയിച്ചില്ല. ഇവിടെ നിലനില്‍ക്കുന്ന ആചാരങ്ങള്‍ ഹൈന്ദവ സമുഹം അവര്‍ക്കാവശ്യമുള്ളപ്പോള്‍ പരിഷ്‌കരിച്ചുകൊള്ളും സര്‍ക്കാര്‍ എങ്ങിനെ അതിനെ ശക്തികൊണ്ടു നേരിടും. ആചാരങ്ങള്‍ തെറ്റാണെന്നു കരുതുന്ന കക്ഷികള്‍ക്ക് പ്രചരണമോ പ്രബോധന പ്രവര്‍ത്തനങ്ങളൊ അവരുടെ സ്വന്തം ചിലവില്‍ നടത്താം. അത് അയ്യപ്പ ഭക്തന്മാര്‍ സ്വീകരിച്ചാല്‍ അവര്‍ വേണ്ടതു ചെയത് കൊള്ളും. അക്കാലത്ത് ഈ സര്‍ക്കാര്‍ ചെയ്തതെല്ലാം തെറ്റായിരുന്നു.
സര്‍ക്കാര്‍ ചിലവില്‍ തീര്‍ത്ത വനിതാ മതില്‍ പൊളിച്ചു കളഞ്ഞതായി അറിവില്ല. പിന്നിടു നടന്ന തിരഞ്ഞെടുപ്പോടെ ഭക്ത ജനങ്ങളും വിശ്വാസികളും കൂടെയില്ലെന്ന് ബോധ്യമായി. ഇപ്പോള്‍ വിണ്ടും തിരഞ്ഞെടുപ്പു കാലം സമാഗതമായിരിക്കുന്നു. അതിനായി അയ്യപ്പ ഭക്തന്മാരെ തിരിച്ചു വിളിക്കുകയാണ്. ഗോവിന്ദന്‍ മാഷും പാര്‍ട്ടിയും വിശ്വാസികള്‍ക്കൊപ്പമാണത്രെ. തെറ്റുകള്‍ ഓരോന്നായി തിരുത്തുവാനുള്ള ശ്രമത്തിലാണ്. പോളിംഗ് ബൂത്തിലേക്കു ഭക്തജനങ്ങളേയും കൂട്ടിയുള്ള പാര്‍ ട്ടിയുടെ ജാഥ അണി നിരന്നു കഴിഞ്ഞു. എല്ലാവരും ആഗോള സംഗമത്തിന്റെ ബാനറിനു പിന്നില്‍ അണി നിരക്കേണ്ടതാണ് എന്ന അനൗണ്‍സ്‌മെന്റ് വന്നു.
2026 മെയ് മാസം വരെ ഈ ഉത്സവം നീണ്ടു നില്‍ക്കുന്നതാണ്. അതുവരെ സഖാക്കള്‍ വിശ്വാസം തെളിയിക്കുമെന്ന് വ്രതമെടുത്തിരിക്കുന്നു. ‘ഈ ഗോചര പ്രപഞ്ച ത്തിനു അതിതമായ ഒരു ശക്തിയെ പരോക്ഷമായിപ്പോലും മാര്‍ക്സിസം അംഗികരിക്കുന്നില്ല’

അന്ന് ഉത്തരവാദിത്തപ്പെട്ട പൊലീസ് ഉദ്യോഗസ്ഥര്‍ ഒക്കെ ഈ സിസിടിവി കണ്ടിട്ടുണ്ട്. ഉന്നത പൊലീസ് ഉദ്യോഗസ്ഥരും ഇതില്‍ പ്രതികളാണെന്നാണ് തന്റെ അഭിപ്രായം. മുഖ്യമന്ത്രിക്കും ഇക്കാര്യത്തില്‍ ഉത്തരവാദിത്തമുണ്ട്. ഇത് ഒറ്റപ്പെട്ട സംഭവമല്ല. കേരളത്തിലെ മുഖ്യമന്ത്രി ഇക്കാര്യത്തില്‍ പ്രതികരിച്ചില്ല. സ്വന്തം ഗണ്‍മാന്‍ യൂത്ത് കോണ്‍ഗ്രസുകാരെ തല്ലി ചതച്ചപ്പോള്‍ സംരക്ഷിച്ച മുഖ്യമന്ത്രിയാണ്. കേരളത്തിലെ പൊലീസിനെ നരനായാട്ടിന്റെ പൊലീസ് ആക്കി മാറ്റിയതിന്റെ കാരണഭൂതനായാണ് പിണറായി അറിയപ്പെടുക- അദ്ദേഹം പറഞ്ഞു.

ആനയും പുലിയും ഇറങ്ങുകയാണ്. എന്ത് നടപടിയാണ് സര്‍ക്കാര്‍ കൈക്കൊണ്ടത്. പത്ത് ലക്ഷം ഉലുവ കൊടുത്തു. പിണറായിയുടെ മകന്‍ ആണ് മരിച്ചത് എങ്കില്‍ പത്ത് ലക്ഷം ഉലുവ വാങ്ങാന്‍ പിണറായി നില്‍ക്കുമോ. കഴിവ് കെട്ടവരാണ് വനം വകുപ്പില്‍ ഉള്ളത്. ഇരകളെ തിരിഞ്ഞു നോക്കിയിട്ടില്ല വനം മന്ത്രിയും മുഖ്യമന്ത്രിയും, കെ സുധാകരന്‍ പറഞ്ഞു.

നാണംകെട്ട മുഖ്യമന്ത്രി എന്തിനാണ് ഇവിടെ ഭരിക്കുന്നത്. കട്ട് കട്ട് പിണറായി ഒരുപാട് ഉണ്ടാക്കിയിട്ടുണ്ട്. ഭാര്യയുടെ പെന്‍ഷന്‍ കൊണ്ടാണ് എക്‌സാലോജിക്ക് ഉണ്ടാക്കിയത് എന്നാണ് മുഖ്യമന്ത്രി പറഞ്ഞത്. മുഖ്യമന്ത്രി അത് പറഞ്ഞപ്പോള്‍ ജനങ്ങള്‍ ചിരിച്ചിട്ടുണ്ടാവും. എക്‌സാലോജിക്ക് കൊണ്ട് കോടികള്‍ ആണ് പിണറായി ഉണ്ടാക്കിയതെന്നും സുധാകരന്‍ കൂട്ടിച്ചേര്‍ത്തു.

പോലീസിലെ കൊടുംക്രിമിനലുകളുടെ കൂട്ടമാണ് മുഖ്യമന്ത്രിയുടെ അംഗരക്ഷകരും ഗണ്‍മാന്‍മാരുമെന്നും ഇതില്‍ ഓരോരുത്തരുടേയും ക്രിമിനല്‍ പശ്ചാത്തലം ഞങ്ങള്‍ക്ക് വ്യക്തമായി അറിയാമെന്നും സതീശന്‍ പറഞ്ഞു.എല്ലാക്കാലത്തും പിണറായി വിജയന്‍ കേരളത്തിന്റെ മുഖ്യമന്ത്രി ആയിരിക്കില്ലെന്ന് അംഗരക്ഷകരായ പോലീസ് ക്രിമിനലുകള്‍ഓര്‍ക്കണമെന്നും അദ്ദേഹം പറഞ്ഞു.

മുഖ്യമന്ത്രിക്കെതിരെ മുദ്രാവാക്യം വിളിച്ച കെ.എസ്.യു പ്രവര്‍ത്തകരെ പോലീസ് നോക്കിനില്‍ക്കെയാണ് പിണറായി വിജയന്റെ ഗണ്‍മാനും അംഗരക്ഷകരും ചേര്‍ന്ന് വളഞ്ഞിട്ട് മര്‍ദ്ദിച്ചത്.

മുദ്രാവാക്യം വിളിച്ച രണ്ട് കെ.എസ്.യു നേതാക്കളെ ലോക്കല്‍ പോലീസെത്തി പിടിച്ചുമാറ്റിയതിന് ശേഷമാണ് മുഖ്യമന്ത്രിക്കൊപ്പം സഞ്ചരിക്കുന്ന ഗുണ്ടകള്‍ അഴിഞ്ഞാടിയത്. കെ.എസ്.യു-യൂത്ത് കോണ്‍ഗ്രസ് പ്രവര്‍ത്തകര്‍ക്കെതിരെ ഗുണ്ടായിസം കാണിച്ചാല്‍ അതേരീതിയില്‍ പ്രതികരിക്കുമെന്നും അദ്ദേഹം പ്രസ്താവനയില്‍ വ്യക്തമാക്കി.

നവകേരള സദസ്സിനായി മുഖ്യമന്ത്രിയും മന്ത്രിമാരും സഞ്ചരിക്കുന്ന ബസ് ആലപ്പുഴ ജനറല്‍ ആശുപത്രി ജങ്ഷനില്‍ എത്തിയപ്പോഴായിരുന്നു പ്രതിഷേധം. മുദ്രാവാക്യംവിളിച്ച രണ്ടുപ്രവര്‍ത്തകരെ ആദ്യം സംഭവസ്ഥലത്തുണ്ടായിരുന്ന പോലീസുകാര്‍ സമീപത്തെ കടയുടെ മുന്നിലേക്ക് മാറ്റിയിരുന്നു. തുടര്‍ന്ന് മുഖ്യമന്ത്രിയുടെ ബസ് കടന്നുപോകുകയും ചെയ്തു.

എന്നാല്‍, ബസിനൊപ്പം വാഹനവ്യൂഹത്തിലുണ്ടായിരുന്ന മുഖ്യമന്ത്രിയുടെ ഗണ്‍മാന്‍ ഉള്‍പ്പടെയുള്ള അംഗരക്ഷകര്‍ കാറില്‍നിന്ന് ഇറങ്ങിവന്നശേഷം ഇരുവരേയും ലാത്തികൊണ്ട് ക്രൂരമായി മര്‍ദിക്കുകയായിരുന്നു.

പിണറായി വിജയന്റെ ഉമ്മന്‍ചാണ്ടി അനുസ്മരണം:

”കോണ്‍ഗ്രസ് നേതാവും കേരളത്തിന്റെ മുന്‍മുഖ്യമന്ത്രിയുമായ ഉമ്മന്‍ചാണ്ടി വിടവാങ്ങിയിരിക്കുകയാണ്. ഈ വേര്‍പാടോടെ അവസാനിക്കുന്നത് കേരള രാഷ്ട്രീയത്തിലെ ഒരു സുപ്രധാന ഏടാണ്. ഉമ്മന്‍ചാണ്ടി അവശേഷിപ്പിച്ചു പോകുന്ന സവിശേഷതകള്‍ പലതും കേരളരാഷ്ട്രീയത്തില്‍ കാലത്തെ അതിജീവിച്ചു നിലനില്‍ക്കും.

ഒരേ മണ്ഡലത്തില്‍ നിന്നുതന്നെ ആവര്‍ത്തിച്ച് തെരഞ്ഞെടുക്കപ്പെട്ടു സഭയിലെത്തുക. അങ്ങനെ നിയമസഭാ ജീവിതത്തില്‍ അഞ്ച് പതിറ്റാണ്ടിലേറെ പൂര്‍ത്തിയാക്കുക. തെരഞ്ഞെടുപ്പിനെ നേരിട്ട ഒരു ഘട്ടത്തില്‍ പോലും പരാജയമെന്തെന്നത് അറിയാനിടവരാതിരിക്കുക. ഇതൊക്കെ ലോക പാര്‍ലമെന്ററി ചരിത്രത്തില്‍ത്തന്നെ അത്യപൂര്‍വം പേര്‍ക്കു മാത്രം സാധ്യമായിട്ടുള്ള കാര്യങ്ങളാണ്. ആ അത്യപൂര്‍വം സമാജികരുടെ നിരയിലാണ് ശ്രീ. ഉമ്മന്‍ചാണ്ടിയുടെ സ്ഥാനം. ആ സവിശേഷത തന്നെ ജനഹൃദയങ്ങളില്‍ അദ്ദേഹം നേടിയ സ്വാധീനത്തിന്റെ തെളിവാണ്.
1970 ല്‍ ഞാനും ഉമ്മന്‍ചാണ്ടിയും ഒരേ ദിവസമാണ് നിയമസഭാംഗമായത്. എന്നാല്‍, ഞാന്‍ മിക്കവാറും വര്‍ഷങ്ങളിലൊക്കെ സഭയ്ക്കു പുറത്തെ പൊതുരാഷ്ട്രീയ പ്രവര്‍ത്തനരംഗത്തായിരുന്നു. ഇടയ്ക്കൊക്കെ സഭയിലും. എന്നാല്‍, ഉമ്മന്‍ചാണ്ടി സത്യപ്രതിജ്ഞ ചെയ്തതു മുതല്‍ക്കിങ്ങോട്ട് എന്നും സഭാംഗമായി തന്നെ തുടര്‍ന്നു. പല കോണ്‍ഗ്രസ് നേതാക്കളും കെ കരുണാകരനും എ കെ ആന്റണിയുമടക്കം പാര്‍ലമെന്റംഗമായും മറ്റും പോയിട്ടുണ്ട്. ഉമ്മന്‍ചാണ്ടിക്ക് എന്നും പ്രിയങ്കരം നിയമസഭയായിരുന്നു. അദ്ദേഹം അത് വിട്ടുപോയതുമില്ല. കേരളജനതയോടുള്ള അദ്ദേഹത്തിന്റെ ആത്മബന്ധത്തിന് ഇതിലും വലിയ ദൃഷ്ടാന്തം ആവശ്യമില്ല.
എഴുപതുകളുടെ തുടക്കത്തില്‍ നിരവധി യുവാക്കളുടെ സാന്നിദ്ധ്യംകൊണ്ട് കേരള നിയമസഭ ശ്രദ്ധിക്കപ്പെട്ടിരുന്നു. അവരില്‍ മറ്റാര്‍ക്കും ലഭ്യമാവാത്ത ചുമതലകള്‍ തുടര്‍ച്ചയായി ഉമ്മന്‍ ചാണ്ടിയെ തേടിയെത്തി. മൂന്നുവട്ടം മന്ത്രിയായി. നാലാം വട്ടം മുഖ്യമന്ത്രിയായി. ധനം, ആഭ്യന്തരം, തൊഴില്‍ തുടങ്ങിയ സുപ്രധാന വകുപ്പുകള്‍ അദ്ദേഹത്തിനു കൈകാര്യം ചെയ്യാന്‍ സാധിച്ചു.
ജീവിതം രാഷ്ട്രീയത്തിനു വേണ്ടി സമര്‍പ്പിച്ച വ്യക്തിയാണദ്ദേഹം.1970 മുതല്‍ക്കിങ്ങോട്ടെന്നും കേരളത്തിന്റെ രാഷ്ട്രീയ മുഖ്യധാരയില്‍ സജീവ സാന്നിധ്യമായി ഉമ്മന്‍ചാണ്ടി ഉണ്ടായിട്ടുണ്ട്. കോണ്‍ഗ്രസ് രാഷ്ട്രീയത്തിന്റെ അര നൂറ്റാണ്ടു കാലത്തെ ചരിത്രത്തിന്റെ ഗതിവിഗതികള്‍ നിയന്ത്രിക്കുന്ന കാര്യത്തില്‍ എന്നും ഉമ്മന്‍ചാണ്ടിയുടെ പങ്ക് ശ്രദ്ധേയമായിരുന്നു.

കോണ്‍ഗ്രസിന്റെയും യു ഡി എഫിന്റെയും മന്ത്രിസഭയുടെയും നേതൃ നിര്‍ണയ കാര്യങ്ങളിലടക്കം നിര്‍ണായകമാം വിധം ഇടപെട്ടിട്ടുണ്ട് ഉമ്മന്‍ചാണ്ടി. കെഎസ്യുവിലൂടെയും യൂത്ത് കോണ്‍ഗ്രസിലൂടെയും സംസ്ഥാന കോണ്‍ഗ്രസിന്റെ നേതൃനിരയിലെത്തിയ ഉമ്മന്‍ചാണ്ടി സംസ്ഥാനതല കോണ്‍ഗ്രസ് നേതൃത്വത്തില്‍ പ്രവര്‍ത്തിക്കുമ്പോഴും അടിസ്ഥാനപരമായി പുതുപ്പള്ളിക്കാരനായിരിക്കാന്‍ ശ്രദ്ധിച്ചിട്ടുണ്ട്. കഠിനാധ്വാനവും സ്ഥിരോത്സാഹവും എന്നും ഉമ്മന്‍ചാണ്ടിയെ നയിച്ചു. ഊണിനും ഉറക്കത്തിനുമൊന്നും പ്രാധാന്യം കല്‍പിക്കാതെ ആരോഗ്യം പോലും നോക്കാതെ കോണ്‍ഗ്രസ് രാഷ്ട്രീയത്തില്‍ വ്യാപരിക്കുന്ന പ്രകൃതക്കാരനായി അദ്ദേഹം മാറി. രോഗാതുരനായ ഘട്ടത്തില്‍പ്പോലും ഏറ്റെടുത്ത കടമകള്‍ പൂര്‍ത്തീകരിക്കുന്നതില്‍ അദ്ദേഹം വ്യാപൃതനായിരുന്നു. പൊതുപ്രവര്‍ത്തനത്തോടുള്ള ഉമ്മന്‍ചാണ്ടിയുടെ ഈ ആത്മാര്‍ത്ഥത പുതുതലമുറയ്ക്കടക്കം മാതൃകയാണ്. കേരളത്തിന്റെ പൊതുമണ്ഡലത്തില്‍ നികത്താനാവാത്ത വിടവ് സൃഷ്ടിച്ചാണ് ഉമ്മന്‍ചാണ്ടി വിടവാങ്ങുന്നത്. ഉമ്മന്‍ ചാണ്ടിയുടെ വിയോഗത്തില്‍ സന്തപ്ത കുടുംബാംഗങ്ങളുടെയും കോണ്‍ഗ്രസ് പാര്‍ട്ടിയുടെയും യു.ഡി.എഫിന്റെയും പ്രിയപ്പെട്ട എല്ലാവരുടെയും ദു:ഖത്തില്‍ പങ്കു ചേരുന്നു. അനുശോചനം രേഖപ്പെടുത്തുന്നു.”

സി.എന്‍ ജയരാജന്റെ ഫെയ്‌സ്ബുക്ക് പോസ്റ്റ്:

നവ ഫാസിസത്തിന്റെ വക്താക്കളെ നിഷ്പക്ഷമായി വാഴ്ത്തിപ്പാടരുത്. സാംസ്‌കാരിക ബഹുസ്വരതയാണ് പി എസ് ശ്രീധരന്‍ പിള്ള മുന്നോട്ടു വെയ്ക്കുന്നത് എന്ന് അദ്ദേഹത്തിന്റെ പുസ്തക പ്രകാശന വേളയില്‍ പിണറായി വിജയന്‍ പറയുന്നതിന്റെ അപകടം വലുതാണ്… ശ്രീധരന്‍ ഗവര്‍ണര്‍ ആകുന്നത് നവ ഫാസിസ്റ്റ് ഭരണകൂട നോമിനി എന്ന നിലയ്ക്കാണ്. എന്തു ബഹുസ്വരതയാണ് ഈ ഹിന്ദുത്വപ്രതിനിധിയില്‍ നിന്നും പ്രതീക്ഷിക്കേണ്ടത്?

തന്റെ കൃതികളിലൂടെയും പരസ്യമായും മാര്‍ക്‌സിസം കാലഹരണപ്പെട്ടു എന്ന നിലപാടാണ് ശ്രീധരന്‍ പിള്ള മുന്നോട്ടു വെച്ചിട്ടുള്ളത്. മുസ്ലീങ്ങളാവുമ്പോള്‍ വസ്ത്രങ്ങള്‍ മാറ്റി നോക്കണമെന്ന മട്ടിലുള്ള ഇസ്ലാമികവിരുദ്ധതയും ശ്രീധരന്‍ പിള്ള പ്രകടിപ്പിച്ചിട്ടുണ്ട്. ഹിന്ദു രാഷ്ട്രത്തില്‍ ശ്രീധരന്‍ പിള്ളയുടേത് പോലുള്ള സൃഷ്ടികളേ അനുവദിക്കപ്പെടൂ എന്നതും ഓര്‍ക്കുന്നത് നല്ലതാണ്.’

ഒരു സാധാരണ വായനക്കാരന്‍ മാത്രമായ എനിക്ക് സാഹിത്യത്തില്‍ വലിയ ജ്ഞാനമൊന്നുമില്ല. ചിലത് മനുഷ്യപക്ഷമാണെന്നും ചിലത് അല്ലെന്നുമൊക്കെ മനസിലാകുന്നത് ഇതുപോലെ അഗാധജ്ഞാനികളായ നിരൂപകര്‍ പറഞ്ഞുതരുമ്പോഴാണ്. സംഘ്പരിവാര്‍ കാഴ്ചപ്പാട് മനുഷ്യപക്ഷത്താണെങ്കില്‍ അതൊരു വിലപ്പെട്ട അറിവ് തന്നെയാണ്.- വി.അബ്ദുല്‍മജീദ് കുറിച്ചു.

ഷാഫി പറമ്പില്‍ എം.എല്‍.എ ഫെയ്‌സ് ബുക്കില്‍കുറിച്ചു.

കേരളത്തില്‍ പിണറായി വിജയന്‍ സര്‍ക്കാരുള്ളപ്പോള്‍ മോദി ഒരു സീറ്റിന് വേണ്ടി എന്തിന് കഷ്ടപെടണം ? ഒരു സീറ്റിന് വേണ്ടി റോഡ് ഷോ നടത്തി, മോദിയെ കൊണ്ട് കൂട്ടിയാല്‍ കൂടാത്ത ‘സംവാദം’എന്ന ഓമനപ്പേരില്‍ റേഡിയോ തുറന്ന് വെച്ച പോലെ മന്‍ കി ബാത്ത് നടത്തിയൊക്കെ ബിജെപി നേടാനാഗ്രഹിക്കുന്ന ഭരണം കൊണ്ട് എന്താണോ അവര്‍ ചെയ്യുവാന്‍ ആഗ്രഹിക്കുന്നത് അത് പിണറായി സര്‍ക്കാര്‍ ഭംഗിയായി നടപ്പിലാക്കുന്നുണ്ട്.
ഇന്നലെ പ്രധാനമന്ത്രി എറണാകുളത്ത് എത്തിയപ്പോള്‍ പുല്‍വാമയിലെ ധീരരെ കൊലയ്ക്ക് കൊടുത്തതില്‍ ഭരണകൂടത്തിന്റെ വീഴ്ച്ച ചൂണ്ടിക്കാണിച്ച് യൂത്ത് കോണ്‍ഗ്രസ്സ് കൊടി വീശി ‘ മോദി ഗോ ബാക്ക്’ എന്ന് മുദ്രാവാക്യം വിളിച്ചതിന് അനീഷ് ജഒ എന്ന യൂത്ത് കോണ്‍ഗ്രസ്സ് ജില്ലാ സെക്രട്ടറിക്കെതിരെ ‘മേലെ’ നിന്നുള്ള നിര്‍ദ്ദേശ പ്രകാരം 153 അ ചുമത്തുകയാണെന്ന് പോലീസ് എറണാകുളം ങജ ഹൈബി ഈഡനെ വിളിച്ച് അറിയിക്കുന്നു.
സമരം ചെയ്തവന്റെ മതം നോക്കി മുസ്ലീമായത് കൊണ്ട് ‘മത സ്പര്‍ദ്ധ വളര്‍ത്തുന്ന’ വകുപ്പ് ചേര്‍ത്ത് കേസെടുക്കാന്‍ നിര്‍ദ്ദേശം കൊടുത്ത വിജയന്റെ ആഭ്യന്തര വകുപ്പിനെ ചൊല്ലി മോദി അഭിമാനിക്കുന്നുണ്ടാവും.
‘കേരള യോഗി’ പിണറായി നാട് ഭരിക്കുമ്പോള്‍ ബിജെപി ഇനി വേറെ സീറ്റിനും ഭരണത്തിനും വേണ്ടി ദിവാസ്വപ്നം കാണേണ്ട കാര്യമില്ലല്ലോ…
ഏത് കേസെടുത്താലും കോട്ടിട്ട മോദിക്കും മുണ്ടുടുത്ത മോദിക്കുമെതിരെയുള്ള യൂത്ത് കോണ്‍ഗ്രസ്സ് പോരാട്ടം തുടരും.