ഫലസ്തീനുള്‍പ്പെടെ ലോകം അനുഭവിച്ച നല്ല കാലം അസ്തമിക്കുകയാണ്. ഈ സാഹചര്യത്തില്‍ വിദേശകാര്യ മന്ത്രി പദം വരെ അലങ്കരിച്ച് ഐക്യരാഷ്ട്ര സഭയിലുള്‍പ്പെടെ സാന്നിധ്യമറിയിച്ചും ഇടപെടലുമായി സജീവമായി നിലകൊണ്ട ഇ അഹമദിന്റെ ചിന്തകള്‍ക്ക് പ്രസക്തിയേറുകയാണ്. ന്യൂനപക്ഷ വർഗീയതയോട് ഒരുതരത്തിലും വിട്ടുവീഴ്ചയ്ക്ക് തയ്യാറല്ലെന്നും മതേതര പാതയിൽ ഉറച്ചുനിൽക്കുമെന്നും കുഞ്ഞാലികുട്ടി വ്യക്തമാക്കി.

കെെയ്യും കാലുംകെട്ടി ചങ്ങലക്കിട്ട് കൊണ്ടുവന്നിട്ടും ചോദ്യം ചെയ്യാൻ കെൽപ്പില്ലാത്ത ഭരണകൂടമാണ് ഇന്ന് രാജ്യത്തുള്ളത്. ഇവിടെ ബുൾഡോസർ ഉപയോഗിച്ച് ഇടിച്ച് നിരത്തുന്നവരും ചങ്ങലക്കിടുന്നവരും ഒരേ നാണയത്തിന്റെ രണ്ട് വശങ്ങളാണ്. പുതിയ ടെക്നോളജി ഇത്തരക്കാരെ മഹാൻമാരാക്കുകയാണെന്നും പി.കെ കുഞ്ഞാലികുട്ടി പറഞ്ഞു.

പാണക്കാട് മുനവറലി ശിഹാബ് തങ്ങൾ അധ്യക്ഷനായി. ഡോ.ഇർഫാനുള്ള ഫാറൂഖി മുഖ്യപ്രഭാഷണം നടത്തി. സ്വാഗത സംഘം ജനറല്‍ കൺവീനർ അഡ്വ.അബ്ദുല്‍ കരീം ചേലേരി സ്വാഗതവും കെ.ടി സഹദുല്ല നന്ദിയും പറഞ്ഞു. അബ്ദുറഹിമാൻ കല്ലായി, പൊട്ടങ്കണ്ടി അബ്ദുള്ള ഹാജി, വി പി വമ്പൻ എന്നിവർ ഉപഹാര സമർപ്പണം നടത്തി. ഇന്ന് നടക്കുന്ന വിവിധ സെഷനുകളിൽ എഴുത്തുകാരൻ ഡോ. രാം പുനിയാനി, യു എ ഇ മുൻ ഇന്ത്യൻ അംബാസഡർ ടി പി സീതാറാം, ഡോ. കെ എസ് മാധവൻ, ഡോ. യാസർ അറഫാത്ത്, സി പി ജോൺ, വെങ്കിടേഷ് രാമകൃഷ്ണൻ, ജ്യോതികുമാർ ചാമക്കാല, പ്രമോദ് രാമൻ തുടങ്ങിയവർ വിഷയാവതരണം നടത്തും.

വൈകീട്ട് 4 മണിക്ക് നടക്കുന്ന സമ്മേളന ഉദ്ഘാടനം പാണക്കാട് സയ്യിദ് സാദിഖലി ശിഹാബ് തങ്ങൾ നിർവഹിക്കും. കെ സുധാകരൻ എം പി മുഖ്യ പ്രഭാഷണം നടത്തും. ഡോ. എം പി അബ്ദുസമദ് സമദാനി എം പി, ഡോ.പി മുഹമ്മദലി ഗൾഫാർ എന്നിവർ ഇ അഹമ്മദ് അനുസ്മരണ പ്രഭാഷണം നടത്തും.

ഒരു തരത്തിലുള്ള പ്രതീക്ഷയും ആശ്വാസവും ജനങ്ങള്‍ക്ക് കൊടുക്കാന്‍ കഴിഞ്ഞ എട്ട് വര്‍ഷത്തെ ബജറ്റിലും സാധിച്ചിട്ടില്ല ക്ഷേമ പെന്‍ഷന്‍ കൂട്ടാത്ത സര്‍ക്കാര്‍ ഭൂ നികുതി കുത്തനെ കൂട്ടി. ഇന്ധന വില ജീവിത ബഡ്ജറ്റ് താളം തെറ്റിക്കുന്ന നാട്ടില്‍ ഒരു ബദല്‍ പ്രതീക്ഷയായി കാണുന്ന ഇലക്ട്രിക്ക് വാഹനങ്ങളുടെ നികുതി കൂട്ടിയതിലൂടെ എന്ത് സന്ദേശമാണ് സര്‍ക്കാര്‍ നല്‍കുന്നത് എന്ന് അദ്ദേഹം പറഞ്ഞു.

ഒരു മനുഷ്യന്റെ ജീവിതത്തിന്റെ ഗതി നിര്‍ണ്ണയിക്കുന്ന കോടതി വ്യവഹാരത്തിന് ഫീസ് കൂട്ടിയാല്‍ നിവൃത്തിയില്ലാതെ കോടതി വ്യവഹാരത്തില്‍ പെടുകയും കയ്യില്‍ പണമില്ലാതിരിക്കുകയും ചെയ്യുന്ന മനുഷ്യരുടെ സ്ഥിതി എന്താകും. വികസന മേഖലയില്‍ അന്‍പത് ശതമാനമാണ് വെട്ടിക്കുറച്ചത്. വയനാടിന് കേന്ദ്രം ഒന്നും കൊടുത്തില്ല. കേരളം എന്താണ് കൊടുത്തത് എഴുന്നൂറ്റി അന്‍പത് കോടി, ഈ നാട്ടിലെ വ്യക്തികളും സംഘടനകളും അതിലേറെ കൊടുത്തിട്ടുണ്ട്. സര്‍ക്കാരിന്റെ കയ്യില്‍ പണമില്ലെന്നാണ് പറയുന്നത്. അതിന് ജനങ്ങളെ ചൂഷണം ചെയ്യലാണോ പരിഹാരമെന്ന് കുഞ്ഞാലിക്കുട്ടി പറഞ്ഞു.

വികസന, ക്ഷേമ മുരടിപ്പിലേക്ക് കേരളത്തെ നയിച്ച എട്ട് വര്‍ഷമാണ് കടന്ന് പോകുന്നത്. യുഡിഎഫിന്റെയും ഉമ്മന്‍ ചാണ്ടിയുടെയും സ്വപ്ന പദ്ധതികളുടെ പിതൃത്വം പേറി എത്ര കാലം ഇനിയും മുന്നോട്ട് പോകും. അഭ്യസ്തവിദ്യരായ പുതു തലമുറയൊക്കെ കാര്യം മനസ്സിലാക്കി നാട് വിടാന്‍ തുടങ്ങി. സമീപകാലത്ത് മൈഗ്രേറ്റ് ചെയ്ത ആളുകളുടെ എണ്ണം എടുത്താല്‍ വസ്തുത മനസ്സിലാകും.

ചുരുക്കത്തില്‍ ഞങ്ങളെ ഈ പണിക്ക് പറ്റില്ല, ഞങ്ങളെ കൊണ്ട് ഇത് കഴിയൂല, അത് കൊണ്ട് തന്നെ ഞങ്ങള്‍ക്കിനി ഒന്നും പറയാനില്ല എന്ന വ്യക്തമായ തുറന്ന് പറച്ചില്‍ പ്രസംഗമായി ബഡ്ജറ്റ് ഒതുങ്ങി. പ്രബുദ്ധ കേരളം ഇത് തിരിച്ചറിഞ്ഞു പ്രതികരിക്കുക തന്നെ ചെയ്യുമെന്ന് അദ്ദേഹം കൂട്ടിച്ചേര്‍ത്തു.

ദേശീയ ദുരന്തമായി പ്രഖ്യാപിക്കാതിരിക്കാനുള്ള വഴി നോക്കി നടക്കുകയായിരുന്നു. ഇത്രേം സമയമായിട്ടും സഹായം എത്തിച്ചിട്ടില്ല. സഹായം നേടിയെടുക്കാന്‍ ഉമ്മന്‍ ചാണ്ടി ഗവണ്മെന്റിനുണ്ടായിരുന്ന ഉത്സാഹം ഈ സര്‍ക്കാരിനില്ല. സംസ്ഥാന സര്‍ക്കാരിന് കഴിവും ത്രാണിയുമില്ലാത്തതിനാലാണ് കേന്ദ്ര സഹായം നേടാനാവാത്തതെന്നും അദ്ദേഹം കുറ്റപ്പെടുത്തി.

സര്‍ക്കാരുകള്‍ പരാജയപ്പെട്ട സ്ഥലത്ത് സംഘടനകള്‍ സഹായിക്കാന്‍ മുന്നോട്ട് വരുന്ന സ്ഥിതിയാണ് വയനാട്ടിലെന്നും അദ്ദേഹം പറഞ്ഞു.

തെരഞ്ഞെടുപ്പില്‍ എല്ലായിടത്തും യുഡിഎഫിന് വിജയപ്രതീക്ഷയാണെന്ന് അദ്ദേഹം പറഞ്ഞു. വയനാട്ടില്‍ പ്രിയങ്കയ്ക്ക് വമ്പിച്ച ഭൂരിപക്ഷം ലഭിക്കും. പാലക്കാട് 15,000 വോട്ടുകളുടെ ഭൂരിപക്ഷം രാഹുലിന് കിട്ടും. പാലക്കാട് യുഡിഎഫും ബിജെപിയുമായാണ് മത്സരം. ഇടതുപക്ഷം മൂന്നാം സ്ഥാനത്ത് നിന്ന് വീണ്ടും താഴേക്ക് പോകും. ഇ പി ജയരാജന്‍ ആത്മകഥ എഴുതാതെ ആകാശത്തു നിന്ന് പൊട്ടിവീഴില്ലല്ലോയെന്നും കുഞ്ഞാലിക്കുട്ടി ചോദിച്ചു. എല്ലാം ജനങ്ങള്‍ക്ക് മനസിലായി. സരിന്‍ ഊതിക്കാച്ചിയെ പൊന്ന് എന്ന ഇ.പി യുടെ പരാമര്‍ശത്തിലും പരിഹാസമായിരുന്നു കുഞ്ഞാലിക്കുട്ടിയുടെ മറുപടി. ഇ പി ജയരാജന്‍ പാലക്കാട് വന്നാല്‍ കിട്ടാനുള്ള നാല് വോട്ട് കൂടി ഇടത് സ്ഥാനാര്‍ത്ഥിക്ക് കുറയും.

ഞങ്ങളൊക്കെ വഖഫ് മന്ത്രിമാര്‍ ആയിട്ടുണ്ടെന്നും അന്നൊന്നും മുനമ്പം പ്രശ്‌നം ഉണ്ടായിട്ടില്ലെന്നും അദ്ദേഹം പറഞ്ഞു. ബിജെപിയും കേരള സര്‍ക്കാരും കൂടി കളിക്കുകയാണെന്നും മുനമ്പത്തുകാര്‍ക്ക് ഭൂമി നല്‍കണം എന്നൊന്നുമല്ല ബിജെപിക്ക് ഉള്ളതെന്നും പി.കെ കുഞ്ഞാലിക്കുട്ടി പറഞ്ഞു.

ഒരുകാലത്തും കേരളത്തിൽ സംഭവിക്കാത്ത കാര്യങ്ങളാണ് സംഭവിച്ച് കൊണ്ടിരിക്കുന്നത്. സ്വന്തം കൂടാരത്തിലുള്ളവർ തന്നെ ഈ ദുർഭരണത്തെ തുറന്ന് കാട്ടുകയാണ്. പോലീസിൽ തന്നെ ഒരു വിഭാഗം കൊള്ളക്ക് കൂട്ടുനിൽക്കുന്നു എന്ന ആരോപണം നിസ്സാരമല്ല. താമിർ ജിഫ്രി കസ്റ്റഡി കൊലക്കേസ് ഉൾപ്പെടെ ഗൗരവമുള്ള വിഷയങ്ങളുണ്ട്. ഇതെല്ലാം യു.ഡി.എഫ് ചർച്ച ചെയ്യും.

നിയമപരമായും രാഷ്ട്രീയമായും ഇതിനെയെല്ലാം നേരിടും. ഭരണകക്ഷി എം.എൽ.എ പറയുന്ന ജനങ്ങളെ ബാധിക്കുന്ന പ്രശ്‌നങ്ങളിൽ ശക്തമായി ഇടപെടും.- കുഞ്ഞാലിക്കുട്ടി വ്യക്തമാക്കി.

വിദ്യാർത്ഥികളെ പോലെ തന്നെ രക്ഷിതാക്കളും ഈ സമരത്തിൽ നമ്മളോടൊപ്പം ഉണ്ട്. കൃത്യമായി പരിഹാരം കാണുന്നതുവരെ സമരമുഖത്ത് കെ. എസ്‌.യു വിന്റെയും എം എസ് എഫിന്റെയും നേതാക്കൾ ഉണ്ടാകണമെന്ന് നേതാക്കൾ പറഞ്ഞു. യുഡിഎഫിന്റെ ലോക്സഭാ വിജയത്തിൽ വിദ്യാർത്ഥി സംഘടനകൾ വഹിച്ച പങ്ക് എടുത്തു പറയാനും ഇതിൽ അവരെ പ്രശംസിക്കാനും പ്രതിപക്ഷ നേതാവ് വി ഡി സതീശൻ തയ്യാറായി. ഇന്ന് വിദ്യാഭ്യാസ മന്ത്രിയുമായി നടക്കുന്ന വിദ്യാർത്ഥി സംഘടന നേതാക്കന്മാരുടെ മീറ്റിങ്ങും കൂടിയാലോചനയിൽ ചർച്ചയായി.

കെ.എസ്. യു സംസ്ഥാന പ്രസിഡൻ്റ് അലോഷ്യസ് സേവ്യർ, ഗോപുനെയ്യാർ, ആദേശ് സുധർമ്മൻ എം എസ് എഫ് നേതാക്കളായ അഷർ പെരുമുക്ക്, ഷറഫു പിലാക്കൽ, VM റഷാദ്, സെമീർ എടയൂർ, അഖിൽ ആനക്കയം. എന്നിവർ ചേർന്നാണ് നേതാക്കളെ സന്ദർശിച്ചത്.

ഇതിനെതിരെ നിയമപരമായും പൊളിറ്റിക്കലായും ഇച്ഛാശക്തിയോടെ നടപടിയെടുക്കാന്‍ സര്‍ക്കാര്‍ തയ്യാറാകണം. അത് ചെയ്യാത്തതാണ് ഇത്തരം സംഭവങ്ങള്‍ ആവര്‍ത്തിക്കാനുള്ള കാരണം. ബോംബുണ്ടാക്കുന്നവനെയും ബോംബുണ്ടാക്കുന്നതിനിടെ പൊട്ടി മരിക്കുന്നവനെയും സി.പി.എം നേതാക്കള്‍ ആദരിക്കുകയാണ്. പിന്നെങ്ങനെ ഇത്തരം സംഭവങ്ങള്‍ ആവര്‍ത്തിക്കാതിരിക്കും? കേരളത്തിന് അപമാനമാണ് ഇത്തരം സംഭവങ്ങളെന്നും കുഞ്ഞാലിക്കുട്ടി പറഞ്ഞു.

തങ്ങള്‍ അധികാരത്തില്‍ വന്നാല്‍ നീതി ലഭിക്കുമെന്നും ഇല്ലെങ്കില്‍ രണ്ടാംകിട പൗരന്‍മാരാവുമെന്നും പറയുന്നവര്‍ പ്രവര്‍ത്തിയില്‍ ഇത് കാരണിക്കാന്‍ തയ്യാറാവണം. നിലപാടുകള്‍ തെരഞ്ഞെടുപ്പ് വരുമ്പോഴുള്ള പരസ്യങ്ങളിലൊതുക്കരുത്. പാലം കടന്നാല്‍ കൂരായണ നിലപാട് നിര്‍ത്തണം. ചില ജില്ലകളില്‍ നീതികാരിക്കാന്‍ കഴിയാത്ത അന്തരമാണ് പ്ലസ് വണ്‍ സീറ്റുകളുടെ എണ്ണത്തിലുള്ളത്. ഇതിന് സാശ്വത പരിഹാരം വേണം. യു.ഡി.എഫ് അധികാരത്തിലിരുന്ന സമയത്ത് അനുവദിച്ച സീറ്റുകളിലാണ് ഇന്നും മേല്‍പറഞ്ഞ ജില്ലക്കാര്‍ പഠിക്കുന്നത്. അന്ന് സീറ്റനുവദിച്ചപ്പോള്‍ വാരിക്കോരി കൊടുക്കുന്നു എന്ന് ആക്ഷേപിച്ച് സമരം ചെയ്തവരാണ് സി.പി.എമ്മുകാര്‍.

ഈ അസഹിഷ്ണുത അവസാനിപ്പിക്കണം. മലബാര്‍ മേഖലയിലെ വിദ്യാര്‍ത്ഥികള്‍ നേരം പുലര്‍ന്നാല്‍ സീറ്റു തേടി അലയുന്ന കാഴ്ചയാണ് നിലവിലുള്ളത്. ഇതിനു പരിഹാരം കാണണം. ന്യായമായ കാര്യങ്ങള്‍ പറയുമ്പോള്‍ നിഷേധിക്കുന്ന നിലപാട് ശരിയല്ല. എങ്ങനെ പറഞ്ഞവരെല്ലാം അവസാനം മുട്ടു മടക്കിയ ചരിത്രമാണുള്ളത്. ജനങ്ങള്‍ അതിനുള്ള പണി വൈകാതെ തരും. യു.ഡി.എഫ് എം.എല്‍.എമാരുടെ നേതൃത്വത്തില്‍ മുഖ്യമന്ത്രിയെ കാണുമെന്നും കുഞ്ഞാലിക്കുട്ടി പറഞ്ഞു. ജില്ലാ വൈസ് പ്രസിഡന്റ് ഉമര്‍ അറക്കല്‍ അധ്യക്ഷത വഹിച്ചു. പറഞ്ഞു.

മുസ്‌ലിം ലീഗ്‌  സംസ്ഥാന വൈസ് പ്രസിഡന്റ് സി.പി സൈതലവി, സെക്രട്ടറി അബ്ദുറഹിമാന്‍ രണ്ടത്താണി, നാലകത്ത് സൂപ്പി, പി.കെ അബ്ദുല്‍ റബ്ബ്, സുഹറ മമ്പാട്, അഡ്വ. എം റഹ്മത്തുല്ല. എം.എല്‍.എമാരായ അഡ്വ. യു.എ ലത്തീഫ്, മഞ്ഞളാംകുഴി അലി, കുറുക്കോളി മൊയ്തീന്‍, മുസ്്‌ലിം യൂത്ത് ലീഗ് ദേശീയ ജനറല്‍ സെക്രട്ടറി അഡ്വ. വി.കെ ഫൈസല്‍ ബാബു, എം.എസ്.എഫ് സംസ്ഥാന പ്രസിഡന്റ് പി.കെ നവാസ് പ്രസംഗിച്ചു. മുസലിം ലീഗ്‌ ജില്ലാ ജനറല്‍ സെക്രട്ടറി പി. അബ്ദുല്‍ ഹമീദ് എം.എല്‍.എ സ്വാഗതവും ട്രഷറര്‍ അഷ്‌റഫ് കോക്കൂര്‍ നന്ദിയും പറഞ്ഞു.

തെരഞ്ഞെടുപ്പ് നിയമലംഘനമാണ് കേന്ദ്ര സർക്കാർ നടത്തിയത്. സുപ്രിംകോടതിയിൽ കേന്ദ്രം കൊടുത്ത ഉറപ്പ് ഇപ്പോൾ തിരക്കിട്ട് നടപ്പാക്കില്ല എന്നാണ്. എന്നാൽ കോടതിയെ തെറ്റിദ്ധരിപ്പിച്ചാണ് ഇപ്പോൾ സി.എ.എ നടപ്പാക്കിയത്. തെരഞ്ഞെടുപ്പ് മുന്നിൽക്കണ്ടുള്ള ഒരു പാഴ് വേലയാണ് സർക്കാർ നടത്തിയത്. വിദഗ്ധരുമായി ആലോചിച്ച് നിയമപരമായ നടപടികളിലേക്ക് കടക്കുമെന്നും അദ്ദേഹം വ്യക്തമാക്കി.