ഭൂരിപക്ഷ വർഗീയതയെ പ്രീണിപ്പിക്കുന്ന രാഷ്ട്രീയത്തിലേക്കാണ് ഇപ്പോൾ സി.പി.എം പോകുന്നത്. പ്രസക്തമല്ലാത്ത ഒരു വിഷയത്തെ സംബന്ധിച്ചാണ് പി. ജയരാജൻ പ്രതികരിച്ചത്. കേരളത്തിൽ ഒരു ചർച്ചയിലും ഇല്ലാത്ത വിഷയമാണ് ഐ.എസ്. കേരളത്തിൽനിന്ന് ഐ.എസ് റിക്രൂട്ട്‌മെന്റ് നടക്കുന്നു എന്ന അദ്ദേഹത്തിന്റെ പ്രസ്താവനയുടെ ലക്ഷ്യം സി.പി.എം വ്യക്തമാക്കണം. ഐ.എസ് റിക്രൂട്ട്‌മെന്റ് കേരളത്തിൽ നടക്കുന്നുണ്ടെങ്കിൽ കേരളം ഭരിക്കുന്ന മുഖ്യമന്ത്രിയും ആഭ്യന്തര വകുപ്പുമാണ് ഉത്തരം പറയേണ്ടത്.

തെരഞ്ഞെടുപ്പിന് ശേഷം ഭൂരിപക്ഷ വർഗ്ഗീയതയെ സുഖിപ്പിക്കുന്ന പ്രതികരണങ്ങളാണ് സി.പി.എം നടത്തുന്നത്. ഇത് ബോധപൂർവ്വമാണ്. മതേതര രാഷ്ട്രീയ പാരമ്പര്യം ഉയർത്തിപ്പിടിക്കുന്ന മുസ്ലിംലീഗും ആർ.എസ്.പിയും യു.ഡി.എഫ് ഒന്നടങ്കവും ഈ സ്ഥിതിഗതികൾ നിരീക്ഷിച്ച് വരികയാണ്. തരാതരം ഭൂരിപക്ഷ-ന്യൂനപക്ഷ വർഗീയതയെ പ്രീണിപ്പിക്കുന്ന സി.പി.എം നിലപാടിന്റെ ഭാഗമാണ് ജയരാജന്റെ പ്രസ്താവന.- അദ്ദേഹം പറഞ്ഞു. നിയമസഭാ തെരഞ്ഞെടുപ്പിലും തദ്ദേശ തെരഞ്ഞെടുപ്പിലും യു.ഡി.എഫ് വലിയ മുന്നേറ്റം നടത്തുമെന്നും അദ്ദേഹം കൂട്ടിച്ചേർത്തു.

തീവ്രവാദ ശ്രമങ്ങളെ ഏത് കാലത്തും ശക്തമായി എതിർത്ത പാർട്ടിയാണ് മുസ്ലിംലീഗെന്ന് പി.കെ കുഞ്ഞാലിക്കുട്ടി വ്യക്തമാക്കി. ന്യൂനപക്ഷങ്ങൾക്കിടയിൽ തീവ്രവാദ ശ്രമം വന്നിട്ടുണ്ടെങ്കിൽ ഞങ്ങൾ അതിനെ നഖശിഖാന്തം എതിർത്തിട്ടുണ്ട്. ഭൂരിപക്ഷ വോട്ടാണ് വേണ്ടതെങ്കിൽ അതനുസരിച്ച ക്യാമ്പയിൻ സി.പി.എം നടത്തും. സഭാ നേതാക്കൾ ഉൾപ്പെടെ എല്ലാവരുമായും നല്ല ബന്ധം തുടരുമെന്നും അദ്ദേഹം പറഞ്ഞു.

ഒരു രാജ്യം ഒരു തെരഞ്ഞെടുപ്പ് വിഷയത്തിൽ മുസ്ലിംലീഗ് എതിർപ്പ് രേഖപ്പെടുത്തിയതാണെന്നും ഒരു ചർച്ചയും കൂടാതെ പെട്ടെന്ന് റിപ്പോർട്ട് നൽകിയത് പ്രഹസനമാണെന്നും നേതാക്കൾ പറഞ്ഞു. ഫെഡറൽ സംവിധാനത്തെ ദുർബലപ്പെടുത്തുന്ന വ്യക്തമായ ഈ രാഷ്ട്രീയ അജണ്ടയെ എതിർത്ത് തോൽപിക്കണമെന്നും നേതാക്കൾ വ്യക്തമാക്കി. ബി.ജെ.പിക്ക് ഇത് നടപ്പാക്കാൻ സാധിക്കില്ലെന്ന് പി.കെ കുഞ്ഞാലിക്കുട്ടി പറഞ്ഞു. ലോ കമ്മിഷനിലും തെരഞ്ഞെടുപ്പ് കമ്മിഷനിലും മുസ്ലിംലീഗ് പ്രതിനിധികൾ ഇക്കാര്യത്തിൽ ശക്തമായ എതിർപ്പ് രേഖപ്പെടുത്തിയിട്ടുണ്ട്. പറയേണ്ട എല്ലാ ബോഡികളിലും ഇക്കാര്യം മുസ്ലിംലീഗ് ഊന്നിപ്പറഞ്ഞിട്ടുണ്ടെന്നും അദ്ദേഹം വ്യക്തമാക്കി.

”കണ്ണൂരിന്‍ പൊന്‍താരകമല്ലോ.. നമ്മുടെ പി.ജയരാജന്‍ ധീരസഖാവ്.. ”

എന്നാണ് പാര്‍ട്ടിക്കാരായ ഭക്തര്‍ പാടിപ്പുകഴ്ത്തിയത്. അങ്ങനെയൊരാള്‍ക്ക് 35 ലക്ഷം ഉരുവയുടെ കാര്‍ വാങ്ങുക എന്ന് വെച്ചാല്‍ അതിലെന്താണിത്ര പുകില് എന്നാണ് പാര്‍ട്ടിക്കാര്‍ ചോദിക്കുന്നത്. എല്ലാ പാര്‍ട്ടിക്കാരുമില്ല, സഖാവിന്റെ കട്ട അനുയായികള്‍ മാത്രം. സി.പി.എം അണികളാരും എവിടെയും ഈ തീരുമാനത്തെ അനുകൂലിച്ചതായി അറിവില്ല.
ഏതായാലും സഖാവിന് ഇനി ബുള്ളറ്റ് പ്രൂഫ് കാറിന്റെ കുറവ് മാത്രമേ ഉള്ളൂ. അത്രയ്ക്കുണ്ട് ജീവന് ഭീഷണി. കേസ് ഒന്നും രണ്ടുമല്ല, എണ്ണിയാല്‍ തീരില്ല. കൊലക്കേസ് മുതല്‍ വഴിതടയല്‍വരെ. പണ്ടൊരു പാവം യൂത്ത് ലീഗ് പ്രവര്‍ത്തകന്‍ വഴിതടഞ്ഞതിനാണ് പാടത്തിട്ട് വെട്ടിയരിയാന്‍ ഓഡര്‍ കൊടുത്തത്. കതിരൂര്‍ മനോജ് വധക്കേസിലും സി.ബി.ഐ പ്രതിയാക്കി. കേസില്‍ അറസ്റ്റ് ചെയ്യുമെന്ന് വന്നതോടെ അതാ കിടക്കുന്നു ആംബുലന്‍സില്‍. പിന്നെ നെഞ്ചുവേദന, വയറുവേദന, തലവേദന ..അങ്ങനെയെന്തൊക്കെ.

ഏതായാലും താന്‍ 35 ലക്ഷത്തിന്റെ ബുള്ളറ്റ് പ്രൂഫ് കാര്‍ ആവശ്യപ്പെട്ടിട്ടില്ലെന്നാണ് പി സഖാവിപ്പോ പറയുന്നത്. 35 ലക്ഷം വരെയാകാമെന്ന് മാത്രമാണ ്പറഞ്ഞത്. ഈ ഖാദിബോര്‍ഡിന്റെ വൈസ്ടചെയര്‍മാനൊക്കെയാണെന്ന് വെച്ചാ എന്താ കരുതിയത്. പിടിപ്പത് ഓട്ടമല്ലേ. നാട് മുഴുവനും ആളുകള്‍ ഖാദിയുടുക്കുന്നതുകൊണ്ട് ഖാദിത്തുണി ഉല്‍പാദിപ്പിച്ചത് തികയുന്നില്ല. അത് വില്‍ക്കാനാണെങ്കില്‍ കാറും ലോറിയുമൊക്കെ വേണ്ടേ? അതിനാണ ്ബുള്ളറ്റ് പ്രൂഫ്. പണ്ട് സാക്ഷാല്‍ മഹാത്മാഗാന്ധിയാണ് ഖാദി പ്രചരിപ്പിച്ചതും നൂല്‍നൂറ്റതുമൊക്കെ. ഇന്നത് ഏറ്റെടുത്തിരിക്കുന്നത് പാവം മാര്‍ക്സിസ്റ്റ് സഖാവാണെന്ന് മാത്രം. ഖാദി നൂറ്റിട്ടും ഗാന്ധിജിക്ക് രക്ഷയുണ്ടായില്ല.ഗോഡ്സേയുടെ രൂപത്തിലല്ലേ എന്നിട്ടും ഘാതകനെത്തിയത്. അതുപോലെയാണ് ഈ പാവം കണ്ണൂര്‍ ഗാന്ധിയന് നേരെയും ആര്‍.എസ്.എസ്സുകാരുടെ ഭീഷണി. ഏതുനിമിഷവും തട്ടിപ്പോകാം. ഒരിക്കല്‍ അവര്‍ വന്നതിന്റെ ഫലമാണീ കൈ. അതുപോലെ ഇനിയും വരാം. ചൂരല്‍കസേര എന്നും തടയാന്‍ ഉണ്ടാവില്ലല്ലോ. അതിനാണ് പകരം 35 ലക്ഷംചെലവാക്കുന്നത്.

ഇനിയിപ്പോ സര്‍ക്കാര്‍ ചെലവ് ചുരുക്കലിലാണെന്നൊക്കെ പറഞ്ഞ് പേടിപ്പിക്കുകയൊന്നും വേണ്ട. ചെലവ് എങ്ങനെ ചുരുക്കാമെന്നും കൂട്ടാമെന്നുമൊക്കെ ഞങ്ങക്കറിയാ. അതിനാണ് ജനം വോട്ടുതന്ന് വിട്ടിരിക്കുന്നത്. ഹെന്ത്? പിണറായിക്ക് ആകാമെങ്കില്‍ എന്തുകൊണ്ട് ഈ സഖാവിനായിക്കൂടാ. കണ്ണൂരിന്‍ പൊന്‍താരകം ഇതാ അടുത്ത നിമിഷത്തില്‍ ബുള്ളറ്റ് പ്രൂഫ് കാറുമായി ഇതാ ഈ വഴിത്താരയിലൂടെ കടന്നുവരുന്നൂ. അനുഗ്രഹിപ്പിന്‍, ആശീര്‍വദിപ്പിന്‍ നാട്ടുകാരേ… !