തകര്‍ന്നുവീണ വിമാനങ്ങളില്‍ ഒന്ന് ആകാശമധ്യേ ഇന്ധനം നിറക്കാന്‍ ശേഷിയുള്ളതാണ്. പറന്നുയര്‍ന്ന ശേഷം ഇന്ധനം നിറക്കല്‍ പരിശിലീക്കുമ്പോഴാണ് ദുരന്തം. കാണാതായവര്‍ക്കുവേണ്ടി ഊര്‍ജിത തെരച്ചില്‍ തുടരുകയാണ്. ജപ്പാന്റെ ഒമ്പത് വിമാനങ്ങളും മൂന്ന് കപ്പലുകളും രക്ഷാപ്രവര്‍ത്തനത്തില്‍ പങ്കെടുക്കുന്നുണ്ട്.

രക്ഷപ്പെട്ട സൈനികരില്‍ ഒരാളെ അപകടം സംഭവിച്ച് ഒരു മണിക്കൂറിന് ശേഷവും മറ്റൊരാളെ 10 മണിക്കൂറിന് ശേഷവുമാണ് കണ്ടെത്തിയത്. സി-130 വിമാനത്തില്‍ അഞ്ച് സൈനികരും എഫ്-18 വിമാനത്തില്‍ രണ്ടു പേരുമുണ്ടായിരുന്നു. ജപ്പാനില്‍ അരലക്ഷത്തിലേറെ യു.എസ് സൈനികരുണ്ട്. ജപ്പാനില്‍ നേരത്തെയും യു.എസ് സൈനിക വിമാനങ്ങള്‍ അപകടത്തില്‍ പെട്ടിരുന്നു.

നവംബറില്‍ ഹോര്‍നറ്റ് യുദ്ധം വിമാനം ഒകിനാവക്ക് സമീപം കടലില്‍ തകര്‍ന്നുവീണെങ്കിലും പൈലറ്റുമാര്‍ രണ്ടുപേരും രക്ഷപ്പെട്ടു. കഴിഞ്ഞ വര്‍ഷം ഡിസംബറില്‍ ഒരു യു.എസ് ഹെലികോപ്ടര്‍ സ്‌കൂളിനുമുകളില്‍ തകര്‍ന്നുവീണത് പ്രദേശവാസികളുടെ പ്രതിഷേധത്തിന് കരണമായി.

കോര്‍പറേറ്റ് ആന്റ് ലെഷര്‍ ട്രാവല്‍ എന്ന കമ്പനിയുടെ ഉടമയായ മാക്‌സ് ക്വാര്‍ട്ടര്‍മെയ്ന്‍ ആണ് വിമാനം പറത്തിയിരുന്നത്. മരിച്ച അമേരിക്കക്കാരില്‍ ഗ്രെഗ് റെയ്‌നോള്‍ഡ്‌സ്, റസല്‍ മുന്‍ഷ് എന്നിവരാണ് ഇവരുടെ കുടുംബങ്ങള്‍ സ്ഥിരീകരിച്ചു. കൊല്ലപ്പെട്ട നാലു പേര്‍ അമേരിക്കക്കാരാണെന്ന് ഓസ്‌ട്രേലിയയിലെ യു.എസ് എംബസി വ്യക്തമാക്കിയിട്ടുണ്ട്.

നാല് അമേരിക്കന്‍ ടൂറിസ്റ്റുകളും ഗോള്‍ഫിങ് വെക്കേഷനില്‍ ആയിരുന്നു. ഇവരുടെ യാത്രയും താമസവും സൗകര്യപ്പെടുത്തിയിരുന്നത് മാക്‌സ് ക്വാര്‍ട്ടര്‍മെയ്‌ന്റെ കമ്പനി ആണെന്ന് കരുതപ്പെടുന്നു. മെല്‍ബണിലെ വലിയ രണ്ടാമത്തെ വിമാനതാവളമായ എസന്‍ഡനില്‍ നിന്ന് പറന്നുയര്‍ന്ന വിമാനം തൊട്ടടുത്തുള്ള മാളില്‍ ഇടിച്ച് അഗ്നിഗോളമായി മാറിയതായി ദൃക്‌സാക്ഷികള്‍ പറഞ്ഞു. വളരെ താഴ്ന്നും വേഗത്തിലുമാണ് വിമാനം മാളില്‍ ഇടിച്ചതെന്നും സമീപപ്രദേശത്ത് കത്ത ചൂട് അനുഭവപ്പെട്ടെന്നും ദൃക്‌സാക്ഷിയായ ടാക്‌സി ഡ്രൈവര്‍ ജേസണ്‍ പറഞ്ഞു. എഞ്ചിന്‍ തകരാറാണ് ദുരന്തത്തിന് കാരണം എന്നാണ് നിഗമനം.