മുസ്ലിം ലീഗിന്റെയും പോഷക സംഘടനകളുടെയും വാര്‍ഡ്/ശാഖ തലം തൊട്ട് സംസ്ഥാന, ദേശീയ തല അംഗങ്ങളടക്കമുള്ളവരുടെ പേരും ഫോണ്‍ നമ്പറും യഥാസമയം പാര്‍ട്ടി പ്രവര്‍ത്തകന്മാര്‍ക്ക് ലഭ്യമാകും. മുസ്‌ലിം ലീഗിന്റെയും പോഷക സംഘടനകളുടെയും വാര്‍ഡ്/ ശാഖാതലം തൊട്ട് ജില്ലാതലം വരെയുള്ള പാര്‍ട്ടി പരിപാടികളും യോഗതീരുമാനങ്ങളും ഹാജര്‍ വിവരങ്ങളും മറ്റും ആപ്പില്‍ ലഭ്യമാകും. മുസ്ലിം ലീഗിന്റെയും പോഷക സംഘടനകളുടെയും ജില്ലയിലെ മുഴുവന്‍ ഘടകങ്ങളുടെയും പെര്‍ഫോമന്‍സ് റിപ്പോര്‍ട്ട്, റാങ്കിംഗ്, എസ്.എം.എസ് സംവിധാനം എന്നിവ ആപ്പിലൂടെ ലഭ്യമാകും.

മുസ്ലിം ലീഗ് കാസര്‍കോട് ജില്ലാ സംഘടന ഡിജിറ്റലൈസേഷന്‍ പ്രഖ്യാപനവും ആപ്പ് ലോഞ്ചിംഗും ഒക്ടോബര്‍ 13ന് ഉച്ചക്ക് രണ്ടു മണിക്ക് ചെര്‍ക്കള ഐ മാക്‌സ് ഓഡിറ്റോറിയത്തില്‍ നടക്കുന്ന പരിപാടിയില്‍ മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി നിര്‍വഹിക്കും. മുസ്‌ലിം ലീഗ് ജില്ലാ ടെക്‌നിക്കല്‍ വിംഗാണ് ഡിജിറ്റലൈസേഷന്‍ സംവിധാനവും ഐ.യു.എം.എല്‍ ഗ്രീന്‍ കണക്ട് ആപ്പും വികസിപ്പിച്ചെടുത്തത്.

സ്മാര്ട് സിറ്റി പദ്ധതിയില്‍ സര്‍ക്കാര്‍ കാര്യക്ഷമത കാണിച്ചില്ല. അതിനെ കൊല്ലാകൊല ചെയ്തു. യുഡിഎഫ് കൊണ്ടുവന്ന പദ്ധതിയോട് എല്‍ഡിഎഫിനുള്ള മനോഭാവം ആദ്യഘട്ടത്തില്‍ തന്നെ വ്യക്തമായിരുന്നു. ഏത് സ്മാര്‍ട്ട് സിറ്റി, എന്ത് സ്മാര്‍ട്ട് സിറ്റി എന്നാണ് ചോദിച്ചത്. പരാജയ കാരണം ജനങ്ങളോട് വിശദീകരിക്കണം. യുഡിഎഫ് വെറുതെയിരിക്കില്ലെന്നും കാര്യങ്ങളെക്കുറിച്ച് പഠിക്കുമെന്നും അദ്ദേഹം പറഞ്ഞു.

ന്യൂനപക്ഷ, പിന്നാക്ക, രാജ്യത്തെ ബലഹീനരായ ജനവിഭാഗങ്ങളുമെല്ലാം വലിയ ഭീതിയിലും ആശങ്കയിലുമാണ്. എന്നാല്‍ കേന്ദ്ര, ബി.ജെ.പി സര്‍ക്കാരുകള്‍ക്ക് അതൊന്നും വിഷയമല്ല. ഭരണഘടന ഉയര്‍ത്തിപ്പിടിച്ച് രാജ്യത്തിന്റെ അഖണ്ഡത കാത്തുസൂക്ഷിക്കാന്‍ പ്രതിജ്ഞ പുതുക്കേണ്ട സമയമാണിത്. കലാപം അഴിച്ചുവിടാനുള്ള ഗൂഢശ്രമമാണ് രാജ്യത്തെങ്ങും നടക്കുന്നത്. ഒരു ആരാധനാലയം കഴിഞ്ഞാല്‍ മറ്റൊന്ന് എന്ന തരത്തില്‍ ആരാധനാലയങ്ങള്‍ കുഴിച്ചു നോക്കുന്ന പദ്ധതി നല്ലതിനല്ല. അത്തരം രാഷ്ട്രീയത്തിന് തിരിച്ചടിയുണ്ടാകും. കഴിഞ്ഞ ലോക്സഭാ തെരഞ്ഞെടുപ്പില്‍ അയോധ്യയില്‍ ബി.ജെ.പി പരാജയപ്പെട്ടത് ഉദാഹരണമാണ്.

മുണ്ടക്കൈ ദുരന്തത്തിലെ ഇരകളുടെ കാര്യത്തില്‍ കേന്ദ്ര, സംസ്ഥാന സര്‍ക്കാരുകള്‍ അലംഭാവം തുടരുമ്പോള്‍ പ്രക്ഷോഭ സമരങ്ങളെ കുറിച്ച് ആലോചിക്കേണ്ടി വരുമെന്നും കുഞ്ഞാലിക്കുട്ടി പറഞ്ഞു. പുനരധിവാസത്തിലെ കാലതാമസം സഹായം നല്‍കാന്‍ തയ്യാറായി നില്‍ക്കുന്ന സന്നദ്ധ സംഘടനകള്‍ക്ക് പോലും പ്രയാസമായിരിക്കുകയാണ്. വിഷയം പാര്‍ലമെന്റില്‍ ശക്തമായി ഉന്നയിക്കുമെന്നാണ് പ്രിയങ്കാഗാന്ധി പറഞ്ഞത്.

സി.ബി.ഐ അന്വേഷണം വേണമെന്ന നവീന്‍ ബാബുവിന്റെ കുടുംബത്തിന്റെ ആവശ്യം അംഗീകരിച്ചു കൊടുക്കുകയായിരുന്നു മര്യാദയെന്നും സി.പി.എം എതിര്‍ക്കുന്നത് സംശയാസ്പദമാണെന്നും കുഞ്ഞാലിക്കുട്ടി പറഞ്ഞു. ഇത്തരം വിഷയങ്ങളില്‍ കുടുംബങ്ങള്‍ക്കൊപ്പം നില്‍ക്കുകയായിരുന്നു മുന്‍ ഗവണ്‍മെന്റികള്‍ ചെയ്തിരുന്നത്.

കേരളത്തിലെ യൂണിവേഴ്സിറ്റി ഭരണം ശരിയാംവിധത്തിലല്ല നടക്കുന്നതെന്ന് യു.ഡി.എഫിന് അഭിപ്രായമുണ്ടെന്നും എന്നാല്‍ ഗവര്‍ണര്‍ കയറി ഭരിക്കുകയെന്നത് അംഗീകരിക്കാനാവില്ലെന്നും കുഞ്ഞാലിക്കുട്ടി പറഞ്ഞു. തെരഞ്ഞെടുക്കപ്പെട്ട സര്‍ക്കാരുകളുടെ താല്‍പര്യത്തിനനുസരിച്ച് മാത്രമേ ഗവര്‍ണര്‍ പ്രവര്‍ത്തിക്കാന്‍ പാടുള്ളു. എന്നാല്‍ ബി.ജെ.പി ഇതര സര്‍ക്കാരുകള്‍ ഭരിക്കുന്ന സംസ്ഥാനങ്ങളിലെ ഗവര്‍ണര്‍ ഭരണം രാഷ്ട്രീയ തന്ത്രമാണെന്നും അനുകൂലിക്കാനാവില്ലെന്നും കുഞ്ഞാലിക്കുട്ടി കൂട്ടിച്ചേര്‍ത്തു.

ഒരു ജനതക്ക് ലഭിക്കേണ്ട ഏറ്റവും കുറഞ്ഞ നീതി എന്ന് പറയുന്നത് ഭയ രഹിതരായി ജീവിക്കാനുള്ള സാഹചര്യം ഉണ്ടാക്കുക എന്നുള്ളതാണ്. അതില്ലാതെ മറ്റെന്ത്‌ ഉണ്ടായിട്ടും കാര്യമില്ല. ഭരിക്കപ്പെടുന്ന സമൂഹത്തിന് സമാധാനത്തിലും ഭയരഹിതരായും ജീവിക്കാനുള്ള സാഹചര്യം സൃഷ്ടിച്ചു കൊടുക്കൽ ഭരണകൂടത്തിന്റെ വലിയ ഉത്തരവാദിത്വമാണ്. അത്തരമൊരു ഉത്തരവാദിത്വം നിർവ്വഹിക്കുന്നതിൽ മണിപ്പൂരിലെ ബി.ജെ.പി സർക്കാർ തീർത്തും പരാജയപ്പെട്ടിരിക്കുന്നു. അതിനോടുള്ള പ്രധാനമന്ത്രിയുടെയും കേന്ദ്ര സർക്കാരിന്റെയും നിസ്സംഗത ഭീതി ജനിപ്പിക്കുന്നതാണ്. കുഞ്ഞാലിക്കുട്ടി പറഞ്ഞു.

രാജ്യത്ത് നടപ്പാക്കാൻ ഉദ്ദേശിക്കുന്ന ഹിംസയുടെ രാഷ്ട്രീയമാണ് മണിപ്പൂരിലും ബി.ജെ.പി പ്രയോഗിക്കുന്നത്. മഹിതമായ ജനാധിപത്യ മൂല്യങ്ങളാണ് ഇതിലൂടെ അപകടപ്പെടുന്നത്. മണിപ്പൂരിന്റെ വർത്തമാന ചിത്രങ്ങൾ ലോകത്തിന് മുന്നിൽ ഈ മഹാരാജ്യത്തെ നാണം കെടുത്തിയിരിക്കുന്നു. ഈ വെറുപ്പിന്റെ രാഷ്ട്രീയത്തെ അംഗീകരിക്കാൻ ഇന്ത്യയിലെ ബഹുസ്വര സമൂഹത്തിന് സാധ്യമല്ല. ഒരു സമൂഹത്തിന്റെ ജീവിക്കാനുള്ള അവകാശത്തിനു മേൽ കടന്ന് കയറുന്നത് ഒരു തരത്തിലും അംഗീകരിക്കാവുന്നതല്ല. കുറ്റകരമായ മൗനം വെടിഞ്ഞ് കേന്ദ്ര സർക്കാർ ഈ വിഷയത്തിൽ ഇടപെടണം. പ്രധാന മന്ത്രി തന്നെ ഇതിന് മുന്നിട്ടിറങ്ങണം. അശാന്തിയുടെ തീ ആളിക്കത്തുന്ന മണിപ്പൂരിന്റെ മണ്ണിൽ സമാധാനം തിരിച്ചെടുക്കാൻ ശക്തമായ ഇടപെടലുകൾ നടത്തണമെന്ന് കേന്ദ്ര സർക്കാരിനോട് ആവർത്തിച്ച് ആവശ്യപ്പെടുകയാണെന്നും അദ്ദേഹം പറഞ്ഞു.

ബാബരി മസ്ജിദ് തകർക്കപ്പെട്ട സമയത്ത് അവസരം മുതലാക്കി കൊള്ളയും കൊലയുമായി ഇറങ്ങി മുസ്‌ലിം സമൂഹത്തെ വഴി തെറ്റിക്കാൻ പലരും ശ്രമിച്ചപ്പോൾ അതിനെ എതിർത്ത് തോൽപ്പിച്ച് സമൂഹത്തെ ശരിയായ വഴിയിലൂടെ നയിച്ചത് മുസ്ലിം ലീഗ് ആണ്.അതിന്റെ ഗുണ ഫലങ്ങൾ രാജ്യവും സമൂഹവും അനുഭവിച്ചിട്ടുണ്ട്.ഈ വസ്തുത കേരളത്തിലെ ബി. ജെ. പിക്കാരെങ്കിലും തുറന്ന് സമ്മതിച്ചിട്ടുണ്ട്. എന്നും മതേതര പക്ഷത്ത് നിന്നുകൊണ്ടുള്ള മുസ്‌ലിം ലീഗിന്റെ പ്രവർത്തനത്തെ എതിരാളികൾക്ക് പോലും അംഗീകരിക്കേണ്ടി വന്നിട്ടുണ്ട്.

കോൺഗ്രസുമായി മുസ്‌ലിം ലീഗിനുള്ള ആത്മ ബന്ധം ശ്രീമതി ഇന്ദിരാ ഗാന്ധിയുടെ കാലം മുതലുള്ളതാണ്. മുസ്‌ലിം ലീഗ് മതേതര കക്ഷിയാണെന്ന ശ്രീ രാഹുൽ ഗാന്ധിയുടെ നിരീക്ഷണം അവരുടെ അനുഭവത്തിൽ നിന്നുള്ളതാണ്. ഞങ്ങളതിനെ വളരെ വലിയ ഉത്തരവാദിത്വത്തോടെയാണ് നോക്കിക്കാണുന്നെതെന്നും അദ്ദേഹം പറഞ്ഞു.

വ്യക്തിപരമായി ഏറെ അടുപ്പവും, സ്വാധീനവും ചെലുത്തിയിരുന്ന വ്യക്തിത്വമായിരുന്നു ശ്രീ. ദണ്ഡപാണി. മലപ്പുറം വെടിവെപ്പ് കാലം മുതൽ ആരംഭിച്ചതാണ് അദ്ദേഹവുമായുള്ള ആത്മബന്ധം. അന്ന് കേസ് നടത്തിയിരുന്ന മുൻ അഡ്വക്കേറ്റ് ജനറൽ രത്‌നസിംഗിന്റെ കൂടെ ഉണ്ടായിരുന്ന അഡ്വ.ദണ്ഡപാണിയുടെ നിയമ സഹായങ്ങളും കേസ് നടത്തിക്കൊണ്ട് പോകുന്നതിൽ ഉപകരിച്ചത് ഓർത്ത് പോകുകയാണ്. പിന്നീടങ്ങോട്ട് രാഷ്ട്രീയ ജീവിതത്തിലും വ്യക്തി ജീവിതത്തിലും അദ്ദേഹത്തിന്റെ നിയമോപദേശങ്ങളും, പിന്തുണയും വലിയ കരുത്തായിട്ടുണ്ട് എന്നത് ഈ അവസരത്തിൽ സ്മരിക്കുകയാണ്. ഒരഭിഭാഷകൻ എന്നതിനപ്പുറത്ത് വ്യക്തിപരമായൊരു അടുപ്പം ഞങ്ങൾക്കിടയിലുണ്ടായിരുന്നു.അദ്ദേഹം അനുസ്മരിച്ചു.

കഴിഞ്ഞ യുഡിഎഫ് ഗവണ്മെന്റിന്റെ കാലത്ത് അഡ്വക്കേറ്റ് ജനറൽ ആയി സേവനം അനുഷ്ഠിച്ച അദ്ദേഹം ഗവണ്മെന്റിന് വേണ്ടി വളരെ സമർത്ഥമായി കാര്യങ്ങൾ കൈകാര്യം ചെയ്തിരുന്നു. നിയമത്തിലെ അപാരമായ അവഗാഹവും, അത് പ്രായോഗിക തലത്തിൽ പ്രയോഗിച്ച് ഫലിപ്പിക്കാനുള്ള വൈഭവവും സർക്കാരിന്റെ മുന്നോട്ടുള്ള പ്രയാണത്തിന് ഏറെ ഉപകാരപ്പെട്ടിട്ടുണ്ട്. ദിനേനയെന്നോണം അദ്ദേഹം ഞങ്ങളുമായൊക്കെ ബന്ധപ്പെടുകയും ആശയ വിനിമയം നടത്തുകയും ചെയ്തിരുന്നു. പ്രമാദമായ പല കേസുകളിലും സർക്കാരിന് നേട്ടമുണ്ടാക്കി തരുന്നതിൽ അദ്ദേഹത്തിന്റെ അഭിഭാഷക മികവ് വിജയിച്ചിരുന്നു.പി.കെ.കുഞ്ഞാലിക്കുട്ടി അനുസ്മരണ കുറിപ്പിൽ ചൂണ്ടിക്കാട്ടി.

കെ.പി.ദണ്ഡപാണിയുടെ വസതിയിലെത്തി അന്തിമോപചാരം അർപ്പിച്ച പി.കെ.കുഞ്ഞാലിക്കുട്ടി കുടുംബാംഗങ്ങളുടെ ദു:ഖത്തിൽ പങ്ക് ചേരുകയും ചെയ്തു.