പോസ്റ്റിന്റെ പൂര്‍ണ്ണരൂപം:

ഫാറൂഖ് ട്രെയ്‌നിംഗ് കോളേജിലെ ഒരധ്യാപകന്‍ പ്രസംഗത്തിനിടയില്‍ നടത്തിയ പരാമര്‍ശങ്ങള്‍ അങ്ങേയറ്റം അശ്ലീലവും അധ്യാപക പദവിയെ കളങ്കപ്പെടുത്തുന്നതും സഭ്യതക്ക് നിരക്കാത്തതുമാണെന്ന് സമ്മതിച്ചു കൊണ്ട് തന്നെ ചില കാര്യങ്ങള്‍ പറയേണ്ടതുണ്ടെന്ന് തോന്നുന്നു. ഒരധ്യാപകന്റെ തെറ്റിന്റെ പേരില്‍ മഹത്തായ ഒരു സ്ഥാപനത്തെ കരിവാരിത്തേക്കുകയും ഇകഴ്ത്തുകയും ചെയ്യാനുള്ള ശ്രമങ്ങള്‍ അത്ര നിഷ്‌കളങ്കമാണെന്ന് കരുതാന്‍ വയ്യ. കേരളത്തിലെ മറ്റു കോളേജുകളില്‍നിന്ന് വ്യത്യസ്തമായി ഫാറൂഖ് കോളേജില്‍ മാത്രം പ്രത്യേക സദാചാര വാദമുണ്ടെന്ന് പറയുന്നത് വസ്തുതാ വിരുദ്ധമാണ്. സി.സി.ടി.വിയുടെ വിലങ്ങുവെച്ച് വിദ്യാര്‍ഥികള്‍ക്ക് മിണ്ടാനും കാണാനും കഴിയാത്ത തരത്തില്‍ സദാചാര അധ്യാപക പോലീസ് ഉണ്ടെങ്കില്‍ വിമര്‍ശന വിധേയമാക്കുക തന്നെ വേണം. വിദ്യാര്‍ത്ഥികള്‍ രാഷ്ട്രീയവും സാമൂഹികവുമായ പ്രബുദ്ധത നേടിയാല്‍ മാത്രമേ ഇത്തരം മനുഷ്യത്വവിരുദ്ധമായ കടന്നുകയറ്റങ്ങളെ അതിജീവിക്കാന്‍ കഴിയൂ. കേരളത്തിലെ മുഴുവന്‍ കാമ്പസുകളിലേക്കും വ്യാപിപ്പിക്കേണ്ട ഒരു ചര്‍ച്ചയാണിത്.

വിമര്‍ശകര്‍ ഫാറൂഖിനെ മാത്രം ലക്ഷ്യമിടുന്നതില്‍ അജണ്ടകളുണ്ട്. താലിബാന്‍, മദ്രസ തുടങ്ങിയ പ്രയോഗങ്ങള്‍ വാരിവിതറുന്നതില്‍നിന്നു തന്നെ ഇവരുടെ ഉദ്ദേശ്യം വ്യക്തമാണ്. ആക്ഷേപിക്കുന്നവര്‍ അറിയേണ്ട ഒരു ഫാറൂഖ് കോളേജുണ്ട്. ഒരു കൂട്ടം നല്ല അധ്യാപകരുള്ള, ബി.സോണിലും ഇന്റര്‍സോണിലും മറ്റു കലാലയങ്ങളെ പിന്തള്ളി ചാമ്പ്യന്‍ പട്ടം കരസ്ഥമാക്കുന്ന, അക്കാദമിക, അക്കാദമികേതര രംഗത്ത് അസൂയാവഹമായ നേട്ടങ്ങള്‍ കൈവരിച്ച/ കൈവരിച്ചു കൊണ്ടിരിക്കുന്ന ഒരു ഫാറൂഖ് കോളേജ്. പുറം തിരിഞ്ഞ് നിന്ന ഒരു സമൂഹത്തെ വിദ്യാഭ്യാസത്തോട് ചേര്‍ത്ത് നിര്‍ത്തിയ ഫാറൂഖ് കോളേജ്. വിദ്യാര്‍ത്ഥി സംഘര്‍ഷങ്ങള്‍ക്ക് പേര് കേട്ട കലാലയങ്ങള്‍ക്കിടയില്‍ സൗഹൃദവും സമാധാനവും ഉയര്‍ത്തിപ്പിടിച്ച ഫാറൂഖ് കോളേജ്. തങ്ങളുടെ കോളേജിനെ ഇക്കോലത്തില്‍ അവമതിപ്പുണ്ടാക്കുന്നതില്‍ മനസ്സ് വിഷമിക്കുന്ന ആയിരക്കണക്കിന് വിദ്യാര്‍ത്ഥികളുള്ള ഫാറൂഖ് കോളേജ്.

ഫാറൂഖ് കോളേജില്‍ പഠിക്കാനാവാത്തത് വലിയ നഷ്ടമായിക്കാണുന്ന വിദ്യാര്‍ത്ഥികള്‍ ഇപ്പോഴും നമുക്കിടയിലുണ്ട്. ഫാറൂഖ് കോളേജിനെ മാത്രം കോര്‍ണര്‍ ചെയ്ത്, അപമാനിക്കാന്‍ ശ്രമിക്കുന്നതിന് പിന്നിലെ രാഷ്ട്രീയം കണ്ടില്ലെന്ന് നടിക്കാനാവില്ല. പ്രതികരണ തൊഴിലാളികള്‍ ആദ്യം ചെയ്യേണ്ടത് തങ്ങളുടെ തൊട്ടടുത്തുള്ളതോ മുമ്പ് പഠിച്ചതോ ആയ ഒരു കാമ്പസ് സന്ദര്‍ശിക്കുക എന്നതാണ്. അവിടെനിന്നു കിട്ടും മാറിയ കാലത്തെ വിശേഷങ്ങള്‍. അപ്പോള്‍ നിങ്ങള്‍ ഫാറൂഖ് കോളജിന് സല്യൂട്ടടിക്കും.

പെരിന്തല്‍മണ്ണയില്‍ സി.പി.എം ക്രിമിനലുകളെ കസ്റ്റഡിയിലെടുക്കുന്നതിന് പകരം നിരപരാധികളായ 47 യൂത്ത് ലീഗ് പ്രവര്‍ത്തകരെ പോലീസ് തടങ്കലില്‍ വച്ചിരിക്കുകയാണ്. സ്‌റ്റേഷനിലുള്ള പ്രവര്‍ത്തകരുമായും സംസാരിച്ചു. ഭരണത്തിന്റെ തണലില്‍ പോലീസിനെ ഉപയോഗിച്ച് പാര്‍ട്ടി പ്രവര്‍ത്തകരുടെ ആത്മവീര്യം ചോര്‍ത്തിക്കളയാമെന്നത് വ്യാമോഹമാണ്. ബൈത്തുറഹ്മകളുണ്ടാക്കി മറ്റുള്ളവര്‍ക്ക് അഭയം നല്‍കാന്‍ മാത്രമല്ല പാര്‍ട്ടി പ്രവര്‍ത്തകര്‍ക്ക് സംരക്ഷണം കൊടുക്കാനും ലീഗിനറിയാം. സി.പി.എമ്മും അവരുടെ നിയന്ത്രണത്തില്‍ നീങ്ങുന്ന പോലീസും അതോര്‍ക്കുന്നത് നന്ന്.

സദ്ദാം ഹുസൈന്‍, യാസര്‍ അറഫാത്ത് എന്നിവരോടൊന്നിച്ച് മോര്‍ഫ് ചെയ്ത ഫോട്ടോ, ന്യൂനപക്ഷ സമ്മേളനം, ബീഫ് വരട്ടല്‍ തുടങ്ങിയ നാടകങ്ങള്‍ക്ക് ശേഷം സി.പി.എം നാടക സംഘത്തിന്റെ ഒടുവിലത്തെ നാടകമാണ് ഹലാല്‍ ഫായിദ.

സി.പി.എം ഒരു കാര്യം മനസ്സിലാക്കണം. ഇത്തരം ചെപ്പടി വിദ്യകളല്ല ആത്മാര്‍ത്ഥമായ നിലപാടുകളാണ് ന്യൂനപക്ഷങ്ങള്‍ക്കാവശ്യമായിട്ടുള്ളത്. സംവരണമടക്കമുള്ള വിഷയങ്ങളില്‍ നിങ്ങളിപ്പോഴും നീങ്ങുന്നത് സംഘ് പരിവാരങ്ങളുടെ നിലപാടിനോടൊപ്പമാണ്. റിയാസ് മൗലവിയും കൊടിഞ്ഞി ഫൈസലുമടക്കമുള്ളവര്‍ വിശ്വാസികളായതിന്റെ പേരില്‍ കൊല്ലപ്പെട്ടത് നിങ്ങളുടെ ഭരണ കാലത്താണ്. ആര്‍.എസ്.എസ്സിന്റെ പാഠ പുസ്തകങ്ങള്‍ സ്‌കൂളുകളില്‍ വിതരണം ചെയ്യുമ്പോള്‍ അബ്ദുറബ്ബായിരുന്നില്ല വിദ്യാഭ്യാസമന്ത്രി, സാക്ഷാല്‍ രവീന്ദ്രനാഥായിരുന്നു.

ബംഗാളിലെ മമത ബാനര്‍ജിയും കര്‍ണ്ണാടകയിലെ സിദ്ധരാമയ്യയും ആര്‍.എസ്.എസ്സിനെതിരെ സ്വീകരിക്കുന്ന ചങ്കുറപ്പുള്ള നിലപാടുകള്‍ കാണുമ്പോള്‍ നമ്മുടെ മുഖ്യമന്ത്രിക്ക് ഉണ്ട് എന്ന് പറയുന്ന ഇരട്ടച്ചങ്കിനെയോര്‍ത്ത് നെടുവീര്‍പ്പിടാന്‍ മാത്രമാണ് ഇവിടെയുള്ളവര്‍ക്ക് സാധിക്കുന്നത്.

രാജ്യം കൂരിരുട്ടിലൂടെ മുന്നോട്ട് പോവുമ്പോള്‍ ഗുജറാത്തില്‍ കണ്ട പ്രതീക്ഷയുടെ തീപ്പൊരിയെ നിസ്സാരവല്‍ക്കരിക്കുകയാണ് നിങ്ങള്‍ ചെയ്തത്. ഇത്തരം സമീപനം തന്നെയാണ് ഇനിയും നിങ്ങളെ മുന്നോട്ട് നയിക്കുന്നതെങ്കില്‍ ഹലാല്‍ ഫായിദ മാഫി ഫായിദ(No profit) ആവും എന്ന കാര്യത്തില്‍ സംശയമില്ല.

പോസ്റ്റിന്റെ പൂര്‍ണ്ണരൂപം:

കേരള രാഷ്ട്രീയത്തില്‍ എന്‍.സി.പി തീരെ ചെറിയ പാര്‍ട്ടിയാണ്. ആ പാര്‍ട്ടി മുന്നണി വിട്ടു പോകുമെന്നോ പോയാല്‍ തന്നെ മുന്നണിയെ ബാധിക്കുമെന്നോ കാര്യ വിവരമുള്ള ആരും വിചാരിക്കാന്‍ സാധ്യതയില്ല. ദേശീയ തലത്തില്‍ ഏതെങ്കിലും പ്രത്യാഘാതമുണ്ടാകുമെന്നും കരുതേണ്ടതില്ല. കാരണം അവിടെ എന്‍.സി.പി യുടെ നിലപാട് വേറെയാണ്.
പിന്നെന്തിന്?
രാജിയില്ലെങ്കില്‍ പിടിച്ച് പുറത്താക്കണമെന്ന് വി.എസ്സും, വിഴുപ്പാണ് ചുമക്കുന്നതെന്ന് മന്ത്രി സുധാകരനും തുറന്ന് പറഞ്ഞു. സി.പി.ഐ മന്ത്രിമാര്‍ മന്ത്രിസഭാ യോഗത്തില്‍ നിന്ന് വിട്ട് നിന്ന് അങ്ങേയറ്റത്തെ പ്രതിഷേധം പ്രകടിപ്പിച്ചു. എന്നിട്ടും തോമസ് ചാണ്ടിയുടെ കാര്യത്തില്‍ മുഖ്യമന്ത്രി എന്ത് കൊണ്ടാണ് ഇത്തരമൊരു നിലപാട് സ്വീകരിക്കുന്നത്?
കുവൈത്തിലുള്ള സ്‌കൂളുകളിലൊന്ന് കോടികള്‍ക്ക് ഈയിടെ വിറ്റുവെന്നും ആ പണം മറ്റെവിടെയും ഇന്‍വെസ്റ്റ് ചെയ്യാതെ നാട്ടിലാണ് മുടക്കിയതെന്നും ചാണ്ടി തന്നെ പറഞ്ഞിട്ടുണ്ടത്രേ! മന്ത്രി സ്ഥാനത്തിന് വേണ്ടിയാണ് അത് മുടക്കിയതെന്ന ഒരു അടക്കം പറച്ചില്‍ കുവൈറ്റിലുള്ള ആളുകള്‍ക്കിടയിലുണ്ട്. അത് തന്നെയായിരിക്കുമോ കാരണം? അതുമല്ലെങ്കില്‍ മറ്റെന്തെങ്കിലും?
പ്രിയപ്പെട്ട മുഖ്യമന്ത്രീ……
നാണവും മാനവുമില്ലെങ്കില്‍ അതുള്ളവര്‍ കുളിച്ച വെള്ളത്തിലെങ്കിലും ഒന്ന് മുങ്ങുന്നത് നല്ലതാ…..

കുറിപ്പിന്റെ പൂര്‍ണ്ണരൂപം:

ബഹുദൈവാരാധന പാപമാണെന്നും അവര്‍ക്ക് പരലോകത്ത് നരക ശിക്ഷ ലഭിക്കുമെന്നും അപ്പോള്‍ അവര്‍ പ്രാര്‍ത്ഥിക്കുന്ന ദൈവങ്ങളൊന്നും അവരെ രക്ഷിക്കാന്‍ വരില്ല എന്നുമെഴുതിയ ലഘു ലേഘ വിതരണം ചെയ്തതാണ് (ജന്മഭൂമി വാര്‍ത്ത) ഇന്നലെ അറസ്റ്റിലായ വിസ്ഡം ഗ്ലോബല്‍ മിഷന്‍ പ്രവര്‍ത്തകര്‍ ചെയ്ത തെറ്റ്. അതായത് ഏകദൈവ വിശ്വാസമാണ് ശരി എന്ന് പ്രചരിപ്പിക്കുന്നത് ബഹുദൈവ വിശ്വാസികളുടെ വികാരത്തെ വ്രണപ്പെടുത്തുമെന്നും അത് വിഭാഗീയതയുണ്ടാക്കുമെന്നുമാണ് കണ്ടുപിടുത്തം.

അങ്ങിനെയെങ്കില്‍ ഈശ്വര വിശ്വാസികളുടെ വികാരത്തെ വ്രണപ്പെടുത്തി ഈശ്വരനേയില്ലെന്ന് പറയുന്ന നിരീശ്വര വാദികളെ എന്ന് മുതലാണ് അറസ്റ്റ് ചെയ്ത് തുടങ്ങുന്നത്? ദൈവമില്ലെന്നും മതം മനുഷ്യനെ മയക്കുന്ന കറുപ്പാണെന്നും വിശ്വസിക്കുകയും പ്രചരിപ്പിക്കുകയും ചെയ്യുന്ന കമ്മ്യൂണിസ്റ്റുകളെ എന്ന് മുതലാണ് തുറുങ്കിലടക്കുന്നത്? മാര്‍ക്‌സിസത്തില്‍ വിശ്വസിക്കുന്നവരുടെ കേരള സുപ്രീമോ ശ്രീ പിണറായി വിജയനെ അറസ്റ്റ് ചെയ്യുകയാണോ അതോ അദ്ധേഹം സ്വമേധയാ ജയിലില്‍ പോയി കിടക്കുകയാണോ ചെയ്യുക?
അറിയാന്‍ താല്‍പ്പര്യമുണ്ട് സര്‍ അറിയാന്‍ താല്‍പ്പര്യമുണ്ട്.

‘രാജ്യം മുഴുവന്‍ ഉറ്റുനോക്കിയ ഒരു തെരഞ്ഞെടുപ്പ്! ജനാധിപത്യത്തെ കശാപ്പ് ചെയ്ത്, അമിത്ഷായുടെ; ആര്‍.എസ്.എസ്സിന്റെ കുതന്ത്രങ്ങള്‍ വിജയിക്കുമോ എന്ന് ഭയപ്പെട്ട തെരഞ്ഞെടുപ്പ്!! എന്നാല്‍ വിജയം ജനാധിപത്യത്തിനായിരുന്നു. അഹമ്മദ് പട്ടേല്‍ കേവലമൊരു എം.പി മാത്രമല്ല ആയത്; മതേതര ഇന്ത്യയുടെ ചെറുത്ത് നില്‍പ്പിന്റെ പ്രതീകം കൂടിയായിരുന്നു. എല്ലാവരും വിജയം ആഘോഷിച്ചു. സി.പി.എമ്മിന് അപ്പോഴും മൗനം മാത്രമായിരുന്നു കൂട്ട് എന്നാണ് ഫേസ്ബുക്കില്‍ കുറിച്ച കുറിപ്പില്‍ ഫിറോസ് അഭിപ്രായപ്പെട്ടു.

സീതാറാം യച്ചൂരിയെ സംഘ് പരിവാറുകാര്‍ അക്രമിപ്പോഴും സി.പി.എം ഭരണത്തിനെതിരെ സംഘികളുടെ രാജ്യവ്യാപക പ്രചാരണം നടന്നപ്പോഴും ശക്തമായ പ്രതിഷേധവുമായി കോണ്‍ഗ്രസ് നേതൃത്വം രംഗത്ത് വന്നു, എന്നാല്‍ കൊല്ലപ്പെട്ട കര്‍ഷകരുടെ വീടുകള്‍ സന്ദര്‍ശിക്കാന്‍ ചെന്ന രാഹുല്‍ ഗാന്ധിയെ ബി.ജെ.പി സര്‍ക്കാറിന്റെ പോലീസ് അറസ്റ്റ് ചെയ്തപ്പോഴും ഗുജറാത്ത് സന്ദര്‍ശിക്കാനെത്തിയ രാഹുല്‍ ഗാന്ധിയെ സംഘ്പരിവാറുകാര്‍ അക്രമിച്ചപ്പോഴും കാറിന്റെ ചില്ല് എറിഞ്ഞ് തകര്‍ത്ത്‌പ്പോഴും സി. പി. എം മിണ്ടിയില്ല. രാജ്യവ്യാപക പ്രതിഷേധമുണ്ടായിട്ടും നമ്മടെ മുഖ്യമന്ത്രി ഫെയിസ് ബുക്കില്‍ പോലും ഒരു വരി കുറിച്ചില്ല തുടങ്ങി നിരവധി വിമര്‍ശനങ്ങളാണ് ഫിറോസ് ഉയര്‍ത്തുന്നത്.

ഫേസ്ബുക്ക് പോസ്റ്റിന്റെ പൂര്‍ണ്ണരൂപം

ഡല്‍ഹി, ജൂണ്‍ 7:
”””””””’
സീതാറാം യച്ചൂരിയെ സംഘ് പരിവാറുകാര്‍ അക്രമിക്കുന്നു. അക്രമത്തിനെതിരെ ശക്തമായ പ്രതിഷേധവുമായി കോണ്‍ഗ്രസ് നേതൃത്വം രംഗത്ത്. കേരളത്തില്‍ പ്രതിപക്ഷനേതാവും കെ.പി.സി.സി പ്രസിഡണ്ടുമൊക്കെ യെച്ചൂരിക്ക് പിന്തുണ പ്രഖ്യാപിക്കുന്നു.
തിരുവനന്തപുരം, ഇക്കഴിഞ്ഞ ദിവസങ്ങള്‍:
”””””””””””””’
ബി.ജെ.പി സി.പി.എം സംഘര്‍ഷമുണ്ടാകുന്നു. ഗുണ്ടകളുടെ പകയാലോ രാഷ്ട്രീയ വൈരാഗ്യത്താലോ ഒരു ആര്‍.എസ്.എസുകാരന്‍ കൊല്ലപ്പെടുന്നു. ഹര്‍ത്താല്‍ പ്രഖ്യാപിക്കുന്നു. തുടര്‍ന്ന് സി.പി.എം ഭരണത്തിനെതിരെ സംഘികളുടെ രാജ്യവ്യാപക പ്രചാരണം. സി.പി.എം ഭരണത്തെ പ്രതിക്കൂട്ടില്‍ നിര്‍ത്താനുള്ള അവസരമായിട്ടും പ്രതിപക്ഷവും സര്‍ക്കാറിനൊപ്പം നില്‍ക്കുന്നു. കേരളം ഒറ്റക്കെട്ട്!!
ബംഗാള്‍, രാജ്യസഭാ തെരഞ്ഞെടുപ്പ്:
”””””””””””””’
കോണ്‍ഗ്രസിന്റെ (44) പകുതിയോളം എണ്ണം എം.എല്‍.എമാരേ (28) സി.പി.എമ്മിനുള്ളൂവെങ്കിലും സീതാറാം യെച്ചൂരിയെ രാജ്യസഭയിലെത്തിക്കാന്‍ പിന്തുണയുമായി കോണ്‍ഗ്രസ് മുന്നോട്ടുവരുന്നു.
*******************
മധ്യപ്രദേശ്, ജൂണ്‍ 8:
””””””””’
അതായത് സീതാറാം യെച്ചൂരിക്ക് നേരെയുണ്ടായ അക്രമം നടന്നതിന്റെ തൊട്ടു പിറ്റേ ദിവസം. കൊല്ലപ്പെട്ട കര്‍ഷകരുടെ വീടുകള്‍ സന്ദര്‍ശിക്കാന്‍ ചെന്ന രാഹുല്‍ ഗാന്ധിയെ ബി.ജെ.പി സര്‍ക്കാറിന്റെ പോലീസ് തടയുന്നു, അറസ്റ്റ് ചെയ്യുന്നു. സംഭവത്തില്‍ രാജ്യവ്യാപക പ്രതിഷേധം. പക്ഷേ സി.പി.എം മാത്രം മിണ്ടിയില്ല.
ബംഗാള്‍, രാജ്യസഭാ തെരഞ്ഞെടുപ്പ്:
”””””””””””””
കോണ്‍ഗ്രസ് പിന്തുണ സ്വീകരിച്ച് യെച്ചൂരി രാജ്യസഭയിലിരിക്കേണ്ടെന്ന് സി.പി.എമ്മിലെ പി.ഗ്രൂപ്പ് (പ്രകാശ് കാരാട്ട് പിണറായി വിജയന്‍) തീരുമാനിക്കുന്നു.
ഗുജറാത്ത്, ആഗസ്റ്റ് 4:
”””””””””””
ഗുജറാത്ത് സന്ദര്‍ശിക്കാനെത്തിയ രാഹുല്‍ ഗാന്ധിയെ സംഘ്പരിവാറുകാര്‍ അക്രമിക്കുന്നു. കാറിന്റെ ചില്ല് എറിഞ്ഞ് തകര്‍ക്കുന്നു. ഗണ്‍മാന് കല്ലേറില്‍ പരിക്കു പറ്റുന്നു. രാജ്യവ്യാപക പ്രതിഷേധം. പക്ഷേ സി. പി. എം മിണ്ടിയില്ല. മ്മടെ മുഖ്യമന്ത്രി ഫെയിസ് ബുക്കില്‍ പോലും ഒരു വരി കുറിച്ചില്ല.
ഗുജറാത്ത്, ആഗസ്റ്റ് 8:
””””””””””
വെറുമൊരു രാജ്യസഭാ സീറ്റിലേക്കുള്ള തെരഞ്ഞെടുപ്പായിരുന്നില്ല അത്. രാജ്യം മുഴുവന്‍ ഉറ്റുനോക്കിയ ഒരു തെരഞ്ഞെടുപ്പ്! ജനാധിപത്യത്തെ കശാപ്പ് ചെയ്ത്, അമിത്ഷായുടെ; ആര്‍.എസ്.എസ്സിന്റെ കുതന്ത്രങ്ങള്‍ വിജയിക്കുമോ എന്ന് ഭയപ്പെട്ട തെരഞ്ഞെടുപ്പ്!!
എന്നാല്‍ വിജയം ജനാധിപത്യത്തിനായിരുന്നു. അഹമ്മദ് പട്ടേല്‍ കേവലമൊരു എം.പി മാത്രമല്ല ആയത്; മതേതര ഇന്ത്യയുടെ ചെറുത്ത് നില്‍പ്പിന്റെ പ്രതീകം കൂടിയായിരുന്നു. എല്ലാവരും വിജയം ആഘോഷിച്ചു. സി.പി.എമ്മിന് അപ്പോഴും മൗനം മാത്രമായിരുന്നു കൂട്ട്. ആര്‍.എസ്.എസുകാരനായ വെങ്കയ്യ നായിഡുവിന്റെ വിജയത്തെ പോലും അഭിനന്ദിച്ച പിണറായിജി പക്ഷേ പട്ടേലിനെ ഒന്ന് അഭിനന്ദിക്കാന്‍ തയ്യാറായില്ല.

ഇനി നോക്കൂ.ഒരു കോണ്‍ഗ്രസുകാരന്‍ ബി.ജെ.പിയിലേക്ക് പോയാല്‍ ബി.ജെ.പി ആഘോഷിക്കുന്നതിനേക്കാള്‍ കൂടുതല്‍ സി.പി.എം ആഘോഷിക്കും. കോണ്‍ഗ്രസുകാര്‍ രാത്രി ആര്‍.എസ്.എസ്സാണെന്ന് പ്രചരണം നടത്തും. അഹമ്മദ് പട്ടേലെങ്ങാനും തോറ്റിരുന്നെങ്കില്‍ സി.പി.എമ്മിന്റെയും സൈബര്‍ സഖാക്കളുടെയും പ്രതികരണം ഊഹിക്കാവുന്നതേയുള്ളൂ.
പറഞ്ഞ് വന്നത് സി.പി.എമ്മിന് സി.പി.എം മാത്രമാണ് പ്രധാനം. എന്നാല്‍ കോണ്‍ഗ്രസിന് കോണ്‍ഗ്രസ് മാത്രമല്ല പ്രധാനം, മറിച്ച് ബി.ജെ.പി വിരുദ്ധ പോരാട്ടമാണ്. അതവര്‍ പല തവണ തെളിയിച്ചിട്ടുണ്ട്. അതിനവര്‍ ഒരു പാട് വിട്ടുവീഴ്ച ചെയ്തിട്ടുണ്ട്. ഇപ്പാഴും പ്രതീക്ഷ കോണ്‍ഗ്രസ് തന്നെയാണ്. എന്നാലും കോണ്‍ഗ്രസിനെ പരിഹസിക്കാനും തളര്‍ത്താനും സി.പി.എം മുന്‍പന്തിയില്‍ തന്നെ ഉണ്ടാകും. ആര്‍.എസ്.എസ് വിമുക്ത കേരളത്തിനായി പ്രവര്‍ത്തിക്കുമെന്ന് പ്രഖ്യാപിച്ച രമേശ് ചെന്നിത്തലയെ പോലും ഒരുളുപ്പുമില്ലാതെ അവര്‍ സംഘിയാക്കും. അപ്പണി അവര്‍ തുടരട്ടെ. അതിനിടയില്‍ കൂടുതല്‍ ഉത്തരവാദിത്തബോധത്തോടെ മുന്നോട്ട് പോവാന്‍ കോണ്‍ഗ്രസിന് സാധിക്കട്ടെ….