പോളിയോയും അര്‍ബുദവും, വീഴ്ച മൂലമുണ്ടായ പരിക്കും ജീവിതത്തിന്റെ ഓരോ ഘട്ടങ്ങളും തളര്‍ത്തിയ റാബിയ സമൂഹം കല്പിച്ചു തരുന്ന അനുകമ്പയുടെ തോടിനുള്ളില്‍ ഒതുങ്ങിയിരുന്ന് കാലം തീര്‍ക്കാതെ സ്വന്തം ഇച്ഛാശക്തി കൊണ്ട് ജീവിതം ആഴത്തില്‍ അടയാളപ്പെടുത്തിയ ചരിതം മനുഷ്യര്‍ക്കാകെയും മാതൃകയാണ്.

അക്ഷരങ്ങളെ ഏറെ സ്‌നേഹിച്ച റാബിയ തന്റെ നിയോഗവും ആ മേഖലയിലാണെന്ന് തിരിച്ചറിഞ്ഞു പ്രവര്‍ത്തിച്ചു. സാക്ഷരതാ പ്രവര്‍ത്തനങ്ങളുടെ മുന്നണിപ്പോരാളിയായി പ്രവര്‍ത്തിച്ച അവര്‍ ചലനം എന്ന പേരിലൊരു ട്രസ്റ്റുണ്ടാക്കി സ്ത്രീകളുടെ ഉന്നമനത്തിന് വേണ്ടി പ്രവര്‍ത്തിച്ച് സാമൂഹ്യ ക്ഷേമ രംഗത്തും നിറഞ്ഞു നിന്നു.

പതിനാലാം വയസ്സില്‍ പോളിയോ ബാധിച്ച് വീല്‍ചെയറിലായ ഒരു പെണ്‍കുട്ടി പിന്നീട് വിധി ഒരുക്കി വെച്ച ഓരോ പ്രതിസന്ധികളെയും അതിജയിച്ച് വെള്ളിലക്കാടെന്ന ഒരു ഗ്രാമീണ പശ്ചാത്തലത്തില്‍ നിന്ന് രാജ്യം പത്മശ്രീ നല്‍കി ആദരിച്ചവരുടെ പട്ടികയില്‍ വരെ ഇടം നേടിയ പേരുകാരി ആയി മാറിയതിന്റെ പോരാട്ട കഥ തലമുറകള്‍ക്ക് പ്രചോധനമാകുമെന്നുറപ്പാണെന്നും പി കെ കുഞ്ഞാലിക്കുട്ടി ഫെയ്‌സ്ബുക്കില്‍ കുറിച്ചു.

സർക്കാരിന്റെ വിശ്വാസ്യതയെ പിടിച്ചുലയ്ക്കുന്ന വെളിപ്പെടുത്തലാണ് അൻവർ നടത്തിയത്. താമിർ ജിഫ്രി കസ്റ്റിഡി കൊലപാതക കേസിൽ മുസ്ലിംലീഗ് ഉയർത്തിയ ആരോപണങ്ങൾ ഇപ്പോൾ ശരിയാണെന്ന് തെളിഞ്ഞു. എഡിജിപി എം ആർ അജിത് കുമാർ, മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി എന്നിവർക്കെതിരായ ഗുരുതരമായ വെളിപ്പെടുത്തലുകളാണ് നിലമ്പൂർ എംഎൽഎ പി വി അൻവർ നടത്തിയത്.

സുജിത്ത് ദാസ് മലപ്പുറത്ത് റേറ്റ് കൂട്ടാൻ ആവശ്യമില്ലാതെ കേസ് എടു എടുത്ത് എണ്ണം കൂട്ടി. ഇക്കാര്യവും മുസ്ലിംലീഗ് നേരത്തെ വ്യക്തിമാക്കിയതാണെന്ന് കുഞ്ഞാലിക്കുട്ടി പറഞ്ഞു.

സര്‍ക്കാര്‍ നീക്കം നിയമവിരുദ്ധമാണെന്നും കോടതിയില്‍ ചോദ്യം ചെയ്യുമെന്നും മുസ്‌ലിം ലീഗ് ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടി പറഞ്ഞു. കേസ് കോടതിയില്‍ നടന്നുകൊണ്ടിരിക്കുകയാണ്. അതിശക്തമായി നിയമപരമായി പോരാടുമെന്നും അദ്ദേഹം വ്യക്തമാക്കി.

ഇതുമായി ബന്ധപ്പെട്ട വെബ്‌സൈറ്റ് ഉടന്‍ പുറത്തിറക്കും. രാജ്യത്താകമാനം പൗരത്വ ഭേദഗതി നിയമത്തിനെതിരെ നടന്ന പ്രതിഷേധങ്ങളെയും നിയമപരട്ടങ്ങളെയും വകവയ്ക്കാതെയാണ് കേന്ദ്രസര്‍ക്കാര്‍ നീക്കം.

ഐഎസ്എല്ലില്‍ മാറ്റുരക്കുന്ന ഹൈദരാബാദ് എഫ്‌സി യുടെ ക്യാമ്പില്‍ നിന്നാണ് റബീഹ് വരുന്നത്. ഭാവിയില്‍ മൈതാനങ്ങളെ ത്രസിപ്പിക്കുന്ന മികച്ച താരമാകാനുള്ള പ്രതിഭയും, ആത്മവിശ്വാസവും ഈ ചെറുപ്പക്കാരനില്‍ തെളിഞ്ഞു നില്‍ക്കുന്നുണ്ട്. കൂടുതല്‍ ഉയരങ്ങള്‍ കീഴടക്കാന്‍ സാധിക്കട്ടെ എന്ന് മനസ്സ് നിറഞ്ഞു ആശംസിക്കുന്നു- അദ്ദേഹം കൂട്ടിചേര്‍ത്തു.

അതേസമയം കെഎം ഷാജിക്കെതിരായ സ്വത്തുസമ്പാദനക്കേസില്‍ വിജിലന്‍സ് പിടിച്ചെടുത്ത 47 ലക്ഷം രൂപ തിരികെ നല്‍കാന്‍ ഹൈക്കോടതി ഉത്തരവ്. പണം തിരികെ ലഭിക്കണമെന്നാവശ്യപ്പെട്ട് കെഎം ഷാജി സമര്‍പ്പിച്ച ഹര്‍ജിയിലാണ് നടപടി.

ബാങ്ക് ഗ്യാരന്റിയില്‍ 47 ലക്ഷം രൂപ തിരിച്ചുനല്‍കാനാണ് ജസ്റ്റിസ് സിയാദ് റഹ്മാന്റെ ബെഞ്ച് ഉത്തരവിട്ടിരിക്കുന്നത്. ഷാജിയുടെ അഴിക്കോട്ടെ വീട്ടില്‍ നടത്തിയ പരിശോധനയിലാണ് 47 ലക്ഷം രൂപ വിജിലന്‍സ് പിടിച്ചെടുത്തത്. സിപിഎം പ്രവര്‍ത്തകനായ അഭിഭാഷകനായ ഹരീഷിന്റെ നടപടിയിലായിരുന്നു നടപടി. കെഎം ഷാജി അനധികൃതമായി സ്വത്തുസമ്പാദിച്ചെന്നായിരുന്നു പരാതി.

പിടിച്ചെടുത്ത തുക തിരികെ ലഭിക്കാനായി കോഴിക്കോട് വിജിലന്‍സ് കോടതിയില്‍ ഹര്‍ജി നല്‍കിയെങ്കിലും തള്ളി. തുടര്‍ന്നാണ് ഹൈക്കോടതിയെ സമീപിച്ചത്. താന്‍ തെരഞ്ഞെടുപ്പ് പ്രവര്‍ത്തനങ്ങള്‍ക്കായി പിരിച്ചെടുത്ത പണമാണിതെന്ന് ഷാജി കോടതിയെ അറിയിച്ചു. പണം പിരിച്ചതിന്റെ രശീതി ഹാജരാക്കി. രശീതികളില്‍ പൊരുത്തക്കേടുണ്ടെന്നും നിലവില്‍ പണം തിരികെ നല്‍കുന്നത് ശരിയാകില്ലെന്നുമായിരുന്നു വിജിലന്‍സിന്റെ വാദം. ഇത് ഹൈക്കോടതി തള്ളുകയായിരുന്നു.

റേഷന്‍ വിതരണം ഇഴഞ്ഞുനീങ്ങുകയും, ശമ്പളം ലഭിക്കാത്തതും, പെന്‍ഷനില്ലാത്തതും, കൂടാതെ തൊഴില്‍ അവസരങ്ങള്‍ ഉണ്ടാക്കാന്‍ ഗവണ്‍മെന്റിന് സാധിക്കാന്‍ കഴിയുന്നില്ലെന്നും അദ്ദേഹം ചൂണ്ടിക്കാട്ടി. ഇത്തരത്തിലുള്ള ഗവണ്‍മെന്റിനെ കേരള ജനത അര്‍ഹിക്കുന്നില്ല.

ഇതിനെതിരായി വലിയ പ്രക്ഷോഭമാണ് യു.ഡി.എഫ് നടത്താന്‍ പോകുന്നതെന്നും അദ്ദേഹം പറഞ്ഞു. ജനങ്ങള്‍ ഈ പ്രക്ഷോഭത്തെ അംഗീകരിച്ചതിന്റെ തെളിവാണ് തൃക്കാകരയും പുതുപ്പള്ളിയും. ഈ പത്ത് മുതല്‍ 15 വരെ പഞ്ചായത്ത് തലങ്ങളിലും, സെക്രട്ടറിയേറ്റിന് മുന്‍പിലും നടക്കാന്‍ പോകുന്ന പ്രക്ഷോഭം വിജയിപ്പിക്കേണ്ടതുണ്ടെന്ന് കുഞ്ഞാലിക്കുട്ടി കൂട്ടിച്ചേര്‍ത്തു.

വലിയ വിവാദങ്ങളായി പരിണമിക്കാവുന്ന പല സംഭവങ്ങളും അദ്ദേഹത്തിന്റെ സൗമ്യ സാമീപ്യം കൊണ്ടും ഇടപെടല്‍കൊണ്ടും മഞ്ഞുരുകുംപോലെ ഇല്ലാതെയായി. കെ. കരുണാകരന്‍ മുഖ്യമന്ത്രിയും ആന്റണി കെ.പി.സി.സി പ്രസിഡന്റുമായ കാലത്ത് യു.ഡി.എഫ് കണ്‍വീനര്‍ എന്ന നിലയില്‍ അവര്‍ക്കിടയിലൊരു കയറായി പ്രവര്‍ത്തിച്ചു. ഒരു ജനാധിപത്യപാര്‍ട്ടി എന്ന നിലയില്‍ കോണ്‍ഗ്രസിനുള്ളില്‍ ഗ്രൂപ്പ് വിഷയങ്ങള്‍ ഉടലെടുത്താല്‍ അതിലെ സമന്വയമായി ഉമ്മന്‍ചാണ്ടി മുന്നിലെത്തി. പൊതുവിഷയങ്ങള്‍ വന്നാല്‍ അതിനിടയിലെ പ്രശ്‌ന പരിഹാരകനായി. കോണ്‍ഗ്രസിനകത്തും മുന്നണിക്കകത്തും വിവാദങ്ങള്‍ ഉടലെടുത്താല്‍ അവിടെ ഓടിയെത്തി എല്ലാവരെയും ഇണക്കിചേര്‍ത്തു.

പ്രതിപക്ഷ കസേരയിലിരിക്കുന്ന കാലത്ത് ഭരണകക്ഷിയെ നന്നായി വിമര്‍ശിക്കുന്ന കൂട്ടത്തിലായിരുന്നു. ആ വിമര്‍ശനം കേട്ടാല്‍ ആര്‍ക്കും വിരോധവും തോന്നില്ല. അദ്ദേഹത്തിന്റെ ശൈലിയായിരുന്നു അതിനു കാരണം. ശക്തമായ വിയോജിപ്പുകള്‍ രേഖപ്പെടുത്തുമ്പോള്‍തന്നെ എതിരാളികള്‍ക്ക് അതിന്റെ ബഹുമാനം നല്‍കി. ഹൃദയ വേദനയുണ്ടാക്കുന്ന ഒരുവാക്കുപോലും അദ്ദേഹത്തില്‍ നിന്നും കേരളം കേട്ടില്ല. ആരോപണം ഉന്നയിക്കുകയാണെങ്കില്‍പോലും അദ്ദേഹം അതില്‍ മാന്യത കാണിച്ചു. മൂര്‍ച്ചയുള്ള ആരോപണങ്ങള്‍കൊണ്ട് പലഘട്ടത്തിലും അക്രമമേല്‍ക്കേണ്ടി വന്ന രാഷ്ട്രീയക്കാരിലൊരാളാണ് ഉമ്മന്‍ചാണ്ടി. എന്നാല്‍ തിരിച്ച് വളരെ മാന്യമായേ അദ്ദേഹം പ്രതികരിച്ചുള്ളു. കോണ്‍ഗ്രസിന്റെ നേതൃമാറ്റ ഘട്ടങ്ങളിലെല്ലാം അദ്ദേഹം വ്യക്തമായ തീരുമാനം കൈകൊണ്ടു. മര്‍മം ആലോചിച്ച് രാജ്യത്തിന് എന്താണോ നല്ലത്, പാര്‍ട്ടിക്ക് എന്താണോ നല്ലത് അതു നടപ്പിലാക്കാന്‍ ഹൈകമാന്റില്‍ വരെ അദ്ദേഹം ഇടപെട്ടു. എന്നാല്‍ ആ ഇടപെടലുകള്‍ മറ്റുള്ളവരെ മോശമാക്കി ചിത്രീകരിച്ചുകൊണ്ടായിരുന്നില്ല.

സ്‌നേഹത്തിന്റെ നൂലുകൊണ്ടു എല്ലാവരേയും വരിഞ്ഞുമറുക്കിയിരുന്നു അദ്ദേഹം. സീറ്റു ചര്‍ച്ചകള്‍ വരുമ്പോള്‍ അതുകൊണ്ടു തന്നെ ഉമ്മന്‍ചാണ്ടിയായിരുന്നു മുന്‍നിരയിലുണ്ടാവുക. ഒരോ ഘടകകക്ഷികളെയും പരിഗണിച്ച് അദ്ദേഹത്തിന്റെ നേതൃത്വത്തില്‍ സീറ്റുവിഭജനം പൂര്‍ത്തീകരിച്ച ചരിത്രം കേരളം കണ്ടതാണ്. മുന്നണി സംവിധാനത്തില്‍ മാതൃകായോഗ്യനായ നേതാവായിരുന്നു. യു.ഡി.എഫിനെ മുന്നില്‍നിര്‍ത്തി ചരിത്ര മാതൃക തീര്‍ക്കുന്നതില്‍ ഉമ്മന്‍ചാണ്ടി വഹിച്ച പങ്കു ചെറുതല്ല. ഫാസിസത്തിനെതിരെ രാജ്യം കൈകോര്‍ക്കാനൊരുങ്ങുന്ന ഈ ഘട്ടത്തില്‍ മാതൃകയാക്കേണ്ടതും ഈ മുന്നണി സംവിധാനത്തേയാണ്.

എന്റെ രാഷ്ട്രീയ ജീവിതത്തില്‍ പ്രതിപക്ഷത്തായാലും ഭരണപക്ഷത്തായാലും ഉമ്മന്‍ചാണ്ടി കൂടെയുണ്ടായിരുന്നു. 2011ല്‍ നേരിയ സീറ്റുകളുടെ പിന്‍ബലത്തില്‍ യു.ഡി.എഫ് മുന്നിട്ടുനില്‍ക്കുമ്പോള്‍ മന്ത്രിസഭ രൂപീകരിക്കാന്‍ അദ്ദേഹം കാണിച്ച നേതൃവൈഭവം ചെറുതൊന്നുമല്ല എന്നെ അത്ഭുതപ്പെടുത്തിയത്. ആ ചര്‍ച്ചകളിലെല്ലാം എന്നെയും അദ്ദേഹം ഭാഗമാക്കി. ചെറിയ മാര്‍ജിനില്‍ നിന്നുകൊണ്ടു മികച്ച ഭരണം കാഴ്ചവെക്കാന്‍ അക്കാലത്ത് യു.ഡി.എഫിന് സാധിച്ചു. സഹമന്ത്രിമാര്‍ക്ക് ക്രിയാത്മകമായി പ്രവര്‍ത്തിക്കാന്‍ അദ്ദേഹം സ്വാതന്ത്ര്യം നല്‍കി. റിസല്‍ട്ടുണ്ടാക്കണമെന്ന നിബന്ധന മാത്രമാണ് അന്ന് അദ്ദേഹം മന്ത്രിമാരുടെ മുന്നില്‍വെച്ചത്. അതുകൊണ്ടുതന്നെ ജിം, എമേര്‍ജിങ് കേരള തുടങ്ങി അനവധി പദ്ധതികള്‍ കേരളത്തിന് സമര്‍പ്പിക്കാന്‍ സാധിച്ചു.

ശിഹാബ് തങ്ങളുമായി അടുപ്പം വലുതായിരുന്നു. പല വിഷമഘട്ടങ്ങളിലും അദ്ദേഹം പാണക്കാടെത്തി. കേരളം കത്തുന്ന പല വിവാദങ്ങളും ഒരുവട്ടമേശയിലിരുന്നു അവര്‍ പരിഹരിച്ചു. എന്റെ രാഷ്ട്രീയ ജീവിതത്തില്‍ വളരെ അടുപ്പം പുലര്‍ത്തിയ നേതാവായിരുന്നു ഉമ്മന്‍ചാണ്ടി. കുഞ്ഞൂഞ്ഞ്, കുഞ്ഞാപ്പ, കുഞ്ഞുമാണി പ്രയോഗമെല്ലാം അതിന്റെ ഭാഗമാണ്. മുന്‍ മുഖ്യമന്ത്രി നായനാരാണ് ഈ പ്രയോഗം കൊണ്ടുവന്നതെങ്കിലും അതൊരു സൗഹൃദത്തിന്റെ കൂടി കഥയായിരുന്നു. ആ കഥയിലെ കുഞ്ഞൂഞ്ഞും കുഞ്ഞുമാണിയും ഓര്‍മയായി. ഇനി കുഞ്ഞാപ്പ മാത്രം ബാക്കി.

മണിപ്പൂർ ജനതക്കൊപ്പം ചേർന്ന് നിൽക്കുകയെന്നത് വർത്തമാന ഇന്ത്യയിലെ വലിയ രാഷ്ട്രീയ ഉത്തരവാദിത്വമാണ്. മണിപ്പൂരിൽ സമാധാനം പുന:സ്ഥാപിക്കണമെന്ന് ആവശ്യപ്പെട്ട് എം.കെ.രാഘവൻ എം.പി യുടെ നേതൃത്വത്തിൽ നടത്തിയ ഏകദിന ഉപവാസം അത്തരത്തിലൊരു ഐക്യപെടലാണ്.

അഭിവന്ദ്യ പിതാവ് താമരശ്ശേരി ബിഷപ്പ് മാർ റമിജിയോസ് ഇഞ്ചനാനിയേൽ നൽകിയ നാരങ്ങ വെള്ളം കുടിച്ചാണ് ഈ ഉപവാസം അവസാനിപ്പിച്ചത്. സാമുദായിക സൗഹാർദങ്ങൾക് ഏറെ പ്രാധാന്യം കൊടുക്കുന്ന ബിഷപ്പിന്റെ സാന്നിധ്യം ഈ സമരത്തെ ഏറെ പ്രാധാന്യമുള്ളതാക്കിയെന്ന് കുഞ്ഞാലിക്കുട്ടി അഭിപ്രായപ്പെട്ടു.